Amici (已結業)

今日同男朋友黎到中環呢間新餐廳食野。一入黎覺得間餐廳好高貴，裝潢用白金黑色為主調，再加上係中環，令人感覺好high class，好想快啲食到一餐有質素既西菜！我最鍾意係餐廳啲燈，金黃色又閃閃生輝既玻璃燈，顯得好有格調。👀我地每人叫左一個set。前菜黎啦，分別係「parma ham配蜜瓜」，蜜瓜好鮮甜又爽口，配埋咸咸地既巴馬火腿，好好食。😆之後男朋友就無簡前菜，簡左飲湯，「野菌忌廉湯」，好濃郁，磨菇味好香😍之後就黎到重頭戲，主菜喇。「軟殼蟹魷魚意大利飯」，軟殼蟹有兩隻咁多呀，一黑一白，點解會咁？原來一隻係就咁炸，另一隻係加埋墨魚汁一齊炸架，好特別，食落好香脆呀！黑色墨魚汁果隻就會濃啲咸啲。意大利飯我就覺得有少少硬，不過可能咁先係真正既意大利飯，煙煙銀銀，更加有口感。👀仲有個「香煎三文魚柳配香檳忌廉泡沫」，舊三文魚柳非常好味，煎得啱啱好令三文魚油逼左出黎，食落有入口即溶嘅感覺，三文魚味好重又唔會好腥，好鮮美呀！配埋特別嘅香檳忌廉泡沫，好fresh，再加埋少少薯菜，有紫薯番薯同薯仔，就夠哂飽嚕。👏🏻整體來講，餐廳環境大方得體，嘢食嘅質素亦好高，店員服務態度亦好專業，適合上班一族或者情侶上嚟食