A Tavola Bar & Grill (已結業)

依家將軍澳海旁開左唔少餐廳，今次黎到依間餐廳。佢嘅環境唔錯，都幾近海旁，吹到涼爽嘅風，又睇到街景。餐廳內燈光非常有氣氛，好適合同朋友Chill住咁傾計。Marinara Risotto係用蕃茄醬整嘅，佢嘅蕃茄味唔會太濃，啱啱好，同蝦、魷魚好夾，食落仲有少少忌廉味，非常好食。見到隻大蝦霸住成隻碟，真係好搞笑，佢食落好彈牙爽口。Prosciutto E Rucola用左蕃茄、芝士、Parma ham同芝麻菜整嘅，依個係一個10吋嘅厚餅，其實兩個人一齊分享都可以。薄餅食落芝士味都幾濃，同蕃茄醬一齊好正，Parma ham同個薄餅一齊食都幾好食。佢嘅芝麻菜唔會好似出面咁苦，有少少甘味。Buffalo Chicken Wings係原隻雞中翼炸，唔落麵粉油炸，食落同有炸皮嘅雞翼一樣好味。一上菜，見到隻隻雞翼都肥嘟嘟，就已經流曬口水，食落都幾好味。佢有水牛醬可以點，佢食落有少少辣，但可以接受到。