Bistronomique

營業中

休息中

我好少食法國餐因為太貴啦，今日我要同朋友慶祝生日，佢又住港島個邊，所以就揀咗一間幾好食又有海景睇既餐廳，欣賞下寧靜既景色佢有set叫，我又唔想諗，就叫左588一個餐，個價錢都貴貴地，我對佢有期望既！首先係前菜， 有免費餐包，我欣賞佢牛油因為勁香，唔係雜牌子。之後就有墨魚仔同埋雞肝。墨魚仔個汁好好食！好入味，我未食過類似嘅野，覺得佢醬汁應該好地道，咸咸地。雞肝有d似午餐肉咁，如果唔中意食內臟嘅就唔好叫，我中意食，我就覺得佢好香。法式田螺又係好正，佢既香料，配合埋嫩滑既田螺，令人置身法國咁！南瓜湯就正常啦，都係餐湯既一部分。重點來了！油封鴨！佢個皮好脆！鴨味香，下面仲有大量豆，唔洗驚肚餓！最後甜品creme brulee當然都好好食啦！

平時嚟到堅尼地城望到個海景，都已經好有holiday mood，今次就搵一間環境舒適又景觀好嘅餐廳，呢間靠近海旁嘅Bistronomique就符合我地嘅要求呢！餐廳分咗上下兩層，我哋上去咁啱就坐咗係大玻璃側邊，望出去見到西環碼頭。嗰日恰巧藍天白雲，我哋每人嗌左個lunch set，一路食住餐包，一路望住個海，非常寫意！頭盤我揀咗Caesar salad，雖然看似平常不過的菜式，但卻頗有特色。除咗清爽嘅羅馬生菜，仲混合埋厚切Bacon，麵包都有特別處理過，再加埋半隻流心蛋，食落層次豐富。主菜就嗌咗是日精選鮮魚—三文魚，本身仲諗會唔會好普通，但係餐廳處理得好好，食完都令我地幾驚艷。首先魚皮煎得非常香脆，有種脆片嘅感覺。魚嘅生熟度啱啱好，嫩滑帶汁。配菜都非常好食，個薯蓉十分creamy，配埋側邊個醬汁一齊食好搭。Lunch set仲有餐飲，兩個人坐喺度望住個海邊飲邊談心，讓人感覺好舒服。

假日想relax吓食個lunch慢活，西環附近都係一個唔錯選擇。今次嚟到堅尼地城係海旁附近嘅呢間法國菜餐廳休閒撐吓枱腳。餐廳分咗兩層，下層有outdoor位，可以感受吓海風。而上層就可以遠眺海景，望住平靜、而陽光照射下閃爍嘅海面令人心都平靜落嚟。Lunch set都有齊意粉、意大利飯同唔同肉類嘅選擇，仲有starter同埋飲品嘅配搭。先送上溫熱嘅法包食住先。前菜中我就揀咗安格斯牛肉他他，牛肉他他做得好出色，份量都幾多，加埋蛋黃食落更包裹咗一層滑溜質感。夾埋脆脆嘅多士一齊食，好香口！主菜方面見到隔離枱點咗羊膝，貌相相當吸引，不過份量頗大，所以當日就無挑戰啦！而揀咗是日廚師精選嘅豬扒，口感同味道都帶比我地驚喜啊！豬扒厚切個頭都唔細，調味竟然融入了中菜嘅花椒，相當有新意！豬扒腍嫩程度係只需細力就能介開，同以往我食過嘅豬扒大相逕庭，以往可能係咀嚼及切開時都需要用啲力，豬肉比較結實。但呢度嘅豬扒真係超腍，而一路嚼一路流出佢嘅肉汁，配埋面頭嘅花椒及蒜蓉，確實幾惹味，但又唔會蓋過豬扒本身嘅肉香。配菜用了焗薯仔，食落十分飽肚。另外焗蕃茄都有心思位，面頭嘅類似麵包糠帶啲脆口，口感豐富啲。最後更點了ear

放假無謂往旺區同人迫，住西環嘅朋友介紹呢間海邊餐廳吃午餐，真係冇幾何可以咁近大海吃午餐，舒服！在OpenRice 上訂枱送AM25, 去到門口侍應已經打招呼並説出我名並已經準備好坐位，感動加分！先來一客小多士，微溫仍脆口，連吃兩份，set lunch $188，前菜牛肉tartar合格亦新鮮，田雞腿份量大及香口。主菜要了蟹肉扁意粉，紅酒羊膝，羊膝上枱時不禁嚇一跳，份量是一全隻小羊膝，有濃厚紅酒香，一絕，蟹肉扁意粉為今日驚喜，有濃濃蟹肉及龍蝦香味，蟹肉非常多，有口感，滿分！餐廳分兩層，今日坐下層面向大海，享受！堅尼地城給我感覺像早期澳門小街，有不少懷舊小店，舊士多，酒舖，cafe，車房⋯⋯寧靜舒適！

今天和朋友聚餐，經朋友介紹之下我們來到西環這間西餐廳進餐。我們點了兩個6 courses set，有沙律、前菜、湯、主菜、甜品和飲品。凱撒沙律的雞蛋是流心蛋，蛋味香濃。還有一條沙甸魚，鹹味適中，為整個沙律提升了一點調味。雞肝豬肉批我是第一次嘗試，原本以為肝臟會很腥，但這個批卻不會。由於加了豬肉，口感與鵝肝很不同，有一絲絲的肉絲。沾一點芥茉醬吃，更能提升雞肝的味道。上面還放有一些酸瓜，味道不會太酸卻能為肝臟消除膩感。黑松露鱈魚蓉是我的大愛，暖暖的鱈魚茸放在烤得香脆的麵包上，口感又脆又軟，伴着香濃的黑松露香味，一流。蕃茄湯十分濃郁，是用一整個蕃茄打成茸所煮成的，味道酸中帶甜，很開胃。主菜我選了炭燒美國特級肉眼扒，有着淡淡的炭火香味，沒加多餘的調味，能吃出牛肉味的香濃，肉質鮮嫩。然而實在太飽了吃不下兩個薯仔，以免造成浪費就把雜菜打包回家了。甜品我選了咖啡慕絲，入口即溶，咖啡味香濃。

試左屋企附近呢間法國菜😚 餐廳位於西環海旁 坐推無敵大海景 不過餐廳嘅裝修就唔算好靚 正正常常咁 有日光照射入黎 都好開揚舒服☀️叫左兩個lunch set 一個set叫左是日餐湯 (栗子忌廉湯)同是日鮮魚(香煎石斑魚) 另一個set叫左法式香草焗田螺 碳燒美國肉眼牛扒🥩 食物大致唔錯 田螺同湯都不過不失 香煎石斑魚煎得幾香 個皮好脆 牛扒肉質鮮嫩 脂肪分佈平域 食落juicy 好食!!!😋不過 由於係weekend 都full booking 等候時間都有啲耐 價錢方面都唔太貴 正常價錢 😆Situated by the harbor, this restaurant has an amazing sea view. The interior isn’t too impressive, but it’s bright and comfortable due to the natural sunlight. ☀️We ordered 2 lunch sets. The first one: Daily fish special (Grilled Groupers), with Daily

很少到西環吃飯，今次走到了海旁發現了這一家是餐廳，環境和情調也非常好。我和朋友點了Set menu 6 courses凱撒沙律凱撒沙律非常新鮮，有半隻糖心蛋，還有帶酸的沙甸魚雞肝豬肉批這個雞肝豬肉批，味道很不錯，不會像純雞肝的太油膩，帶有點點肉香，又不失雞肝油香。加起芥辣一起享用，更會有不同口感層次黑松露雪魚茸鱈魚茸非常鮮味又香甜，容易入口，海鮮味重,還帶有黑松露獨有的香味。香煎魷魚仔配西班牙肉腸魷魚非常新鮮，鮮甜及爽口 西班牙肉腸鮮咸肉味龍濃炭燒美國特級肉眼扒肉眼扒五成熟，最能帶出牛肉的原味，攤炭燒了的肉扒非常香，肉質香嫩甜品是朱古力慕絲朱古力慕絲非常輕軟香滑，每口也有香園的朱古力味，卻又不會過分的甜這餐飯非常之滿足，食物味道好質素高，侍應應反應非常快服務周到

常常在西環買餸或到海旁走走，都看到這間餐廳。今天不用帶孩子，就和太太去試吓。以為平日小人，沒有訂位。12:30去到已坐滿。這間餐廳有兩層的，全滿真厲害。有人招呼在外等，有客巳在喝咖啡，很快有位。我們就坐在外面，吹吹海風看看白頭浪。不一會兒，留下就有位了。今天湯是蕃茄湯，魚是三文魚，廚師推介是豬扒。我點了蕃茄湯加法式煎田雞腿，主菜是紅酒膾羊膝，而太太點了牛肉tartars 和蟹肉天使面。分量不小

平日在堅尼地城想食西餐，呢間餐廳係我心目中一直想試下，今日終於有時間來享受一下。餐廳有供應Set Lunch, 價格$168 起已經包括餐包、湯/沙律、主菜及飲品。餐包是法式麵包，入口微暖，而且外脆內軟。頭盤：安格斯牛肉他他蛋黃混和生牛肉，入口非常嫩滑，味道帶酸，配埋法式脆包作為前菜，非常開胃。Caesar Salad: 沙律菜新鮮爽脆，上面帶有沙甸魚、流心蛋及脆煙肉等配料，味道微酸亦帶咸香，都幾特別。炭燒美國安格斯肉眼牛扒：牛扒煎至五成熟剛剛好，雖然是薄切，不過肉質夠嫩夠腍，味道調較得剛剛好，水準不錯，不過如果牛扒本身可以再厚點，會更加好。是日廚師精選，是烤豬肋骨，份量不算多，不過豬肋骨肉質不鞋，夠軟腍，而且醃得惹味，非常好食。最後來杯熱咖啡，為整個法式午餐畫上完美的句號。特別推薦餐廳的二樓位置，望出去可以見到一大片海景，除了美食，還可以享受一個寧靜嘅下午，值得再來。

銀魚凱撒沙律銀魚的咸香，配上芝士同流心蛋，味道鹹香有層次，係一道清新開胃的沙律。法式香草焗田螺田螺肉質軟腍，淡淡的牛油香配上香草味，令到田螺的香味提升不少。香煎魷魚仔配西班牙肉腸肉腸帶微辣味，咸香十足，魷魚仔口感亦軟腍，配上葡萄黑醋醬，酸酸甜甜，有中和西班牙腸嘅咸香作用。洋薊心海蝦沙律洋薊心口感偏軟腍，清香甘甜，有種回甘的感覺。海蝦微微的燒過，帶點焦香。餐前的麵包都有驚喜，外皮烘得鬆脆，內裡口感軟熟，充滿麥香。法式烤乳豬餐廳的主打主菜沒有令我失望。豬仔皮酥脆、豬肉仍然嫩滑有肉汁，油脂豐富肥而不膩，再配上清爽的酸菜和香濃幼滑的忌廉薯蓉，而柚子的醬汁更可以更味蕾感覺更清新。兩道甜品我比較喜歡檸檬批，檸檬香味好清新，甜而不膩。

之前經過都好想食呢一間 今次終於咁岩放平日 幾老遠都入嚟試先講講環境 有室內室外天空好既話 室外好chill 室內就望到無敵海景*如果女士怕大風 會建議室內 今次叫左三個頭盤Soup of the day 係薯仔湯 好香薯仔好濃郁 法國田雞 啲肉好嫩口 特別要一讚係個薯蓉薯蓉口感濃厚 質感幼滑 好香牛油牛奶味食一啖停唔到口 之後到主菜 點左是日精選魚 同羊膝 魚肉嫩滑厚身 表皮煎到脆口有少少鹽味羊膝 相對比魚 較遜色 因為魚真係好好味 成個羊膝好入味 但可能食左魚既朋友會覺得鞋口 🤣整體來講 都係非常推介 個個精選魚 田雞薯蓉 一試難忘午餐大概200-250一人到會再搵機會黎試吓個晚餐 Around 都係400 有4 個course 抵食之選 ！ Staff 都好有禮貌 ， 會再試 🤣

朋友想食西餐，佢推介左呢間餐廳，喺海旁附近，環境幾清靜。呢間餐廳有兩層，而且仲有戶外區，好多人會帶埋寵物嚟呢度食飯。我哋點嗰個set dinner 有六道菜 ，沙律前菜都係細細份，不過勝在款式夠多，而且每道菜嘅味道都幾好。洋葡芯海蝦沙律，蝦肉結實彈牙，加上少少調味料已經好好食。黑松露鱈魚茸，呢道菜嘅口感一流，食落去層次豐富，有驚喜。法式香草焗田螺，田螺入面釀香草醬，滋味無比，薯蓉好香好滑，食到停唔到口。香煎魷魚仔配西班牙肉腸，魷魚仔好入味，完全唔靭，同個醬汁好夾。是日餐湯係蕃茄濃湯，用料十足，調味恰當。法式烤乳豬，估唔到佢嘅份量係咁大，乳豬香脆可口，肉質鮮嫩，配上佢嘅醬汁，一解油膩之感，十分出色。最後食埋甜品，平時食得好多嘢嘅我都飽咗，呢餐食得好滿足，我而且呢度嘅服務生態度好好，周不時幫我換碟同加水，係一個食飯同傾偈嘅好地方👍🏻👍🏻👍🏻

晚飯安排樓上位置不幸的是有一枱 大概有八個年輕人大聲講大聲笑 旁若無人我相信’可可’都可能會寧靜一點幸好可以換枱到地下戶外位置雖然大風但都比樓上嘈音好Set Dinner麵包- 半暖不熱 怪怪的麵粉味沙律- 唉 Starters - 四款 除左baby squids係鯹之外 其他okay啦 主菜- 魚okay新鮮味道好 不過個sauce好似落左生粉水打芡咁 主菜- 牛ribeye 三分一寸厚 味道okay 肉質okay甜品- 唉 okay啦成件事 好失望可能係因為以前太好又或者我唔應該試set dinner 唉

堅尼地城給我的感覺就如一個小社區，環境寧靜，舊樓林立，雖然陸續有大型新住宅落成，但沒有大型商場，小店相對仍有較大生存空間。特色餐廳、小咖啡室隨處可見，一些以開放式設計或擁有戶外空間的餐廳，便不時見到有主人帶同自己的寵物來用餐或嘆茶，十分寫意。區內沿海位置便是一條延綿不絶的海岸線，是近年的打卡熱點，朋友指有間臨海的法式餐廳水準不俗，今天便相約一齊去試試。餐廳面向海，分兩層，地下設有戶外空間，我們被安排到樓上近窗口雅座，樓底不算高，環境配合燈光，簡潔温暖，星期六的午市機乎滿座，幸好我們早訂了位，兩點鐘準時入坐。餐廳設有午市套餐，頭盤四選一，主菜六選一，額外要多一個頭盤及甜品加 $38， 另設指定餐飲 ，其餘則只需加  $18餐前麵包點完菜不久，侍應便送上熱騰騰的小法包，塗上的牛油急速溶化，外皮鬆脆，麵包郤非常軟熟，充滿麥香，真的好好味。法式香草焗田螺在日光下，田螺的色澤份外亮麗，肉質軟腍，有很香的牛油、香草味，伴隨田螺的好拍檔~ 薯蓉質感非幼細，味道香濃，是近來食過最有質素的配角朝鮮薊心拼海蝦沙律這是朋友點的頭盤，朝鮮薊心口感偏軟腍，不需太用力咀嚼，有種淡淡的青澀味道，又好像帶點花香味，幾

今日假期，來到堅尼地城食午飯，來到海邊，見到這間吃法國菜的餐廳，看看餐牌的價錢都不貴，再上網看看這間餐廳的食評都不錯，就一於入去吃過午飯。這裡環境很好，餐廳分室外和室內，不過點分都好，間餐廳最好的地方就是任何位置都可以盡覽全個海景，這樣已經夠殺食！！這裡分了兩層，我們被安排坐上上層的窗邊位置，完全地對著個海景吃午餐，真的心情都突然舒坦很多，頓然成個人都覺得自己真的在放假之中。侍應都很好，很細心講解今日的餐牌上的時魚和時日精選是什麼，我們看完餐牌就點餐了。一會侍應就遞過一籃麵包給我們，我一拎上手，熱熱的，已經很開心，因為我很喜歡吃熱的麵包，加上牛油後，一咬落去，嘩！很好吃！麵包外脆內軟，麵包像法式麵包，但它比平時的法式麵包好吃，平時吃的法式麵包，硬係覺得面頭也很脆，但感覺很厚身，所以都比較難咬，但這裡的法式麵包就不同，面頭脆身之餘，還很薄，令到食客很易咬開，還可以同時間吃到外脆內軟的感覺，很正！這裡的麵包還可以添加，所以我們都添加多一次。前菜我點了一個朝鮮薊心拼海蝦沙律，海蝦都很大隻，很爽，煎得夠香，朝鮮薊心我都是第一次吃到，聽說朝鮮薊又名「法國百合」，有蔬菜中的貴族美譽，這裡用上黃白色