Burgeroom (美麗華廣場1期) (已結業)

夜晚8:00去到，人流唔多，座位都寬闊，環境都算舒適嘅，食物製作嘅時間都唔算好長，大約半小時內。裝修亦都好rock🤣 🤣好大份既burger !!! 好在切開一半，方便食。叫咗個雞肉漢堡 ,一個牛油果素牛肉漢堡，雞扒夠juicy，雖然係烤，但係一啲都唔乾身，熱辣辣 。 牛油果素牛肉漢堡整到好似真牛肉咁，識落完全唔覺係素，仲感覺健康啲，素食者之選！仲嗌左單邊脆香雞翼，食到停唔到 ❤️🤪最後，仲叫左杯水果茶 解膩一流，不過水果茶味道就一般般。

今日嚟到尖沙咀個friend話想食burger🍔 就即刻搵吓尖沙咀附近有咩burger食啦 之前都係食過銅鑼灣既Burgeroom 完全唔知道尖沙咀都開咗🤩 好耐冇食即刻要去食吓仲係咪以前禁好味😋🤭 原來仲拎埋OpenRice嘅最優秀開飯西式餐廳 勁呀👍🏻 Burger嘅選擇有好多 花多眼亂最後揀咗好耐 揀左兩個burger一個小食😋 🥑牛油果醬芝士薯條 $68呢個真係大推👍🏻 薯條份量好多 芝士同埋牛油果醬都有好多 唔驚食到最後會冇醬點🤣 打融咗嘅牛油果配埋溶咗嘅芝士真係好好味😋 必試！ 🦀軟殼蟹漢堡 $108🍄+鮮蘑菇 +$10 朋友揀咗呢個軟殼蟹漢堡 隻蟹都幾巨型🤩 分量好足好大個 可能驚炸咗嘅軟殼蟹有啲乾 但加左佢嘅醬就唔會太乾 同埋應該係加咗啲酸青瓜粒 酸酸甜甜咁幾好味😋 墨西哥辣椒芝士雞柳漢堡 $98🍄+鮮蘑菇 +$10 而我就揀咗呢個因為我比較喜歡食辣🌶 佢嘅辣椒酸瓜片真係好正 又酸又辣同啲雞唔會話煮到好乾 打開睇都仲有啲汁起度👍🏻 因為我哋都鍾意食蘑菇所以大家都加咗落去😬 分量都唔少架 又好味道！ 整體來講 味道同我以前食 印象中都係差唔多 保持水平 但

港式漢堡包嘅餐廳，喺香港來講都好多間，而呢一間都比較深刻印象。呢一間銅鑼灣有一間分店。最主要係因為佢嘅漢堡包嘅選擇真係極多。順帶一提，佢係冇+1 㗎。喺呢個Menu度你就會睇到佢好好，將漢堡包以肉類再分類，有牛肉類，魚、海鮮類，雞、鴨類，素食類都有。Lunch來講，佢可以加set，價錢嘅話，夜晚食我會覺得幾抵。我同朋友，兩個人，一人兩個麵包之外，都嗌左一個小食，同一個沙律。飲品來講，我覺得特別嘅係自家製冰茶、果汁。咁佢嘅啤酒都係幾特別嘅，不過今次就揀咗非酒精飲品。（1）田園沙律，$60 ，蕃茄，沙律菜。蔬果類正正常常，佢嘅蕃茄特別大嚿。（2）牛油果醬芝士薯條， $68。好大份，啱啱炸起，牛油果愛好者，必定要食啊。（3）菠蘿燒烤醬牛肉漢堡，$98 ，睇相好似好普通，但係佢嘅牛肉漢堡扒，好厚身，勁大份，食完都已經好飽。（4）鵝肝鱈魚柳漢堡， $168。賣相極吸引，鵝肝肥美，鱈魚外脆內滑，再食啲沙律菜緩衝下，堅正。不過個包，都幾大舊，又係食完勁飽。（5）奇異果果汁，蜜桃冰茶，各$38。我鍾意唔係太甜，而佢冇令我失望。我哋今餐每人二百幾，係重要事講三次，係冇加一，冇加一。而我覺得我哋今次其實嗌

來Burgeroom，當然係食burger，但薯條都好好食，牛油果愛好者叫左牛油果醬芝士薯條😍粗薯條即叫即做熱辣辣，香滑牛油果醬混合鹹香芝士醬，非常配合，再加少許微酸蕃茄蓉，既清新又減去膩滯感，口感味道好豐富😂估唔到多種味道混合都夾，吃不停口😁亦都叫左軟殼蟹漢堡，上枱時軟殼蟹好大隻，新鮮炸起香軟鬆脆，但個人感覺軟殼蟹配漢堡有啲唔夾，但單食軟殼蟹是好食，不錯的。

成日聽呢間咁出名，今次終於有機會食下佢， 平時見到鵝肝都冇話好想試，但今次試完呢個鵝肝牛肉漢堡$168，真係超難忘！鵝肝入口即溶估唔到同個牛肉咁夾，牛肉勁Juice，個包又勁口，所有嘢夾埋好有口感，同平時啲burger係兩個層次😂😂佢個單骨雞翼配蜜糖芥末醬$60，識落好脆口一啲油膩感都冇，而且單骨非常容易咬，佢食緊蜜糖芥茉醬酸酸甜甜咁！叫埋杯蜜桃冰茶$38，好Fresh算太甜☺️☺️整體而言佢嘅漢堡真係值得一試，即使唔敢食鵝肝都可以試吓！

跟朋友見面，要找到合適清新的地方不易，不是未開，就是要等又或要趕交台，總不明白為何比錢食飯這樣煩。正好行行吓搵搵吓見到burger room,可能11點，未有人，見環境可以，餐牌食物啱食，就試吓。叫了漢堡扒沙律及全日早餐，凍咖啡及走甜蜜桃茶。客人需到錢台比錢後，再由侍應送上食物。上枱時食物賣相十分清新，一大碟，份量大，蔬菜新鮮，薯餅是即炸的，煙肉略為over,不過應該係全日早餐特式，加上小型漢堡包，好滿足又清新。欣賞走甜蜜桃茶，內有果肉！推介

收工同兩個同事去美麗華食burgeroom，如果唔係同事提起，我都唔記得原來好幾年前我有食過銅鑼灣嗰間。印象中burgeroom嘅漢堡包好大件，不過由於我哋都好肚餓，3個大食怪每人一個漢堡包都唔夠，仲叫咗3款小食share，結果發現原來所有嘢都好大碟，就開始擔心食唔晒！熱愛牛油果嘅我揀咗牛油果醬芝士牛肉漢堡，同事分別叫了大烤菇芝士牛肉漢堡及煙肉芝士漢堡。牛油果醬芝士牛肉漢堡有超多牛油果醬，配搭芝士加牛肉，超級開胃惹味，絕對係牛油果fans必試 ！大烤菇芝士牛肉漢堡絕對係”包魚其名” ！個大菇真係同塊漢堡一樣大，見同事咬落去滴到成枱汁，就知有幾Juicy!小食方面，叫了芝士旋風薯條、芝士雞塊及單骨雞翼配蜜糖芥茉醬，又係大大碟，性價比超高！3個人食到攬住個肚出去，勁滿足！

呢到食漢堡包都出晒名，一直bookmarked 左好耐裝修都好型格同現代感，有啲車軚做裝飾入到黎感覺都有啲酒吧feel自己揀完野食就去櫃檯落單，之後就會有店員送過黎，仲不設加一服務費添今次同朋友一人叫左一個餐！超滿足！呢到牛肉漢堡好出名，不過我今次就叫左軟殼蟹漢堡同鱈魚柳漢堡試下🍔軟殼蟹漢堡🦀：見佢寫住廚師推介，所以就好想揀，同埋本身自己都好鍾意食軟殼蟹。個包黎到真係嚇一跳！超大份，同部電話差唔多高度😮一啖都咬唔晒成個包。軟殼蟹炸得好脆，一啲油膩感都冇，而且唔腥，加埋蕃茄同生菜🥬感覺好fresh🍔菠蘿鱈魚柳漢堡🐟：鱈魚柳外脆內軟，加埋菠蘿十分爽甜，沙律醬加左酸瓜好開胃，又有芝士、蕃茄同生菜，口感都好豐富。個包都係超大個，唔怕肚餓，絕對足料。🍟牛油果醬芝士薯條🥑：牛油果醬同芝士都幾夾🤩成個薯條都好邪惡，仲有少少茄醬係上面，三個顏色同味道，唔同層次，薯條都幾多，同埋薯味濃，推介🌟🍑蜜桃冰茶🧊：食完野飲番杯凍飲好解渴，入面仲有啲果肉粒粒，唔會太甜，冇澀味，好消暑呢到雖然唔洗收加一服務費，但啲服務都好好，見我覺得凍就主動提出話閂細啲個冷氣，好細心，值得一讚

今日黎開尖沙咀行街，記起朋友介紹過呢間burgeroom食漢堡包又大份又好食，於是就決定食佢做今日晚餐。我同朋友各自點左牛肉漢堡同墨西哥辣椒芝士漢堡，一上台果然無令我地失望，真係好巨型，而且細心地切成一開二，入面夾住個塊牛肉好厚，厚得黎又唔會煎到太乾，咬落去仲有肉汁滴出黎！而配菜亦都好足料，食一個巨型漢堡再加薯條其實都可以好飽！薯條有直薯條同旋風薯條，我地係薯條控,所以2款都試左，個人比較喜歡旋風薯條，姐係脆薯圈，比較有薯仔味道，而且2款薯條都係熱辣辣，好脆口。

今日同朋友一齊去食漢堡包🍔又唔想食普通漢堡，於是朋友就推介呢間餐廳🍴見到價錢適中於是就去試試。餐廳需要客人先到前台俾錢落單先，然後再會安排職員送上食物。1.芝士蛋牛肉漢堡 $108漢堡包對於一個女仔來說，真係覺得份量十足，牛肉味道剛剛好唔會好鹹🥓咬落去口感好 2.軟殼蟹漢堡包🍔 $108軟殼蟹分量十足真係成隻炸出嚟，軟林林，不過有太多醬汁酸酸地。3.炸薯條🍟大大條 $304.蜜汁辣雞翼 $60 一共有六隻 好野味 辣辣地5.蜜桃紅茶☕️荔枝紅茶☕️ $38個人覺得還好啦，未去到好好飲

第一次同朋友去食佢叫左個芝士蛋牛肉漢堡，我叫左個軟殼蟹漢堡，我又地又一齊叫左個旋風薯條同蜜汁辣雞翼。首先講下個漢堡，外觀好靚。真真正正一啖食5曬，可以同朋友一人一半試下5同味。牛肉漢堡，啲牛肉好多汁又好厚，啲包有烘底。啲芝士味又好濃。而另一類漢堡，軟殼蟹味道都唔錯，啲蟹有膏炸粉味又5重。而炸薯條🍟，既叫既炸，啲薯條熱辣辣。蜜汁辣翼，外皮好脆而入邊又好多汁。不過兩杯野飲就有少少5係幾好飲。叫左荔枝同蜜桃冰茶。完全5係好飲到啲咩味，之後感覺兩杯野飲一樣味道😂。建議揀其他野飲❤️

我朋友係一個漢堡包控，所以今日行尖沙咀約食飯就一齊去咗食burger room。我哋今日提早咗少少食，18:30左右，所以餐廳都未算太多人，但係食完走嘅時候都就快滿哂，果然夠哂人氣我哋一人叫咗一個burger，同一份小食一齊share，burger嚟到都十分之大份。鵝肝牛肉漢堡鵝肝煎到表面脆口, 加埋牛肉一齊咬,入口即溶嘅感覺完美,即時將burger 提升到另一個層次。雖然漢堡包冇pickle,不過有番茄生菜中和返個油腻度, 特製嘅醬汁令到成個burger好balanced，好正，同一般食到嘅burger好唔同嘅感覺。呢款漢堡上碟有跟埋少少沙律，配埋果醋，好開胃大啡菇芝士牛肉漢堡大啡菇同鵝肝漢堡就另一個相反，啡菇裏面好juicy, 每一啖食落去都好多汁必出嚟, 朋友切嘅時候有啲汁打咗落塊面度😂牛肉味都好濃郁，口感實在。雖然最後叫唔到扭扭薯條, 不過直紋fries都好脆口，熱辣辣好好食😋

等左45分鐘冇嘢食 叫人check 但佢只係話佢都俾其他客人追緊 再等左10分鐘先嚟咗一份 而家仲等緊另外一份 我已經食完 簡直係離晒譜 執咗佢吧啦 d嘢又難食 舊肉又唔熱 食物質素其差 就唔好打正旗號話自己係burger room 啦

之前同朋友約喺銅鑼灣食飯，喺Openrice睇食咩嗰陣已經留意到呢間Burger，可惜嗰次食唔成。今次喺尖沙咀食飯俾我發現到佢有分店，即刻過嚟試吓餐廳嘅主題係工業風，感覺好chill！舖頭都有幾多座位，平日嘅下晝時間唔會話好多人，坐得都舒服Menu主要都係以burger為主，超級多選擇！我同朋友叫咗兩份漢堡share嚟食，呢個軟殼蟹漢堡($108)舊軟殼蟹仲大塊過塊包，入面仲有蟹膏添Lunch hour嚟食就可以叫個午市漢堡套餐，用平啲嘅價錢(+$30)就可以加配到直薯條同埋飲品，但係因為我太想試佢個旋風薯條所以我哋得一個漢堡加配咗餐呢個係大烤菇芝士牛肉漢堡($110)，好厚身㗎大啡菇同牛肉都非常juicy，好好食呢芝士旋風薯條($60)啲芝士味真係非常濃郁，啲薯條都炸到好香脆我哋叫咗一杯菠蘿冰茶同一杯蜜桃冰茶，一杯因為係跟餐所以就唔需要額外加錢，另外一杯就要俾返原價($38)。我飲嘅菠蘿冰茶飲落非常fresh，入面仲會有啲果渣感覺好真材實料呢

室內走年輕人型格路線，環境舒適開揚寬敞，舖位佔地頗大，室外室內都有座位，店員禮貌招呼，半自助式，食客感覺自由輕鬆。1. 煙肉芝士牛肉漢堡$95眼前吸睛巨型漢堡，滿滿的芝士在包中流出，濃濃的免治牛肉很有牛香味，肉質嫩滑多汁，入口即溶，夾層的香脆煙肉、蕃茄片和生菜令包豐富提升口感，味道極佳。2. 香辣單骨雞翼配蜜糖芥末醬$60單骨雞翼炸得很酥脆，皮脆肉嫩多汁，配上濃郁香甜的蜜糖加上芥末醬的香氣，好食又惹味。3. 牛油果醬芝士薯條$68喜歡吃芝士的朋友絕對加分，薯條被豐厚的芝士夾雜著。薯條炸得非常香脆，加上濃香新鮮牛油果醬，真是美味無窮。4. 西瓜汁$38 奇異果汁$38真要一讚，兩杯都是鮮果榨汁的，濃濃果碎，入口極好味鮮甜，食了濃味炸物，確實解渴舒喉。