影片
更多
2020-12-28
85 瀏覽
原本想同男朋友慶祝生日，佢又鍾意食西餐，所以想同佢簡單單單去食餐好，點知係禁制令下，最終只可以叫外賣返屋企食🥺為咗令心情好啲，最後決定去呢間食評都唔錯嘅餐廳一試，希望大家心情都好啲☺️我哋最後叫咗一個10"海鮮薄餅、烤羊排同埋兩款甜品，慶幸返到家，啲食物都仲係微溫，即食剛剛好。10"經典海鮮薄餅原本以為佢同某大薄餅集團一樣，會用急凍海鮮去整，點知薄餅嘅配料似係用新鮮海鮮去做，有蝦有魚柳同魷魚，雖然口味有啲啲辣，但係十分惹味，加上佢用咗好多香草，令到成個薄餅更加香口。薄餅似乎係即叫即整，皮底唔算太厚，食完啱啱夠飽，份量又唔會太多，值得一試。烤羊排初時見唔少食評都有點烤羊排，所以本全好奇心一試。打開外賣盒，見到滿滿嘅芥辣醬鋪喺厚厚嘅羊架上面，心諗：唔知好唔好食呢。（因為我唔太好芥辣醬）點知咬落羊肉肉質鬆軟，而且都好Juice同唔會好韌，每一啖都充滿芥辣醬同羊肉嘅組合，感覺又幾好。不過食到第二件，會感覺芥辣醬落重咗，如果少啲會好啲。反而，我最欣賞係佢嘅配菜，有細薯仔、紅蘿蔔同青黃紅椒，感覺到係有心機去煮。蘋果酥 我本身好鍾意食apple crumble，不過唔多餐廳有提供，可能因為唔多人會鍾意
10"經典海鮮薄餅
原本以為佢同某大薄餅集團一樣，會用急凍海鮮去整，點知薄餅嘅配料似係用新鮮海鮮去做，有蝦有魚柳同魷魚，雖然口味有啲啲辣，但係十分惹味，加上佢用咗好多香草，令到成個薄餅更加香口。薄餅似乎係即叫即整，皮底唔算太厚，食完啱啱夠飽，份量又唔會太多，值得一試。
烤羊排
初時見唔少食評都有點烤羊排，所以本全好奇心一試。打開外賣盒，見到滿滿嘅芥辣醬鋪喺厚厚嘅羊架上面，心諗：唔知好唔好食呢。（因為我唔太好芥辣醬）點知咬落羊肉肉質鬆軟，而且都好Juice同唔會好韌，每一啖都充滿芥辣醬同羊肉嘅組合，感覺又幾好。不過食到第二件，會感覺芥辣醬落重咗，如果少啲會好啲。反而，我最欣賞係佢嘅配菜，有細薯仔、紅蘿蔔同青黃紅椒，感覺到係有心機去煮。
蘋果酥
我本身好鍾意食apple crumble，不過唔多餐廳有提供，可能因為唔多人會鍾意食，見呢間餐廳有呢款甜品，即刻點左黎試試先。以往食開，一般都有吉士醬配搭，但係發現呢間餐廳冇，唔知味道係點呢？第一啖已經食到半熟半有口感嘅蘋果，煮得唔錯。而且知道佢有落肉桂，令到蘋果味更加出色，另外表面充滿鬆軟既餅碎，令整個甜品唔會太過甜或者太酸。但唯一可惜嘅係，可能因為外賣關係，冇咗個雲呢拿雪糕，令到個甜品好似差d 野。如果有， 可能會更perfect。
Tiramisu
一個食到有咖啡味同酒香嘅Tiramisu,兩層已經浸滿酒香同咖啡味嘅手指餅再加兩層濃厚嘅cream，咁嘅配搭真係好充實，好有home made 既感覺，令到成餐都充滿幸福感，亦都成功同我男朋友慶祝咗生日。
後記：唔知間餐廳係咪走環保概念呢，竟然連餐具都冇俾我哋😵
張貼
