Bistronomique

營業中

休息中

西環有海景餐廳首選就是Bistronomique環境一流，最啱情侶/夫婦/好朋友享受慢食的好地方，👍😍環境有室外/室內/有高層可望看無敵大海景，任君選擇。😄😄法式酒館餐廳，侍應生非常有禮貌，美食更一流。👍👍sait cod澳洲鱈魚伴薯蓉鱈魚伴薯蓉加塊麵包仔趣趣地好特別，味道唔錯好味。Lamb Shank$238慢煮澳洲羊膝~外貌非常吸引啊！大大隻羊膝，超淋啊！肉汁又嫩，入口啖啖肉好滿足，配菜仲有兩個薯蓉一件南瓜添。(推介)👍Artichoke salad朝鮮薊心拼海蝦沙律朝鮮薊心菜好特別，外貌有點似牛油果，味道全不同，第一次食，有小許爽口，配開胃凱撒沙律菜再配虎蝦好清新啊！Sirloin steak$268碳燒美國頂級西冷牛扒好大塊啊！肉汁軟綿綿7成熟就啱啱好，用刀輕輕切一小塊進食，肉味好juicy食過不停啊！濃郁又香牛味，本人覺得不用點任何醬料已經夠味了，仲有兩個薯仔和一件南瓜。(推介)👍其實兩度菜都份量大，本人覺得食不到配菜薯仔好嘥呀，但是真的好飽食唔到呢！如果配菜轉蘆筍或瓜類就更佳啦！😄😄

朋友成日同我推介呢間位於堅尼地城既西餐廳，話上次佢朋友帶佢黎慶祝生日，覺得野食味道幾唔錯同個vibes 好chill。原來餐廳就係正% arabica 隔離，可惜窗邊位置都俾人book哂，唔係果話睇住日落同夜景食dinner都幾正。我地兩個人都叫左個6 course dinner($688)，個set有包沙律、兩款Starter、餐湯、主菜同甜品。前菜portion比較少，朋友食到一半話驚食唔夠飽，但最後我食到濟左。沙律香煎魷魚仔配西班牙肉腸魷魚仔煎得非常惹味，食落爽口彈牙，超級推薦! 不過唔係幾覺有西班牙肉腸。法式香草田螺拌薯蓉田螺肉質嫩滑入味，同埋都幾大舊多汁。最欣賞佢旁邊既薯蓉，口感順滑且超重蒜味，朋友食到停唔到口。南瓜湯南瓜味十分濃郁，而且好creamy，飲完之後已經有七成飽。法式炸乳豬乳豬外皮炸至金黃色，食落香脆可口。乳豬豬肉滑嫩入味，配上柚子醬，中和乳豬既油膩感。但略嫌豬肉份量太少，食到最後都係覺得有d膩。美國特級西冷扒西冷口感較有嚼勁，非常重牛味，而且份量慷慨。但油脂比例相對較少，都係鐘意食肉眼扒多d。甜品

上次生日朋友帶左我去呢間對住大海嘅法國餐廳，留下左非常唔錯嘅印象❤️最近就同朋友再次去幫襯。我地去嘅當日天氣非常好，正值日落時份，成個天染上左燦爛嘅紅霞，可惜嘅係我地太遲訂枱，靠海嘅座位已經被其他客人預定晒😢✨6 courses dinner set ($688)Dinner set嘅價錢比lunch set貴一倍😮不過當然都多好多野食喇🤣成個set包左一個沙律，兩個Starter、餐湯、主菜同甜品。✨法式香草焗田螺法式田螺向來好味❤️餐廳係田螺入面加滿左香草，田螺食落口感彈牙。特別值得一讚嘅係佢地個薯蓉，食落好smooth而且非常重牛油香。✨香煎魷魚仔配西班牙肉腸魷魚仔煎得非常香嫩，上面加左啲黑醋汁，味道都唔錯。✨法式烤乳豬烤乳豬外皮焗得非常香脆，入面半肥瘦嘅豬肉口感幼嫩🤤side dish配左啲酸菜，我自己就唔太鍾意。✨炭燒美國特級西冷扒牛扒之前黎都有食過，質素有保障。今次味道同上次都差唔多，牛味十足。因為係西冷嘅關係相對較瘦，但未至於好韌，味道唔錯。整體黎講食物嘅味道同環境都唔錯，但晚餐嘅價錢真係有啲貴，相對黎講午餐性價比會高好多。

➖ U.S. Prime Beef 'entrecôte'睇相可能睇唔出件肉眼有幾大塊，大約差唔多10吋長2吋厚咁上下，厚扒既好處係無咁容易過熟，佢呢塊扒亦都煎得好靚。件扒好淋而且肉味香濃唔洗點汁已經好好味。另外佢跟既薯仔係用鴨油黎焗，平時普通焗薯已經好好味，佢呢個就多左一份好特別又幾好味既味道，可以話昇華左個薯仔➖ Lobster 'Bouillabaisse' Bistronomique上網睇Bouillabaisse正宗係用魚湯黎煮其他魚肉黎食，當然亦都有好多唔同海鮮配搭既改版。而呢度個改版就用左龍蝦湯黎做底，入邊有原隻波龍、蜆同麵包，三款食材都嗦哂啲龍蝦湯汁，食完一定要飲埋個湯。雖然無食過正宗版，但我就鍾意呢個改版多啲，湯底同食材方面感覺比較吸引啲➖ Red Prawn Risotto個飯軟硬適中同時個汁煮到好入味，佢個汁我估佢係用左啲唔同既海鮮加埋咁煮出黎，好濃郁好好味。紅蝦好大隻啖啖肉食落好滿足➖ Crispy Suckling Pig w/ sauerkraut & potato塊皮就咁睇都已經覺得好香脆，底下既肉仲好嫩滑，不過成份乳豬既肉真係唔多，我諗塊皮同啲骨都佔左7

喺呢間堅尼地城海旁嘅法國餐廳可以休閑咁享受佢哋嘅lunch，真係人生一大樂事。前菜-安格斯生牛肉他他：生牛肉切得較大粒，所以更有咬口，經調味同埋拌勻埋喺牛肉表面嘅鵪鶉蛋黃，可以有效辟除牛肉嘅腥味，配埋附上嘅香脆嘅多士仲滋味食。-法式煎田雞腿：田雞腿調味好正，加上外表煎得好香，完美嘅金黃色，而田雞腿肉質飽滿，咬落仲好多肉汁。墊底嘅薯蓉就吸索哂田雞腿嘅調味同埋油香，加埋綿滑嘅口感，令人一食愛上。主菜-炭燒美國頂級西冷牛扒：炭燒牛扒份量十足，而熟度煎得掌控得宜完美做到MEDIUM RARE，外表焦香，內裡呈粉紅色，唔會有血水滲出，只需少量嘅調味，突出呢塊高質牛扒本身嘅肉味，而用炭燒所以亦令牛扒帶有陣陣嘅炭火香味。-豬肋骨 (Daily Special)：豬肋骨烤得好juicy，肉質軟嫩，而搽喺豬肋骨嘅燒烤醬，勁惹味。是日甜品檸檬撻：檸檬撻的檸檬味濃郁，很清新，同埋個餅底非常之鬆化，所以其實就算佢呢個 size 都唔會食到好漏，成倜擺盆再加倜熱飲同雪糕冷熱交替。

Bistronomique 唔同一般既法式餐廳，呢度氣氛cozy唔拘謹, 今次嚟試吓佢哋個lunchset lunch 都幾平，平均都係二百幾左右前菜點咗Baby Squid & Chorizo，魷魚仔配上西班牙肉腸，混合左海鮮同肉既鹹香，好開胃; 但當然係Angus Beef Tartare 更為出色，無筋鮮美，肉味濃又唔腥 🐂主菜既Roast coquelet 燒法國春雞肉質細嫩，個皮做到金黃色香酥得嚟唔油，好味道～食多多都唔會膩偷食左友人既Fish of the day 是日之魚都唔錯，連我呢啲唔鍾意食熟魚既都覺得幾香～伴碟既薯蓉勁香牛油味，好肥但係好好食（錯重點？）下層風景爭啲啲個海景無咁靚，下次會試吓book夜晚上層～

身為西環街坊我覺得有責任介紹多啲西環既正餐廳比大家呀！今次呢間如果大家去過西環尾行既就一定會見過佢，一間小型法式酒館，好天去飲下野好正架～ 今日我就搵左個weekend試下佢個brunch 質素好好啵 而且嗰日超好天 望住個海同大藍天 咩都抵晒呀真係 佢地有個brunch set menu 前菜有湯/沙律同其他 我地就要左田雞腿同加左錢 叫左個牛肉他他 /法式煎田雞腿我覺得呢個係成餐飯最好食既一道菜！先講田雞腿煎到金黃色，外片微微焦脆，入面肉質依然鮮嫩，再講埋薯蓉，勁幼滑超有牛油香，再加埋香料 我想encore 10碟呀安格斯生牛肉他他 (+$38)生牛肉就正常發揮，撈埋鵪鶉蛋黃配埋附上嘅香脆嘅多士都好開胃～Main 我地就兩款都揀肉類，一個牛一個豬～ 炭燒美國頂級西冷牛扒我地叫咗medium rare個炭烤味好香，切開後肉身呈粉紅色入口軟稔～生熟剛好，再加啲調味已好正豬肋骨烤得好香，燒烤醬唔會太多味道剛好～豬肉亦唔會好爛條條撕出黎好味道最後就係甜品： 檸檬撻好香入口酸酸甜甜好清新，餅底好脆加埋雪糕黎食一流～～

朋友約左黎呢間餐廳食飯，趁有時間去左海邊散下心先，原來呢間餐廳係對住個海，室內同室外都有座位，室內分左兩層，上層個海景靚啲，氣氛幾浪漫。凱撒沙律新鮮沙律菜上加左條魚仔，醬汁酸酸地幾開胃喎法式煎田雞腿法國餐有得食田雞都幾少見，田雞腿表面煎到金黃香口，配埋香滑薯蓉，真係另有一番風味呀。香煎魷魚仔配西班牙肉腸🦑煎香左嘅魷魚仔鮮嫩彈牙，加埋西班牙肉腸嘅鹹香味，好惹味呀南瓜湯個湯好濃郁南瓜味，好creamy，甜而不膩。是日精選新鮮魚 : 盲鰽晚餐唔想食太飽，所以揀左魚，魚皮煎到金黃色，幾香，肉質口感比較實在焦糖燉蛋最後梗係食返個甜品做結尾啦😋個焦糖燉蛋比我想像中大杯，香脆的焦糖糖衣配上軟滑嘅custard ，入面加埋一粒粒雲喱拿籽，令人回味

係k town食飯既好處係食完飯可以去海傍散下步，好多人係到放狗，好彩既仲有得玩下狗🐶今次揀咗間可以望到海景嘅法國餐廳6-courses dinner $688/pp牛油果虎蝦沙律虎蝦肉質彈牙，牛油果熟度岩岩好雞肝豬肉批唔太好內臟既我都覺得好好食🤤食到雞肝既味道，但一啲都唔腥。如果接受唔到嘅話可以配芥辣醬同pickle一齊食，仲可以搽落麵包到。法式香草焗田螺好鍾意個香草味，大大粒田螺，食落煙煙韌韌，薯蓉都好綿滑南瓜湯好甜嘅南瓜湯，我鍾意佢幾稠身，但對我黎講有啲太甜法式烤乳豬配德國酸菜，薯仔，柚子醬食乳豬重點緊係係個皮到，脆到不得了！就算擺咗一陣再食依然咁脆！👍🏻同埋佢個主菜份量好大！有成3大乳豬肉檸檬撻配雲呢拿雪糕同蛋白脆餅酸酸甜甜一啲都唔膩，me likey

Service was alright all the way until there’s a fat lady manager Switching off the AC and fluffing their sofa and pillows when we were still eating extremely bad hygiene and dusty environment we will not ever come back to this restro anymore because of her rudeness to customer.

朋友生日想食法國餐，Bistronomique好耐之前已經想食，今次就趁呢個機會約埋朋友去喇🥰一人一個 6 Course Dinner Set $688凱撤沙律🥗，牛油果虎蝦🦐沙律沙律菜新鮮爽口，凱撒沙律上有一條小魚仔，酸酸地幾開胃另一個有牛油果🥑配埋隻爽口虎蝦很唔錯🥳前菜🐥雞肝豬肉批呢個幾特別，有別於鵝肝綿密嘅油膩感，雞肝加了點豬肉，質感較實同乾，肝嘅甘味岀，夾住外脆內軟嘅法國麵包一齊食，多重口感😻🐸法式煎田雞腿西餐少見有田雞提供，通常都係食中餐個時田雞煲咁食，今次法式煮法別有一番風味，外層煎到金黃色，肉質軟嫩啖啖肉，好正😍🐙香煎魷魚仔配西班牙肉腸魷魚仔好鮮味，炒得惹味，食落爆膏，配埋咸香嘅肉腸都幾好食。🐚法式香草焗田螺田螺肉好軟，一啲都唔韌，香草醬嘅配搭都match👏🏻🍄蘑菇湯超多蘑菇蓉，啖啖蘑菇香，入口都綿滑，好好飲呀🥰🦤法國鵪鶉細細隻嘅鵪鶉烤到皮脆肉嫩，香噴噴，伴碟都唔求其，有薏米，青豆，紅蘿蔔🥕，同沙律菜，撈埋佢個汁嚟食都好好食。🐄炭燒美國特級西冷扒好大塊牛扒😍😍，估唔到係咁巨型，牛味濃郁，質素都唔錯，唔會好乾同嚡口，肉質都軟腍，有少少筋位嘅部份食落更有口感。仲有伴碟嘅蔬菜同

西環自從地鐵通車後，食肆立林，Bistronomique 是一家高質素法國餐廳，供應精緻法式經典菜餚，多年前更獲米芝蓮推介，此店佔有地理，除了靠近地鐵站，更擁有海景，絕對是閒談用膳的好地方。假日人流特別多，今天和友人來到此店午膳，分別點了兩客午市套餐，頭盤是鮮蘑菇忌廉湯和法式煎田雞腿，主菜西冷牛扒和焗羊膝。蘑菇忌廉湯雖然簡單，但製作認真，蘑菇香味濃，湯入口幼滑，伴以法包，非常滋味。新鮮嫩滑的青蛙腿用牛油和蒜蓉慢火煎至金黃，伴以薯蓉，相當匹配。煎西冷牛扒 - 大大塊的西冷牛扒，肉質細膩，細筋均勻分佈，令口感嫩中帶有嚼勁，均勻的油脂使煎好的牛排脂香四溢，這麼好的牛排吃原味都很棒，所以師傅連醬汁都不用做。紅酒羊膝 - 紅酒羊膝是經典的法國菜，亦是我的至愛，紅酒羊膝製作需時， 烹調時間大約兩個半鐘，所以肉質特別嫩滑入味。最後還有香濃咖啡作結，盡享美味的法國午餐。

法國美食是香港人嚮往，曾到過法國的朋友，都會感到難以忘懷！可惜這兩年因疫情關係，要到法國旅行，似乎是遙不可及。但留在香港一樣可享受到法國菜餚。今午來到西環一間法式小餐館‘Bistronomique’ 用膳。此店樓高兩層，樓下飲酒，樓上用餐，享有海景，餐廳佈置優雅，充滿法國風情，令人感到舒適浪漫。頭盤蘑菇忌廉湯，新鮮蘑菇打碎加入洋蔥，蒜蓉，奶油，煲出來的湯綿滑香濃，每一口都是滿滿的蘑菇香味，相當有水準。法式煎田雞腿 - 法國人吃田雞有別於中國人，中式會將整隻田雞烹調，法國人只吃青蛙腿，其它的部份則被丟棄，今次師傅將牛油下鑊加熱至溶，放入田雞腿，慢火煎至金黃然後加入蒜蓉拌勻，加蓋焗至熟。田雞腿甘香，肉質嫩滑，伴以薯蓉，非常滋味。主菜紅酒焗羊膝 - 羊肉軟腍到差不多從骨丟下來，盡吸紅酒的味道，非常美味。最後還有香濃咖啡，能在此餐館享用美味的午餐，確實有點喜出望外。

🇫🇷 如果想遠離煩囂，感受法國氣色，望住海景食法國菜，堅離地城呢間海邊餐廳會係一個唔錯嘅選擇。今晚我哋叫咗六道菜嘅晚餐，好好享受久違嘅歐洲風味。🥐🍤 由香口嘅牛油果虎蝦沙律同清新嘅凱撒沙律展開今晚嘅序幕。🥗🥑前菜選擇多又特別，有雞肝豬肉批，擦麵包食，法式煎田雞腿，而我特別鍾意嘅係香煎魷魚仔配西班牙肉腸，因為夠入味夠彈牙。同埋法式香草焗田螺，造型精緻，香草加田螺帶出法國傳統味道。🍋🍗主菜我哋就揀咗法國鵪鶉，已細心切塊，烤得非常香脆，以煙肉吊味，以雜菜伴碟。另一道主菜係炭燒美國特級肉眼扒，肥瘦均勻，脂肪喺口腔入面一邊融化，一邊帶出肉眼扒嘅滋味，討好味蕾。🥩🍰最後係我好重視嘅甜品。有Crème Brûlée 同Opera Cake。廚師好似知我心諗咩咁，蛋糕以雪糕球伴碟，食到幸福嘅味道。🍨

法國菜似乎自帶一種距離感，價格高而份量精緻小巧，晚餐動輒花上三小時…❓其實這只是 French Cuisine 的一部分， Bistro 在法文中意即小餐館，為客人提供親民的家庭料理，價錢相宜而略減精緻。上個聖誕節千挑萬選，最後決定到訪這家法式小店，樓高兩層的 Bistronomique 座落西環海濱，毫不起眼的店面卻隱藏著無窮美味 😙廚師用上法式傳統手法烹調，消費比一般 Fine Dine 法國菜經濟實惠得多，味道和選材卻能嚐出百二分的誠意，絕對是吃得開懷暢快的一晚！🥂 雖是聖誕節卻可自由選擇 Order 套餐或 À La Carte，二人各自選了海鮮套餐和普通套餐，兩者均有六道菜，包括沙律 ‣ 兩款前菜 ‣ 餐湯 ‣ 主菜 ‣ 甜品 🍽️ 海鮮 Set 更有兩隻中等尺寸的法國生蠔，蠔肉厚實爽口、海水味重 🌊 意外地新鮮，一點也不小氣呢！
前菜點了餐廳的招牌 Baby Squid & Chorizo，彈牙魷魚仔吸收西班牙肉腸的油脂後，鹹香鮮味更突出，搭配微甜的黑醋醬，屬下酒必備小菜 🍸Escargots à la Bourguignonne 被油分滋潤的螺肉特別軟嫩，Pesto 的青草