Burgeroom (美麗華廣場1期) (已結業)

呢間Burger大大件，好抵食！由於Menu上有太多款Burger，真係好難試得哂咁多款，而今次已經係我哋第4次食佢！當然要介紹吓我嘅必食推介【鵝肝牛肉漢堡】鵝肝真係好大件好高質，入口即溶，而且牛肉勁厚勁juicy，個漢堡都好好高又爆餡，絕對係對得住呢個價錢！.另一個好打卡able嘅就係呢款【軟殼蟹漢堡】原隻軟殼蟹仲大過我塊面！！100%足料！不過呢個軟殼蟹就欠缺咁一啲調味，如果咸少少再惹味啲就更好啦！或者可以另加芝士、大啡菇、煎蛋、sauce等配料都得！另一個必食係【芝士薯條】🧀🍟 薯條炸得好香脆，粗幼適中，重點係每一條薯條上都有淋到芝士，呢一點絕不馬虎！Menu其實仲有好多款Burger未有機會去試，遲啲再同大家發掘下😉

平時好少嚟呢頭，今日落勁大雨跟住入咗個商場，放工勁肚餓搵吓有咩好食見到呢間餐廳得幾多like，就黎試吓。叫左一個田園沙律，估唔到咁大！沙律醋有柚子香味，仲有我最愛嘅紫洋蔥圈同大大片蕃茄，夠晒清新健康！試咗個鵝肝牛肉漢堡，上枱見到層層碟嘅漢堡賣相精美，唔用竹籤串住真係怕佢會跌落嚟🤣！漢堡夠晒厚，入口唔會乾柴好好味，仲有放塔頂吸睛嘅鵝肝，煎得又香又軟滑，份漢堡我要拆開慢慢食，唔怪得咁多人嚟！原本想要奇異果汁，但售罄轉了荔枝冰茶，估唔到又幾好飲喎！入口充斥荔枝香氣，又唔會過甜，可以解膩😜。侍應態度一流，全程keep住笑容又有禮貌，very nice!

依家各類規模嘅Burger店都越開越多，要做到受歡迎都唔容易。朋友好耐之前推介過我食呢間，揾日終於出尖沙咀就試試佢。見到餐牌咁多選擇，作為選擇困難症嘅代表就放棄左選擇，直接揀個咩都有嘅呢個蜜糖芥末大烤菇煙肉牛肉漢堡簡直就係為我呢D咩都想食嘅而設嘅！有我最愛嘅honey mustard, 就咁個醬就贏晒。一上枱簡直係嚇親我，大啡菇厚都正常，舊牛肉都勁厚一捉上手就知食起上黎會有好大困難，最後要分3啖先食得晒每一層到底點先可以有儀態又一次過享受到成個Burger?朋友就叫左菠蘿煙肉牛肉漢堡，高度比起我個個矮少少但仍然係份量十足！菠蘿好甜，為個burger加左一份小清新嘅感覺，牛肉同我食個個一樣咁厚切咁juicy，2個burger都好高質！本來想試下佢個旋風薯條，但個日店員話已經冇晒貨，唯有食直薯條，份量都幾多，薯味幾香！另外叫左份雞肉條配蜜糖燒烤醬，個BBQ醬好好食，雞肉條炸粉都唔厚

大家鍾意食乜嘢嘅漢堡？芝士牛肉漢堡？烤菇牛肉漢堡？定係鵝肝牛漢堡？尖沙咀銅鑼灣呢間餐廳咩都有，可以滿足到你。BurgeRoom係2007年開業，係一間主打漢堡包既美國菜餐廳，餐廳對食物品質一直有份堅持，本著精益求精同追求創新既理念，將漢堡包文化重新演繹，曾經榮獲Openrice開飯至尊大獎、Openrice最優秀開飯西式餐廳同Openrice最優秀灣仔、銅鑼灣區開飯熱店。漢堡非常大份，鵝肝漢堡、軟殼蟹漢堡、大烤菇漢堡同龍蝦漢堡係佢地既招牌款式，另外仲提供多款配料豐富嘅漢堡同酒精飲品。餐廳坐落係美麗華商場，旁邊就係尖沙咀嘅酒吧街諾士佛台，位置非常方便，如果鍾意飲酒嘅朋友，揀美麗華商場食飯就岩哂。餐廳設計時尚奪目，係BurgeRoom既一大特色，尤其係尖沙咀分店，主行美國工業風路線，入面燈光正常，足夠明亮，會有好多車轆同貨櫃既造型，牆上既燈牌夠搶眼。座位算寬敞，面積唔細，比銅鑼灣分店仲要大，有梳化位，有方桌位，另外仲有室外位置，適合吸煙人士，環境算chill，岩哂同朋友吹水，同情侶撐枱腳又得。晏就三點去到，人數唔多，位置有好多選擇。店員先帶客人入座，係位睇完menu，再去counter比錢

今日嚟到美麗華食個burger之後就過隔離諾士佛臺happy hour先～餐廳環境甚有美國餐廳特色，有不少汽車擺件作為裝飾仲有酒吧台，好有氣氛！睇下menu先「黑松露芝士大烤菇煙肉牛肉漢堡 $130」呢個burger每款配料都係我鍾意食嘅賣相十分吸引，層次分明餐廳亦好細心預先將個burger切開咗一半大烤菇同牛肉扒嘅汁即時流出只有生熟程度控制得好先可以做到！牛肉扒食落牛味濃郁之餘，亦都好厚身，中間僅僅熟透煙肉邊微脆，芝士亦做到熔岩效果，流晒出來！成個burger一啖咬落去係大滿足！總括而言，呢間餐廳不論朋友聚會定係一個人用餐都適宜值得一提嘅係呢度嘅員工都好有禮貌必定會再次光顧！

今日約咗個好耐冇見嘅fd出嚟食飯，search openrice見呢間好似唔錯就嚟試下~門面好型，走工業風，好似格調唔錯~入面都好似好寬敞，位與位之間有足夠距離，令人坐得好舒服~因為係食Lunch的關係，加$30即可轉lunch set，有薯條有野飲（凍飲加$15）。嗌咗個大烤菇芝士牛肉漢堡，嚟到已經切好咗一半，方便進食。原來又幾高身幾大份，令人想掰大個口一啖咬落去！大烤菇真心超肥美，又極之嫩滑，配埋一個手指頭咁粗嘅牛肉扒，足矣！至於薯條，屬於粗類型，外脆內軟，入口啖啖薯蓉，高質！最後嘆埋杯hazelnut latte，冰涼順滑，但唔記得嗌少甜~朋友嗌咗蘑菇牛肉漢堡，加$10青瓜配料，飲玫瑰熱朱~佢都覺得成個漢堡好足料，好豐富，肉質唔會太乾。而玫瑰熱朱就好香濃，但都係甜咗少少~

✨香辣單骨雞翼配蜜糖芥末醬雞翼酥脆 有肉汁 味道就九成似M記脆香雞翼蜜糖芥末醬 味道甜甜帶微微嗆鼻✨芝士旋風薯條旋風薯條 睇就知係扭扭薯條d friend 比一般薯條香脆芝士上枱時半溶 好快就會變固體 要趁熱食芝士味唔算好濃 但芝士配薯條配撘 好難唔好食✨煙肉芝士牛肉漢堡包微脆 唔係空氣包煙肉偏乾 芝士份量唔少牛肉 厚身 肉味香濃 有肉汁略嫌自家製醬汁過多 加上有番茄令到個包好濕 好易食到成手都係汁要小心食唔係好易食到好污糟所以我自己都幾唔鐘意漢堡入面有番茄總結：感覺就係似食左個高級M記食物唔錯 但漢堡份量好似比以細個左環境可以 擺枱比較密 張枱好細 擺三樣嘢已經無位服務正常 但有個問題 就係明明舖頭仲有好多張吉枱店員都會要你迫埋一齊 坐同一個區域其實而家疫情下 我覺得如有吉枱 應該比客人坐得鬆動d會好d

漢堡！我真係好中意食漢堡，基本上一個星期都會食一次。行完Donki就係呢度附近行下睇下有咩食，就發現左呢一間漢堡店。入去果時見到店舖唔係好多人，食食下就開始坐滿人👍🏻👍🏻餐牌上既漢堡款式好多，多到有選擇困難嘅人都唔知從何入手最後簡左兩個包，一個小食同一杯野飲1. 雞肉條配蜜糖燒烤醬-雞肉條炸到脆卜卜，但唔會覺得乾身，加上燒烤醬就有另一番風味2. 軟殼蟹包-呢一個包係見到好多人推薦，而且我都好中意食軟殼蟹，所以就簡左黎試。佢真係無令人失望，皮好軟，軟殼蟹脆。咬落去真係好juicy，成手都係汁。真係無推薦錯，讚👍🏻3. 墨西哥辣椒芝士雞肉條漢堡-呢個第一睇落去似燒雞漢堡，睇唔出有辣椒醬，以為唔辣，點知佢有辣椒仔喺入邊，真係辣。而且雞肉都係好juicy，中意食辣同雞肉可試。4. 奇異果汁-鮮榨，$38

🍔burgeroom.的burger 不會令人失望😊 餐牌上各式各樣嘅burger選擇好多，好吸引仲有多款小食、飲品今次我哋兩個食嘅有這兩款burger：大烤菇芝士牛肉漢堡牛油果醬芝士雞柳漢堡大烤菇好多汁，感覺新鮮。芝士味道濃郁，熱嘅時候可拉絲。牛肉味道唔錯，肉質味道幾好。薯條都炸得好香脆😊牛油果醬感覺健康，芝士及雞柳嘅組合好夾。小食我哋叫咗迷你薯餅配藍梅醬，呢個組合我哋都係第一次試，感覺又幾搞笑🤣好少食甜味嘅薯餅。可以當係一個小食或者甜品，味道都唔錯的。佢哋嘅薯餅都炸得香脆又唔油膩，細細舊幾好😊飲品我哋點左少甜的熱榛子朱古力，味道都幾香濃，榛子嘅味道都好出。總括來講，餐廳嘅環境都幾舒適，食物嘅質素都唔錯，食物嘅選擇都好多樣化，值得之後嚟到尖沙咀再食😊

星期日難得有11am 開門的歺廳，食評又幾好，入去坐低，點知中伏，12nn 都未有得食。好似引咗客人入嚟但又未ready serve food, 等到閔。早知行下，去11:30開的餐廳，依家已經有得食。its s bad experience ruining my sunday.

想真真正正食個漢堡，決定係尖沙咀食呢間。吸引之處：1. 餐廳環境靚。好有美式餐廳氣氛。加埋音樂，俾人好chill一般人聚會嘅感覺。2. 特量芝士牛肉漢堡。芝士加量，所以好厚。趁熱食，好邪惡。入邊配料配得啱啱好，食落好有水份。3. 牛肉整得有水份。葉得香，成個配搭好惹味。咬落去，牛肉水份流出黎，整得好好，鎖到水份係牛肉。份量夠大，所以夠飽。4. 蜜糖芥末大烤菇煙肉牛肉漢堡。有驚喜。成個漢堡好大個。外表都已經好有食慾。原來大烤菇同漢堡係咁夾。咬落去，菇嘅香味同水份流晒出黎，麵包吸晒菇汁，好香，加埋煙肉鹹香嘅味道。個漢堡包真係昇華到另一個層次。好有層次感兼好味嘅漢堡。5. 薯條仲係好熱，應該係啱啱炸出黎。熱辣辣即刻食，爽口。6. 配埋野飲root beer。汽水同漢堡真係靈魂伴侶，好滿足。整體黎講，好大份量嘅漢堡，食得好滿足。

😋仲記得第一次去Burgeroom 係銅鑼灣食，已經好耐無去食了，咁岩經過Mira 見到有Burgeroom 好掛住佢地大大份既Burger 所以決定再食。🍔Burger 種類非常多，除了平時食開既牛之後仲有素、魚、海鮮、雞和鴨選擇，而且仲有不同配料比大家揀，所以唔洗擔心唔岩食🤪✨大烤菇芝士牛肉漢堡一上碟果下已經覺得餐廳非常好幫我地切左一半一分為二，岩哂我依D打卡友，對入面既餡料一覽無遺😎由上之下分別係包，大啡菇，芝士，漢堡，蕃茄，生菜，千島醬，塊牛肉固然係好食🥰啖啖肉之餘肉質亦好厚實，而嗌依份最主要係想食個菇，一如以往無令我失望，JUICY得黎又唔會漏，菇味好重😛不枉我番”CHECK”再嗌多次依款！✨軟殼蟹漢堡一望張相就知軟殼蟹🦀好大隻，仲大過個包，淨係一邊蟹腳我都要三啖先食完，而且蟹膏幾多，色澤都好靚👀，金黃色🤤食落好香口，再配埋蕃茄、生菜、蛋黃醬真係一流，不過個包真係好大個😂好彩餐廳都細心會比埋刀叉我地，放便我地切黎食👍🏻✨牛油果醬芝士薯條薯條即叫即炸，食嗰陣真係要小心辣親🤭份量非常多，🥑牛油果醬多到係每條薯條都可以食到🤤配埋芝士醬，雙重滋味！食到停唔到口😂✨自家製蜜桃冰茶&荔枝

沒有什麼比來一餐邪惡快餐更快樂。想食burger的時候總會來Burgeroom，超級大size的burger，看到就興奮。❣️芝士蛋牛肉漢堡無論你的口有多大，一口絕對吃不到😂這次叫了蛋，令burger更厚更香，牛肉很juicy，加上蕃茄和生菜，令burger不會太膩，無敵好吃。❣️香脆雞塊配芝士醬炸漿一點也不厚，很脆，鎖住雞肉的肉汁，令雞肉很嫩，配上邪惡至極的芝士醬，沒有不好吃的餘地。❣️芝士旋風薯條這個是每次必點的，即時沒有芝士醬也很好吃，調味很香，加上芝士醬，詞窮了🤭🤭

今日同朋友去尖沙咀睇戲 就係美麗華搵左間餐廳食~ 呢間鋪嘅裝修行美式工業風 環境寬敞 入口旁仲有好大嘅壁畫📸Menu有唔同款式嘅burger可以揀 有啲款都係出面好少見嘅~環境偏暗幾有feel 岩曬同朋友一邊食野一邊飲野🍻🍽️牛油果芝士雞柳漢堡 $98呢度嘅burger都好大份同足料 用嘅麵包都好有牛油香味😆雞柳鮮嫩多汁 一啲都唔乾柴 牛油果醬好creamy 所以成個burger食落好juicy😆🍽️鮮蘑菇牛肉漢堡 $95牛肉漢堡好大舊~ 仲牛味濃郁 多汁又唔會太肥 配埋個醬好惹味🤤蘑菇好多汁 仲有蕃茄同生菜令到個burger好fresh🍽️鱈魚手指配他他醬 5pc $55Fish finger 食到一大舊鱈魚真材實料 外皮炸到好香脆 配埋酸甜既他他醬真係會想瘋狂食😋🍹荔枝冰茶 $38一邊食burger一邊飲凍冰冰既野飲真係好爽! 杯野飲夠曬荔枝味同埋唔會太過甜👍

Bugeroom用霓虹燈、車呔等裝修已經好有歐美餐廳風味，枱與枱之間嘅空間感好足，唔會有逼硤嘅感覺，坐落十分舒服。漢堡黎到會切開兩份，方便同朋友開心share，另外會用竹簽拮住，食嘅時候就必咁容易散開，認真細心。煙肉芝士牛肉漢堡 $95麵包皮咬落相當鬆軟，仲有陣陣麵包香，煙肉好大塊同好香，咬落好juicy，蕃咖汁噴哂出黎。材料好新鮮。特量芝士牛肉漢堡 $110鐘意食芝士一定要食特量芝士，芝士量係有80g嘅車打芝士，食落係好香好香芝士味，再加上蕃茄、生菜新鮮同秘製醬汁，好好食。鱈魚手指配他他醬 $55鱈魚炸得好脆，肉質好厚實，入口又唔會好油，配埋他他醬，一啖一啖，好快食完。直薯條 $30薯條又係好脆，上枱仲要熱辣辣，新鮮炸起，份量好足。