Blaze Craft (已結業)

平時去開LKF飲野，都好少經過荷里活道，原來都幾多野食😋😋今日就揀左呢間新開特色手工啤餐廳😆見個menu食物同平時食開嘅西餐都有啲唔同，先知係主打西班牙菜🤤我地兩個叫左Scallop Ceviche做前菜，係炙燒帶子配香茅洋蔥汁，再加啲牛油果醬添！食落味道好夾，又新鮮，好fresh好開胃🤩然後見個名幾得意，叫左個Blaze Candy😍出到黎真係成粒糖咁款，入邊再左鴨肉同藍莓醬，肉質好嫩，同藍莓醬同脆皮出奇地夾！脆皮又要有幾種層次😛nice~店員推介要試埋Bombas，唔同係炸彈啲fd？黎到大大粒，又真係幾似幾得意🤣食落都好好食，係薯仔，入邊有牛肉碎，牛肉味好濃，配埋薯仔一流最後嗌多個主菜，好想食牛扒，嗌左呢個阿根廷草飼肉眼扒，睇下同普通肉有咩分別先，草飼牛冇乜脂肪，食落有種淡淡香味，唔識形容😅不過係幾特別幾唔同，好食臨走前仲黎多左個Churros，咦，我地野食齊晒！原來係每枱都送free churros😁好中意佢雪糕配左啲餅碎，churros上邊嘅肉桂味☺️全程都飲住bartender推介嘅2杯特色手工啤，好夾，好有果香味，酸酸甜甜，啱晒坐喺度Chill住咁吹水食小食😎

收工同朋友嚟到呢間中環新開嘅Blaze Craft, 係香港比較少有嘅手工啤酒餐廳，餐廳供應超過十款手工啤， 全部即斟即飲，同朋友叫幾款tapas邊飲邊傾，夠曬chill。對啤酒識唔深唔緊要，呢度嘅店員非常friendly, 會主動介紹各款啤酒，朋友叫嘅Mooseroo（300ml $88) 嚟自澳洲酒廠，啤酒花味較重。店員推介嘅Duchesse de Bourgogne (300ml $88) 啤酒經過特別處理，有過一過紅酒筒，深紅顏色同一般啤酒很不一樣， 酸味較出，十分適合女士口味。呢度嘅啤酒出色，食物同樣有質素，Scallop Ceviche$128，帶子新鮮軟滑，甜酸香茅洋蔥汁帶出鮮味，Patatas Bravas$88，經典西班牙炸薯仔粒，炸得乾爽香脆炸，加上燈籠椒汁更加惹味。PAELLA MARISCO$228， 西班牙海鮮燴飯， 米粒盡吸海鮮湯汁，啖啖鮮味，加點檸檬汁更有層次。