616牛肉火鍋專門店

營業中

休息中

家人們喜愛打邊爐，就帶他們來到這家新開的火鍋店，以牛為主打。 牛柳($48)，肉質滑，脂肪較少，肉味濃，好好吃！ 牛駝峰($48)，切得較薄身，味道是很常吃的火鍋牛肉片。 牛匙柄($48)，牛下肩肉，夠嫩滑，口感佳，值得推介。 牛舌($48)，味道帶少許羶，小妹還是喜歡厚切再燒的那種，口感會彈牙 手打牛滑($48)，相對於其他牛肉火鍋配料而言，未算突出 另外還點了菇類和響鈴也保持水準，鮮度十足。   這個枝裝菊花桂圓露也很味美，甜度適中。 招牌慢煮牛腩($48)，以慢火煮熟了的牛腩片，經輕灼就可進食，肉質腍身，肥瘦均勻。 醬料$10/位 鴛鴦沙牛湯底$58 菊花杜圓露($9)，樽裝飲品，不過不失

為了手工啤而來＠616麥子 朋友是手工啤ＦＡＮＳ，早陣子去過麥子打邊爐後一直對他們家的手工啤念念不忘，趁住ＷＥＥＫＥＮＤ由他帶路下到了尖沙咀赫德道的麥子 店內環境闊落, 讓人坐得舒服，網上訂桌更有9折折扣優惠 這裏主打是火鍋但原來也有串燒供應 電梯門一打開見到了各式各樣的手工啤展示著，後面大大座就是存放手工啤的容器，非常專業！ 曬你冷＄１５８ 一次過可以試盡六款手工啤！價錢也不貴才＄156 名字也很有趣，味道由淡至濃，由左至右！有請小鳳姐，這些機會不是我的，汗出冇糧出 ，成功需父幹，你有壓力我有壓力 醉生夢死！ 我試了幾款，包括了最淡的有請小鳳姐，有點甜甜的蜜糖味，帶金黃色，好岩女仔飲。成功需父幹，麥味很重的，非常之苦澀（所以改一個咁既名？），黑色的你有壓力我有壓力 ，我原以為一定很苦！但不是，飲下去淡淡苦澀味，味道很純，還有點似咖啡的味道 點了些小食佐酒，包括 脆炸牛雲吞 皮很薄，入口有即溶的感覺，至於裏面是肉我真的食不出，就是 那個有點似錦鹵雲吞的感覺 牛肉串（鳳梨燒燒汁） 即叫即燒，牛肉多汁又嫩滑 牛舌串（鹽燒），最喜歡那個厚薄適中的口感，食起來多汁柔軟，很

今晚和家人來到這家位於這家以牛為主題的火鍋店，店屬中型，不會覺得很有壓迫感。 且設有戶外位置，一來可以散一散火鍋的煙，另外坐在露台feel都不錯，且為客人提供了冷風。 這家店的特式是，有很多牛的特別部位可選，大部份名稱看完都不知道是那一部份，要圖文解說才知道自己吃什麽。 這裡還有服務承諾，第一次Order會二十分鐘內送上，超過的那碟火鍋則免費。 牛扑肉($48)，牛頸脊，脂肪分佈平均，味道油甘香。 滑尾龍($48)，牛後腿肉側的肉，肉味濃，加上蛋，口感很滑。 匙柄($48)，牛下肩肉，口感嫩滑，又有咬勁，正呀！ 胸口膀($48)，這個encore 了兩次，為牛胸部的一塊脂肪肉，每頭牛只有極少量，但口感一點也不肥膩，還十分有咬勁，味甘，牛味極濃，為真正的牛油香味！ 牛肉餃($48)，皮算薄，牛肉餡料夠多汁。 牛心錠($48)，牛心錠是連著牛心的血管，厚身雪白，口感超級爽脆。 羽衣甘藍($28)，要灼久一點才腍身，有點苦，雖然很有營養，但用來做火鍋味道不太受落。 水蓮菜($28)，灼8秒即成，口感像冰菜般爽口。 曬你冷($156)，有不同款的啤酒，以shooters般的姿態出現，未飲已經

酒吧一條街裡有好多新潮食店，今天我們去beer beer 🍺 616啤酒工房慢煮牛什鍋～抵食之選，牛腸洗得好乾淨、冇穌味，牛肚是金錢肚，爽口牛膀也棉棉的口感蘿白清甜湯底牛味濃而且冇味精牛肉616的食物竅門牛肉餃～即叫即製，外脆內軟，配茄汁好開胃滑牛~新鮮肥牛加原隻雞蛋撈出滑牛，再灼30秒，真的滑不溜口牛胸油～這個超贊，爽口又彈牙，入口不是一層肥油，而是索索聲的口感，推介響鈴卷～打邊爐的首筷，616吸收湯的精華什菌～清甜可口手工啤～616原槳樽裝啤酒、最優勝是杯的精緻（冰杯）啖啖入口冰涼我最期待的畫面出現～相當有名堂手工啤酒的特別味道是麥味濃、口感幼滑、入口變化大店員笑說這是冰凍的espresso ~黑啤～很討好的味道，喜歡黑啤的人，一定明白的如果怕熱氣，order 反支自製～菊花桂圓露～$8超抵飲，味道有家的感覺

今晚唔知點解好想食牛。通過Openrice搵到呢間。第一次來食。一坐低無餐牌？原來用Tablet點菜。應該高科技唔會漏單卦。點左3種牛：牛朴肉、脖仁、吊龍伴。名稱好刁鑽。係邊一部份自己睇圖。每碟$48-64。份量比較少。但反而適合我一個人可以叫多幾種。另外簡單叫左菜同豆卜。湯底叫在青花椒加牛骨湯。青花椒湯底幾特別。其他餐館未見過。醬料就比較少選擇。但我無乜所謂。先上湯底。居然連西瓜上。西瓜做前菜？好奇怪。牛肉放入湯底好怪熟。沾上辣椒豉油。有牛味，又香口。本來加左單再叫多一款。點知漏單。電腦落單都漏？科技野都係信唔過。食完最後飲幾口牛骨湯。幾好味。豆醬唔算貴。$9杯。最後埋單$360。不算平。有緣會再來。

616除了是數字外，若變成動詞便是煮食時的動作，尤其是吃火鍋的時候。而能夠短時間內便可吃的食物，就一定非牛莫屬了。這裡除了六，更有麥子。由麥子製成的，當然就是啤酒了。一句「醉生夢醒」就代表了這地方對啤酒的喜愛了。不過這是牛才是主角。不同的部位有不同的時間需要，餐廳也細心地展示出來，小心地跟着就可以了。另一個要介紹的好事就是平板電腦下落了，自然也更方便。既然是全牛宴，湯底也來一個牛骨清湯。淡淡的牛味，自然與將要吃的牛不同部份有更好的配合。第一款要介紹的是第一次吃的胸口膀，雪白色的，放到鍋後很快就會曲起來，吃在口中有點爽口，也帶一點油脂味，肉味卻較少。很新奇的感覺。另一款也是較爽口的是金花趾，相信是因為筋的部份較多，所以口感也較為爽，不過肉味多了一點。脖仁是頸上的肉，與牛朴肉相近。不過牛朴肉的脂肪較為多一點，個人較為喜歡脖仁，因為肉味多一點。但要說到牛味最濃的是牛駝峰，在牛隻背上的一小部份，較為罕有，牛味也較濃，是這晚的最愛。最後不能缺少的當然是欴品，特別介紹這個酸梅湯。除了烏梅味外，多了一份桂花味。酸中帶甜，更多了一份清幽的花香。於吃了濃濃的火鍋後喝一口，絻對可以消暑解渴。

有朋友生日於是慶祝一下，試下宜間專食牛的餐廳，可以食到牛的唔同部位，通常出面的餐廳都只係有肥牛同牛肉，所以宜間餐廳都幾特別。餐廳的裝修都幾靚，座位舒適。有唔同嘅湯底選擇，用iPad點選火鍋料，非常方便。而且餐廳仲有建議煮每一個牛部位的時間，甘就可以係岩岩煮熟時間就食，唔怕煮耐左。我地今次都試左好多牛的唔同部位，好似牛的胸口膀就未試過，原來牛的胸口膀係黃色的，味道都唔錯好爽好特別。我覺得牛舌最好食！

平日約女閏蜜傾計食飯通常都去high tea同意大利餐廳多，因為夠貴婦麻，其實女仔都係傾多過食，今晚約呢個閏蜜好特別，居然話帶我去打邊爐，ha?! 咁麻甩我梗係想推啦，但佢話我一定鐘意，咁好啦，唯有一試。閏密book左尖沙咀616麥子，我聽個名幾特別，估唔到原來淥一淥，哈哈幾有創意！呢間食店響尖沙咀the Hart一樓，響酒店入面，location合格啦，我地七點去到有幾枱客，眼見女仔多，亦有ABC，似乎客路較施文。點菜用ipad自助下單，仲好，圖文並茂，可以邊食邊點。一般打邊爐都係打肥牛，原來616出名食平時食唔到嘅部位，iPad show左廿幾款牛，閏蜜同我都唔知有咩好食，服務員好細心，知我地花多眼亂，介紹左牛朴肉（人氣）、滑尾龍、牛鴕峰呢幾個部位，有淋滑、有彈口，口味各不相同，不過我覺得D牛可以厚番少少，而家薄左少少。至於湯底，我地試左今日至推出嘅青花椒＋牛骨濃湯，出面好少見有青花椒湯，佢比起花椒無咁辛辣，帶青香D，而且唔會越滾越油，I like 呀！我地兩個女仔傾計傾到口乾，呢到唔單止有普通酒水，呢度仲有我最愛嘅手工啤酒呀，仲有7款口味選擇，好開心啊！聽日仲要番工，叫杯淡淡地好

打邊爐冇分四季，一年到晚相約幾個老友出嚟吹水實係有人會提議打邊爐，貪佢坐得耐，淥淥下啲嘢唔會凍，今晚約咗幾個老友出嚟聚一聚，約響呢間尖沙咀616食肥牛火鍋。以我奄Jim大少黎講，打邊爐梗係要食肥牛啦，但潮流你下野已經食到好刁鑽，唔係淨係叫碟肥牛甘簡單，而家點菜係要以牛嘅部位你點，今晚響呢間火鍋店真係令我大開眼界，食盡唔通牛嘅部位。位於赫德道the Hart 1樓好易搵，一入去感覺好舒服以木色為橫裝，感覺己有格調，一開門就見到幾筒釀製啤酒嘅大統，原來呢度已自製手工啤為名，啱晒我哋呢啲老友鬼鬼嘆下啤酒吹下水。呢度嘅服務員招呼幾周度，先主動介紹唔同牛嘅部位同埋口感味道，食嘢其間又會主動埋嚟加湯收碟，服務真係唔錯。服務員介紹咗比我地知道唔同區嘅部位後，我哋就用部iPad自助下單，616主打食樓，有重點推介、特色推介、同埋罕有推介，有機種類都有廿幾30款，完全滿足晒愛牛者，其他配菜選擇不多，但都OK嘅打邊爐主要都係食肥牛嘅！店長推介青花椒湯底配牛骨湯，青花椒香味撲鼻，少少辣，湯底唔會油浸咁，值得一試，牛骨湯已香濃牛骨做湯底，夠牛骨仲黐住啲牛肉，非常之香淋！必食推介係牛朴肉，即係牛頸脊，雪花分明，

有時候2個女仔食飯想打邊爐都唔知可以去邊度好，因為坊間打邊爐嘅地方往往都係比較豪氣，唔係咁都適合2個女仔細細碟咁打邊爐，但今晚來到尖沙咀赫德道，搵到呢間616就覺得好啱我哋胃口！呢度係用ipad落單，即刻覺得好方便，因為佢主打牛嘅唔同部位，用ipad有圖有畫面，如果唔係都唔識分咁多不同部位嘅牛肉。混醬方面，除咗一般打邊爐都有嘅醬料之外，最特別就係呢度有柑桔，原來擠少少落豉油裡面，鮮味會即時提升，好啱點肉類，無咁漏。湯底我哋揀咗鴛鴦沙牛湯底，滿足晒我哋2個唔同嘅要求～前菜我哋點咗牛肉串，估唔到咁惹味，燒得好香好好味，為我哋大增食慾！然後點咗一份金花趾，原來即係金錢展部分，肥瘦均勻，又有嚼口，我哋都好鍾意。仲有一個推薦，就係滑尾龍！佢加咗隻生蛋俾你，落火鍋之前要先發生蛋，撈勻啲牛肉，令每片牛肉都沾滿蛋漿，然後放落去淥一淥，嗰種入口即溶嘅感動你真係要試過先知！另一個驚喜係呢度嘅素菜選擇亦多好多，除咗一般嘅火鍋菜如娃娃菜之外，仲有羽衣甘藍！我真係孤陋寡聞，原來羽衣甘藍都可以打邊爐食，我平時只係知道佢係super food，用於沙律，但打邊爐食羽衣甘藍感覺即時健康咗，打邊爐都無罪疚感～飯後仲有西

一早聽講616嘅牛肉靓，今日終於得閒來大飽口福。餐廳喺尖沙咀赫得道，樓下大堂裝修得幾新凈。搭lib上1樓一出就係。一行入黎見到「醉生夢醒」，好有feel餐廳裝修係自由的美國牛仔風格，都幾襯食牛嘅心情話你知邊個部位叫咩名，個金牛都幾有特色老闆送來menu-ipad！呢個要好好讚下佢，因為真係好方便呀！禁入去有每個牛部位、食法解釋，唔洗一版版咁揭開睇，想食咩直接點左邊嘅category column，揀完禁落單就自己送去廚房，唔洗叫侍應，都避免侍應周圍行，節省時間，避免衝撞，落單快，好正！自己揀調料。調料台乾淨清爽，配料豐富，滿足唔同口味。注意醬料一人$10，但menu好似冇寫到，希望加返，透明消費。上菜！【滑尾龍】見個圖就好吸引，係用細細嘅煎pan上菜，方便搞勻隻蛋。尾龍加蛋，可以增加肉質嘅滑嫩。所有嘅牛肉都好新鮮。【牛肉餃】特色菜，睇落好似冇乜特別，但煮熟後，入面牛肉好嫩，有埋牛肉汁，好似食小籠包咁，又飽肚，幾有特色。【牛柳】肉質好滑，薄切，但冇其他部位咁嫩，可能因為完全冇肥膏，瘦肉肉質係比較緊【牛腩心】超好食！肥瘦相間，薄切，入口即化，中有奶香味，推介【牛駝峰】好正嘅肥牛，比牛腩心再

今日放工朋友帶我去食牛，唔收加一好吸引，等於9折左張單！店位置很方便，仲有室外。店好受歡迎，有好多外國人幫襯，非常旺埸。店裝修setting不錯，很有格調，一睇就知飲飽食醉，飲食不可分開，最啱及時行樂的我們。是咁的，牛肉專家，完！用tablet點菜夠清楚，用上黑金碗筷好架勢！醬料$10/位，有秘製牛肉汁，幾新鮮，坊間少有。新出左酸菜湯底。送西瓜，可以解辣。鴛鴦酸菜牛骨湯($78)，清湯有粟米、蘿蔔、牛骨，可以食到牛肉原味。酸菜湯底有蒜頭、辣椒、酸菜，味道酸酸地，係清個種，幾好味，可以加碗白飯食，應該好正。冰麻牛($38)，涼菜有牛肚、青瓜、牛舌，爽口有嚼勁，好開胃，麻辣得好過癮。616原漿手工啤酒($38)，唔會好苦，清清地，麥味香，容易入口。可以試下手工啤酒，咁多間分店只有呢間有。滑尾龍($48)，先將蛋拌匀，再放入湯，牛肉味重，加左蛋漿後口感更滑，幾有特色。牛駝峰($48)，肉質嫩口，非常美味。牛坑爪($68)，多筋些，比較爽口些，都不俗。油麥菜($28)新鮮乾淨，用福到米缸裝好搞笑，是單點的，如果有蔬菜籃就好。靈芝菇($18)菊花桂圓露($9)，菊花、桂圓、杞子、冰糖、水，無添加

食物選擇少…牛肉質素一般連出前一丁也沒有…價錢貴…碟頭細…尤其差的是牛腩…難嚼…麻辣冷盤…超咸響鈴唔好食…真的非常一般…但3人要700多元還要唔飽…真的後失望…話專食牛…但不見得有很多牛選擇…那個滑牛加隻蛋…但完全和外出的牛無分別想找一款普通的肥牛都揀唔落手…今天母親節意然沒有坐滿，果然中伏…服務都唔得…我果張台錯湯底…估不到一小時後才到的隔離台也是…以為有翻幾間分店，應該唔會太差…估不到令人失望…

由於男友很愛吃牛，於是前兩天就帶男友到此吃火鍋，對於不太食牛既我，都覺得非常好食。新穎時尚裝修 首先，一踏入門口，看到吧枱上高「醉生醒」招牌，真有意思！然后，台上有形形式式小酒瓶，看得岀是經過精心設計，裝修相當型格，坐位也很寬敞，所以如果是一大班人來吃，都沒什麼問題。食物素質 首先，店裡點菜是用平板電腦，而且菜單清晰，食物價錢相宜，更可點擊食物照片看簡介，更會送單前顯示總共數量及銀碼，以防對食物不了解及減少錯單機會，考慮十分周全和貼心。而湯底我們選了牛骨及沙嗲鸳鸯湯底，這裡的沙嗲湯有别一般火鍋，食物和湯底融合，簡直美味極了。餐紙更有牛部位標示和建議煮食時間。然后，店員推介他們的招牌，就是封門柳和金花趾，但是我們十點才入座，所以罕有系列大部分售完，所以建議各位早點預訂。幸好還有封門柳，我們有幸一嘗招牌之一。封門柳果然與別不同，一吃進口裡，牛肉迅速即溶，簡直停不了口。除了封門柳，牛舌也是必食之一，十分彈牙，。但由於只有我和男友，因此未能試到更多款，所以如果人多就可以吃更多款。店員勤慎不貪 最後提到店員勤慎，因為當日上廁所遺留電話，於是上前詢問店員有否看見，他沒有立即給

牛肉部位夠多選擇，肉夠軟林，好正～ 但可惜每碟份量少及太薄， 口感不足， 每次淥兩三件放落口就差不多， 響錢不夠脆～ 而火鍋其他配料沒其他火鍋店選擇多～ 最正那個自己加醬油的位置有個牛肉汁， 好味夠味，令鼓油都不需要再點 店坐位環境舒服夠大，服務員都有禮貌～ 平板點菜快又方便！