Amici (已結業)

周日的晚上都會去做運動，因此跟朋友的短聚都在6,7點食飯，吃個7分飽，留點時間讓身體消化吸收，才有力氣做劇烈運動。本來跟朋友來Amici 試新餐廳，早前食飯不用跟其他人迫，早食早走的概念，食完才發現Amici 是適合「細胃女生」貴價唔飽、碟大大份量細細的輕晚飯。​點菜時，好心地的好肉肉女侍應說１份前菜、1麵、1主菜已經夠食，叫我們不要點太多。先來麵包籃，平時2人晚飯/fine dining，大多數每人有2款麵包，看到這個盤...一人一小片的...包...真心滴汗!! 是為「細胃」女生設計的餐單嗎?Classic Caesar Salad ($118)生菜及配料分開上，配料有巴馬臣芝士、煙肉片、鯷魚(Anchovies)、烤麵包粒 (croutons)、Ceasar醬，可自行調配醬料、芝士等的份量，很適合我這類控制油鹽調味醬吸取量的健康族。巴馬臣芝士適量、鯷魚適量、Ceasar醬少許、烤麵包粒全部！當是自我補償餐前麵包到喉唔到肺大家都是健康族，其實我們都不吃煙肉，就加一片呃like煙肉點色點綴，上FB, IG呃個like先。Linguine alle Vongole ($180)蛤蜊粒粒

星期六想與姊妹把酒談心一下，想起之前放工附近收到傳單，有新開餐廳，便來試試。生蠔非常鮮甜，$340/打，加$180可有一支白酒。而餐廳播放著柔和的音樂，傾偈十分舒適。我地叫左3個set dinner, 398/set, 價錢合理。而且食物質數非常高，廚師也有出黎問我地食物覺得如何，非常體貼。細問之下原來是某5星酒店出來的，依餐我地幾姊妹都非常滿意，下次weekend一定會再來

Stanley 11 不嬲都好多餐廳，今日一個人lunch 想自己毒一毒、靜靜，所以就試試呢間。Lunch time 當然唔少得set lunch , 呢度價錢最貴都係二百幾、仲要係吃steak- 中環黎講算係禁啦！今日想吃魚，禁岩今日menu set lunch 有青魚沙律，跟前菜同野飲，唔貴、就呢個先黎個溫泉蛋沙律，蛋液mix 埋沙律菜好好味，可惜量太少（因為好好吃！）青魚煎得好香口好脆，同埋沙律好清淡、好新奇地加上塊醬煮蘿蔔，但出奇地match😏野飲我點左熱檸水、不過不失。 呢度野食不錯、環境又靜，lunch 係個好去處！

今日同爸爸嚟咗中環行街，想食好啲所以就去咗Stanley 11睇吓。見到有間新開嘅西餐廳開咗係8樓，所以就無啦啦上咗去試吓。上到去真係嚇親，裝修非常靚，係而家好流行嘅雲石枱。未食已經比個裝修吸引， 環境超級有藝術氣息。一坐低就即刻為張枱影咗相，因為啲雲石紋真係好靚。首先佢會先送上蛋糕同餅乾條，聞落去好香，不過就略嫌乾身。我哋叫咗個set dinner套餐，前菜係自製香橙三文魚配忌廉芝士，味道好夾，好開胃！🍊第一次食到咁樣嘅配搭，香橙味帶甜，而且回甘，配合三文魚嘅鮮味，味道更出。另外忌廉芝士好滑身，唔錯唔錯！餐湯就選擇左忌廉南瓜湯，南瓜湯好滑，加上忌廉令佢口感更加creamy，另外飲嗰時都食到啲南瓜蓉喺裏面，的確真材實料。主菜亦可選擇意粉，慢煮黑毛豬，安格斯牛扒等等。🍖我哋叫咗慢煮西班牙黑毛豬鞍配松露燒汁，份量好大份，足夠兩個人食。松露味好重，配上黑毛豬令到肉味更加濃郁，慢煮令到個豬鞍仍然保持粉嫩顏色，更加有口感。另外都有啲炒雜菇係旁邊，可以清一清油膩感。另外都叫咗個辣海蜆意粉，好爽滑嘅意粉配上新鮮海蜆，好鮮味，加上有少少辣，令佢更加惹味。如果分量多啲就更好，因為真係會一啖接住一啖。餐飲

今日同男朋友黎到中環呢間新餐廳食野。一入黎覺得間餐廳好高貴，裝潢用白金黑色為主調，再加上係中環，令人感覺好high class，好想快啲食到一餐有質素既西菜！我最鍾意係餐廳啲燈，金黃色又閃閃生輝既玻璃燈，顯得好有格調。👀我地每人叫左一個set。前菜黎啦，分別係「parma ham配蜜瓜」，蜜瓜好鮮甜又爽口，配埋咸咸地既巴馬火腿，好好食。😆之後男朋友就無簡前菜，簡左飲湯，「野菌忌廉湯」，好濃郁，磨菇味好香😍之後就黎到重頭戲，主菜喇。「軟殼蟹魷魚意大利飯」，軟殼蟹有兩隻咁多呀，一黑一白，點解會咁？原來一隻係就咁炸，另一隻係加埋墨魚汁一齊炸架，好特別，食落好香脆呀！黑色墨魚汁果隻就會濃啲咸啲。意大利飯我就覺得有少少硬，不過可能咁先係真正既意大利飯，煙煙銀銀，更加有口感。👀仲有個「香煎三文魚柳配香檳忌廉泡沫」，舊三文魚柳非常好味，煎得啱啱好令三文魚油逼左出黎，食落有入口即溶嘅感覺，三文魚味好重又唔會好腥，好鮮美呀！配埋特別嘅香檳忌廉泡沫，好fresh，再加埋少少薯菜，有紫薯番薯同薯仔，就夠哂飽嚕。👏🏻整體來講，餐廳環境大方得體，嘢食嘅質素亦好高，店員服務態度亦好專業，適合上班一族或者情侶上嚟食

係中環放工，行經過士丹尼街，見到成橦大廈都係食野嘅地方，見到有意大利菜就二話不說上左去食，一上到去就見到餐廳裝潢好雅緻，一睇就知無去錯地方。佢放餐具都好講究，分好哂唔同食物應有嘅用具。第一道係凱薩沙律一上台，就比左五個透明玻璃瓶，分別放左凱薩醬、面包粒、翠煙肉、芝士粉同醃製左嘅咸魚。黑色嘅面包粒好驚喜，好香口。第二道叫左個牛扒食。一個人份量岩岩好，叫左七成熟，一入口有好濃郁嘅燒烤香味，同係意大利食牛扒嘅味道一樣，扒肉唔會好韌，唔多根。佢啲旁邊菜都燒烤過，仲好juicy .驚喜野食係似薯仔嘅意大利飯，佢意大利飯煎左四邊，咬落去好脆口，入面濕濕地好香意飯香。我地仲叫左rigatoni arrabbiata辣茄嘅長通粉。係一種意大利羅馬式的意式食品，佢上面有少少香芹碎放係面。佢有啲煙肉咸同蕃茄辣好引人繼續食落去。

今日同大家講蠔, wikipedia 話5月至8月期間 唔係食蠔嘅季節, 因為係繁殖期， 會比較瘦. 飢詩話呢 有食唔食罪大惡極 😈😈😈 又有人話食蠔是催情的， 如果大家有睇幾年前bbc嘅節目 The Truth About Food , 入面有實驗話食蠔其實唔係真係好壯陽 😆😆 催情的多數是由香味引發， 有興趣可以上網 或者買佢本書睇 👍講返Amici, 在中環工作的朋友介紹了這家新開的小店. 訂位時已訂了一打生蠔 $340 .. 蠔呢一半是澳洲一半是法國 Cadoret .. 他們都是肥肥的. 澳洲的蠔有海水味亦帶有甜味， 口感比較清爽。 而法國的蠔則有些銅味而鮮甜， 層次比較豐富。至於其他食物, 由於 a la carte 餐牌未印好 😅😅😅 我們點了 dinner set. 又由於電話沒有電， 只記得自己吃了黑毛豬鞍 及 creme brulee 燉蛋火候需要小心控制, 因為我的燉蛋有點 overcooked , 而友人的燉蛋是 undercooked 😂😂😂小店新開張需要多多練習, 店長及廚師們加油呀 💪💪💪飢point : 7/10#hungermarch #非飢詩

今日同媽咪去中環食飯，平時番工好少陪媽咪，今日有時間就同媽咪食個午餐。中環有間新開張既意大利菜，媽咪又鐘意試新野，就去試一試。lunch menu。先來南瓜忌廉湯。我地兩個都鐘意飲湯，南瓜入口清香清甜，加上有濃濃忌廉味道，入口幼滑香口。油醋汁配香草軟包。麵包軟熟，香草味突出。意式焗素菜千層。媽咪叫左個素菜焗千層麵，濃濃芝士焗得香口香濃，芝士味突出唔會好膩，素菜份量多，千層麵每層分明。西班牙辣腸意粉。意粉彈牙炒得香口唔會好油膩，辣腸咸香味道濃郁，加上香草和芝士粉調味，味道香濃好惹味。我地都叫左檸檬茶。

連續返咗五日工，日日都晨咁早起身，難得到咗星期六，又要一大清早去中環上堂，所以一早就決定搵定間好餐廳，食個滿足既午餐，慰勞自己。去咗呢間AMICI，一入到去就已經聽到十分柔和嘅音樂，令人感覺遠離煩囂，心情放鬆。窗邊仲有幾幅小鹿的作畫作為點綴。lunch set 選擇都有唔少，價錢$160-$230不等。點餐之後，先奉上嘅係一塊香草麵包。南瓜忌廉湯南瓜忌廉湯質地濃稠，食落去充滿南瓜香甜。南瓜蓉磨得十分幼細，加上忌廉，令整個南瓜湯 又濃又滑。最後加上幾粒香脆嘅麵包糠，更添口感。海蝦忌廉長通粉（$188）呢個長通粉選用咗海蝦，比一般的蝦大隻，食落更爽口彈牙，而且鮮味十足。長通粉煮得啱啱好，帶有少少煙韌嘅口感，煮得好好。 有別於一般嘅餐廳，忌廉汁並唔不是汁狀咁淋在長通粉上面，而係似一個芡汁咁，輕輕均勻的依附在長通粉上面，令每一粒長通粉都充斥著忌廉的味道。最後嚟的係一杯濃郁芳香的熱咖啡， 啡味夠濃，為今日餘下的時間叉一叉電，繼續努力。

星期五收工唔知食咩好，打開Openrice尋下先，同事就選左呢間amici，上到去裝修不算華麗，但都幾舒服，坐位都好寛落。新開優惠340一打生蠔，好低食。。。湯係南瓜忌廉湯，細緻幼滑，帶南瓜嘅清甜。而頭盤帶子沙律和蟹餅，也很不錯，沙律汁很特別，很清新!蟹餅啖啖蟹肉配蕃茄忌廉沙律醬。同事食西班牙黑毛豬，我就食鴨拼盤，同事話佢個豬會爆汁，真係會爆汁，豬本身七至八成熟，西班牙黑毛豬的脂肪比例適中 ，令到西班牙黑毛豬頸肉質比較嫩滑， 肉汁也非常豐富而我地甲拼盤有油鴨肶，鴨胸，仲有鵝肝。油鴨肶有好香既鴨油和香草味，皮也很脆，鴨腔是七成熟，慢熟過，也很不錯，鵝肝也得厚，跟鴨胸一齊食非常夾。法式燉蛋布丁，可惜蛋燉老了，不夠滑，味道是不錯的

前兩日去中環搵朋友食lunch, 佢話有間新開嘅餐廳幾好食，歐洲各國嘅菜式都有果然係新餐廳呀！ 入面好靚好新，張櫈幾elegant我地每人點左兩個set lunch, 有包、湯/前菜、飲品同main course餐包帶點香草味，鬆軟，有醋同埋橄欖油可以沾黎食。我點左巴馬火腿，密瓜切得好大，有3-4件好鮮甜呀！ parma ham係即刨，有兩大塊，幾好味的。朋友點左南瓜湯，南瓜味好濃郁，好creamy兩杯飲品分別係咖啡同奶茶，可以自己加奶/糖漿。我杯奶茶茶味好夠甜度自己調較主菜：法國慢煮油封鴨脾，真係皮脆肉嫩呀！肉係好嫩，帶點咸香味。配菜係用蕃薯代替平時成日食嘅薯仔，甜甜地 幾特別，成碟主菜咸味同甜味都好balanced主菜：西班牙辣腸茄汁扁意粉，份量幾多茄汁味好濃郁，有好多蕃茄肉同埋辣腸！辣腸又咸又香，好開胃 幾鐘意呢個意粉嘅口感，又滑又煙韌。成餐飯最鐘意就係扁意粉！ 必食推介店員服務幾好主動問我地飲品洗唔洗再加奶/糖漿

早上於中環開會過後，剛巧是放lunch 時段，所以就和在中環上班的朋友—起吃lunch 敍舊，朋友介紹了這間剛剛新開張的Amici~內裡店面不大，座位不多，優雅的裝潢仍是新簇簇，氣氛安靜閒適，而且每張枱之間留有一定的距離，實在是和朋友邊用餐邊聊天的好地方。雖然午餐餐牌選擇不多，不過都是大路之選。每個set lunch 都會附上一杯餐飲。  點餐後，店員都會奉上餐包，微暖的麵包質地很鬆軟。巴馬火腿伴蜜瓜濃甜多汁蜜瓜有著豐厚瓜肉，和薄切的Parma Ham一起吃，一鹹一甜恰到好處，鹹香中也可讓味蕾帶出清新味道。 南瓜湯本身已是色彩鮮黃的視覺饗宴，湯頭質感夠creamy，入口香滑又滿有甘甜的南瓜味，配上麵包切粒，使味道層次更加豐富。西班牙辣腸茄汁扁意粉 $178今次用上的是口感較硬的西班牙辣腸Chorizo，將豬肉油脂與紅椒的辛香結合濃縮在腸體中，鹹鮮中帶微微辛辣，味道較濃但惹味。扁意粉煮出Al dente輕微韌度的口感，醬汁份量剛好掛在每條意粉上，蕃茄醬汁酸甜開胃，炎炎夏日可以提振食慾。 香煎三文魚柳配香檳忌廉泡沫 $188賣相精緻誘人，滑溜濃郁的忌廉醬汁，令魚柳質感更順滑，伴菜還有豆角、

中環人喜訊 , 士丹利街 有一間新開業的西餐廳" Amici " , 裝修雅緻簡潔 , 座位舒適 ~餐廳新開業期間 , 有八折優惠 , 我和太座 , 就去幫襯 , 一嚐究竟 ~Lunch Menu ~ Set lunch 包括 前菜或餐湯、主菜、餐飲 ~先上桌的 , 是質感鬆軟 , 有香草味道的麵包 ~野菌忌廉湯 : 入口滑順柔和 , 菇菌味道濃郁而不過鹹 , 質感濃稠而不漿口 ~香燒美國黑安格斯西冷扒 $ 240 : 賣相不俗 , 牛扒有烤紋 , 其肉味濃香 , 肉質鮮嫩細緻 , 豐腴甘香 , 調味得宜 , 是一件好吃的牛肉眼扒 ~最後 , 以一杯濃郁芳香 , 味道極好的 Mocha ( 更加 $ 20 ) 以作終結 ~ 總括來說 : 食物美味 , 服務態度好 , 價錢公道 ~ 本篇完 ~

今日下午經過附近，收到張傳單，6號開始試業，午餐有8折，晚餐d蠔$340一打。。。心諗會唔會d蠔係好細隻呢？但因為食蠔加180就有支白酒，平過去happy hour ，就決定去試下，無諗過驚喜會咁大，d蠔好大蠔，好肥美，仲好爽，仲要係法國蠔真係岀呼意料之外。。。d白酒唔差，都係有名氣既酒。。。$180真係超直，可惜掛住食唔記得影相！可能第一日開張，只係得我地幾個客真係好肥好大隻。。。仲好有海水味，新鮮。。正！之後我地晚餐叫左套餐，有餐包係香草包同麵包條，麵包條幾好食。。香草包跟黑醋欖油，好香。頭盤蟹餅，啖啖蟹肉，蟹肉裡面仲有d蔥花，有蟹味之余個要有蔥香味。蘑菇湯裏面有黑松露蘑菇蒸蛋，蘑菇湯好滑身。。我第一次食咁好飲既蘑菇湯，有點兒感動！美國黑安格斯，好鬆化，牛味重。。都好好味食牛既set dinner 都係4百幾。。低食。。。仲要有85折。。。甜品係法式焦糖燉蛋，蛋味重，可惜焦糖厚身了小小，甜度對我黎講岩岩好！我好好奇，問左侍應一句，廚師係邊度過黎架，侍應話係尖沙咀，某5星s酒店，做左好多年既大廚！聽完感覺超值。。d蠔同蠔餅，湯真係好好味