1316
87
29
港鐵尖沙咀/尖東站 B1 出口, 港鐵尖沙咀/尖東站 N5 出口 繼續閱讀
開飯介紹
餐廳裝潢走工業風,環境寬敞,且設有吧台,提供啤酒、紅、白酒等。餐廳提供多款漢堡,配料豐富,如牛油果、牛肉、鵝肝、鱈魚柳等,當中以鵝肝牛肉漢堡最受歡迎。 繼續閱讀
營業時間
星期一至四
11:00 - 23:00
星期五至六
11:00 - 00:00
星期日
11:00 - 23:00
公眾假期
11:00 - 23:00
公眾假期前夕
11:00 - 00:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
酒精飲品
自帶酒水
切餅費
泊車
電話訂座
加一服務費
室外座位
以上資料只供參考, 請與餐廳確認詳情
食評 (1543)
等級4 2024-04-26
264 瀏覽
今日兩個牛魔女(鐘意食牛肉😘😘)去行街兼搵食,行行下傾盆大雨,仲係黃色暴雨信號,冇辦法,唯有行入商場,轉左入尖沙咀彌敦道美麗華廣場,都有好多鋪頭可行。女人行街乜都啱,睇衫睇鞋睇化妝品,消磨左好多時間,又消耗左好多體力,攪到牛魔女肚餓添。行到美麗華廣場一期二樓 207鋪位,喺商場最入位置,有間工業風格的漢堡包餐廳,我隱約記得以前好似食過,印象很好,正合兩個牛魔女心意。於是決定在這里大快朵頤,食番兩個正宗漢堡包。餐廳很大很深,典型的工業風格,樓底好高,門口就用好多車轆🛞🛞裝飾,中間又用車轆🛞🛞做分隔。 中午時間有些外國人幫襯,可見是正宗西餐口味。餐廳用數碼點餐,漢堡包可以單點,又可以套餐形式,套餐的話包炸薯條🍟🍟和飲品☕️🥤, 食套餐抵好多,牛魔女當然喺最識食。😋我們點了兩個漢堡包套餐,一個是牛油果🥑🥑醬芝士漢堡🍔套餐,另一個是招牌漢堡包餐,黑鬆露芝士大烤菇🍄‍🟫🍄‍🟫煙肉🥓🥓漢堡包餐🍔再加一個田園沙律,🥒🍅🧅飲品方面就點了即磨咖啡☕️和熱檸水🍋。點完餐就坐定定等食。見到枱面的漢堡包,不得不承認有很大的驚喜感。漢堡包數下有最少六層,麵包是烘得熱熱的,見到中間芝士醬流曬出來,發出誘人嘅香味。牛肉漢堡好厚,一個大大啡菇又厚又多汁,好鮮甜,仲有一塊大煙肉包住漢堡扒,跟住喺蕃茄生菜,就算大力壓扁個包都放唔落口,我地兩個都要扮斯文將漢堡包拆件來食,好搞笑。🤣🤣我個牛油果醬芝士漢堡都非常吸引,兩個漢堡包兩個人分享,可以食到兩種味道,真係好開心好滿足。牛油果醬明顯係新鮮做的,不是罐頭那種,顏色是嫩綠誘人,香滑可口,單是賣相就引死人。兩個厚厚的漢堡包上插左支旗仔宣示漢堡包王的主權。🍟⛳️直薯條剛剛炸好,🍟熱辣辣香噴噴,點茄汁或者蘸啲牛油果醬都超正。為左健康我哋還點了一個田園沙律,份量超大超新鮮,沙律菜加上洋蔥大番茄沙律醋,加埋又香又多汁又大份的漢堡包,兩個牛魔女吃到不亦樂乎,邊吃邊看其他的漢堡包內容,心想下次要試其他口味。這裡的服務超好 ,店員哥哥有求必應,我們不清楚數碼點餐程序,他不厭其煩解釋清楚 , 漢堡包餐食到黃雨訊號解除,然之後繼續去行街濕平,振興香港經濟。💪💪 繼續閱讀
(以上食評乃用戶個人意見 , 並不代表OpenRice之觀點。)
尖沙咀一間食漢堡嘅舖頭🍔🍟🍗我覺得佢嘅質素對比差唔多價位嘅連鎖店例如Shake Shack /Five Guys好上唔少😂 店舖裝修工業風,放工同同事過嚟飲嘢食嘢肯定好chill,我去到嘅時候已經過咗lunch time,唔使同人迫~菜單有非常多嘅選擇,可以自由砌一個心目中嘅burger出嚟,嘢食方面點咗杯菠蘿梳打,一杯好正常嘅菠蘿梳打😂如果份量再多啲就好另外點咗份雞翼,望到張相都知正,成隻雞翼炸到金黃色,但又唔乾身有肉汁👍🏽👍🏽至於主角burger,其實點之前真係用咗好耐時間諗,因為又想食雞又想食牛又想食魚,無奈得一個人,試唔到咁多嘢,最終揀咗個鱈魚鵝肝漢堡。鵝肝芝士鱈魚柳呢個組合真係冇得頂,成個味道好match,入口即溶,仲有塊蕃茄可以解膩,而兩塊包亦都冇話俾食材嘅汁整到濕晒軟晒,呢點好評。而伴隨漢堡嘅仲有沙律同薯條,所以食物份量方面係絕對夠👍🏽👍🏽 繼續閱讀
(以上食評乃用戶個人意見 , 並不代表OpenRice之觀點。)
等級4 2024-06-03
13 瀏覽
主打美式漢堡的餐廳🇺🇸裝潢以工業風為主調,舖內裝修型格,設計時尚奪目😎漢堡款式超過40款選擇🍔除了肉類和海鮮之外,更有素食系列🥦🥬大烤菇漢堡份量十足🍄‍🟫菇味新鮮,牛肉多汁厚實🥩肉質鮮嫩軟綿,肉味濃郁😙雙層牛肉漢堡每塊肉起碼半吋厚🤩夠juicy夠彈牙💦還有芝士鹹鹹香香的味道🧀每口都有豐富層次感😍雞塊選用多汁香嫩的上等無骨雞脾肉🍗外層薄脆肉軟,脆炸之後,外表面香脆🔥内裡柔軟,香口惹味😋 繼續閱讀
(以上食評乃用戶個人意見 , 並不代表OpenRice之觀點。)
我想講我每次想食burger嘅時候,一定一定會諗到Burgeroom,因為每次食完都超級滿足😍基本上佢有好多burger我都食過😝今次食Burgeroom先發現,原來我之前嚟一直都冇影過相🤣因為佢一嚟到我就忍唔住即刻擺咗落口,今次終於控制到自己😆😆😆決定幫啲burger影吓寫真✨1 .黑松露芝士大烤菇煙肉牛肉漢堡套餐(跟餐直薯條)個包超足料🤣煎香咗嘅包面同包底,夾住充滿肉汁的牛肉,煎得啱啱好的煙肉,搭配十分juicy的大啡菇🍄‍🟫同黑松露醬,正!2. 墨西哥辣椒芝士牛肉漢堡套餐(跟餐直薯條)厚厚的牛肉漢堡,搭配惹味嘅墨西哥辣椒🌶️仲有burger 必備的芝士🧀、蕃茄、生菜🥬,再加上適量嘅醬汁,呢個配搭真係好好味🤤3. 香辣單骨雞翼配蜜糖芥未醬(8pcs)啱啱炸起的單骨雞翼,外面酥脆,入面仲好嫩同juicy,再加上蜜糖芥未醬,good!4.荔枝冰茶、忌廉(跟餐)荔枝冰茶入面有荔枝果肉碎,飲落好清新,好適合搭配漢堡,而且可以選擇甜度,適合唔鐘意太甜嘅我!如果想邪惡啲,可以搭配汽水,汽水同burger真係一個好好嘅配搭🤣另外一定要提嘅係店員超Nice🥹而且好貼心,會留意你嘅需要,喺我哋食到成手都係嘅時候,為我哋遞上濕紙巾,真係好感動❤️誠意將Burgeroom推介俾都鍾意食burger嘅你❣️ 繼續閱讀
(以上食評乃用戶個人意見 , 並不代表OpenRice之觀點。)
尖沙咀美麗華商場入邊嘅一間漢堡餐廳漢堡款式有超級多一定有一款啱你心水😆.🔥煙肉芝士牛肉漢堡 $95漢堡包嘅份量都唔少煙肉非常香脆芝士牛肉漢堡扒,配上少少醬汁味道不錯,但略嫌醬汁比較少.🔥鵝肝牛肉漢堡 $168可能因為價錢比較貴嘅關係所以跟餐仲有沙律菜😜減低鵝肝的油膩感有一大塊鵝肝😍入口即溶 同牛肉漢堡非常配合😃.🔥黑松露芝士薯條 $70黑松露芝士醬,可以選擇分開另上薯條系幼身嘅薯條,脆卜卜點配醬汁汁好好食😃😍冇得輸!.🔥鱈魚手指配他他醬 65/5條新鮮熱辣,即炸的鱈魚手指脆卜卜熱辣辣 越食越滋味🥳.餐廳面積都幾大見到唔少人都有嗌啤酒chill下最啱一班朋友嚟happy Friday😆 繼續閱讀
(以上食評乃用戶個人意見 , 並不代表OpenRice之觀點。)