更多
2016-01-29
3847 瀏覽
今日喺老豆同媽咪銀婚紀念日,晚上帶佢地嚟Caprice過個浪漫嘅紀念日,美中不足嘅喺多咗我呢個電燈膽,不過老豆同媽咪話有我仲特別。裝修時尚高雅,比人一種好舒服嘅感覺,水晶吊燈好靚。高級餐廳衛生同服務就唔駛講梗喺好好喇。老豆點咗三文魚意大利飯,對於法國菜嚟講,呢個菜份量算大喇。可以填飽肚。三文魚好大塊,魚肉煎得啱啱好,好嫩滑,唔會一切就好鬆散。個飯都好好食,加埋d汁更加好食。我點咗鮟魚伴南瓜蓉,做得好靚。法國菜喺做得最靚同最精緻嘅。鮟魚好滑好有彈性,仲有d 鹹香嘅感覺。南瓜蓉好新鮮好甜平衡翻鮟魚嘅鹹香,呢個配搭好好。媽咪點咗羊膝,羊膝圓柱形狀,一上檯就聞到好香嘅羊肉味,粉嫩嘅肉色好吸引人,嫩滑得嚟帶有層次感。小米和其他配菜味道還算可以。香煎螯龍蝦伴雲吞配特級魚子醬,擺盤好靚好自然。四尾螯龍蝦喺西洋菜泥邊邊,再加幾隻去吞同魚子醬,五顏六色搭配得好靚。蝦好大只望見就想一啖食落肚,肉質鮮甜彈牙,雲吞裏面都喺龍蝦肉做餡,皮好薄餡鮮美,口感好好。魚子醬喺用Kristal caviar,品質好,味道好。
張貼