Brick by Brick (已結業)

中環Soho大部分俾人感覺都係酒吧、西餐偏多，而最近經過一間叫【Brick by Brick】既餐廳，睇落去都以爲係西式酒吧餐廳。點知原來係主要做馬拉西亞同亞洲菜。見幾特別，所以就去試下。 今次就叫左佢地既招牌肉骨茶，同平時D一字排唔同，用左48小時慢煮既豬軟骨，肉又多又非常入味。湯底非常多藥材同香料，味道非常濃，但一D都唔濁，又無用味精，非常清甜！裏面既菇、菜、豆卜同另外on side既油炸鬼都吸收曬D精華。另外有特濃蒜蓉醬，點埋D食材，非常惹味。 Lunch set包埋一杯飲品，同平時D檸茶、奶茶唔同。主打養生飲品。而我選擇左羅漢果桃膠話梅茶。微甜好濃羅漢果味，非常滋潤！