Brick by Brick (已結業)

Brick By Brick Restaurant & Bar中環士丹頓街21號地庫由俊榮里出入比較方便😉火熱砂煲肉骨茶 (配白飯)馬來西亞的藥膳肉骨茶，湯底冇味精，好清甜，不肥膩。大廚處理得很好，豬軟骨炆得夠淋，連軟骨也吃掉了，配菜有豆卜、金針菇和金喜菇，新鮮爽口煙韌。肉骨茶配香脆油條和蒜泥醬，好正！😋👍咖哩喇沙和傳統的喇沙不同，椰香味不重，湯底的甜味主要用果糖新鮮淆製，辣度適中。配料有高級鮮肥牛(肉汁豐富，牛味濃郁)、豆卜、芽菜、青檸、辣椒、芫茜 和糖心蛋。摻摻和米粉吸收了湯底的精華，好好味，有嚼勁，份量十足，推薦！😍話梅桃膠羅漢果茶話梅很開胃，桃膠煙韌彈牙，羅漢果茶利咽喉，很舒暢。😄.餐廳會不定時更換Menu，期待更多出色的 馬來西亞菜，還會再來。😎🍻

Brick by brick (中環)中環其實好多好得意，好有趣嘅餐廳而且裝修都好靚好特別所以經常都周圍試吓新餐廳今次就嚟咗呢間食新加坡菜嘅餐廳一入到去，店員好熱情，好有禮貌而且仲會介紹menu，感覺好好🥰🥰當日就食左2個餐馬來西亞咖喱喇沙牛肉湯麵($98)個湯底好濃郁，湯麵都好有彈性係令人好開胃的味道火熱砂煲肉骨茶($128)呢個肉骨茶真係好正！佢有濃濃嘅藥材味，但又未至於蓋過晒其他肉味，調味啱啱好一上菜嘅時候，熱辣辣，好吸引而且佢仲附上自製嘅蒜泥醬，d肉點落去好香！最後連湯都飲哂！泰式香茅斑斕葉薑茶(+$25)係天氣凍嘅時候飲呢杯暖暖地嘅茶好舒服話梅桃膠羅漢果茶(+$25)本身唔係咁鍾意話梅，但原來甘襯都幾好飲！整體黎講，成間餐廳俾我哋嘅感覺係好好！會再黎！

香港我都食過不少馬來西亞菜式，但今次這間我自己覺得是真正保留風味、最啱香港人口味、最健康的！這餐廳🍴剛開業，不是在大街大巷的位置，但反而在鬧市中難得安靜又寫意的角落呢！尤其真心推介這「火熱砂煲肉骨茶」老闆特意改用豬軟骨炮製，軟骨炆得透身且口感軟軟綿綿的！仍保留咬口但又不怕吃到碎骨，用上砂煲煲出的肉骨菜湯底真的煲得好出色，藥材味芳香濃郁，使豬軟骨完全入味，太美味喇！其實肉骨茶很有益，十分適合忙碌又沒時間進補的都市人的我們呢！另外驚喜是這熱辣辣的地道「馬來西亞🇲🇾 肥牛埋咖喱喇沙 」喇沙即叫即整，新鮮熱辣出爐，配以胡麻辣醬，再有大大塊靚肥牛，酸辣開胃又牛味濃厚！下次一定再幫襯啦！Brick by Brick 中環士丹頓街21號地庫（由俊榮里入更方便）

Weekday朋友帶路去佢平時gym前常食餐廳。就係佢gym地方既小路入嚟幾步到Brick by Brick！或者可以喺俊榮里入更方便。今期Lunch set menu on weekday，會轉下menu。馬拉肉骨茶係藥材味加去油既茶湯。飲落去嘅感覺係無油味，好清爽帶藥材味，幾唔錯！店主另外還有真空包賣，疫情期間，餐廳都出唔同嘅款式吸引客人。同常見唔到，用豬軟骨取代一字骨。豬軟骨嘅骨位晶瑩剔透，食落入哂味卡之卡之咁。先上配料有油炸鬼、米線、蒜泥醬。蒜泥醬提升濃味。正宗地配埋油炸鬼有南洋風味。除咗配米線之外，可以配飯或者菜底！幾特別可以菜底，朋友話因為佢哋做gym有時要生酮飲食無得食糖就會選菜底，湯既甜係天然而唔係甜。馬來西亞喇沙配脆炸梅子一口雞吉隆坡風味，有點層次甜味，順口無帶味精感！飲哂都好好味唔口渴。滲滲麵有米粉有油麵，湯底男女老少都啱，好輕辣。多d辣都好ok，入門or喜清辣就好岩！湯底比較少油，但味道足，健康之選。梅子一口雞梅子味可以再重啲，雞肉脆嫩。話梅桃膠羅漢果茶冬子補補暖暖喉嚨，桃膠都幾大粒仔，可能因為飲話梅，羅漢果青「酸」嘅味道比話梅中和，易入口d！泰式香茅斑斕茶辣暖身

中環小巷俊榮里收埋左幾間吾覺眼餐廳前幾日食左其中一間馬來西亞菜的餐廳覺得幾好食想介紹呢間真隱世餐廳火熱砂煲肉骨茶 跟米粉肉骨茶係老闆娘係推介用左兩日時間製作的豬軟骨肉質鬆軟骨膠夠腍煲得也入味湯的味道清甜同時散發著藥材的味道清甜香濃又順口用了豬軟骨的肉骨茶的顏色一啲都吾濁因為廚師會片走唒啲油而且無落味精，非常健康又好喝，補身首選。另外肉骨茶配左油炸鬼同蒜泥醬呢間鋪的炸物真係讚油炸鬼放左落湯都仲係卜卜脆好食！梅子炸雞每件雞都炸得好脆又吾油膩！裡面的雞肉好嫩滑有肉汁，炸雞的表面撒上左梅子粉，酸酸甜甜好食！馬來西亞咖哩喇沙湯面喇沙好大碗，放滿了芽菜豆卜流心蛋呢款喇沙少辣但不重奶味，自家炒的辣醬兼天然材料又無味精，當佢係湯飲一樣順口暖胃。麵底有油麵同米粉，兩種麵溝埋一齊食多左層次同有口感。而麵質吾會煮到好腍，軟硬適中同掛汁。香茅薑茶香茅味道口感清新微辣，飲完驅走體內濕寒，成身暖笠笠，話梅桃膠羅漢果茶羅漢果茶味道甘甜，桃膠口感好似啫喱咁而且有美顏既功效，岩哂女士飲整體黎講真係幾好，肉骨茶又養身，餐廳會不定時轉換餐牌，相信好快又會再黎食過

自己一路都幾鍾意食馬來西亞菜，較早前就去咗麥金‧麥金到食，味道雖然好，但係就覺得因為太遷就香港人嘅緣故，藥材味就冇咁重；所以自己亦都去唔同嘅馬來西亞菜店鋪搵下有冇好食嘅肉骨茶；之前喺網上面見到呢度嘅肉骨茶評論都幾唔錯，所以自己都特登來去試一試。一點完菜之後，老闆係一個好活潑可人嘅女仔，佢為我送上左一碗米粉同埋油炸鬼，我起初都唔諗住特別點評呢一個油炸鬼，但係咬落去嘅時候，係非常非常脆口，可以見得出係非常新鮮。佢呢度嘅蒜泥醬係老闆特別Highlight，因為係呢度嘅特色，平時去其他地方食馬來西亞菜，都唔會有呢一個醬可以點，但呢個將就會提升左肉骨茶裏面嘅豬肉嘅味道。之後終於嚟到肉骨茶，肉骨茶係用紗煲裝好嘅，裏面有芫荽、辣椒、豆腐卜、金菇、同埋豬軟骨，老闆亦都特別提到佢哋中意豬軟骨嘅原因係因為佢嘅口感好夾肉骨茶。呢度嘅肉骨茶湯，由於係用心調製，比較濃郁，所以冇得任加湯。每一啖湯都有濃郁嘅藥材味。豬軟骨口感亦都非常好。點一下蒜泥醬幾好食。之後配埋米粉，米粉朔晒啲肉骨茶，變得更加好食。最後飲一杯話梅羅漢果茶作結，非常Fresh。

Soho區內找到了Brick by Brick，雖然最近天氣冷冷的，但仍感覺到店主用心做好每道菜的那團火。店主太太詳細推介小店的特色，友善殷勤，令人讚賞。今天我們吃了店主太太推介的火熱砂煲肉骨茶，改良了馬來西亞正宗的食譜，提昇至香港人人人愛吃的口味，藥材味減少了，不會太燥。不用一字骨，改用豬軟骨，軟滑之餘，又啖啖肉。如果吃豬軟骨時，點一點秘制蒜泥醬，味道更好。我愛肉骨茶，再加入油炸鬼，食落更滋味。至於秘製馬來西亞咖喱喇沙湯麵，有點辣，合我意。他們改良了配料，用上肥牛，並保留了正宗的掺掺麵及米粉的配搭，配合喇沙湯底，真係食到雪雪聲。最後，朋友的話梅羅漢果茶好潤喉，又一亮點。而我的香茅薑茶，去風又暖胃，冬日之選。

老實講 齋聽名或者睇店面裝潢真係唔會第一時間聯想到馬來菜🤣餐廳位置非常隱蔽，要喺中環俊榮里嗰到入😗可能睇多咗平時啲連鎖星馬菜餐廳，呢間黑黑沉沉嘅酒吧餐廳顯得分外特別✨。餐廳店員亦友善☺️期間不停講解啲餸菜。🌟 秘製馬來西亞咖哩喇沙湯面-惹味肥牛堆($98)個咖哩喇沙湯頭濃而不膩😋味道微辣，除咗咖喱喇沙嘅香味，裡面帶有蔬菜加香料餚出嘅清甜。聽店員講呢碗嘢無另外加任何糖😳全靠食材本身嘅天然糖份。🌟 火熱砂煲肉骨茶(跟白飯) ($128)女士們超適合，冬天係要補補㗎啦⛄肉骨茶上枱嘅時候仲係滾嘅♨有淡淡藥材味 飲落好舒服，配料用咗豬軟骨煮到好入味 啖啖肉超滿足💕豆卜吸滿曬湯汁， 高質！🌟 泰式香茅班蘭葉薑茶 (+$25)唔甜，入口清香帶有些許班蘭嘅香氣同薑嘅微辣。🌟 話梅桃膠羅漢果茶 (+$25)味道鹹鹹甜甜，羅漢果嘅甜味加話梅嘅咸酸味😆再加上健康嘅桃膠，飲得過！*另收加一服務費味道：🌕🌕🌕🌕🌘環境：🌕🌕🌕🌕🌑價錢：🌕🌕🌕🌖🌑

若果唔係睇OpenRice, 都唔知半山有間西式小店，竟然有賣埋馬來西亞傳統食物，肉骨茶、laksa ..起初驚人多，係OpenRice 訂定台，點知去到都係要等成半個鐘，話對上一批客遲左到🙃搞到我地失哂預算，附近又滿座，惟有繼續等終於到我地，即刻落單叫左佢肉骨茶，同梅子炸雞laksa..肉骨茶係用豬軟骨，啖啖肉，軟骨夠軟，透哂明，正，佢有配少許油炸鬼，初時以為都係唔脆，一食，正，脆，湯夠濃，但略少，若多給一點湯較好梅子炸雞，雞球啖啖肉，唔係出邊有d, 全個係脆張，但入邊好少肉， 值得加許，若果可以再梅子一些，減少許鹽，更正Laksa, 個湯完好清甜，飲到湯都冇哂，食剩面🙈我地有叫佢特飲，話梅桃交羅漢水、同班蘭薑茶，話梅其與搶左羅漢果味、班蘭茶冇咩薑，不是必試整體值得一試，推薦

好嘢在轉角~ 隱藏在中環後巷的東南亞菜小店今日行開中環探老公班，順手搵吓有咩好嘢食，見到呢間在網上都有不錯的風評，就嚟試下新菜式～個地址係士丹頓街地庫，搵極成條街都見唔到，最後要轉入去下邊俊榮里條後行，有種柳暗花明又一村嘅感覺店不大，氣氛親切舒服，叫左好多人都叫嘅火熱砂煲肉骨茶，配白飯，比較有趣嘅係，出邊好多舖頭都用一字排，但呢度係用豬軟骨，肉質非常鬆軟，亦滲滿了藥材湯底嘅鮮味；另外，出邊一般嘅肉骨茶湯底比較重藥材味，但是呢度嘅藥材湯底比較容易入口，連我老公最怕藥膳湯底，都忍不住一口接一口；另一方面好欣賞嘅地方，出面嘅肉骨茶湯底比較油膩，但呢度嘅湯完全不油，入口很順喉，對腸胃不帶來一點負擔，對於我這些吃得比較油膩就會肚痛的人來說，簡直就是說是佳音，因為可以很放心地喝湯；還有一個特別的地方，就係呢度會自製蒜泥醬，點豬軟骨一同吃，有提味和提升香氣嘅功能。我老公叫咗日式便當，日式南蠻炸雞丼飯，炸雞非常好吃，裏面還有肉汁滲出， 好juicy；另外，日式丼飯必備嘅配搭麵豉湯，這裏都很講究，出面多數用白面豉做湯，但呢度用赤麵豉，所以麵豉味十分濃烈，喜歡喝麵豉湯嘅朋友不容錯過。至於餐飲方面，由於幫襯

中環 lunch食飯真係好多人🙉 有時行遠啲去Soho搵食 訂埋位唔駛等😌呢間位置有啲隱蔽🤫 但係小店出品非常用心😍 感受到呢區難得嘅誠意💕菜式亦比較特別 有馬來西亞菜食‼️ 亦都有西餐~ menu會不定時更換😌❣️火熱砂煲肉骨茶 $128好開心係豬軟骨唔係排骨 好多肉食又有骨膠原😉砂煲上保溫 呢個建議share會更開心⁽⁽٩(๑˃̶͈̀ ᗨ ˂̶͈́)۶⁾⁾配料係豆卜同好多菇 仲有油炸鬼 超脆勁索湯‼️最癲係店員介紹呢個湯佢哋隔晒所有油 超有心機 真係一滴油都唔見😨 藥材味幾補又唔會感覺燥熱🥰❣️秘製馬來西亞咖喱叻沙湯麵 配脆炸梅子一口雞 $88呢個真係抵食🤤 店員話叻沙係吉隆坡煮法 湯底用左比較多菜 飲落比較清 辣度低 令人一啖接一啖♡︎(°´ ˘ `°)/ 麵底原來係摻摻 麵同米粉都有👍🏻 雙重享受🤣一口雞有成五件 應該用梅子醃咗 酸酸地肉亦都比較鬆軟 有啲似台灣夜市嘅鹽酥雞😍呢個天氣食到一碗暖暖嘅麵仲要咁足料 真係滿足🤤❣️話梅桃膠羅漢果茶❣️泰式香茅班蘭葉薑茶健康特色又好飲 香茅茶好似做完Spa會飲果種😛桃膠好少見 好養生 食完成餐都仲感覺好 light✅

《飄揚的小店風情》 Dragonrick 作為一位自由工作者，四圍覓食已是慣有常態。有時會穿過大街小巷，再深入暗角，轉過窄彎，才到的小店，自然會增加神秘感及期待感……因為歐陸也有不少小店，內裡大有文章，更有機會有三日三夜讀不完的篇章……總是引人入勝，令人念念不忘！這間Brick by Brick , 正有此感覺！ 坐落於大街旁的小巷邊，加上，昨天天氣反常，冬季下掛1號風，天下著淒美的小雨點，令整個氣氛馬上多了一份孤獨的冷，而冷空氣上升使漫天也彌漫著一股淡然。Brick by Brick裡面的格局很有暖和感，因為是店主的太太親自款待，熱情的笑容再加上親和的氣場與店外的氣氛形成强烈的對比。店主太太介紹店內的主打，今日主打是馬拉肥牛喇沙，配上特飲，是為我這個熟悉的陌生人推介，這兒的叻沙比較貼近馬拉的小區叻沙，不太spicy ，用的是蔬菜的自然甜，不主張加味精。這個肥牛喇沙的辣度合適我，夠惹味，肥牛也沾染到蔬菜的甜，厚度也good fit ，口感真不錯！又堅多芽菜、豆卜、半隻半熟蛋及多塊肥牛，絶不手軟……在用料方面，令這秘製馬來西亞咖哩喇沙湯麵更題及能融化我孤單的心。湯麵是用摻摻，口感近似我們

中環Soho大部分俾人感覺都係酒吧、西餐偏多，而最近經過一間叫【Brick by Brick】既餐廳，睇落去都以爲係西式酒吧餐廳。點知原來係主要做馬拉西亞同亞洲菜。見幾特別，所以就去試下。 今次就叫左佢地既招牌肉骨茶，同平時D一字排唔同，用左48小時慢煮既豬軟骨，肉又多又非常入味。湯底非常多藥材同香料，味道非常濃，但一D都唔濁，又無用味精，非常清甜！裏面既菇、菜、豆卜同另外on side既油炸鬼都吸收曬D精華。另外有特濃蒜蓉醬，點埋D食材，非常惹味。 Lunch set包埋一杯飲品，同平時D檸茶、奶茶唔同。主打養生飲品。而我選擇左羅漢果桃膠話梅茶。微甜好濃羅漢果味，非常滋潤！

見到介紹，中環有一間新開張嘅餐館，一於就入嚟試吓！啱啱係中午時間，見到佢分左兩張餐單：西式同埋東南亞菜式，方便唔同人嘅選擇👍仲有啲散叫餐單，有前菜丶湯丶主食等等我就叫咗惹味肥牛喇沙喇沙上邊放滿咗好多芽菜丶流心蛋丶豆卜等等湯底有少少辣，唔會太有椰汁味道，原來係冇落糖同味精，純粹全部都係天然嘅材料～面底用咗油面加上米粉，食落去相當有口感肥牛份量甚多，同喇沙食配合相當不錯！飲品叫了香茅斑蘭葉薑茶飲落去非常滋潤，驅寒暖身，配上淡淡斑蘭味道，相當不錯！

𝐒𝐎𝐇𝐎區既馬來西亞菜🇲🇾酒吧餐廳🍻🍽一諗起💭馬來西亞野食🇲🇾🥢喇沙🍜 • 肉骨茶🍲一定走唔甩啦~•~•~•~•~•~•~•~•~•~•~•~•~•~•~•~•~•~•~• ▪火熱砂煲肉骨茶 Signature Malaysian Bakuteh ($128)砂煲上🍲，上枱個時仲滾緊🔥比平時食到既肉骨茶唔同💁🏻‍♀️唔用🙅🏻‍♀️一字排，用豬軟骨🐷熬𝟐-𝟑日先用，夠晒淋🧏🏻‍♀️(雖然叫🐖豬軟骨，但平時出面食有𝐝位都係硬，唔夠軟，但依到夠軟可以成舊清👏🏻)入面仲有豆卜 • 菇菇🍄最細心💕位係大廚👨🏻‍🍳會撇左湯面層油先出菜。藥材香味夠濃，但唔難入口，餐廳仲講明無味精😌另外配有💁🏻‍♀️脆脆油炸鬼 : 可以點湯🥢秘制蒜泥醬 : 好正，點豬軟骨肉一流🧄本身係配白飯🍚，不過我想食米粉，餐廳都好好俾我轉🤍.▪秘製馬來西亞咖喱喇沙湯麵 • 惹味肥牛堆 Spicy Beef Short Plate Curry Laksa ($98)辣醬膽係餐廳👨🏻‍🍳自己炒🌶講明🙅🏻‍♀️唔會額外加糖，有甜味係用左好多蔬菜🥬而且佢地係馬來西亞🇲🇾既喇沙，椰奶份量比較少🥥所以食完，飲埋湯都唔會好滯🙆🏻‍♀️米粉🤍同油麵💛兩溝本