Burgeroom (美麗華廣場1期) (已結業)

今天和朋友來到尖沙咀食漢堡包 ，Burgeroom位於尖沙咀鬧市，係美麗華廣場入面， 交通好方便。 食物種類都好多選擇嘅 ，尤其是漢堡包 ，款式好多 種類都好特別， 有軟殼蟹 ，牛油果， 又有廣島蠔，好有新意，睇到都好想樣樣都食。小食嘅種類都好多選擇，薯條都有好多種類嘅薯條， 有旋風薯條，有平時食開嘅薯條 ，又有炸雞翼等等小食。鋪頭環境都好現代化，好時尚，好年青化，坐得好舒服。我朋友叫咗鮮榨奇異果汁，味道好清新，仲有一粒粒嘅奇異果子，好好飲。我哋叫咗旋風薯條,分量好大 ,味道都好好食, 熱辣辣 香口鬆脆。我叫咗牛油果牛肉漢堡， 漢堡包都好大份 ，牛肉都好足料， 牛油果蓉好多 ，食落去口感好清新，牛肉入口即溶，絕佳配搭。我朋友叫咗炸軟殼蟹漢堡包， 軟殼蟹好大隻，有手板咁大隻 ，食落去鬆脆香軟， 食得出係新鮮炸出嚟嘅 ，肉質都好鮮嫩，用料新鮮。