Burgeroom (美麗華廣場1期) (已結業)

放工和男朋友約了一起吃晚餐兩個人不約而同地想吃漢堡於是找來了這一間 — Burgeroom 一起試一試餐廳位置靠近諾士佛台 從這邊入更方便漢堡款式選擇也不少 有牛有海鮮更有不同的小吃可以點 款款都好吸引特量芝士牛肉漢堡牛肉漢堡帶着肉汁 濃濃牛香味 入口十分juicy配埋特量溶岩芝士好邪惡還有生菜和番茄 質感更飽滿又豐富一口咬下去 鬆軟的麵包混合不同的配料多層次味覺享受 正吉列大蝦蛋漢堡吉列大蝦大概有三大條每條都炸得外層香脆 內裏蝦肉嫩滑蛋厚厚的一層 用料十足配上沙律和醬汁 不錯不錯蜜味辣雞翼先把雞翼炸得香脆 灑上少量辣粉甜甜辣辣 味道十分夾 而且內裡肉質嫩滑一份六隻全都吃光 啤酒Orion六點前更有優惠價$39 好抵呀六點後也只是$60 不算貴漢堡配濃香麥味啤酒也是不錯的選擇

最鐘意同男友休休閒咁過空閑嘅一日，今日嘅brunch就揀咗位於尖沙咀美麗華嘅Burgerroom 🍔😋 （經常聽月友話佢嘅burger好好食！）朝早十一點半去餐廳岩岩開，冇咩人！可以享受兩個人寧靜嘅時間☺️我哋分別叫咗一份洋蔥圈、一份特量芝士牛肉漢堡、一份大烤菇芝士牛肉漢堡仲有加咗一份午市漢堡套餐（+$30，有一份薯條同飲品）洋蔥圈：好脆身，炸衣入面嘅洋蔥一圈圈咁，炸完仲好有洋蔥嘅口感！仲要唔會有油炸味！幾好食！特量芝士牛肉漢堡：啲芝士多到滿瀉！芝士味道有少少鹹，而牛肉本身嘅調味唔重，一啖咬落去味道岩岩好！牛肉亦都好厚身，有兩隻手指壘埋咁厚！咬落去好juicy😋😋 男友食完好滿足同好飽！非常推薦😋大烤菇芝士牛肉漢堡：塊烤菇有舊牛肉咁厚！烤菇口感好厚實嫩滑，同幾有彈性，仲有淡淡嘅菇味😂鐘意食菇嘅你一定會鐘意！ 牛肉都係一樣咁juicy! 呢嗰漢堡巨大到我要分開一層層食！但都係好好食😋推薦！ 呢間係我食過嘅burger入面數一數二好食嘅😋

今天和朋友來到尖沙咀食漢堡包 ，Burgeroom位於尖沙咀鬧市，係美麗華廣場入面， 交通好方便。 食物種類都好多選擇嘅 ，尤其是漢堡包 ，款式好多 種類都好特別， 有軟殼蟹 ，牛油果， 又有廣島蠔，好有新意，睇到都好想樣樣都食。小食嘅種類都好多選擇，薯條都有好多種類嘅薯條， 有旋風薯條，有平時食開嘅薯條 ，又有炸雞翼等等小食。鋪頭環境都好現代化，好時尚，好年青化，坐得好舒服。我朋友叫咗鮮榨奇異果汁，味道好清新，仲有一粒粒嘅奇異果子，好好飲。我哋叫咗旋風薯條,分量好大 ,味道都好好食, 熱辣辣 香口鬆脆。我叫咗牛油果牛肉漢堡， 漢堡包都好大份 ，牛肉都好足料， 牛油果蓉好多 ，食落去口感好清新，牛肉入口即溶，絕佳配搭。我朋友叫咗炸軟殼蟹漢堡包， 軟殼蟹好大隻，有手板咁大隻 ，食落去鬆脆香軟， 食得出係新鮮炸出嚟嘅 ，肉質都好鮮嫩，用料新鮮。

尖沙咀嘅Burgeroom裝修充滿工業風，貫徹餐廳走型格路線，落單嘅位置用上路牌顯示，玩味十足！餐廳主打burger，有多款選擇；牛、雞、魚、海鮮，甚至連素食都有提供，選擇多多，實在係花多眼亂！餐廳以半自助形式運作，而且全日無加一服務費。入到去坐低咗之後就可以出counter叫嘢食，叫完之後坐返埋自己嗰位，食物整好後店員就會送過嚟，如果揀樽裝或罐裝飲品，落單後就要自己響雪櫃度拎。餐廳有清水供應但係就要自己出去斟啦。 點咗兩款漢堡包加兩款小食。牛油果醬芝士牛肉漢堡漢堡包勁大個，份量頗驚人，牛肉好厚，咬落口充滿肉汁，而且有濃喐嘅牛肉味。番茄、生菜十分新鮮，配搭車打芝士、千島醬、牛油果醬，全部加埋一齊令到成嗰味道提升哂，推介！軟殼蟹漢堡原隻軟殼蟹新鮮炸起，炸漿包裹住鮮甜又多蟹膏嘅軟殼蟹，上枱時軟殼蟹仍然香脆熱辣，配上番茄、生菜等其它食材，層次十分豐富，好味道。旋風薯條炸嘅時間啱啱好，薯條十分香脆，沾上少量嘅茄汁，味道唔錯。蜜味辣雞翼新鮮炸出嚟，超級香脆，雞翼好鮮嫩，外脆內軟，微辣帶有少少蜜糖嘅甜味。漢堡包同小食都唔錯，而且餐廳環境好有feel，加上店員服務態度好好，適合同朋友嚟傾下偈吹下水！

嚟到尖沙咀，真係唔愁冇嘢食。但係呢間Burgeroom長期都Full, 要排隊、好熱鬧今日同friend出開嚟，就一於試下啲burger有幾好食啦～估唔到burger嘅變化都可以有咁多，除咗牛肉類、魚、海鮮類、雞鴨類，仲有素類。另外仲有all day breakfast、小食、沙律同埋drink menu，都幾花多眼亂呀。呢度唔收加一，採取自助付款形式。呢度主要食burger，但係入去都有種似就Bar嘅感覺。包括係啲間隔、裝飾、隱私度、空間感都Okay, 仲有個好大嘅bar corner 講番啲burger先。一個我哋叫咗蜜糖芥末大烤菇煙肉牛肉漢堡。Burger上枱嗰時都令我地都嘩咗一聲好多餡料呀！！店員已經好貼心咁幫我地切開咗兩半，啲饀料都係多到滿瀉，如果三五知己一齊來就可以share。要叫佢做「躺平漢堡」先得 牛肉可能刻意煮得生啲淋啲，有少少肉粒，好滑嫩。蜜糖芥末醬同大烤菇個味好夾，唔錯唔錯。啡菇好juicy,可惜個口唔夠大，唔可以一啖過食晒～唔知道一次過食會係點樣既味道呢😂😂另一個期待已久嘅係軟殼蟹漢堡，都冇失望呀。軟殼蟹size好大，分量剛好。而且炸漿好脆口，就算放咗少少時間，

之前食過，都有水準，難得星期日經過，點知無乜客，咁就順勢再食，可惜今次食過之後永遠唔會再食。叫咗一份鵝肝牛肉漢堡，軟殼蟹鵝肝漢堡，旋風薯條同飲品。漢堡份量足，軟殼蟹鵝肝漢堡係好食嘅，新鮮炸起夠晒熱，漢堡包都有烘過。旋風薯條都係新鮮炸起，夠脆同份量足。可惜牛肉漢堡，塊肉係食落無肉味同「梅」，唔似一般食嘅肉質，肉入面有白色組織，真係食完驚肚痛。要求更換嚟過一份肉，今次肉熟不過多筋，但都係唔好食，下次都係幫襯其他漢堡店...最後希望餐廳可以改善下啲肉

細細個（其實都係幾年前）已經喺加路連山道食Burgeroom，食到佢搬咗去fashion walk，再食到佢喺美麗華開分店，我一直都係Burgeroom嘅忠實擁躉。今日同朋友去開尖沙咀，梗係又嚟食吓burger啦牛油果醬芝士牛肉漢堡　$98Burgeroom嘅牛肉漢堡肉汁豐富、牛味濃郁，夾埋芝士一齊食真係冇得輸；牛油果醬有啲番茄粒同洋蔥粒，酸酸地甜甜地咁，為邪惡嘅芝士漢堡添一抹清新另外要讚一讚啲麵包，烘得非常鬆脆，食落仲有啲甜甜地咁大烤菇鱈魚柳漢堡　$110大烤菇好juicy，個人認為大烤菇無論配咩漢堡都夾，今次配鱈魚柳絕對係錦上添花呢度嘅鱈魚柳肉質好滑好厚身，啖啖肉，真係有魚味；而且炸得好酥脆，炸漿又夠薄，就算夾喺沙律醬度都依然好脆口，非常好食！牛油果醬芝士薯條　$68因為太欣賞牛油果醬X芝士嘅組合，所以我哋連薯條都係揀返呢款口味薯條炸得香口，醬料份量好大方，食到最後一條都仲有醬點，大滿足！！Snapple

今次朋友介紹黎呢間餐廳食漢堡，而我上網又見到D相好吸引，於是就黎左試。我地叫左2個招牌漢堡—鵝肝牛肉漢堡同埋大烤菇芝士牛肉漢堡。另外再叫左鱈魚手指配他他醬。先講漢堡，佢地都一樣好高身，漢堡好厚，D餡好豐富。鵝肝牛肉漢堡整得好好食同好香，所有野都好match，而佢嘅鵝肝煎得好好加埋D芝士同漢堡，令到成個包upgrade曬咁。大烤菇芝士牛肉漢堡都好食，塊菇真係好大，而且吸左漢堡味感覺好似食緊2塊漢堡咁。而呢鱈魚手指配他他醬都好食，D手指食落唔覺太油，而且食嘅時候D温度啱啱好配埋個醬令到我想叫多一份

今日黎到美麗華食呢個好多人都識嘅BurgerRoom餐廳好有美式酒吧feel,座位都唔少，平日8點去到等兩張枱就入到咁落單就要自己出去櫃檯度落嘅，直接俾埋錢返去個位度等神奇嘅係唔知點解佢又知我哋邊張枱可以deliver啲嘢食我哋amazing 講返嘢食先，漢堡以呢個價錢來講係成正比 因為好大份！🔸Mega Cheese Burger $110貪心的我叫左mega cheese 都唔算漏嘅 之前聽人講burgerroom 嘅肉好乾 但我食就幾juicy ah唔乾啊🔸Honey Mustard Portobello Beef Burger $120友人表示個搭配好食！🔸黑松露芝士薯條 份量都多 可以多人share 黑松露味沒芝士味咁重 而家諗翻起好想食！全部都即製 所以熱辣辣

早早預訂了的餐廳🍴最近情緒太差這個星期日不想獺在家裡粘著我的大床於是 出去走走 吃吃就算是自己一個也好這句話.. 在下何時「不習慣」自己一個了..無論如何..提早點點出門話雖在比較熟悉的地段但在下依然是會謎路的所以先出來找找地方在下提早了10分鐘入坐時間尚早 在下是第一位顧客紅色 黑色 皮梳化 盡頭的水泥和磗塊牆壁這種風格對在下而言有很大的局促感坐下後看著水吧位置感覺好多了點餐要到外面在下一早看好了menu所以直接走出去了Pineapple Hoki Fish Burger 🍔 +Cheese +Egg +Guacamole $130店員見意吃午巿的餐 加$30再轉特飲也比散點便宜好的 在下點了杯Mojito還有一份Scallop on Green $108飲料先上 冰上冰下的顏色大差別明顯是提人們先攪攪再飲Ron的味道慢慢出現強烈的薄荷葉味把其他的味道都蓋過了讓青檸沒得到一個最好的位置更令整杯飲料染上微微的苦澀沙律和主餐漢堡一起上嗯..在下當然會先吃沙律還是暖暖的帶子 四隻原隻出現好大的一盤啊看起來好像好大食咁沙律菜也有點大塊進食時有點障礙沙律汁清清的 酸酸又甜甜的 用量不多 正合在

今日約咗朋友去尖沙咀食burger，雖然今日係平日，但餐廳全場爆滿，等左一陣先有位，呢間人氣漢堡質量應該唔錯👍🏻👍🏻鵝肝牛肉漢堡$168大大塊鵝肝，一入口即溶，煎得外脆內軟，味道十分甘香，另外牛肉漢堡超多肉汁，好juicy，再加上自家製醬汁一齊食層次更加豐富！大烤菇芝士牛肉漢堡（轉素肉漢堡）$120呢度岩哂食素嘅朋友，因為牛肉漢堡可轉素肉漢堡，大啡菇肉質相當厚身，好juicy，再加埋半溶嘅芝士食超正！牛油果醬芝士薯條🍟$68薯條上有重量級芝士再加牛油果醬，味道超match，薯條炸得好金黃香脆，超好食！鱈魚手指配他他醬$55鱈魚手指炸到金黃色，完全沒有腥味，再配埋他他醬食簡直Perfect！雞扒沙律🥗$188份量都幾大，有一大塊雞扒，肉質鮮嫩再配上新鮮沙律菜食可大大減低油膩感！

今日要去尖沙咀行街，食晏時間，見到這間店的Burger 大大件好吸引，就入咗去試😁原來這裡是自己點餐後，坐低等服務員送餐，職員態度很好👍🏻點了兩款Burger和兩款小食👇🏽蜜糖芥末大烤菇煙肉牛肉漢堡$120個漢堡好巨型，超足料，好貼心的，上枱時個漢堡已經好完整的切開一半；原隻大啡菇烤得好香好多汁，牛肉漢堡厚得嚟唔乾有肉汁，煮得剛好，配埋煙肉和芥末醬一齊食，非常絕配，推介😋😋😋軟殼蟹漢堡$108同樣這個漢堡都是巨size，亦都好靚仔地切開咗一半；軟殼蟹炸得剛好，炸醬唔會太厚，配上好多蔬菜🥬好清新，無咁肉感，可以中和吓牛肉漢堡，推介😋😋😋芝士旋風薯條$60有啲似扭扭薯，脆口配以芝士醬一齊食，唔錯唔錯👍🏻雞肉條配蜜糖燒烤醬（6條）$60炸雞條味道和口感都不錯，但因為漢堡太好味，所以覺得小食不是太突出🤣整體來講，在這裡食Burger必定無衰，但只食漢堡又好似有點悶，所以可以叫多個小食和咖啡都不錯😊

講起Burgeroom🍔 的確有好多年無食過啦！仲記得之前係銅鑼灣食過兩次佢地既鵝肝漢堡所以印象都幾深刻！尖沙咀分店既Burgeroom就第一次食，店舖比起銅鑼灣既大好多！可能太耐無食過，加上menu 有好多款式漢堡同小食去選擇 所以去到真係咩都想食😂 牛肉鵝肝漢堡🍔係一個邪惡嘅配搭😏不過想食肥就肥啦🤣好有份量既漢堡呀！賣相都幾吸引，鵝肝外層煎得焦香內裏粉嫩，油脂都幾豐富食落很香口不會overcook 👍🏻牛肉好厚身眼看最少也有2cm相當有份量，很juicy上面還有一層溶化的芝士🌝仲有沙律菜做配菜，減低了油膩感 👍🏻素肉烤菇芝士漢堡🍔朋友仔話想試吓未來肉既burger😁所以叫左呢款素漢堡！佢話入面有大啡菇、素肉扒同埋芝士，感覺上都好似食緊真嘅肉咁，好滿足到佢想食肉但又想健康D既願望🤣 牛油果醬芝士薯條🍟原來唔止burger大份，連薯條嘅份量都非常多呀🌝😍 我地都係牛油果嘅Fans 所以見到有呢個牛油果醬嘅芝士薯條🍟就立即要試！牛油果醬好清新加左適量嘅檸檬汁，食落唔會好油膩！不過如果薯條再炸耐多一陣咁就完美😛😆鱈魚手指配他他醬熱辣辣 ！平時食burger 唔係好多餐廳都有魚手指小食架，當

雖然今日係星期1，但一樣係十分多人呀，畢竟最近天氣好熱，如果去商場行下，然後嘆住冷氣食餐好，都係大家想要的。最好就整個凍飲，大家chill下，咁就最好啦。今日一行二人叫了兩個burger , 兩杯冰茶，再整個薯條share食。 菠蘿鱈魚柳漢堡魚柳炸得好脆，超級正。漢堡有烘過，夾住魚柳係裡面，而魚柳個個外皮唔係普通既炸粉，而係一個好脆既外殼，配合菠蘿，就更加之清新。加上藩茄呀，完全唔會覺得膩。正呀! 另一個係蜜糖芥末大烤菇煙肉雞柳漢堡，專登揀另一個醬汁，鱈魚柳漢堡係沙律醬，今次就揀左蜜糖芥末，令大家share 食個陣更加多層次了。大烤菇煙肉雞柳漢堡，煙肉好香口就一定，大烤菇令這個多肉既漢堡健康一D,而且本身好juicy雞柳就好香既，而且都好厚好大件，肉質都唔錯。 波蘿冰茶，蜜桃冰茶冰茶好在係唔會太甜，好怕有時只有糖水味既冰茶，反而這裡既冰茶唔會過甜，配burger 食，其實係好好fresh加上天氣真係好熱，炎炎夏日噗漢堡冰茶十分正。 旋風薯條，又脆，又正。我覺得佢比平日直身薯條更正，本身已經調好味，大家傾下計，食下一條又一條。

去尖沙咀行街，又令我諗起一間尖沙咀都有分店嘅漢堡包店！同朋友行街行到熱熱地，又攰攰地，就去嗰間餐廳食下嘢，休息下先。餐廳空間好大，仲設有吧枱，飲返杯嘢都好夠氣氛喎，不過今日唔係太想飲酒😂坐低之後，店員就攞咗menu俾我哋。我哋揀咗牛油果醬芝士薯條，牛肉漢堡同令我念念不忘嘅軟殼蟹漢堡，另外再order咗coke zero。-牛油果醬芝士薯條好好食呀！熱辣辣嘅薯條配上半溶芝士，再加埋墨西哥式嘅牛油果醬加蕃茄粒，正呀！-牛肉漢堡最基本嘅款式，不過唔好諗住基本就冇好嘢喎，都好有水準㗎。兩塊包烘到少少脆，牛肉漢堡好厚身，又juicy，配上蕃茄，生菜同醬汁，增添味道同口感！-軟殼蟹漢堡呢個係餐廳嘅得意之作，全隻軟殼蟹夾喺漢堡包入面。軟殼蟹充滿蟹膏，炸得香脆，好正呀！咁特色嘅漢堡包真係抵佢俾我記住😂餐廳貼心咁將漢堡包開半，方便食用。最後加上冰凍汽水，感覺滿足😋