Bistronomique

營業中

休息中

今晚好友說帶我去食一間米芝蓮級的隱世靚景餐廳。去到餐廳的時候，真的沒有令我失望。因為正正是本人喜愛風格的餐廳。餐廳不只對着浪漫的夜海景，而且裝修簡潔而帶時尚，給別人一個很舒服溫暖的感覺。最重要係食物真的非常之好吃，在酒店也未必能吃到，我們都非常滿意。所以我一定會再帶朋友來吃。我們叫了以下的食物：1. Diamond Clam with white wine sauce HKD 248 - 首先要讚一下那些大蜆，每隻都好大隻，肉質非常鮮嫩，脹卜卜，肥嘟嘟，味道非常鮮甜，也帶點海水味，很新鮮，而且肉厚多汁。一咬落去就留出很多汁來。加上他們的白酒汁，味道升華了一層，因為白酒汁非常清甜，而且帶點蒜和洋蔥味配合得非常恰當，簡直可以當湯飲。2. Lobster Linguine HKD488 -這個龍蝦意粉制得很出色。尤其是意粉的龍蝦汁，龍蝦味濃郁，又香又有海鮮的鮮甜味，非常可口。味道比很多酒店餐廳更勝一籌。龍蝦很新鮮甜美，肉質鮮嫩，彈口，而且有很多膏，好正。

對於我嚟講西環有啲遠，所以平時都好少可會揀嚟呢頭食飯今次幫朋友慶祝生日就決定去下新地方試新野呢間小店正正對住個海，我地坐樓上唔算好望到（個窗太高），不過氣氛幾好，啱靜靜地傾下計我地唔係好肚餓，所以只係叫咗個6 courses set加多一碟沙律1. 蝦沙律2.香草焗田螺呢兩樣都幾好食3.魷魚仔配西班牙腸啲魷魚仔幾好食，我鍾意跟住另外叫嘅沙律都嚟埋，都幾大碟同埋估唔到有隻太陽蛋，撈埋啲蛋汁又幾好食4. 蘑菇湯夠哂濃，好味5. 法式燒乳鴿有飯，好飽肚就咁睇上面嗰啲都細細份，其實兩個人食完都飽飽地，再食埋呢樣真係夠哂飽呢碟正常，下次再嚟應該會試其他6.拿破崙侍應見我地食哂之後就會俾甜品嘅menu我地揀，我地揀咗拿破崙我事先已經同餐廳講明係慶祝生日，想寫Happy birthday喺碟上，我本身好擔心會唔會俾侍應踢爆之類，好彩呢間喺呢方面做得好好，好成功咁俾到驚喜我朋友呢件拿破崙都好好味呀我地都好滿意呢餐飯，嘢食好好味，餐廳內好有氣氛，有機會一定會再嚟

入到西環，見到個酒吧，晏晝都開工，走入去睇下咩環境，原來都係有西餐開，上到二樓一坐低，無敵大海景，睇住個青馬大橋離開餐好正!呢度話人哋真係好靚仔知道可以食嘢包朋友叫咗個煎三文魚餐， 我整番個羊膝餐。先嚟一個鵝肝豬仔包三文魚大大嚿，女士十幾難食得曬，要搵啲男士幫下口， 三文魚解慢火乾煎，只要唔過出火金黃色，就已經好好味，煎得真係好味!我件羊膝，睇到個樣都好厲害，好彩個胃仲頂得順， 肉汁鎖喺入面，肉質有口感，味道喺肉裏入面滲出嚟，真係冇得彈， 忍唔住問下侍應，呢個羊膝，點樣可以有咁嘅手工，佢介紹係慢煮兩日將啲配料慢滲透入肉，味道肉汁先至出嚟嘅!唔怪得咁好味啦!重要一提就係啲餐具配搭， 有logo唔在講，仲係有特別嘅玻璃杯，係依雲水嘜，唔知佢係特約經消定購買返嚟嘅，淨係玻璃水杯都已經值得一提!咖啡奶茶唔少得，差唔多都唔使點多講，餐後一杯，清清喉嚨。

今天慶祝貓頭鷹生日，大伙兒到西環一間高評價的法國餐廳聚餐。從西環地鐵站到餐廳大約八分鐘，方便！剛到餐廳就比美麗的夜景吸引，配合昂船州大橋的燈光，簡直是極美。食物方面完全沒有失望，從前菜（Caesar Salad), 主菜（鹽焗馬友、M7斧頭牛扒）都好食，更令我們讚不絕口的是甜品，特別是Lemon Tart，Yummy!餐廳職員貼心服務更值一讚。用餐接近尾聲，生日音樂嚮起，餐廳職員奉上生日檸檬果餡餅，大伙兒一起唱生日歌，氣氛特別正。

第一次來是lunch hour, 立馬被門囗的無敵大海景吸引住，好像去左旅行咁，未食已經有身心放鬆的感覺。記得午餐食物質素性價比高，但又說不上非常好吃，建議不要點牛排。而這次是第二次來，朋友生日想吃西餐，我就諗起這家小店。不過睌上來，海上漆黑一片，其實就不太欣賞不到海景了。我們點了幾個菜式，都很不錯，最欣賞的是龍蝦意大利飯，意大利飯的軟硬程度家家不同，這家正合我的囗味，價錢和服務都可以接受。想要一頓靜靜和浪漫氣氛的法式小店晚餐，這裡是不錯的選擇。

好耐無來西環行街，通常買海味才來行下，又可當交遊活動日，爽爽！行到近海皮便食個午餐，選了Bistronomique食Lunch，有上層選擇架，地方不算大，環境又幾有情調添，啱晒兩公婆慢慢享受下。頭盤選了鵝肝豬肉批 ，味道有點鹹 ，食落有點口乾感，不過配酸瓜味道就非常夾喎！我中意食魚便選了是日精選鮮魚~是三文魚~三文魚好大嚿 ，熟度有點難架，廚師非常好手勢 ，煎到啱啱好，入口竟然不算油膩。老公就選擇了紅酒燴羊架，問了侍應生，原來羊架用咗兩日時間去炆架，所以肉質非常淋又入味 ，一啲都冇騷味， 因為我好怕食騷味羊架，但食過兩啖就已經愛上了，終於食咗老公一半，哈哈。

餐廳是—間法式小館，夠簡潔舒服。今次坐樓下，還有個無敵海景贈送😀。套餐分別有 6 Course Dinner Set $688 或 $488兩款選擇。粟米湯: 粟米味好濃，用新鮮粟米打碎而成，非常之滑溜😋。法式焗田螺: 細細粒田螺比濃濃嘅蒜蓉香草夾著吃，超好味。底層的忌廉薯蓉幼滑👍。香煎魷魚仔配西班牙肉腸: 魷魚仔軟諗，配上西班牙肉腸惹味。洋薊海蝦沙律: 新鮮蝦配上清新酸味的沙律汁，特別開胃😄。炭燒美國安格斯肉眼扒: 炭燒過的牛扒有焦香味， medium肉質夠軟諗，少少鹽調味已吊出牛扒濃郁嘅牛味。最後甜品檸檬蛋糕: 檸檬味不算濃，勝在不太甜。Bistronomique來過二次，食物都非常滿意。

無敵海景伴美食，對香港人來說算是奢侈。堅尼地城海旁一帶有數間餐廳是面對海景，非常搶手，一席難求，假期日子預訂是必要的。今日是平日又落著微微細雨，人流不多，街外景色變得特別浪漫。凱薩沙律跟一般的不同，隨了蔬菜，麵包粒之外，還有半熟蛋和意大利魚，整體味道鹹香有層次，開胃。前菜有法式煎田雞腿，咪以為細細隻，肉量幾豐富啊！煎得外脆內軟還保持肉汁，滋味。另一款前菜是法式香草焗田螺，香草醬基乎爆滿，香味誘惑，田螺肉質軟熟。餐湯是忌廉粟米，粟米味濃，質感綿綿，好正！ 主菜㨂選時日新鮮魚，今晚是三文魚。魚皮煎得香脆可口，肉質感尚算滑溜。好喜歡伴菜竟然是蜆隻，鮮甜美味，配搭不錯。甜品是朱古力慕絲，味道香濃綿滑，不會太甜膩。整體來說，環境有法國小店風情，食物水準高，服務又貼心，不過個人意見認為是一個套餐到最後缺少了一杯香濃咖啡或茶，有點欠缺什麼似的。

呢間餐廳真心正又Chill 又好味啲廚師好俾心機煮一道一道菜～係我係香港最鍾意嘅法國餐廳⋯沒有之一~可能本身我比較鍾意堅尼地城呢個社區 ⋯中西合併又寧靜 ⋯又可以行海旁拍拖真係一流!!!啲菜單午餐成日會轉試左咁多次都未食晒～啲晚餐雖然貴啲但物超所值特別日子可以不妨一試

比起連鎖店，我比較鍾意嘗試一啲小店，今晚出街食飯就揀咗堅尼地城嘅一間法國小店。餐廳樓高兩層，位於堅尼地海旁邊，環境當然就無得輸啦餐廳雖然不是什麼華麗嘅裝修但勝在夠簡潔舒服，二人x 6 Course Dinner Set 分別有$688 （Seafood為主）或 $488 （肉類為主）per head兩個set都好豐富，我地叫咗$488。Salad 同 Starter，如果二個人大家可share全部都可以試曬，總共兩款Salad + 四款小食小食法式焗田螺超好味，大大隻，一上枱已經聞到濃濃嘅蒜蓉香草醬味，伴以香濃幼滑嘅忌廉薯蓉，真係後侮冇一人叫一碟不過其實其餘三款小食都好有特色，特別係個香煎魷魚仔，好彈牙又惹味南瓜濃湯顏色亮麗， 又甜又香滑主菜我就叫咗店員推介嘅法式燒乳鴿，乳鴿肉嫩鮮美，帶點野味香，野菌risotto 吸收曬乳鴿嘅精華，濃郁美味！炭燒美國安格斯肉眼扒，真係好有炭燒過的香味，肉質也夠軟腍加有彈性！飯後甜品有 Pear Pie ，賣相精緻，甜品上的梨清甜，質感軟硬適中，每一口都咬到梨片，至於批底也非常鬆化另一法國經典甜品～Opera歌劇院蛋糕，一啖放入口，咖啡和朱古力的綿柔醇

香港人想輕輕鬆鬆食個DIN，會去茶記，咁巴黎人想舒舒服服食個DIN，就去Bistro。作為港人行到西環海旁，想輕鬆舒服食個法DIN，唔需要諗到癲，Bistronomique開餐去也。唔好以為法國菜一定好拘束，舒服簡單都可以。打開Menu，6-course dinner真係唔錯，沙律可以二選一，前菜又可以四選二。有選擇困難？無問題！你知啦，人生有個真正朋友就梗係好極嘅。由於我哋有兩個人，所以可以試勻哂所有前菜喇。前菜可以話一啲都唔欺場，pâté 配小酸瓜夠醒胃、墨魚仔配chorizo夠惹味、田雞腿配薯蓉夠風味，至於食法菜，嚟個escargot可以話係常識吧！食完前菜其實已經好滿足，嚟個番茄湯真係啱哂，香濃得很，又酸酸哋，即刻又開胃哂！主菜四選一，又係因為有兩個人嘅關係，有機會試兩款，安格斯肉眼扒一上枱就飄嚟一大陣chargrill 嘅香味，食落更加係嫩滑多汁，好味道！配埋個滑滑薯蓉係一絕。另一款主菜係侍應推介嘅乳鴿配野菌意大利飯。無論Squab定Quail都係貪佢夠鮮嫩，呢個絕對做到，至於個risotto，就好香菇味，配埋乳鴿出奇地夾喎！仲有仲有，法國甜品！梗係要留番個胃俾佢，先嚟梨ta

This one is highly recommended by my friend and finally we got a chance to dine here after work .... location-wise may not be very convenient while we took cab directly to the place which is still fine... Nice sea view! Facing the seaside for dinner = so nice indeed ...A small bistro which offers lovely dishes! From starters to main to desserts part = all good ... nth to complain for sure 😋😋 it alsooffers nice white and red wine 🍷🥂🍷🥂 white for us in the beginning and then it’s time for red when

上星期日晚上一家四口換換口味，來個西式晚餐！太太發掘了一間在堅城開業的新歐洲餐廳叫Boulangerie Bistronomique. 餐廳雖小，但景觀一流，面對無敵維港景，已是第一殺著！去餐廳當然主吃！今天晚上我們點了BB魷魚為頭盆。BB魷魚十分嫩滑彈牙，當然生鮮是主因，廚師煮出的醬汁加上魷魚十分好味！另外點了一份法式洋蔥湯，十分足料，湯被一層焗香了的芝士及麵包蓋上，保持湯溫之餘，芝士、麵包跟洋蔥湯一起吃，十分滿足，洋蔥的甜味浸滿湯內，份外好味！另外我們點了蟹肉意粉蟹肉意粉、牛牛扒及烤乳豬作主菜。蟹肉意粉的蟹肉10分足了，蟹肉10分鮮甜值90分！另外，牛扒是用上和牛，由香十分足，廚師掌握中度煮熟也十分好，牛肉趙落十分冧香，回味無窮！烤乳豬是這餐廳的推介食品！乳豬肉質十分幼嫩，皮脆肉香，卻並不油利，一份也有4－5件，連配菜也十分好味！是次晚餐十分滿意！值90多分！必再來！

堅尼地城臨近海邊一帶有好多充滿特色既餐廳，而今次就試左一間西色餐廳。餐廳為兩層高，型格既外觀與當中以啡白兩色為主的柔和簡約裝修截然不同。地面的一層設有室外與室內的餐桌，餐廳室內的座位都係倚靠落地玻璃，藍天白雲與海面連成一線，為呢次晚用餐體驗昇華不少！餐廳在平日午餐時段提供set lunch menu, 當中可自行選擇前菜、主菜以及茶或咖啡。顧客係未諗好食咩之前，已經可率先品嚐一盤烘得鬆脆且微溫既麵包多士。今次選擇咗soup of the day作為前菜，正好係我鍾意既粟米湯。個人認為餐湯非常出色，粟米湯既溫度正好，熱烘烘但並不燙口，奉上之際已經香氣四溢，飲落去香甜濃郁，我諗廚師應該係將一粒粒粟米打成蓉再煮湯，所以飲既時候會咬到粟米碎，口感豐富。而主菜方面，我今次就揀左grilled rib eye steak. 呢個主菜係無特別配以濃厚既醬，主要都係用番牛扒既肉汁加上簡單既調味同香草作為醬汁，鹹度適中亦吾會搶左牛肉本身既味道。可能因為叫左medium 既關係，牛扒一d都吾難切開，肉質軟腍，食落亦帶有肉汁。另一點較為驚喜既係可以嚐到淡淡既碳燒味，而且表面烤得香脆，但美中不足既係牛扒某些部

我平日中意去d laid back d既地方食野，尤其係堅尼地城，而家開左地鐵更為方便。今日同朋友去左食西餐，叫bistronomique。叫左兩個set dinner，先黎麵包墊下肚，再黎洋薊海蝦沙律，酸酸甜甜，海蝦吊味，令人好開胃。set dinner仲有個餐湯，係我最愛既南瓜湯，味道好濃郁。然後又一個前菜，香煎魷魚仔，配料醬料調味好豐富，每一口魷魚仔都味道十足，咬落口感十足！法式雞肝豬肉醬很特別，原本以為是creamy的口感，怎知原來是比較結實一點，因為雞肝混合了豬肉，這樣就不會有膩的感覺，也會慢慢吃到雞肝的甘香！終於主菜到啦！炭燒美國安格斯肉眼扒，份量好大，上菜冒出熱氣，肉質鮮嫩，燒得唔多唔少！最後甜品檸檬蛋糕做得算唔錯，但檸檬味不夠香，亦唔多夠酸。，為今餐畫下一個完美句點。bistronomique果然食物非常滿意，人均四百幾，已經款式多又滿足，下次會再黎！