Amici (已結業)

同男朋友行完動漫展，行開中環就係中環搵下有咩好食啦～呢間餐廳唔算大間，但啲燈光同枱凳成個氣氛加埋好有情調！岩哂情侶黎撐枱腳👍🏻餐具都擺放得好有feel!首先係香草包同自家制麵包，可以將醋同油倒係碟仔到，用黎點麵包食會酸酸地有啲味😋香草包好鬆軟，而三角形個隻包就脆脆地香口啲😎呢個crab cake係成舊都係白色既蟹肉絲，咬落唔乾仲要幾有蟹肉既鮮甜味😃同沙律醬酸酸地幾夾～一人一碗薯仔湯先！個湯有啲香脆既魚乾，加左啲咸香味，個湯都feel到好足料好香濃咸咸甜甜既薯仔味👍🏻👍🏻呢個sardine spaghetti好有水準，平時啲意粉係魚味還魚味，意粉還意粉，但呢到啲意粉係好入味勁重sardine魚既咸香味，仲有啲蕃茄乾同馬蹄片酸酸地咁增加左意粉味道既層次👍🏻啲蝦都好新鮮爽口～呢個係slow cook pork,豬肉好厚身，好易切開已經知有幾淋，見到中間粉紅粉紅咁👍🏻咬落好重豬味！有質感得黎係淋身，好juicy,加埋啲汁好惹味呀😆呢到仲要好好服務，店員好細心會成日幫你換碟同添水👍🏻👍🏻值得再黎試～

大部分人都會覺得中環d西餐廳好貴，但小妹搵到間低食既西餐，低食之餘，仲要酒店水準。星期六晚約左兩個姊妹去浦，就順便搵間餐廳食下飯，傾下心事先。open rice 見到新開，仲要訂左有8折，9秒9訂左先。環境幾靚，坐得好舒服，服務態度都ok。我地3個，叫左一打生蠔，法國蠔340元，好肥美，中size ，蠔味重，海水味咸，蠔味留係口中好耐。生蠔新鮮，正！再配返隻白酒，佢有兩支白酒食蠔就係180，但我地叫左其他白酒，3百幾一支Life Pinot Grigio ，因為呢個產區既白酒味道特別，唔會太酸又唔會太甜，平凡得黎，帶甘甜，礦物味重。男女都岩飲!!呢度d酒都好大路，價錢黎講，算平。因為我係一個酒鬼😝之後再食帶子吞拿魚他他，他他係黑松露整，好香，鮮味分明，值得一試。再每人一件蟹餅，都幾大件，蟹味鮮甜再加上自制沙律醬，啖啖蟹肉，再飲一啖酒真係絕配。。之後食海鮮意粉，聞落有d泰國冬陰公既味，小小酸酸辣辣，好開胃，食落就唔係冬陰公味，海鮮仲好多，有蝦，魷魚，帶子，蜆，味道不錯。再黎多個鴨拼盤，由於我唔食牛同魚，另一個唔食豬，再另一個唔食羊，就試下個鴨拼，呢碟菜我個人認為個鴨胸一定要同鵝肝一齊食，

估唔到中環可以係呢個價位食到浪漫既一餐朋友帶我到中環既呢間西餐廳 位置都唔算話太易找 相對地用餐時可以比較寧靜我地點左燒春雞配香橙汁$188同煙三文魚忌廉螺絲粉$168 前菜係凱撒沙拉 特別講一講佢嘅麵包 除咗脆之餘係有係有dd苦 幾特別 芝士係用薄切一片片嘅芝士麵包配黑醋或者橄欖油 一個樽裝兩樣嘢嘅設計幾特別燒春雞啱啱好夠兩個人分享 雞皮燒得幾香脆 調味料都有透入到雞肉裏面 唔會好似食白切雞咁 有肉汁本來以為燒春雞嘅配菜係薯蓉 原來係飯焦 哈哈忌廉味重 幾creamy 配上三文魚同肉腸粒 食完再食 叫左凍奶茶 香滑 雖然份量唔係好多但係食落都夠飽 而且呢個價錢係中環食到咁有情調嘅餐廳 cp值幾高

幾個女生去中環食晚飯，當然想選擇一間有格調啲嘅餐廳，可以慢慢傾吓計啦。今次食呢間餐廳，地點近蘭桂坊，好方便，餐廳入面環境好安靜，所以我哋傾計都傾得斯文啲😂凱撒沙律，上枱有一碟沙律菜同埋另外有一樽樽嘅配料，煙肉、麵包粒、芝士粉、沙律醬等等都可以任意落。另一款前菜叫咗三文魚帶子他他，幾鮮味，仲有我好鍾意食嘅牛油果添。芝士意大利飯，簡簡單單，冇配料，可以試清楚芝士香同飯粒。另外叫咗個意粉，都係冇配料，想食得清啲嘅話就啱啦，味道有少少辣，所以食落冇咁寡。豬柳好厚身，煎得好香，而且唔會好油膩，入口亦都好鬆軟👍🏼唔食牛嘅不妨叫呢個試吓。

朋友今次推介去中環食西餐，一講起中環，大家都會覺得好貴，但係呢度又經濟又實惠，所以值得小妹推介。首先有麵包前菜，可以選擇同橄欖油或黑醋食。之後再食個classic Caesar Salad，呢度個Salad有四個配料，有巴馬臣芝士、脆卜卜嘅煙肉、鯷魚和烤碎麵包同沙律醬。生菜好新鮮，份量都唔少，好fresh！主菜分別係傳統橄欖油蒜片辣椒炒意粉，意粉好爽口，又唔油膩，不過我唔食得辣，可能覺得辣咗啲啲，不過整體係幾好食嘅。另外一個係香煎鱸魚，外魚皮好香好脆，上面有好多炸咗嘅蒜粒，魚肉好稔，仲有配埋香檳汁，食落好creamy。順帶一提，呢度嘅環境唔錯㗎，幾適合兩個人享受二人世界，大家即管去試試！

7月對每位作家來說都是大日子，因為每年7月貿發局都會舉行書展，讓大小書商及銷售平台可以聚集一起，除了書藉外，還有大量兒童教材、文具、手工藝材料等等售賣，所以每年書展都是港人重要節目之一。休息了兩年，今年再次推出第8本繪本作品，正好今天舉行簽名會，跟一眾讀者見面及交流後，我們去了中環撐枱腳⋯位於中環新開的Amici非常有情調，雖然坐位不算很多，但給予人高貴、簡潔的感覺，環境舒服而且很寧靜，跟在書展會場形成強烈的對比，正好讓我沉澱一下心情⋯坐下來店員就送上餐包，是香草包，濃濃的香草味配橄欖油及醋很美美啊﹗Classic Caesar Salad送來的時候有點不乎合預期，原來這裡的Caesar Salad是DIY的，客人可以按照自己口味調配，有些客人喜歡多醬，有些客人則喜歡小醬，所以這個DIY的Caesar Salad實在太好了﹗又可以玩，又可以食到自己喜歡的味道﹗配料有炸得香脆的煙肉、芝士粉、沙律醬、脆脆的麵包粒，還有咸香十足的魚乾，我比較貪心，除了芝士粉外，所有配料都加進我的沙律裡面XD由我親自調配的Caesar Salad﹗Main Course我們點了Pan－Seared Barra

今晚黎到中環呢間餐廳食晚餐，由於六點半就去到，所以餐廳暫時仲未有客人，感覺好似包左場😂餐廳環境好靚，主要係以白色同深藍色為主調，感覺好古典，而且舒適寧靜餐枱已經放置好哂所有餐具，仲要順序排列好，枱面上既雲石花紋好靚，望住咁靚既花紋用餐既心情都會靚d~是日既dinner set，不過我同媽想散叫多d先黎麵包，會有一樽黑醋同橄欖油俾我地去點麵包，麵包好鬆軟，好香麥味，點埋黑醋同橄欖油，酸酸地，好開胃Lobster Bisque:好濃郁既龍蝦味，仲有龍蝦肉係裡面，肉質好爽口彈牙，好香濃Quail Salad :鵪鶉蛋就食得多，鵪鶉都係等一次食，燒得好香，肉質嫩滑，沙律菜都沾滿了黑醋同橄欖油，菜好新鮮，而且酸酸地，好味Sardines spaghetti :粉炒得好香，有番茄乾、蝦肉、沙甸魚碎、橄欖同鮮蕃茄，好惹味，充滿着所有材料嘅香味，蝦肉彈牙French duck medley:有鴨胸、鴨髀、鵝肝，鵝肝好肥美，鴨髀同鴨胸外皮煎得好香脆，肉質好腍，正方形個舊係炸既飯，好特別，幾好食晚餐有8折，食咗咁多嘢＄700都唔使，都幾抵

難得有機會同姐妹聚餐，想有個安靜環境，慢慢食慢慢傾，唔比人催埋單，呢度就最適合~先講環境：店面比較細（不過成棟大廈都係咁），好似係新開張，唔算太full ……裝修簡約，係梳化仲特登放cushion，令客人坐得舒服，好細心食物質素：頭盤生蠔 - 唔知係咩產地（因為唔識），只能講好鮮甜，好好味，檸檬汁都唔使落，但一定要配埋餐酒~餐包及餐湯 - 係香草包，侍應話其中一款係餐廳自製，味道唔錯；餐湯亦很香濃Appetizer - 我揀咗沙津，有香煎帶子有牛油果，味道不錯；反而姐妹揀嘅特色蟹餅較有特色，睇落似薯球，食落好有蟹味Main course - 揀咗慢煮牛柳，本來要求7成熟，侍應建議我地試下五成，可能係慢煮關係，雖然肉有少少粉紅，但無血水，肉質比較嫩，配埋紅酒簡直一流~ 甜品 - 餐甜品係焦糖燉蛋，可能新開張關係，餐廳比我地轉其他甜品，于是我地分別揀咗焦糖燉蛋、Apple Crumble 同埋另外1個甜品（唔記得叫咩名，但似有raspberry ice cream，酸酸甜甜好開胃）。焦糖燉蛋夠香又夠creamy ，上面再加水果點綴，足見廚師有心

呢間餐廳個名係英文friends 既意思，幾特別！所以今日我都約左個年幾無見但都係係中環返工既朋友仔黎Amici 食飯，成年無見我朋友仔都變左肥仔啦，哈哈。。。不過我依然係瘦妹子。我地兩個叫左4道菜，仲飲左兩支紅酒，由7點傾到11點先肯走。叫左個鵪鶉沙律，味道同岀面d沙律醋唔同，廚師哥哥話個黑醋係自制，用提子乾整。個沙律有雪梨片，雜菜，同d堅果，食起來有唔同既層次，黑醋甜中帶小小酸酸地好清新，之後再發岀黑松露既香味，我都未試過咁鐘意食菜，隻鵪鶉肉好滑肉味濃郁，清中帶濃，層次分明。第二道菜係帶子吞拿魚他他，用左黑松露油，牛油果同芝麻去整，原來帶子加黑松露油係可以好和口同鮮，超夾既組合，不過我覺得吞拿魚同黑松露油唔係好夾，吞拿魚味濃郁，如果配返d白身魚會更岀色。第三道海鮮扁意粉，酸酸辣辣，海鮮味濃郁，扁意粉可以做到每一條麵都有汁，唔會無味，又唔算重味，好香口，而且酸帶小小辣，又唔會搶左個海鮮d鮮味，仲要超多海鮮，食到呢道菜，我有d飽，要留肚食下一個菜，就夾哂比我發福既朋友仔！第四道菜，係法國鴨胸，相信大家煙燻鴨胸食得多，但生生地6，7成熟既鴨胸好小地方有，估唔到，係好好食，鴨味岀，但可以講

今日同同事試左間新餐廳，環境裝修都舒服乾淨。lunch set選擇唔算多有5、6樣，頭盤有沙津或湯加個主菜。我簡左魚同事就食牛，賣相很唔錯。味道都好好，份量適中食完已經好飽肚。要再黎試埋其他野😋

經朋友介紹中環呢間新西餐廳 今日公司team lunch 一入到去裝修很grand 很舒服 個菜牌價錢係同區性價比高 今次叫咗個虎蝦辣意粉 starter叫咗個potato soup 先講個potato soup 個口感同味道似係文華東方間Pierre 原來問過大廚之前係喜來登做咗16年 果然吾同 個湯味好濃好正 而個主菜先講意粉 意粉食落去好有質感 而虎蝦雖然吾係話特別 但係夾埋一齊食落去好爽口！同埋原來最後埋單仲有8折 下次試埋個晚餐先！

慶祝找到新工作，跟老公去吃餐好的，放工在中環選了間新開的西餐廳，就在陸羽對面，從公司開始行過去都只是10分鐘，好方便。新餐廳可能未太多人認識，客人不太多，靜靜地更方便傾計。高級餐廳的Menu是全英文是常識吧，店內有一個外籍及一個香港人侍應，在這情況下當然要問問香港店員有什麼特別推介，她推介了鴨肉意粉和香煎盲鰽。鴨肉意粉 Duck Ragout Pappardelle ($188)，用了寬身的意粉，加上鴨肉絲、肉醬、蕃茄、芝士等，用材豐富，啖啖鴨肉絲，由於鴨肉是用人手撕下，會見到鴨絲的紋理。鴨特殊的濃郁味道，配上蕃茄肉醬，口感很滿足。香煎盲鰽 Pan-seared Barramundi ($220)，最好味的地方是煎過的魚皮超香脆，比薯片還要脆。香脆魚皮配上嫩滑的魚肉，形成超強烈的對比。魚肉的嫩滑度比中式蒸出來的更滑。

上星期男朋友生日，諗住包場同朋友一齊興祝下，有好野食又有靚酒飲。想找中環區高級餐廳，致電了一些餐廳，便發現中環區不是太多餐廳會做包場，又或者包場門檻高。後來找到OpenRice 內依間新開張餐廳，便打去問問。非常幸運，依度面績雖小，只有32個位，但裝修別緻。包場只需10000加一服務費，勝價比高。以下是一場包場食物，食物質數很好及精緻。完全乎合我的要求！男朋友也渡過了—个愉快的生日

今日同個同事去食飯，揀咗呢間好似都新開咗唔係好耐嘅餐廳Amici，聽個名就已經好意式風情店面其實好細，大約放咗10張枱左右，枱面中間係用雲石做，大熱天時，上到去一放隻手上枱就涼陣陣好舒服，而新餐廳如果用新傢俱，就係其中一個吸引點，張椅… 坐落去係feel到厚厚嘅坐墊(因為仲未比人扁，哈… )我地兩個女仔，唔想食咁多，志在搵個地方傾下計，的確地，呢度幾寧靜，適合二人聊聊天首先我地點咗個沙津，特別嘅地方係佢只有一盤沙津菜，而麵包糠，煙肉，咸魚鬆，芝士，沙津醬都係自己自由加上去mix嘅。女服務員開頭響我地點菜時話上菜時會同我地介紹番，但最後咩都無講就走咗去法國油封鴨腿，老實講對呢道菜有少少失望，因為價錢唔平，因就份量一般，而味道亦都相當一般蜆肉意炒，原本意粉味道係ok，但蜆有沙…店內只有一名男服務員和一名女服務員，女服務員的態度不太友善。一個沙津同兩道主菜用咗差唔多700大元，老實 ，如果以品質黎講，一D都唔化算，應該唔會再幫親。

中環士丹利街11號，又是食肆林立的地方。這晚揀了新開不久的Amici。7點來到，人不多，只坐了兩、三檯環境方面，以墨綠色為主調，坐的都是沙化形「肥厚」椅，非常舒適。店員一個講中文，一個講英文，看看你兩文三語喜歡哪樣。凱撒沙律($118)比較特別的是煙肉、芝士粒、竹炭面包粒和鹹吞拿魚粒。食法比較特別，用一個個瓶子分盛著個人並不愛厚重的沙律醬，所以對這做法頗為欣賞，尤其喜愛竹炭面包粒，爽脆得黎顏色特別。煙肉亦是脆卜卜，沒有油。但鹹吞拿魚粒不建議落太多，因為咸得不得了。另外叫了個鴨脾($298)鴨脾皮很脆，肉一絲絲的非常易切，一撕即開，分得很方便，簡單用刀叉就清理得乾乾淨淨。老實說，鴨脾並不是容易處理的食材，這個醬汁和皮整得相當好食，肉就稍乾了一點，不過可以接受。而且肉味頗香。簡簡單單叫了個，西班牙辣肉腸扁意粉($198)腸已切粒，加上橄欖粒，扁意粉很順滑，整體是惹味的，微辣，帶香味，沒有濃厚的醬汁，感覺相對健康。美中不足是帶有少少油膩感。總結這間餐廳坐得舒服，適合靜靜地約會談天，服務亦見貼心，斟水勤快，態度佳。價錢稍貴，食物方面未算十分驚艷，或者下次可試下其他菜式。