Bistronomique

營業中

休息中

中學兼住西環的好友自從嫁了之後就少了見面，最近她生日，她說想返西環見面，我就請她去海傍的法國餐廳吃晚飯！餐廳有上下兩層，下層可以感受海風，閣樓就不得了，可以望到維港夜景！坐下之後來了法包籃，外脆麥味香，牛油也不會遮掩其香味。今晚點了set dinner，有6道菜，好豐富！Caesar Salad配料跟平時的有點不一樣，除了沙律菜、芝士粉、煙肉粒和麵包粒還有條小魚仔，一試原來是西洋咸魚anchovy！還有半熟蛋，為清淡的沙律帶來了味覺小衝擊！前菜可選2款！法式煎田雞腿田雞最好吃當然是腿部，啖啖肉，又滑又香！田雞腿先泡過油的，帶點焦脆，好juicy！配有牛油薯蓉，香滑無比！法式香草焗田螺同樣以牛油薯蓉墊底，田螺肉好大粒，滿滿牛油香草味，田螺肉味濃，正宗法式味道！這晚的湯是薯仔蓉湯，質地濃厚不膩，打得非常滑！炭燒美國特級肉眼扒主菜我選了牛扒，因為肉本身高質素，炭燒更有風味，肉汁鎖住，牛味濃郁，肉質腍，加上燒汁好夾！朱古力幕絲蛋糕女生很期待這天的甜點是什麼，超濃的，中間還有朱古力脆皮！

So I found this restaurant via openrice.  Rating and foods were looking good so I reserved for our anniversary.  I requested window seat and they were able to arrange which is nice.  The only complain I have is the space, I also saw someone mentioned.  I get it space is precious in HK but there were so many empty table, I don't know if this place always packed or we were just lucky.  I thought the restaurant can arrange a bigger table for us.  I feel like eating French food at a fancy cha chaan

堅尼地城不嬲都有好多環境又好，食物質素又高嘅餐廳。今日嘅食呢間係海旁嘅法國菜，望住個海景食晚餐。餐廳提供一個六道菜嘅dinner set，我個朋友一人叫咗一個，可以試吓唔同嘅沙律同前菜。首先嚟嘅餐前麵包，我好欣賞餐廳整到非常熱，一搽牛油已經即溶。凱撒沙律同牛油果虎蝦沙律，雖然係普通嘅凱撒沙律，但係加咗鯷魚、煙肉、流心蛋，令到沙律比預計更加豐富。牛油果虎蝦沙律就加咗少少芝士醬，虎蝦亦都輕輕烤過，製作認真。第一道上嘅前菜係雞肝豬肉批，上面擺咗酸瓜平衡口感，再用粗鹽吊味，味道新奇值得一試。香煎魷魚仔配西班牙肉腸，鮮甜嘅魷魚同辣肉腸味道非常配合，開胃之選。法式煎田雞腿，如果你克服到心理障礙嘅話，田雞腿其實比雞髀更加啖啖肉，肉質更加鮮嫩，餐廳亦都煎到好香。前菜當然唔少得典型嘅法式香草焗田螺配薯蓉啦，田螺好彈牙有咬口，薯蓉亦都煮到好creamy。是日餐湯係南瓜忌廉湯，餐廳用嘅餐具都會寫上不同嘅法文字句。主菜我哋就叫咗法式烤乳豬同埋炭燒美國特級肉眼扒，兩個主菜都非常有份量，絕對會食得飽。肉眼扒雖然大塊，但係燒得均勻，有少少炭燒焦香味，同時保留到Juicy 嘅肉質同濃烈嘅牛肉味。坦白講我本身以為法式烤

星期六返半日，放工都差唔多兩點，決定去堅尼地城海旁Hea下，食下好嘢。揀咗Bistronomique，食佢嘅 Set Lunch。有前菜，主菜，有嘢飲都係二百零蚊。最緊要係有個無敵海景。我哋兩個人，叫咗唔同嘅主菜同頭盤去share：揀咗牛油果虎蝦沙律同安格斯牛肉他他。虎蝦雖然唔係好大隻，但燒到外邊有炭香，入邊又唔算全熟，配牛油果同少少甜酸汁，好Fresh好開胃。生牛肉他他，上邊放生鵪鶉蛋，撈埋食更加滑溜。牛肉味又濃，裏邊有生洋蔥粒，配少少酸芥茉，好好食。主菜就叫咗是日廚師精選，係醬烤BB豬肋骨及燒原隻法國春雞。醬烤BB骨係用BBQ醬烤焗，BB骨比一般嘅大豬肋骨再嫩一啲，醬汁都好入味，幾乎唔使咬就可以吞🤪法國春雞烤到個皮好脆，由於係春雞，皮下幾乎冇脂肪，連皮食都冇負擔。雞胸肉亦都鮮嫩多汁，而髀就啱啱熟，配上用雞腔裏面嘅肉汁煮成嘅汁同薯仔一齊食，滋味無窮😋最後配返個凍檸茶，加埋個海景，坐到唔捨得走。

今個週末難得天氣咁好，朋友揸車就去咗西環海邊呢間餐廳食午餐，餐廳有兩層，下層樓底高些，景觀開陽D。前菜叫咗個安格斯牛肉他他，牛肉處理得好好，有少少洋蔥粒，中間有隻生鵪鶉蛋，入口非常之滑溜，有少少檸檬汁中和下，食落去非常之清爽。另外叫咗個燒虎蝦沙律，隻蝦出奇地係新鮮製作，非常之香脆，仲有少少炭香味，配埋底嘅牛油果生菜同埋橙色嘅汁，味道都好清新。食西餐都會有餐包，呢度嘅餐包外皮非常香脆，中間又軟熟，上枱嘅時候仲係熱辣辣。主菜叫咗是日精選豬肋條，豬肋骨調味類似BBQ醬汁，所以好香濃，最緊要豬肉處理得非常好，一刀切落去，基本上已經骨肉分離，豬肉軟身，帶少少根位，旁邊嘅椰菜絲有少少柚子醋汁處理過，所以味道好清新，另外兩個焗薯連皮細細粒，出奇地有薯味。朋友主菜叫咗個原隻燒法國春雞，燒春雞上枱份量都幾大份，外皮烤得香脆，咬開肉依然好多汁，食嘅時候點埋碟底嘅肉汁，味道啱啱好，少少鹹味，但係又唔會太濃。之後你仲可以叫茶及咖啡，我叫咗杯凍檸茶，食飽坐喺度望住出面嘅藍天白雲，心情非常之舒服。其實夏天咁熱，見啲人喺出面揸住杯咖啡睇到都覺得熱啊！不如坐低嘆住冷氣飲嘢好過啦！呢度絕對係是中午brunch 首選。

如果想遠離煩囂，感受法國氣色，望住海景食法國菜，堅離地城呢間海邊餐廳會係一個唔錯嘅選擇。今晚我哋叫咗六道菜嘅晚餐，好好享受久違嘅歐洲風味。由香口嘅牛油果虎蝦沙律同清新嘅凱撒沙律展開今晚嘅序幕。前菜選擇多又特別，有雞肝豬肉批，法式煎田雞腿，而我特別鍾意嘅係香煎魷魚仔配西班牙肉腸，因為夠入味夠彈牙。同埋法式香草焗田螺，造型精緻，香草加田螺帶出法國傳統味道。主菜我哋就揀咗法式烤乳豬，真係成隻豬BB腳咁上，炸得非常香脆，以柚子醬吊味，配以酸菜作伴菜。另一道主菜係炭燒美國特級肉眼扒，肥瘦均勻，脂肪喺口腔入面一邊融化，一邊帶出肉眼扒嘅滋味討好味蕾。最後係我好重視嘅甜品。法國南部嘅Cenelé 同清新嘅Lemon Tart。廚師好似知我心諗咩咁，每款蛋糕以雪糕球伴碟，食到幸福嘅味道。

今日同一位住西環的外籍朋友食飯，去了近海邊的Bistronomique食午餐，餐廳員工都是外籍人士，而且很友善，餐牌是中英對照，餐廳內外都有兩張枱。朋友話中午比較多人，所以大約兩點先去。這裡星期六都有set lunch，我自己叫了一份午餐，前菜是香煎魷魚仔配西班牙肉腸，份量也不少，肉質夠爽又彈牙，很入味，加上肉腸非常惹味，越吃越想吃。主菜是燒原隻法國春雞，有半隻份量，吃下去每口都是肉，很滋味。雞皮薄而肉質嫩，完全沒有油膩的感覺，另配有薯仔及黃瓜，所以很飽肚，而且感覺很健康。

多年前好友早已想帶我到”Bistronomique”用膳，但是一直因為某些原因始終沒有到此用膳。原本我已經差不多忘記了這餐廳，誰也想不到好友早已安排了8月份帶我到這餐廳用膳，我亦因此而大感意外，真的多謝好友的細心和好意。雖然餐廳地方不算大，但是感覺就像法國小店一樣，設計簡約而帶點浪漫和cozy，加上面對着西環碼頭景致，浪漫感倍增，不但適合兩口子慶祝，也很適合與朋友聚會。既然這裏的氣氛那麼好，我們亦忍不住要點下rosé來慶祝一下。Monte del Fra Bardolino Chateau de Selle Rosé DOC Italy 2013這杯rosé比我平常飲開的酒精濃度高一點，但不算是過份濃烈，味道酸酸的，非常開胃，特別適合這炎熱的天氣下飲用。除了飲rosé外，我們都點了六道菜的晚餐。餐前麵包先上的就是餐前麵包，麵包口感外脆內軟，加上又是暖暖的，配上牛油一起吃真的不錯！凱撒沙律凱撒沙律的羅馬生菜爽脆清甜，沙律醬汁鹹香可口，再配上香脆可口的crouton、溏心雞蛋、堤魚和煙肉一起吃，相當不錯！牛油果虎蝦沙律牛油果虎蝦沙律的沙律菜同樣爽脆清甜，配上煎至香口又彈牙的蝦和creamy

夏天又到打風季節，每當有風球，新聞就會影堅尼地城海邊有人在觀賞海浪，一向唔知確實地點，今晚朋友約食飯，終於知道了，吃法國餐，坐在一樓窗邊，望住海上夜景食，真浪漫。是一間本地法國餐廳，水準非常好，價錢亦好合理，我們點了套餐，每位$588，共10款食物分享。餐前麵包例牌免費的，法包新鮮熱辣脆脆地，很好。六款前菜及沙律，有凱撒沙律、雞肝豬肉批、法國蝸牛、法式煎田雞腿、牛油果虎蝦沙律、魷魚仔西班牙肉腸。我最鍾意沙律凱撒沙律，材料很多，除了脆麵包粒及煙肉外，更有意大利鹹魚及溫泉蛋，令到生菜沙律都變成好好味。相比另一款沙律，虎蝦提味力度不及，雖然都好食。法式煎田雞亦很惹味。兩款主菜是經理建議的，他說自己店子最出名就是法式烤乳豬及油封鴨腿。乳豬皮的確非常脆，法式做法與葡萄牙式有少少不同，一樣皮脆肉嫩。油封鴨腿是法國菜名物，做得很好，脆口不乾，咬開有肉汁，味道佳。甜品是檸檬撻配雲呢拿雪糕及朱古力慕絲，我喜歡檸檬撻開胃，朱古力慕絲實在太魔鬼了，很飽肚。六道菜菜單性價比高，如果唔想行樓梯上一樓，樓下酒吧都可以，亦有戶外位適合吸煙人士。

這個位於堅尼地城的法國餐廳，有上下兩層，還可以戶外用餐，但可惜今天驟晴驟雨，還是進入室內用餐較穩鎮！我們今晚點了6 courses set dinner ($588/person)餐包熱辣辣外脆內軟的法包，再加上牛油，好大誘惑！凱撒沙律如一般的凱撤沙律，但仲有半隻糖心蛋和小小的一條沙甸魚添！🥑虎蝦沙律虎🦐好爽口，仲有埋牛油果，一個不錯的組合！鷄肝豬肉批通常都係食鵝肝，今次嘅鷄肝味道也做得不錯，再沾上一些芥末醬，就更加能提升味道。香煎魷魚仔配西班牙肉腸魷魚仔好爽口，而西班牙肉腸則較為濃味！法式煎田鷄腿田鷄腿肉質很嫩滑。法式香草焗田螺係法國菜其中一樣不可缺少的菜式，田螺肉頗厚身，配襯的薯蓉好好味！蘑菇湯可以食到蘑菇碎粒，可以creamy一點就更好！法式烤乳豬今晚最欣賞是烤乳豬，啖啖肉，外皮就卜卜脆，還附上酸椰菜絲，可以幫助去油膩的感覺！油封鴨腿這款菜式是店員推介之一，整條鴨腿浸在雜菜蓉裡，記得要與周圍的雜菜蓉一起吃，會更加好味。🍋撻配雲呢拿雪糕好香🍋味，不會太甜，配埋雪糕一齊食，更添好味！朱古力慕絲好香濃的朱古力味，口感也很香滑！吃得豐富、價錢合理、招呼周到、水準不俗！

放假都會想去找個地方輕鬆一下，所以今天找了一個地方食一個遲來的午餐，過了中午時間比較少人，位置在堅尼地城，面向海邊的一間餐廳，望着海邊食飯感覺的確舒服。首先送上的麵包，暖暖的，外皮脆脆。今日叫了一個set lunch，Starters可以選擇一款，今次選了牛油果虎蝦沙律，因為個人幾喜歡食牛油果，牛油果夠熟，虎蝦彈牙，沙律菜新鮮。Main course 炭燒美國頂級肉眼牛扒，牛扒好林，肉汁保留得好好，配有薯仔、瓜，份量好足。午餐加$10可以要咖啡或茶。

食物質素係唔錯，有板有眼，有頭盤，二盤main course，仲有甜品。味道亦都相當有水準，上菜嘅速度適中，其中salami squid 係一個好惹味嘅前菜，相當有特色。我諗要提醒大家就係呢間餐廳嘅環境，窗口位係望海嘅，西環嘅海景係相當唔錯，但係整間餐廳嘅座位係比較迫夾，星期五晚客人多嘅時候係相當嘈雜，根本就傾唔到計，若果諗住拍拖就唔使諗啦，個氣氛根本就一啲都唔浪漫，有些少似大排檔。枱與枱之間嘅距離亦都唔足夠，有時講嘢大聲啲隔離都會聽到，所以食餐飯就只可以食餐飯，食完就快啲走。

1) 阿拉斯加蟹肉扁意粉 2) Fish of the day(三文魚) 3) 粟米湯:::堅尼地城海傍抵食法國菜🌍🌙: 呢間餐廳嘅lunch同dinner都試過一兩次，lunch最平唔洗$200已經有starter + main，dinner around $5xx至$6xx就有6 course set，而且唔會將貨就價，非常抵食🤟🏼，如果我係老闆最少會加價10%🤣環境方面，dinner時段都幾full，座位真係有啲啲迫，但lunch就無呢個問題，去過幾次lunch都係得好少客，加上望住個海成個感覺好舒服😎p.s.如果想坐窗口位一定要提前book食物👨🏻‍🍳:1) 阿拉斯加蟹扁意粉 意粉個汁蟹味好rich，蟹肉份量唔少，重落咗啲煙肉條令到個意粉更加香同埋無咁寡2) 煎三文魚 三文魚皮煎到好香脆，魚肉無overcook唔會好乾好鞋，伴碟嘅薯蓉牛油味重咗啲食晒有啲滯但有兩片好甜嘅密瓜balance番3) 粟米湯 質地唔係好似南瓜湯咁silky，而係會見到啲粟米蓉，飲落好fresh，幾適合做starter likeeatgoodwest

嚟到西環行海旁，見到openrice很多人推薦，便入了這間餐廳。餐廳有2層，侍應帶我們上2樓，不過靠窗位置已坐滿，只能夠坐比較近窗邊位置，仍能望到海景。十分chill。餐包餐包外脆內軟，加上牛油，很好味。澳洲鱈魚半薯蓉很有心思的一道菜，平時食的薯蓉就通常係齋薯蓉，但呢個係加了鱈魚，鱈魚有少少鹹味令到薯蓉更有味道。另有小面包供你點薯蓉。慢煮雞胸 另外一道很用心的菜，伴碟有西瓜沙律菜和細薯仔，西瓜很甜。見到雞胸上面有一層醬汁原來係荷蘭汁。荷蘭汁係將蛋黃，鹽，檸檬汁混合而成。舖係雞胸上面令到雞胸味道更出。另外慢煮雞胸煮得很出色，不會太熟，而且非常有口感。食物用心，而且有心思，推介。

星期日， 1點到餐廳。叫咗份rib eye steak…薄都唔緊要，係凍嘅，亦冇味。難食來講，真係堅過石堅，重未預過咁差。環境方面，枱嘅密度，有如譚仔。嘈到傾唔到計。食到想講粗口，完。