A Tavola Bar & Grill (已結業)

今次應該係第三次食呢間餐廳，多謝正苦令完全香港都冇得夜晚堂食，唯有外買返去喂飽一家人啦。.📍Mardi Gras 12” ($150)With Mushroom, Cajun Chicken, Spinach, Roasted Potatoes Topped with Sour Cream and Sweet Chilli Sauce呢個名為狂歡節嘅薄餅已經食過一次，因為好特別咁落咗酸忌廉同甜酸醬，好有泰式嘅風味，草根好鍾意㗎！另外配料有蘑菇、雞肉、烤薯仔同菠菜🍄🐥🥔🥬。成個組合有別於傳統pizza，充滿東南亞特色，令人眼前一亮🤩！酸酸甜甜嘅醬汁令人食指大動👍🏻，十分惹味👅，加上點左薄批底，邊位真係脆身啲😬，推介俾大家試吓。.📍Marinara Risotto ($135) Tomato Base Risotto with Baby Asparagus, Mix Seafood Topped King Prawn海鮮飯内有唔少海鮮，有魷魚🦑、蝦肉同蜆肉，飯面仲有隻炙燒過嘅大虎蝦🦐。虎蝦散發陣陣焦香🤤，肉質新鮮彈牙👅，其他海鮮都唔錯👍🏻。意大利飯份量好多🍚，蕃茄味濃郁🍅，不過味道未叫做好

其實冇乜特別好寫，叫咗三杯唔同嘅特飲及幾樣嘢食完全唔覺得好食，係將南食過4-5間呢間啲嘢食係最冇誠意嘅，其中一樣就係個pizza食完會覺得pizzahut好食好多，我嗰小明友都話完全唔覺得好食(細佬仔係好難會覺得Pizza係唔好食嘅)，所以以價錢而言及食物質素，覺得唔值。

今晚係2020年嘅最後一夜，為咗有個美好完結，就諗住食返餐西餐。呢間餐廳位於將軍澳海旁，禁堂食期間要外賣，咁呢間餐廳有優勢，因為可以拎出去海旁公園嘅櫈度坐喺度撐枱腳。😂14oz 安格斯肉眼扒打開個外賣盒，會見到廚師好有心機分開塊扒同side dish。塊扒比我想像中好，因為佢個size係大，厚度有返咁上下。而我地叫左medium well ，切開睇佢係俾返medium well嘅，咬落去塊扒易咬開，亦都有肉味。扒旁邊嘅薯蓉俾到驚喜，佢唔似其他餐廳咁普通用沙律醬撈勻，而係用sour cream，呢種做法令到薯蓉食落開胃又唔漏。水牛城雞翼 一打開裝住雞翼嘅外賣盒，即刻聞到好香嘅雞翼味。由於佢即炸嘅關係，雞翼塊皮咬落去非常脆，味道香辣得黎唔算太辣，值得一試！

原本想同男朋友慶祝生日，佢又鍾意食西餐，所以想同佢簡單單單去食餐好，點知係禁制令下，最終只可以叫外賣返屋企食🥺為咗令心情好啲，最後決定去呢間食評都唔錯嘅餐廳一試，希望大家心情都好啲☺️我哋最後叫咗一個10"海鮮薄餅、烤羊排同埋兩款甜品，慶幸返到家，啲食物都仲係微溫，即食剛剛好。10"經典海鮮薄餅原本以為佢同某大薄餅集團一樣，會用急凍海鮮去整，點知薄餅嘅配料似係用新鮮海鮮去做，有蝦有魚柳同魷魚，雖然口味有啲啲辣，但係十分惹味，加上佢用咗好多香草，令到成個薄餅更加香口。薄餅似乎係即叫即整，皮底唔算太厚，食完啱啱夠飽，份量又唔會太多，值得一試。烤羊排初時見唔少食評都有點烤羊排，所以本全好奇心一試。打開外賣盒，見到滿滿嘅芥辣醬鋪喺厚厚嘅羊架上面，心諗：唔知好唔好食呢。（因為我唔太好芥辣醬）點知咬落羊肉肉質鬆軟，而且都好Juice同唔會好韌，每一啖都充滿芥辣醬同羊肉嘅組合，感覺又幾好。不過食到第二件，會感覺芥辣醬落重咗，如果少啲會好啲。反而，我最欣賞係佢嘅配菜，有細薯仔、紅蘿蔔同青黃紅椒，感覺到係有心機去煮。蘋果酥 我本身好鍾意食apple crumble，不過唔多餐廳有提供，可能因為唔多人會鍾意

好耐之前已經book咗呢間將軍澳海濱餐廳A Tavola Bar & Grill TKO，諗住兩個人過黎撐住台腳吹著海風食，但無奈疫情影響下禁左晚上堂食。惟有外賣返屋企食。超級夏威夷pizza12寸 $160呢個批超級大，都只需要$160咋，三至四人食都夠。而且味道唔錯，餅底相當煙韌有咬口，配料亦非常豐富。水牛雞翼$98水牛雞翼隻隻都好大隻，外皮脆脆地，雞翼醃到好入味，再配上水牛醬，味道酸酸辣辣，相當特別。總結：等之後開放返堂食時一定要再黎一次，同朋友或家人吹住海風，飲住酒。享受下寫意的晚上。

今日係將軍澳做嘢，放工後好肚餓開始係附近覓食，聽朋友推薦過呢間餐廳，於是入黎買個外賣返屋企食😆美國經典牛肉漢堡配薯條及沙律 ($140)- 安格斯牛肉非常厚，好大塊，仲配有生菜、芝士、煙肉、烤洋蔥、泡菜及墨西哥辣椒。一口咬落去超滿足🥰香蒜海鮮橄欖意粉 ($135)- 用白酒烹調，蚌肉大蝦魷魚小紅茄製作的傳統意大利意粉，味道濃郁，食落好清新，意粉彈牙，醬汁融入到意粉裏，搭得宜😁餐廳環境闊落，好適合同朋友或家人一起過黎，菜單亦好多選擇，一家大細都啱食架😋

今晚老公OT,近近地黎食個pizza~今次叫左個Atavola House Special 12”同兩個甜品~Atavola House Special 12”鍾意呢度既pizza有得揀size又有得揀厚薄，今次叫呢個Atavola House Special 材料有ham,pepperoni,bacon,green pepper,mushroom,洋蔥,黑橄欖同菠蘿~就咁睇材料已經覺得個PIZZA一定好好食同好豐富，今次揀既係薄批，一咬落去脆卜卜，餅底鬆脆，同之前食既厚批完全兩個感覺~但味道同樣唔錯!厚批較飽肚但薄批就更香口同惹味~講番上面既餡料，PEPPERONI既味道好搶~食落去微辣又有茄汁既酸甜，雖然肉既份量唔少，但有GREEN PEPPER同洋蔥BALANCE一下，食落感覺唔滯之餘，令人愈食愈想食，即使12”唔係細SIZE，兩個人都輕易KO哂成個~Rocky Road Chocolate Cake食完PIZZA就試左兩個甜品~ Rocky Road Chocolate Cake賣相似BROWNIE，ON TOP有球VANILLA 雪糕~最鍾意呢種一冷一熱既口感~刺激又美味!

今日夜晚外賣因為唔可以堂食，不過攞咗返屋企都仲暖既。叫左海鮮pizza同羊架，仲有甜品Tiramisu同Apple Crumble。個海鮮pizza幾特別，加咗好多香草同少量嘅辣椒子，海鮮都幾好咬落去感覺到新鮮嘅，總結味道幾好不過有少少辣。另外佢會再提供辣椒汁同辣椒，食得辣嘅可以再加辣。羊架好食，一啖可以咬開，煮到啱啱好，佢喺上面加咗好多芥辣同椰絲，第一次咁食，我自己覺得好食，仲有其他配菜例如蘿蔔、紅椒同薯仔，配菜都好好食。甜品Tiramisu同Apple Crumble，我自己唔多食甜品，不過食得出係自家製作，有誠意。Tiramisu整到淋淋地又creamy，個底好似係手指餅加咖啡酒，食得出一層層既口感。Apple Crumble，加咗好多餅碎，我自己對餅碎一般不過個蘋果底就整得幾好食，而且又唔太甜。總結佢哋煮法特別嘅，可以試吓。

近年不少大商場都在將軍澳海濱長廊附近建成，各式各樣的店鋪陸續開幕，就連DON DON Donki 都於上個月正式進駐將軍澳澳南海岸。除了購物，將軍澳海傍亦有多款美食選擇，就好像多國菜酒吧A Tavola Bar & Grill。在此一邊吃飯一邊欣賞沿海風景，實在寫意。烤哈羅米芝士紅菜頭沙律 ($125)沙律特別選用烤哈羅米芝士，配搭番茄乾、紅菜頭、意大利黑醋汁，充滿異國風情。哈羅米芝士味道濃重，與清新微酸的沙律菜形成對比，整體感覺非常醒胃。加勒比烤雞 ($165)兩大片雞胸塗上各種香料、醬汁後烤至焦香，入口肉汁滿盈，肉質依然保持鬆軟。雞胸下鋪了薯蓉、燈籠椒、紅蘿蔔，材料豐富。加了肉汁後，所有食材變得更加濕潤香濃，格外美味。

✨中女獨食難肥日誌 ✨A Tavola Bar & Grill 中女食將軍澳 將軍澳南系列澳南的餐廳，要境有境，食物質素亦好高，競爭好大，相信沒有實力的很快會被淘汰！A Tavola bar & grill 已回頭吃了幾次，都因為食物不錯，份量又大，環境舒適，愛喝兩杯的也會喜歡！baby back ribs half$200份Ribs好大份！兩個人吃半份好夠了，BBQ source好濃味，味道帶甜，是Ribs的絕配！薯角亦剛炸好，香脆可口！配的沙律亦不錯👍🏼香蒜海鮮意粉 $135來了吃幾次意粉都al dente，時間煮得恰到好處🥰蒜味亦好香！簡單材料就已經好足夠了！下次可以試試其他pasta！

澳南海岸呢邊最近開咗好多餐廳，有日行過呢一間西餐廳見到好多人收工喺度飲嘢，餐廳燈光好似好暗，但係勝在有情調，於是搵日收工都去試一試😆😆同朋友簡簡單單一個Pizza一個意大利飯，嘢食方面其實都有水準。當然收工志在同朋友傾偈，嘢食都係其次。呢餐飯相對來講個Pizza比較好食，因為材料好足。意大利飯就過得去，兩個女仔就已經好夠👍🏻

呢間西餐廳，環境一流。對住個海，播住西式的音樂，令人好似去咗歐洲小國咁樣～佢嘅午市套餐超級划算，包湯（每日都有不同的前菜選擇）和飲品。主食方面有pizza、有意粉、有扒，實有一款滿足到你。Pizza芝士超級拉絲，批底鬆脆，值得一試！牛扒亦都絕對不能少看，烹調熟度啱啱好，血水唔算多，但當日試嘅豬鞍扒就有點水準之下，有點過硬和鞋口。但幾個朋友一人一個主食再share 真係超級豐富呀（順帶一提，扒類更加配有飯/薯條）當日朋友同我慶祝生日，叫咗一個芝士蛋糕同我簡單慶祝，餐廳知道即刻送上一人一杯玫瑰shot，在喺蛋糕上面用朱古力寫上Happy birthday，令我十分滿意和驚喜。

將軍澳海濱，餐廳環境加分👍🏻——不過出面大風到暈🤧凍到我騰騰震😖要食多啲嘢保住個體溫🌡️.Veg Fajitas ($135)本身叫Chicken Fajitas，但黎錯咗...本身有啲sad，但原來得菜都好好食🥰鐵板上載住熱辣辣香噴噴嘅雜菜☺️洋蔥，菇，燈籠椒，全部都炒得好惹味，索索聲好爽口！配tortillas包住一齊食👍🏻Tortillas有三種醬汁跟，個人覺得sour cream + tomato salsa最正🤣.Marinara Risotto ($135)黎自越南嘅King Prawn果然幾King👌蝦身上面調味太多...有啲鹹😢但同飯一齊食都ok嘅！值得一讚嘅係除咗大蝦，入面嘅mixed seafood都有好多。同埋啲飯係有啲咬口嗰種，唔係港式爛飯仔risotto😂.Apple crumble ($58)味道唔錯，玉桂味好香👍🏻甜度剛好。美中不足係啲”crumble”太碎，全部都係碎粉😔想要有啲大粒啲嘅有啲顆粒感。.呢間環境同服務都好好，但意外地嘢食價錢又唔算貴喎，性價比ok！——📍A Tavola Bar & Grill 將軍澳澳南海岸唐俊街23號MONTEREY Pla

Marinara Risotto 意大利海鮮飯 ($135)我好中意食Risotto，蕃茄汁好開胃。呢碗飯都好足料，除咗有隻巨蝦，蝦蝦大笑，仲有六隻細蝦同埋一啲魷魚。我中意呢啲硬硬地嘅飯，粒粒分明，撈埋個汁好滋味。其實食軟飯應該仲正。Prosciutto E Rucola 十吋意大利火腿薄餅 ($130)我地叫咗個細嘅厚批。一上枱就聞到啲芝士香味，好想快啲影完相即刻食。芝士同蕃茄味好濃郁。主角Parma Ham好香，好中意食。有冇人都中意食啲香草？呢個pizza上面有啲fresh argula，食落幾香口。突然間諗起E係義大利文即係and。Buffalo Chicken Wings 水牛雞翼 ($98)水牛雞翼即係炸雞翼同水牛醬。個皮好脆，每隻都大大隻，好多肉好滿足。我好中意食雞翼，我可以一次過食三四十隻。水牛有少少辣，同埋酸酸地，幾特別。呢度晚餐會有二百幾蚊兩小時放題，星期二係薄餅放題、星期三係牛扒放題、星期四夜晚有青口放題。但係而家晚市都冇得食啦。

依家將軍澳海旁開左唔少餐廳，今次黎到依間餐廳。佢嘅環境唔錯，都幾近海旁，吹到涼爽嘅風，又睇到街景。餐廳內燈光非常有氣氛，好適合同朋友Chill住咁傾計。Marinara Risotto係用蕃茄醬整嘅，佢嘅蕃茄味唔會太濃，啱啱好，同蝦、魷魚好夾，食落仲有少少忌廉味，非常好食。見到隻大蝦霸住成隻碟，真係好搞笑，佢食落好彈牙爽口。Prosciutto E Rucola用左蕃茄、芝士、Parma ham同芝麻菜整嘅，依個係一個10吋嘅厚餅，其實兩個人一齊分享都可以。薄餅食落芝士味都幾濃，同蕃茄醬一齊好正，Parma ham同個薄餅一齊食都幾好食。佢嘅芝麻菜唔會好似出面咁苦，有少少甘味。Buffalo Chicken Wings係原隻雞中翼炸，唔落麵粉油炸，食落同有炸皮嘅雞翼一樣好味。一上菜，見到隻隻雞翼都肥嘟嘟，就已經流曬口水，食落都幾好味。佢有水牛醬可以點，佢食落有少少辣，但可以接受到。