616牛肉火鍋專門店

營業中

休息中

即慶約食飯，唔知食咩～ 在這座樓選擇時，電梯經過聞到火鍋香味，都係決定呢間。待應接待好有禮貌，今次like FB 及分享有折， 當然照做。牛肉餃 ～ 夾落个皮好似溶咁破開，但个牛肉好香，彌補反。湯底 要了酸菜及牛骨湯， 酸菜滾滾下辣味出來。要左兩款牛，牛坑爪及牛駝峰 食完及影相後，已忘記點分別自家制啤酒有不同而且又特別的名稱，酒香，不太強酒精，可以多飲 兩杯。牛滑 跟牛肉餃的肉一样，好好味羽衣甘藍 响酸菜湯滾，好入味好夾。但要滾耐點否則太硬。燒牛舌 可以推介 水蓮菜 第一次食，好得意，爽爽脆脆。炸牛肉雲吞～ 炸皮是傳統炸雲吞皮，外面少有。牛肉控 應超喜歡這

這一間616，越多分店開，今次去咗呢一間尖沙咀，非常之驚喜，佢有現場即釀啤酒🍺🍺🍺多款味道👍🏻👍🏻今次試咗呢個「有汗出冇糧出」系列...非常清新味道，有似我上次到台灣一轉，飲的手工啤！非常好！除此之外，這類的牛係特別多選擇，有一隻牛裏面嘅不同部位選擇，以湯底方面....也是有用牛的配料調製💕非常美味😋😋😋😋

現場有一句大牌面，寫住”醉生夢醒”，睇得出尖沙咀分店用心打造成一邊飲酒一邊打邊爐，一班朋友黎的確好岩Feel。近期又世界盃，店內已經安裝好幾部大電視，實行全場睇波！牛舌串燒 ＄48估唔到呢到有小食串燒提供，因為之前食過其他分店都沒有提供的。愛食牛舌既小妹又點會放過呢個好機會呢？牛舌十分厚切，沒有呃砰～牛舌燒得岩岩好，沒有過乾或者好咸既情況～即叫即而且燒肉汁豐富，可以話係小妹今餐至Like鴛鴦青花椒牛骨湯底 ＄78青花椒係全新湯底，一開始食感覺無咩味，不過愈煮愈辣連愛人都頂唔順。不過辣得幾過癮，因為佢果種辣唔無重慶果種一食就好辣而係慢慢散發出黎，想食下特別一D既辣，大家不妨試下。牛骨湯底真係有一陣陣牛肉香味，即使小妹大啖大啖咁飲咗2小碗，都唔會覺得好想飲水牛腩心 ＄68、牛駝峰 ＄48小妹最想食既封門柳又再一次缺貨啊！真係好傷心不過小妹就叫了同樣特別的牛肉部位，牛肉味濃而且唔使怕會淥得太熟，因為餐紙有哂介紹，跟住指引就可以食到店家認為最好味既牛肉。一睇見到好多都係淥幾秒，唔使怕淥唔短時間會唔會唔熟，因為牛肉全部薄切的，所以唔使怕唔熟喇手打牛滑 ＄48呢款牛滑小妹之前食過，不過覺得有點咸但

食過紅磡既616後，感覺真係好唔錯，之後無意中發現尖沙咀既616好似更大食物更多選擇，我又忍唔住約朋友大熱天時打邊爐！《鹽燒牛舌 $38/2串》必食！真係極力推薦比大家，我都無諗過火鍋店既牛舌係咁好食！仲要只係$38就有兩串，牛舌夠厚同大件，口感相當煙軔而帶肉汁，面層黑椒同鹽既份量剛剛好，非常惹味！相比起好多港式或日或串燒店黎講，無論味道同價錢呢度都比好多餐廳優勝。《牛雜湯底 $68》清湯都要$38，何不加三十蚊食埋牛雜呢？呢個鍋既料好足而價錢都係$68，相比其他火鍋店閒閒地收你二百一個鍋，呢個湯底包你食過番尋味。最開心係牛肚份量都幾多，而本身已經煮得入味！《冰麻牛 $38》又再介紹另一款小食，呢碟冰麻牛配啤酒一流！麻辣味道剛剛好，牛肉片、牛肚同青瓜都有好香既麻辣味但又唔會過份辣，上次我仲點左兩份！《金花趾 $68》金花趾係我最喜歡既部位，牛肉輕烚數秒會收縮同卷埋，因為係筋鍵位所以口感特別爽口。《牛駝峰 $48》牛駝峰就比較似平日既牛肉片，質感軟綿。《牛腩》牛腩都好好食，只是滾熱就食得，入味而肉質有彈性。午餐都好抵食！真係要搵日黎試下！

大半年前到過大埔616總店，不經不覺原來616已擴充到市區，而這一間還跟本地手工啤品牌麥子crossover，更顯地道及新潮。一蒲進門口便看到這個掛著醉生夢醒牌匾的bar枱，與店中央以鐵絲網托低的牛部位剖示圖特別配合。已知616是以電子餐牌點餐，這次發現餐廳精進了，就每種成材都加以介紹，讓客人對牛不同部位特質更有概念，方便客人按自己口味點選，值得一讚 我向他推介上次吃過的牛駝峰和牛朴肉，原來而他另選了吊龍伴和牛雜，湯底選了沙嗲及牛骨鴛鴦鍋，非常期待 😍下單不久，服務生便送上沙漏，如果首輪下單食物未能在二十分鐘內送上，該款食物便免費送上，他即跟服務生開玩笑，說我們不趕時間，菜可慢慢送來 不消一會，牛肉便送來了，牛駝峰和牛朴肉依然肉香油脂均勻，我就是喜歡這兩款肉入口彈牙有咬口，而他選的吊龍伴入口較滑，肉汁豐富。我兩都覺得三款肉的肉質都很好，牛味香，但略為切得太小一塊，如果可以大片一點，則口感會更佳，亦讓人吃得更暢快。牛雜份量足又好吃，意外發現配撘沙嗲湯底的牛雜口味一流，吃到停不了口! 而沙嗲湯底亦非常合我們口味，香很來不會太濃味，吃起來很舒服 吃火鍋少不了啤酒，這支是我喜愛的原漿啤酒，以前

我好耐冇試過咁早可以收工喇 ... 差唔多都要 9點-10點，講緊早可能係...7點半 OR 7點 !! 對於一個番朝9晚6既人黎講係算早 !! 哈哈 ~~ 今日隻佬竟然話訂左位食飯，我以為咩黎 ?! 呵 ~~ 食我最 LIKE 既牛 ~~ 愛你哦 !! 上到黎 616 麥子，門口既大堂好有 FEEL ~~ 有 BAR 可以等緊位可以飲下啤酒 !! 因為佢有訂位，我地就直入啦 !! 好餓呀 !!!坐底竟然見到張枱有廣告話有 66折，興奮左陣 !! 之後就 COOL DOWN !! 哈哈 ~~ 因為要等 6月11-16先有 ... 但都好吸引 !! 又有借口再黎 !! 呵 ~~今次黎到店員有主動同我地介紹番今日有咩特別既野同有咩新湯底，之前黎可能太夜，妹妹仔唔係好識招呼，今次既感覺好好 !! 店員有介紹酸菜湯同青花椒湯俾我地 !! 但吸引唔到我，今日唔多想食辣 !! 最後叫左個好野味既沙爹湯同牛骨清湯 !! 個沙爹湯底勁野，食得出係自家制，入面勁多蝦算既野，唔口乾最緊要 !! 另外佢既牛骨清湯一D都唔清 !! 個湯底勁香勁甜 !! 蔬菜牛骨應該唔少 !! 我地打完邊爐仲飲左好多湯 ...

每當我想打邊爐食牛肉既時候，心中都總會想起616。好記得第一次去既時候，見到將牛每一份肉分得咁仔細既616，覺得老闆真係好有心想同客人分享點先係真係識食牛肉，而且每日唔新鮮唔會供應俾客人，將價錢定係大眾可負擔得起既位置，實在令我印象好深刻，亦會繼續支持。今日又來了！食咩好食咩好！？原來多左酸菜鍋，好似好正咁！因為落左咁多日雨，一於青椒辣鍋！鴛鴦清湯牛骨可以兩食！叫左尾龍，三花趾，封門柳，匙皮先係匙皮 肉味最濃，肉質比一般的鞋，但係我最愛既質感封門柳聽說是最珍貴的一塊，肉嫩牛味不重，易入口，很受客人歡迎尾龍肉質比較軟滑幼嫩，肉味都算濃郁 值得一提，呢間616有不同既啤酒，好多都係自家混啤咖。喜歡啤酒既朋友不能錯過店既啤酒Cocktail！

朝早在茶水間818，八到尖沙咀有間火鍋店有好刁鑽好招積嘅牛火鍋食，所以123唔使諗就同朋友去食。牆上掛晒啲好刁鑽嘅牛部位名稱出來，絕大部份都未聽過未食過，去街市一定買唔到。另一邊掛咗個牛牛嘅簡單解剖圖，免免強強都可令我略懂嗰啲特別部位的位置。店員推介鴛鴦酸菜牛骨湯做鍋底，一次過可以嘗到兩種湯底。919 (攪一攪) 牛骨湯底原來有大大件牛骨，可以食埋牛骨髓，仲有粟米食，正!飲品叫咗自家製的菊花桂圓露，清熱又滋潤。第1 round 點咗封門柳、牛駝峰、滑尾龍、牛丸、羽衣甘藍。按照 “推介食法”，每種牛部位都只係需要 616 (淥一淥 ) 幾秒 就食得。封門柳腍嫩肉味濃。牛駝峰比較有質感。牛丸好爽彈。滑龍尾個食法有點特別，要打隻雞蛋和牛肉混和，放入湯內616 就夠晒滑，可口美味。至於羽衣甘藍都只係313 (烚一烚) 就食得，超方便。之後有啲唔夠喉，就叫多兩款牛肉來食，脖仁和牛朴肉。脖仁比較肉多脂肪少，所以要咀嚼耐啲。原來最好食係牛朴肉，脂肪比例都好多，所以有點似食和牛一樣，油脂豐富，入口甘香。早知一早就叫牛朴肉來食，起碼要食兩碟。奈何我哋已經飽晒，再無食力了。要留待下一次返來encore。

616麥子是專供客人吃牛肉火鍋的專門店舖，之前來過他們在西環的616麥子分店，那次吃的印象非常之好，但西環始終比較隔涉，所以今次約朋友嚟尖沙咀這間店舖。尖沙咀這間店舖雖然沒有西環那間裝修得那麼有特色，但這裏有一組手工啤製造組件，所以這裏的啤酒一定相當的新鮮好味，但很可惜今天不太舒服所以沒有叫啤酒喝，下次一定會飲。自家製的啤酒味道全部在iPad Menu裏面可找得到，而且詳盡介紹他們的口味。鹽燒牛舌串，Order的時候沒有太大期望，點知一上枱，嘩！好食到不得了牛朴肉，我最喜歡的一碟牛肉，肉質淋滑無渣，好味。水連菜，第一次食，爽脆有菜味。雙層肉，顧名思義就是牛肉起雙飛，牛肉很有咬口。

向來無牛不歡的小妹發現616專食牛的火鍋店，點都要抆埋個姊妹一齊去試一試😋。我地一入門就見到「飲飽食醉」四個大字，仲有吧台上既「醉生夢醒」，正合來意，實在有趣有趣。不得不提，依間店有好有特式既手工啤酒🍻，但今次我地以食為主，所以無試😆。店內裝飾實在很有特色。點餐也很方便，用ipad點餐，想食咩一按就搞掂。黎到重頭戲啦~打邊爐湯底好緊要，我地今次就叫左個酸辣同豬骨湯底，酸辣湯很醒胃，酸度適中，唔會過酸，個人十分喜歡，忍不住飲左3,4啖🤤🤤，至於豬骨湯清清甜甜，用黎淥野更顯出食物鮮味。湯未滾，食住個小食牛肉串先，牛肉串燒得好香，而且肉也挺有咬口，不錯。黎到火鍋配料，我地叫左牛朴肉同牛駝峰，小妹較喜歡牛朴肉，淥到剛熟，肉質鮮嫩，入口即溶，而且很有牛味😋😋，至於牛駝峰也不錯，較薄，所以用酸辣湯淥，吸收哂湯底既味，一個字：正！👍🏻👍🏻👍🏻另外，叫左生菜，打邊爐必食既響鈴，仲有牛丸。特別要提一提個牛丸，由於小妹一個唔小心🙈，跌左粒牛丸落地，點知發現粒牛丸真係好似個乒乓波咁彈😱，之後即刻再撈一粒黎食，嘩，真係好彈牙好好味呀😋，諗返頭先跌左一粒，真係可惜😭另外，醬料也很多選擇，特別喜歡個牛肉汁，點咩都

食火鍋我最愛食牛肉，平時主要都是食肥牛，今次想食其他不同的牛肉部份，朋友帶了我位於尖沙咀赫德道食牛肉火鍋。餐廳可望到窗外風景不錯！因為實在有很多各種各樣的牛部位。看看這個推介食法，可給我這個選擇困難症多個參考👍🏻因為有幾款湯底都想試，所以我們叫了鴛鴦酸菜牛骨湯。趁湯滾之際，叫了小食先，鹽燒牛舌串。大大塊牛串，夠厚夠爽脆👍🏻😋醬料亦有許多選擇，我和朋友最喜歡是牛肉汁和青檸汁（原粒青檸）牛朴肉 $48, 即牛頸脊。個人推介雙層肉 $68 牛腩心 $68牛駝峰 $48 匙柄 $48. 配埋酸菜湯和青檸汁一起食很惹味😋超級食物之一，羽衣甘藍 $28 大大棵有許多，呢個好抵食，又好健康！葡花桂圓露，可清熱👍🏻金菊玉凍冰，清清的不太甜，帶有淡淡的金菊味很清香，一邊食熱辣辣的火鍋一邊食這個很好！共食了$471，不太貴，好滿足！😋

打邊爐食火鍋是香港人至愛，不論春夏秋冬都有人幫襯。今天來到尖沙咀赫德道的616麥子，這裡專賣牛火煱，而且牛的各種部位都有，喜歡吃牛的朋友又點會錯過呢！這裡用iPad 點菜，與時並進。今天火鍋店顧客多，所以被安排坐在露台位置，雖說是露台，但冷氣當然不缺。在iPad 點菜，圖文並茂，而且資訊詳盡。牛朴肉，平常説的牛頸脊，淋滑牛味濃，正👍🏻😋手打牛滑，牛滑彈牙無渣豆腐豆味重，滑口娃娃菜新鮮味甜金菇爽口白蘿蔔淸甜響鈴打邊爐至愛冰麻牛，餐前涼菜，麻辣味十足，好吃手拍黃瓜，開胃

今日去完朋友個 SALON 整完頭，大家諗今晚食乜好之時 !! 突然醒起 616 尖沙咀開左鋪，上 OPENRICE 訂位仲有 9折 !! 免加一都好呀 !! 哈哈 ~~上到去其實係真係唔駛訂位，反正未滿座 ! 但有折就梗係訂啦 ! 上到黎個感覺同大圍店好唔同 !! 好現化感 !! 裝修都好靚，我地一行6人坐 U 形台都幾舒服 !!唔係係咪因為平時 ... 好多部位都冇貨 ... 有感失望 ... 豆品類 ... 有好多都冇貨 !!每碟都會放番個名牌係道 ... 可以睇番呢塊牛要淥幾耐 !! 同行朋友可能第一次黎 ... 而我又冇話叫佢知只食牛 ... 好似唔係咁鍾意 ... 仲話牛肉太薄 ... 要食幾多先夠飽 !! 如牛魔王既我 ... 我又覺得好開心 !! 哈哈 ~~呢個令我好驚喜既牛舌 !! 口感好好 !! 好爽口 ~~ 仲好 JUICE !! 我地 ENCORE 左 2次 !! 哈哈 ~~ 但呢個唔平 !! 但我覺得值得既 !!個菇盤好特別，入面有款菇我覺得好甜 !! 但係唔知咩菇黎 ~~ 相中好深色果款 ~ 下次街市搵下先得 !! 哈哈 ~~呢個我地收到，到煮 ... 都唔

美好的夢始終會醒，不論是抱頭痛哭一場還是賣醉，第二天仍舊要若無其事地生活，但那怕 那怕...只是一場 「醉 生 夢 醒」的時光616的店名是取其「淥一淥」之意，應該算是香港首間單一以牛做招徠的主題店，挑選牛的不同刁鑽部位比一眾牛魔王大快朵頤，裝潢很有特色，大大的牛魔頭盡顯霸氣，用上舊式白底紅字的牌子標誌著牛肉部位，富有懷舊元素亦別有「用心」，聽聞不同分店仲有不同的設計🤫有人話飯前水果較易吸收其營養，一般餐廳多是送上飯後果，今次未打邊爐就送上頭盤西瓜🍉 作飯前果幫助消化，不失為好主意👍🏻我簡了牛雜湯底，湯底用上4-5小時牛雜炆煮，用佢打邊爐既吸收牛的精華又可以食到不同的牛雜配料如牛肚、牛肺等，一舉兩得✌🏻😛有點似平時食到既車仔麵加牛雜汁，味濃豐富醬料以自助形式供應，款式多元化，除了基本的豉油，仲有蒜蓉、指天椒、沙茶醬、香菜、炸蒜等等，最特別是有小青檸😛 而且必試的秘制牛肉汁，味道帶點酸甜，將牛肉的味道進一步昇華！牛丸我都是極力推介，手打鮮牛丸同平時在市面上買到的是兩回事，牛丸牛味突出，大大粒而且爽口彈牙，落下去仲有肉汁💦正黑栢葉是我推薦的👍🏻 新鮮的牛栢葉未經漂白前是黑色的，牛栢葉是牛

今日約了契女在尖沙咀飲咖啡，飲完咖啡，她回家，我知道附近有616新開，便和太太來吃飯。可能是平日，加上已經八點半後，不算太多人。這裡的裝修和其他分店有些分別，可能由於尖沙嘴區，這店有啤酒桶釀啤酒，是自家製手工啤。自助配料區內有多種配料可選，我推薦蒜蓉、芫茜、秘製牛肉汁和桔仔🍊，就算多吃牛肉都不會覺得肥膩。鍋底要了鴛鴦青花椒牛骨湯$78，牛骨湯比較清淡鮮甜。青花椒湯㡳，開始不覺好麻好辣，不過越滾越出味，變成了又麻又辣又香，淥牛肉一流。侍應推介菊花桂圓露$9，菊花味道濃郁，又不會太甜，果然是火鍋必備。牛駝峰$48，脂肪偏多，口感最腍，牛肉偏淡，淥8秒已經好味。牛朴肉$48，脂肪均勻，口感偏腍，牛肉適中，淥8秒可吃。匙柄$48，脂肪偏少，有嚼勁，牛肉味濃，淥6秒即可。牛丸$48，雖然不算彈牙，不過全粒都是牛肉造，肉汁豐富，牛肉味濃，絕對沒有加粉製造，結果連平時不吃牛丸的太太都吃，還要追加多一碟。水蓮菜$28，這個來自台灣的菜，只需要放在牛骨湯內滾幾十秒就可以吃，爽脆清甜又嫩滑，我第一次吃覺得味道很好👍，是必然選擇。