616牛肉火鍋專門店

營業中

休息中

星期二的晚上 朋友網上book左6位打邊爐 到達後見到餐廳未有滿座 不過侍應安排了一張regular 4人枱 打邊爐嘅枱一向比一般餐廳要大是常識吧 雖然6個迫迫地坐得落 不過要知道叫完一碟又一碟嘅野食一定放唔落 最後因爲我地提出要求 餐廳轉換8人枱俾我地人客不多 落單過程已有兩三樣食物售罄 湯底我地叫左酸菜湯底拼牛骨湯底 湯底到達 我地已經知道好伏 個酸菜湯底有啲奇怪味 好似蚊怕水咁 所以我哋另外叫咗個麻辣湯底麻辣湯底到咗 我哋覺得個湯底無味 所以詢問侍應可否加辣 侍應問咗廚房之後回覆話冇得加 (第一次食麻辣鍋被拒絕加辣)食物尚算可以 牛肉質地鬆化但有一款食物牛肉餃 味道一般 有啲臊味服務有待改善 基本上要離開座位行到去侍應面前佢先會理你 或差不多要揮手多於五分鐘就會有侍應留意到你 侍應寧願執枱(無客等位情況下)都冇服務在場客人真係無下次..

餐廳環境幾闊落，座位幾舒服，有好大塊落地玻璃望到樓下街景。睇下面張相就知係牛牛專家😋岩晒我呢d愛牛之人見個餐牌就知呢度主打食牛，價錢比起同區都算抵食，有主食，健康野飲，仲有甜品送黎主食前送左個菊花冰粉甜品，清甜解熱消暑，有菊花瓣係入面，幾清香，好似啫喱咁滑嘟嘟我地order左2個餐第一個係牛四寶湯飯睇相就知有幾足料，入面有4款牛，有牛仔骨、牛筋、2款牛腩、紅白蘿蔔、西芹，男朋友一試就話個湯好飲，最尾清晒d湯。呢個飯實屬健康足料之選，岩晒男仔食，好夠飽！第二個餐係芝士紅燒牛肉麵個湯底好鮮甜，牛肉好淋，配埋荷蘭芝士，呢個配搭好特別，麵麵幾滑幾好味！跟餐叫左一枝菊花桂圓茶，一枝洛神玫瑰花茶，2個都係健康之選，好飲、成份天然👍🏻加埋兩碟菜，每碟都係加$9，好抵！

身為牛肉愛好者，同朋友行完尖沙咀見到有616即刻衝上去食！鴛鴦沙牛湯底 $78牛骨清湯拼熔岩沙嗲湯底，一濃一淡適合不同朋友嘅喜好，牛骨清湯好香甜，內有蘿蔔粟米等，沙嗲湯底比軟濃身牛舌串（鹽燒）$48一共有兩串，燒得剛剛好，牛舌好淋，加上少少檸檬汁令牛舌再升級澳洲和牛內裙肉 $48好香牛肉味，肉質淋身，不愧為和牛，讚！匙柄 $48脂肪比較少，肉味較濃滑尾龍 $48有隻生雞蛋放係牛肉上面，放入湯燙前需要用筷子拌一拌，唔洗淥咁耐，牛肉會沾上雞蛋汁令到牛肉更加香滑封門柳 $68係橫隔膜下面嘅肉，肉質比較有咬口水蓮菜 $28第一次見到呢款菜，好幼好爽口，未食過呢種口感嘅菜

上星期約咗好朋友中午出來吃午飯傾下計。我們行街經過見到尖沙咀K11外附近一間616推出了新的午餐套餐，於是我們就上去食！👭上面環境舒適，啱晒朋友一面傾下計食下野!❤️芝士紅燒牛肉麵。台灣紅燒牛肉麵就食過，加了芝士唔知會怎樣呢？加了芝士又幾好味！湯好濃！紅燒牛肉好入味！香煎吊龍扒配黑椒汁加上黑椒汁的牛排好惹味！手拍黃瓜加$9可配時菜👍🏻👍🏻油麥菜娃娃菜鹽燒牛舌串午市套餐送飲品❤️菊花桂圓露、洛神玫瑰花茶，原來手工製不太甜，大熱天時，清熱止渇！啱晒！😋👍🏻午市套餐好抵食！

今天天氣真的好好好好好熱，但是都攔不住想要吃火鍋的心。特地跑到尖沙咀來吃這家，因為之前吃過另一家分店，味道很不錯，重點是，這家還有手工啤酒啊🍻鍋底還是點了牛骨清湯（$38），好吃的牛肉不需要太濃郁的湯底，原味最好吃啊。點好餐後，店員會拿一個沙漏來，説保證20分鐘內上齊全部菜。但是我覺得它就是一個裝飾，因為上菜的速度是秒速啊，不到五分鐘就全上齊了。除了火鍋的配料，我們還點了兩款串燒，這是我之前在西環那家分店找不到的。鹽燒牛舌串（$48）燒牛舌好好吃啊，味道很香，既爽口又嫩，上來的時候還熱熱的，推薦！另外一個串燒我們點了鹽燒五花肉（$38），這款相對牛舌就失色了，上桌時溫度不熱，肉算嫩，但還是牛舌比較好吃啊！澳洲和牛（$48）熟得很快，肉嫩，肉香足。牛駝峰（$48）這個是看其他食評推薦點的，還不錯，果然還是脂肪多的香～胸口膀（$48）這個真是必點，爽口的脂肪，香而不膩，大愛！牛骨髓（$48）這個口感嫩滑，但不是入口即化的。水蓮菜$28爽口，沒什麼特別味道。油麥菜$28菊花桂圓露$12 &可樂$9桂圓露不是很甜，很好。這些機會不是屬於我的 $78重點當然就是手工啤酒啦，這款很容易入口，淡淡的

之前已經響黃埔食過616, 湯底同埋牛肉都令到我一試難忘.跟住咁啱朋友約左我去尖沙咀食都係616不過呢間有手工啤酒既, 當然我都要去試下啦.一出LIFT 見到個interior 裝修好壯觀, 好靚! 好SHARP 見到好多懷舊既擺設同埋好多啤酒.每一間都一樣都係用IPAD 落單, 完全自己選擇唔洗麻煩店員. 好LIKE呢個方法因為又唔洗晝紙咁唔環保又可以慢慢睇慢慢點.呢個好特別既沙漏呀! 快D漏快D漏~ 漏得快D 就可以唔洗錢啦!!我地點左好多食物, 食物碟碟都好新鮮, 唔會一大碟全部放晒一齊. 碟碟牛肉都有俾晒INSTRUCTION我地要煮幾多秒幾多分鐘... 每一個細位都好窩心! 走時再見到飲飽食醉呢個牌真係好貼切, 因為走時真係好飽同好醉!! 開心呀!

今次一場出到尖沙咀就試一試lunch喇❤️見到個meau都諗都唔洗諗！即刻行得上去🤤🤤🤤因為有新野 芝士紅燒牛肉麵！平時行開都想試嫁喇 終於有機會！其實lunch都幾抵食$4x就有個飯或麵 仲有埋野飲 免加一！ 尖沙咀想搵到高質而抵食lunch都真係幾難！😅所以我先會推薦616😍Lunch雖然選擇唔多 不過價錢夠哂親民！有4款選擇 岩哂我地平時有選擇困難症ge人！所以我地就揀左芝士紅燒牛肉麵同埋牛四寶湯飯🐂🐂上次係呢間食過晚飯 覺得個手工啤太正 飲完返唔到轉頭 所以今次食晏都要叫返杯嘆一嘆先得🍺🍻今次呢杯叫左「有汗出 無糧出」🍺個名就夠哂特別 其實佢係用桂圓杞子蜜棗釀制 見到d材料都覺得幾補下！講真 麥子d手工啤都係好高質 所以我都覺得黎到 無理由唔試！因為我係各大超市搵過麥子手工啤 都係無616 d味道😭😭😭嘩嘩嘩！晏就都有串燒可以提供 緊係要叫返碟我至愛的牛舌黎試下喇🤩🤩呢碟牛舌價錢都係適中 （$48/2串）,講真係出面食串燒$50/1串我都試過😢但616呢間唔知係咪因為專食牛呢 所以連串燒牛舌都好好食😍😍😍😍😍佢係厚燒 而且咬落去好林 好彈口！呢串串燒直頭好食過🐂角 等等的鋪頭！真

前晚同個朋友一起到位於尖沙咀的餐廳一邊食牛肉火鍋一邊睇波～正值世界杯足球賽，餐廳佈置得都幾有氣氛呢個位幾好，可以一邊睇波一邊食牛肉火鍋！❤️⚽️有多款湯底！鴛鴦麻辣牛骨湯底，牛骨淸湯以牛骨、菜材、蔬菜好有牛肉鮮味！麻辣湯地有麻辣惹味，和牛肉脂肪的牛油鮮味！澳洲和牛-牛胸肉油花均勻，肉味很香濃！澳洲和牛-內裙肉脂肪肌肉均勻，我好喜歡吃這個！澳洲和牛-肩胛翼板油花像霜降，柔嫩多汁！野菌雙併，有黑姬菇、舞茸菇。羽衣甘藍，營養豐富！呢個曬你冷. 一次試晒六種口味！看住波，一邊食牛肉火鍋！呢餐好滿足！😋

友人J先生推介嚟打邊爐敍會，話呢度啲牛都唔錯價錢都抵嘅，咪成班人一於試吓呢間616囉(he!都知我喺牛魔王)訂咗枱八點半，友人N小姐已到，我就好肚餓！未人齊就急不及待先叫啲小食試試佢先串燒(好味呀)呀、炸牛肉雲吞(無特別)、青瓜呀(爽)！戲肉嚟喇！咩牛陀鋒、安格斯、牛鍵、牛滑…………正！咁嘅價錢$40-$68都唔錯喇！飲品就無特別！最後位位$240都ok！總括嚟講牛肉唔錯！燒牛舌好味！服務一般啦(嗰日都無乜客，服務員等收工啩)

前排試過佢係紅磡個間既牛肉火鍋覺得幾好，今次見去開尖沙咀就決定試埋佢個lunch！我地1430上到去，可能因為過左lunch hour，所以舖頭都人流都算靜，而且環境裝潢都幾有特色，上去食餐飯放鬆下都唔錯佢lunch set有4款，分別係紅燒芝士牛肉麵，牛四寶湯飯，咖哩牛腩飯同埋黑椒牛扒飯原本諗住試下個牛肉麵，點知佢話賣曬唯有下次再去食過啦咁我地最後叫左2個牛扒飯👇🏻味道整體唔錯，牛扒唔會韌，而且份量都唔少而個黑椒汁基本上同某炸雞店嘅蘑菇飯個汁係一樣嘅😂😂😂所以味道幾好重點係，佢每個set都係$48，包一個飲品，係尖沙咀嚟講絕對係抵食之選！有機會去開尖沙咀都可以去食個lunch

牛！全店都係牛🐮🐮🐮一入到去，個裝修好特別，仲有好多個桶係自家釀製手工啤酒。自己唔飲得，所以試唔到，好可惜。但都無阻我食牛既興致，有好多唔同既牛部位可以食，墊係枱上面既紙仲好細心咁介紹返，每個唔同既位置名稱同埋要滾既時間。叫左幾個餸，滑尾龍、牛駝峰、牛滑。。。令我好感興趣既係滑尾龍，個味真係唔錯，而且加左隻生蛋滾完入口即溶，好滑，但食完好口渴。。。牛滑建議放落去鍋到滾既時候，可以整細粒啲同埋扁啲，咁樣易熟好多架😊

同個牛肉控朋友戚起條根即慶搵牛食，好在今日放工早，早去冇book都有位喳，下次一定要book,我最怕等位！上到黎有個意外收獲就係有波睇，雖然我黎到未係時候直播，重溫下都好吖！點野食用ipad, 唔算咩新野，不過我覺得好淸楚，漏單機會都少d,而且，可以好清晰睇到不同牛的部位，牛肉油脂分布，顏色等等，點完野食去自助醬料吧拎野先，果度有二款秘製牛汁，我二溝先！點左菜，職員放左個大漏斗出黎，佢話可以首柯打二十分鐘內可以齊曬wor,又睇下得唔得先！D野真係好快wor，我諗十鬆d分就齊了，今次話到明主攻牛，冇理由唔叫牛雜窩呀嘛！實行由內食到外！$78有個牛雜湯底ok喎，而且牛雜嘅料都唔少，有肺，膀，粉粉地嘅應該係小腸，仲有我最鍾意嘅牛大腸，湯底有陣好香嘅五香味，就好似平時街邊督牛雜果d味道，香而不肥膩嘅湯底，同牛絕對係perfect match!我見menu仲有麻辣同青花椒湯都好吸引，可惜小妹喉嚨有少少唔舒服，下次先就啦！牛駝峰不得不提係呢度d牛碟碟新鮮！色水靚，油花勻混，牛駝峰唔通係牛牛嘅背部？！未黎得切考究，我已經急不及待開餐了，呢款牛喺幾種入面，油香，用質係最平均嘅。澳洲和牛 牛胸肉幾款牛呢

呢排打邊爐興食牛🐂好多人都返大陸食 但食完呢間616 根本就無需要返大陸🤷🏻‍♀️因為616已經有一流牛肉再加麥子手工啤🍺絕絕絕配！ 香港絕對需要呢種服務態度！坐低就好貼心講解一下有咩牛可以推薦同埋咩湯底新出😍👍🏻落單完放左個流斗 原來係計住落完單20分鐘內未到齊野飲 就會免費請食🤤🤤Wa.....咁著數 我又唔介意等多陣呀！好可惜 佢5-10分鐘就到哂🤣不過真係抵讚 一定唔會漏單或者等好耐先👍🏻👍🏻呢d咪有heart lo!!!到左主角黎喇！呢碟係滑尾龍 之前有朋友推薦 所以一定要試試😍 加左蛋係牛尾龍到 好香又好滑 雞蛋更加帶出到牛味🤤🤤嘩......呢碟紫菜卷真係幾特別 什至話係第一次見❤️好似響鈴的改良版 滾左幾秒就食得 感覺比起普通響鈴香 有多層紫菜味🤤🤤🤤可以試一試👍🏻尖沙咀呢間616係同麥子合作 就緊係要試返杯手工啤喇 佢有好多味道選擇 我地今次就叫左杯這些機會不屬於我的（有淡淡花香味）而且好易入口 今次飲完好想再飲 唔知市面上有無得買呢？呢碟牛駝峰 只需滾8秒左右 油脂香而不肥膩 口感鮮嫩而香滑❤️的確不錯不錯👍🏻👍🏻呢碟金花趾只需滾6秒左右🤤位置近牛後腿五花腱附近 所以佢個

午飯時間在尖東打轉轉，見到616牛肉火鍋午餐都幾靚仔，同事話要去試下。12點幾，餐廳已經好熱鬧，侍應雖然忙到應接不暇，但始終笑容滿面，態度非常好。做野認真唔甩漏，醒目得來又熱情。令我地心情愉快享受午餐。午市套餐有四款選擇，主角都是牛。我地兩個人，第二份仲要糸半價，好抵。亦可以用ipad點餐，好多選擇，有小食，涼茶，中午也都可以打邊爐。牛，全部都是牛。餐廳處處是牛的宣傳，不愧是牛肉專門店。我地點左個咖哩牛筋腩配飯，野飲系無糖可樂，另外9蚊有油麥菜，有菜有肉，飲食要均衡嘛。咖哩唔辣，味道濃郁，用來撈飯一流。薯仔口感綿密。牛筋腩炆煮入味，份量好滿足絕對系打工仔午餐好選擇。另外一個餐，我地點左芝士紅燒牛肉麵。面條雖不夠勁道，但份量同樣糸好滿足。紅燒牛肉都算入味，可惜有d硬。整體上都幾好，配搭芝士幾特別。同事要點小食，我話不如試下串燒，于是我地加左一份牛肉串，可以揀口味，我地揀左沙爹味。份量又系勁滿足，賣相好吸引，味道都很不錯。另外點左薯角，好熱辣，好香脆，不過小心熱氣！

琴日中午時間去尖沙咀攞野比人，順便搵個地方食午餐，去開尖沙咀都知尖沙咀不嬲中午都坐得唔舒服，D位又細..... 突然之間諗起近排好紅嘅616。打去問吓有冇開先上去食，睇相果然同鋪頭一樣地方好大終於可以坐得舒舒服服食個Lunch午市套餐有四款選擇，略嫌少咗D選擇 我同朋友都揀咗芝士牛肉麵兩碗熱辣辣嘅面送到枱上，賣相不錯，好香嘅牛肉湯底，牛肉夠晒多，不過芝士唔係好夠溶，可能我太心急未撈勻已經要食＄48有埋嘢飲坐得舒服😌