Bistronomique

營業中

休息中

It was the first weekday after vday and we intentionally booked restaurant after the commercial day to avoid high prices. Boyfriend thought of something romantic and did not let me down! This was also Micheline recommendation during 2014. We ordered the 6-course meal with $468pp, food portion for each dishes are just right. The highlight were the escargot and the steak. Escargots were cooked with herb and it smelled super good, in HK, not a lot of places selling escargots and taste like the ones

同朋友放咗學行開堅尼地城海旁，見到好多西餐廳。呢頭西餐廳/bar多就一向都知，但一直都冇諗過試。今日終於的起心肝試下其中一間！見到lunch價錢相對平嘅Bistronomique，環境又chill，就決定入去嚕店面唔算大，坐到10-12人左右，但仲有室外同樓上嘅位置，應該都容納到幾多人！不得不提嘅係個景真係好靚！我哋叫咗兩個set lunch，是日餐湯係粟米忌廉湯，是日精選鮮魚係三文魚，而是日廚師精選就係鴨腿～首先上咗兩片法包，焗得香脆，好食。之後就上前菜。是日餐湯（跟餐）Soup of the Day我最鐘意嘅粟米湯，梗係要嗌啦呢度嘅粟米湯唔係普通嘅粟米湯，好味到我同個朋友都話為咗個粟米湯值得再嚟過！texture非常之濃滑，粟米味好濃，真係用新鮮粟米打碎而成嘅，仲食到粟米碎，真係好好飲。雞肝豬肉批（跟餐）Pâté de campagne呢個比較特別，平時好少見（或者係我冇留意😛）。其實我不嬲都唔食內臟，但望住個特別靚嘅景，就諗住食啲特別嘅嘢。雞肝同豬肉整成嘅批，有少少雞肝嘅腥味，食完仲喺個口度朗下朗下。配上小醃黃瓜同芥末醬。主菜👅碳燒美國豬肋骨（$168）Charcoal gril

我都好少寫食評，但呢間法國餐真係麻麻，如果你地要慶祝乜日子的，我都唔會建議你地去。講環境，好一般，枱好細，我諗譚仔d枱都大過佢，空間又細，我同另一半週年紀念，張台同格黎好近，成餐飯就係度聽人地傾解，完全冇法式餐廳的格局。食物，我點左主餐，the fish of the day,條魚完全冇味。我另一半的牛扒都似係茶餐廳的質素，人地起碼有其他汁揀。 我冇叫酒，叫左杯juice,但個份量少得驚人，飲2啖就冇果種，個杯好細。收幾十蚊一杯。甜品都係跟set冇choice,問係乜，都話大㕑決定。各樣都好一般，唔好有期望，以為係d 好grand的地方，好casual 去食杯嘢都唔會揀佢。 我的意見俾你地參考下。

新年前食個團年lunch，一直想試呢間法國野，平時lunch 都好full，好彩訂到位！位於海邊，有無敵大海景（如果你坐樓下個層）Lunch set送烤熱左嘅法包，外皮脆，裡面軟，唔會好硬，牛油一搽上去就溶化晒。Starter 我揀左餐湯，係粟米湯，可惜唔記得影相，金黃色嘅湯有非常濃郁嘅粟米味，味道一流，不過唔夠滑，有少少顆粒狀。我其他同事揀左 baby squid, 好香好惹味，有陣蒜再加少少蝦醬嘅味，好似中菜d 炒魷魚咁，好味而且數量唔少每人有6-7隻嫁！Main我揀左daily special - pork chop!非常之juicy，同埋好夠厚（估計約2cm 厚），size 係大過一隻CD 少少，只有側邊有少少肥肉。切每一刀都有肉汁滲出黎，肉係岩岩好熟，真係好好味！咁厚但都唔會煮到老晒仲要有咁多肉汁，我一定會再encore! 而拌菜就係烚新薯兩粒同一堆蕃茄醬煮嘅菜，正正常常咁！而同事就點左蟹肉意同埋牛扒！蟹肉意上面係溫泉蛋🤤不過我無食呢兩樣野就評論唔到喇！但同事都讚好味👍🏻好味但食物等得有少少耐。

因為本身不喜歡吃芝士牛油及奶類食品，所以平時都是食中菜日菜比較多，今日轉口味食法國菜，因為這一間是香港廚師，醬汁處理得非常好之外，不會多用忌廉牛油。選擇了六道菜晚餐，每位不過$468，可以有三款頭盤，然後湯、主菜及甜品各一，豐富但經濟。凱薩沙拉組合適當，有意大利鹹魚及流心蛋，以鹹香及滑蛋調味，可減少芝士。法式煎田雞炸得好，肉質有彈性，味道都好好。法國蝸牛最出在香草汁的處理，香草味很香，混合薯蓉食，非常好。今日的湯是蘑菇忌廉湯。法式烤乳鴿，煎得算嫩，整體味道豐富，但注意厚肉位味道有些不足唔夠入味，相反下面的意大利飯入味，因為有菇，處理得美味。最後甜品檸檬蛋糕做得算唔錯，但檸檬味不夠香，亦唔多夠酸。

我幾鍾意食法國菜，可以是 fine dinning，食完心情都會靚晒，亦可以是 bistro 小館，食好嘢但可以使少啲錢，今晚我就堅尼地城海邊，睇住海景食法國菜，有一間已經在這裏多年的法國菜餐廳 Bistronomique，菜式有水準環境亦一流，價錢都非常合理。這裏有四道菜及六道菜的菜單選擇，今晚想食得豐富啲就揀咗六道菜，兩個人一人一杯酒，配合下氣氛，Rose 及 紐西蘭 Red Wine，各有風格。沙律我揀咗 Artichoke Heart & Prawn，啲汁酸甜合適，蝦有蝦味，artichoke 幾特別。Pate Maison 雖然唔係好滑，唔夠 fine，但味道很好，配新鮮又夠熱的法色，理想配合。香煎魷魚仔配西班牙肉腸有點驚喜，主要有魷魚香，因為啲油很香，油及醋混合，吸收晒魷魚及肉腸嘅精華，點麵包一流。蘑菇忌廉湯，味道很不錯，仲用腫瘤做咗個小心心型圖案幾得意。今日海鮮是三文魚，香煎過，皮脆肉嫩，配合多隻蜆仔，賣相好，味道更加被提升咗，用咗薯蓉墊底，因為有汁用薯蓉有其道理，但我唔太鐘意薯蓉。今日甜品是焦糖撻，幾好食，沒有想像中咁甜。飲酒唔需要咖啡茶，今晚唔多人冇壓力，慢慢嘆埋杯就

友人推介呢間‘好好味’既西餐廳，咁晏就就去試下啦。個景係真系唔錯既，但裝修首先好普通啦，收得呢個價，但唔緊要啦，重要既係食物嘛。嗌左個粟米湯同羊膝，羊膝好大份既，但味道就還可以啦。埋單每人差不多200蚊🌚

好好味，但一個字，貴！我哋叫咗兩個頭盤，一個係蟹餅，一個係沙律。蟹餅其實都唔錯，好彩有試！個牛排係真係幾出色，其實依間野係堅尼地城依間野，都真係幾想得返轉頭再食多次！

經識飲識食的朋友仔介紹, 知道堅尼地城有一間西餐廳Bistronomique 食法國菜 , 好高質。今晚放工專程和好友去試下。餐廳分兩層, 我們坐下層, 可以望到海。餐廳環境不錯, 有點浪漫。我們每人選了6 courses set的晚餐。Per head $468。沙律: 洋薊海蝦沙律海蝦面鋪了少少黑松露醬, 香氣撲鼻。海蝦沙律夠清新。前菜可以選兩種, 我分別選了法式雞肝豬肉醬和法式煎田雞腿。法式雞肝豬肉醬第一次試雞肝, 有點驚喜, 我覺得比鵝肝還要好吃。雞肝豬肉醬軟綿, 雞肝面有酸青瓜, 和雞肝豬肉醬一起吃, 又幾夾。法式煎田雞腿田雞腿煎得香, 啖啖腿肉。田雞腿肉下有薯蓉, 薯蓉香滑, 好好食。湯: 今日餐湯是蘑菇湯蘑菇湯不是普通貨色, 比較杰身, 好多蘑菇蓉,有少少鹹, 但配了麵包一起吃就可以平衡了。麵包是熱的~主菜要了炭燒美國安格斯肉眼扒肉眼扒賣相靚, 大塊。 一端上來已覺得吸引。食落堅係美味。肉眼扒鎖住肉汁, 七成熟燒得剛剛好。旁邊還有蘆筍, 薯仔。食完已好飽。仲有甜品:雪糕檸檬餅。以為甜品會是細細件, 檸檬餅好大件, 酸酸地配上雲呢嗱雪糕又不錯。今晚好開心，可以食到如此高質

再臨Bistronomique,其中是為其食物質素，其二是偏好海景餐廳。晚市每張桌上也放有酒杯和電動蠟燭，氣氛浪漫。是晚我們點了6 courses dinner set。凱撒沙律加入了鯷魚和流心蛋，立時提昇了味覺層次。香煎魷魚仔配西班牙肉腸很有驚喜，魷魚仔一點也不韌，腍得來又帶爽；醬汁也真有西班牙風味，濃甜不膩。法式香草焗田螺有點鹹，與薯蓉同吃剛剛好。以咖啡杯盛著的濃稠蘑菇湯，滲著黑松露和蘑菇香氣比目魚煎得恰到好處，魚肉嫩滑。原以為煎魚只會配一些薯菜之類，沒想到竟以蜆和小青口作伴碟，猶以蜆肉鮮甜可口。檸檬撻酸香清新，再加上一球雪糕，正好為這頓6 courses dinner劃上完美句號。

週未想和友人好好享受美食，可惜旺區總是人太多，位子太少。忽然友人提議，多乘兩個站，到西營盤的Bistronomique，享受海景+美食吧！今次我們選擇了6道菜的menu ，享受過不俗的麵包後，就品嚐前菜凱撒沙律及凱洋薊海蝦沙律( Kim子推介指數 8/10)前者的蔬菜新鮮，配搭的煙肉亦入味。後者的海蝦十分爽口，絕不會因為是頭盤而馬虎了事。香草焗田螺( Kim子推介指數 8/10)最令人驚喜是其充滿奶油味的薯蓉，配上田螺，令味道更有層次。而法式雞乾豬肉醬，味道比想像中清雅，容易入口。法式煎田雞腿( Kim子推介指數 9/10)最值得一提，只因其烹調方式與中式完全不同，令田雞的肉質加倍鮮嫩，令人印象難忘。吃著吃著，喝一口Mango Colosa，感覺特別醒胃。主菜登場之前，先來一客蘑菇湯暖暖身，味道濃郁，又隱約感受到蘑菇的甜味。法式烤乳豬( Kim子推介指數 9/10)侍應將法式烤乳豬端上檯，他介紹整道菜製作工序繁複，乳豬需要經過半煎炸的處理，咬下去，發現所言非虛，乳豬皮特別香脆，而豬肉口感軟腍，加上甜汁，令味道加倍昇華。配菜蘆筍選材亦很新鮮，更有助中和乳豬帶來的油膩感。炭燒美國安格斯肉眼

今天與朋友吃晚餐， 由於旺角尖沙咀實在太多人， 今次我們嘗試於西環搵食。 由於西環現在有地鐵，真係方便好多。這間餐廳近海旁，一邊欣賞夜景一邊吃晚餐好開心。6 courses set $468色法國菜當然首先會有麵包, 這家餐廳的包好香脆軟滑， 完全不會hea。洋薊海蝦沙律海蝦非常新鮮， 而且他要保暖暖，咬去是脆的。法式煎田雞腿田雞腿好滑，少少辛辣，薯容忌廉味很重很香很滑。香煎魷魚仔配西班牙肉腸西班牙肉腸在這個菜餚的作用是帶出魷魚味道，兩者口感不同， 一軟一脆，一淡一濃，多點煙韌， 帶點辛辣。 很正的一道菜蘑菇湯香滑 ， 有蘑菇粒，很有口感法式烤乳豬法式烤乳豬還是第一次嘗試 ， 他們的製作方法類似是半煎炸， 所以皮感覺像是薯片一樣香脆， 即使放涼了， 皮還是保持香脆口感, 乳豬肉嫩，配甜柚子醬，味道更佳。炭燒美國安格斯肉眼扒Medium rara, 肉味濃，帶有濃濃碳燒香味。甜品非常精彩。朱古力慕絲好重朱古力味，不帶苦澀, 而無私的口感非常輕, 每啖入口即溶。lemon tart檸檬撻配海鹽味雪糕，層次感非常，先吃一口檸檬撻，酸酸的，再吃一點雪糕， 雪糕奶香，帶鹽味，即時散去清了味蕾的酸

話說身為西友，跑步就經過得多，都未試過海滂呢間餐廳，呢晚就同家姐去試下！我地上咗上層，原來上層係望到青馬大橋㗎，超靚景，又有情調！我地就決定食dinner set，入面前菜同主菜嘅選擇都唔少！呢個洋薊海蝦沙律好特別，因為有平時好少食到嘅洋薊，咬下去多汁，很軟，蝦很彈牙，不錯！前菜點咗法式煎田雞腿，又係好特別少見，西餐竟然有田雞！煎田雞腿外層焦脆，但肉很嫩，下面有薯蓉。家姐好中意法式香草焗田螺，好香牛油味，田螺好惹味！黑松露蘑菇湯好重蘑菇香味，creamy，好飲！我叫咗炭燒美國安格斯肉眼扒，七成熟，燒得好香，好重牛味！是日甜品有檸檬撻，酸酸甜甜，唔怕膩！餅底做得幾好！整體而言，食物好好，侍應又超親切，要俾like呀！

今日同朋友特登過海去堅尼地城食西餐，叫bistronomique。我地一坐底就先叫枝白酒，再慢慢睇下set dinner想食咩。晚餐set有沙律有湯，法式硬包配牛油，沙律係凱薩律，有流心蛋，先有大量菜落肚清清腸胃。Set dinner外另叫左生蠔，又大又新鮮。另外有個小食係法式鵝肝豬肉醬，乍看之下平平無奇，顏色亦唔鮮豔，但估唔到入口別有乾坤，豬肉同鵝肝配合天衣無縫，口感豐郁無比。主菜法式烤乳豬，皮又薄又脆，唔會太肥膩，但又能保持鮮嫩，啖啖外脆內嫩，好滿意！最後由甜品做句點。opera蛋糕，有幾層，咖啡、朱古力，口感略硬，於口中融化，再配上雪糕，好幸福！綜合環境、食物而言，bistronomique水準好高，人均五百左右，價錢合理，下次同人慶祝都會繼續黎！

港島區一向係覓食熱門地點，尤其係堅尼地城，而家開左地鐵更為方便。今日同朋友去左食西餐，叫bistronomique。當然係叫set dinner抵啦，先上麵包墊肚，係法式硬包，再黎洋薊海蝦沙律，酸酸甜甜，海蝦吊味，令人非常開胃。set dinner仲有個餐湯。然後又一個前菜，香煎魷魚仔配西班牙肉腸，配料醬料調味好豐富，每一口魷魚仔都味道十足，咬落亦勁道十足。主菜到啦！炭燒美國安格斯肉眼扒，份量好大，上菜冒出熱氣，肉質鮮嫩，燒得唔多唔少！甜品係焦糖燉蛋。薄薄一層焦糖，下面燉蛋非常鬆軟，甜絲絲，於口中融化，為今餐畫下一個完美句點。bistronomique果然食物非常滿意，人均四百幾，已經款式多又滿足，下次會再黎！