1988 (已結業)

在觀塘上班做到攰攰地，午餐要食好西，環境又要不差的，小弟推薦這一家 1988。裝修很有渡假feel，如置身泰國椰樹沙影之下享受午膳。況且，午餐選擇不多，反而對還選擇恐懼症的小弟，具莫大效益講明先，張menu 確實寫 14-48個選擇我最後選擇6 號靚仔+ 烏龍茶，裝作健康！一大碗飯，加上啖啖無骨雞肉，一流👍🏻 以甜醬油淋上面頭，甜上心頭，與海南雞相互輝映！膳後飲此熱呼呼的烏龍茶，一氣呵成。你會有種圓滿的感覺，一回工作崗位，立刻周公急Call 可是，食物是自己享受的，午餐食好西，何樂不為？

耐唔耐都會約呢位之前一齊讀會計既同學仔，唔知點解會Friend左，乜都傾一餐🤣 所以要搵一間坐得舒服，唔迫唔限時既地方。好好彩，睇openrice 見到1988，價錢吸引之餘，仲有咁多食評讚好喎，今晚就一心黎試下。餐廳比較隱蔽，要左轉右轉先搵到，過左7點仲要行停車場，我呢D路痴就肯定出唔返黎😓 上到去，地方唔大，所以一定要訂位先，坐左一陣已經爆晒場泰式鳳爪$58好大盤呀，我都唔知自己食左幾多隻，點解食左好耐，最後都係食剩左幾隻😂脆脆雞翼$56有6隻😲呢D價錢真係好少見咁大份量。剛炸起，超香脆，仲好嫩滑，絕對唔係翻炸黃咖哩牛腩$88，味道幾好，牛腩好淋，都有好多件，不過如果D汁杰少少會仲好蝦醬炒飯$88 好香好惹味，好耐無食過蝦醬，食唔停口。正上方黃色係青芒絲，酸酸地又幾開胃，最後食得太飽，我係咁食青芒消濟😂仲叫多左2杯飲品各$26。熱泰式奶茶，凍青檸梳打，埋單都係$380😍 抵呀性價比高既一間泰國菜。。。平靚正，份量足

同班姐妹一共四人去觀塘搵食，openrice之下見到觀塘工區少有嘅泰國菜 ─ 1988，好彩我哋一早打咗電話book位，因為餐廳都偏細，相信如果餐廳full咗都要等幾耐先有位。我地叫咗四碟餸：1. 生蝦，得四碟，一條成十幾蚊... 偏貴... 蝦肉唔夠厚身同爽，但佢有特製嘅青辣醬，酸酸辣辣，味道ok!2. 串燒，有四串，雞肉、牛肉各兩串，佢有碗沙嗲醬，好香嘅花生味，串雞點呢個醬加咗好多分。3. 海南雞飯：雞好滑！但可惜肉唔多，多骨，可以份量多返啲就好啦4. 椰汁雞湯：面頭比較多油，但原來椰油好香好甜，一開開始飲湯仲可以暖下胃。

觀塘雖然工廈臨立,其實亦係覓食好去處。今次就揀左泰國菜～木瓜沙律，好大碟，辣度剛剛好，酸味適中，絕對唔會過辣或者過酸，正鮮蝦炒金邊粉，賣相好靚，材料比例恰到好處，又唔會太油，水準之作！咖哩牛腩，好香，咖哩食落口好香濃，牛腩好淋，雖然叫左蒜蓉包點汁食，但係都忍唔住馬上叫多個白飯撈汁，蒜蓉包，扺食又好味，上菜時大家都一致好意外，原來咁大碟，熱辣辣，好香蒜蓉味！配埋咖哩，超爽沙嗲，熱辣辣既串燒配埋濃滑既沙嗲醬小食拼盤，炸蝦餅係泰菜必點項目，今次想食埋其他，所以點拼盤，無揀錯，每樣都無失望～另外，餐廳裝修亦好靚，夠整潔，又坐得鬆動，加分～除左好食，仲幾扺食，叫左咁多野，每人都唔洗二百蚊～以後食泰國菜，我地又多一個選擇喇！

係官塘食 lunch , 真係又多人又逼，今早已經在公司應酬左多嘴既同事，一到十二時，我已經偷偷溜走，黎到1988抖一抖，好想過一個寧靜又舒服既時刻。每次有壓力，我都會一個人黎1988。一入到黎，親切既店員，和譪既笑容已經令人振作，加上明亮既光線、音樂、可愛既小擺設，一切都彷佛有治癒作用！午市套餐，海南雞湯米線 78元每個 order 都似乎即叫即做，因為呢渡既節奏好悠閒，唔會一坐底叫完野，轉頭已經上曬飯菜飲品。叫湯米線，最重視就係個湯底。呢個雞湯，清清地一啖飲落去已有暖暖既温暖感。仲有白蘿蔔嘅清甜。海南雞，雞嫩無骨，雞胸都做到好滑，雞皮入味。加25元叫的泰式鳳爪，令人吃得愉快。首先，泰式鳳爪的酸辣很温和，親和力高！二來，店家已切好一根根，好細心，食起上黎好方便。飲品是附送的，叫了西柚蘇打，涼快一下。用心制作既食物都會有治癒作用。令人愉快。悠閒的一小時，減壓完。又重新振作了！提提大家，1988係一定要訂位，每日都 full booking 甘滯，所以我無預訂，都係一個人上來碰運氣。祝你好運！

好味嘅食物, 只要你食過一次, 無論地點係邊度, 都會令你食過番尋味..............呢間泰菜店絶對係on the list!位處工廈, 唔係有人介紹/食過都未必識上黎, 入門見到枱上都有留名牌, 訂枱客多, 保證有得食!餐牌食物種類唔會無咩選擇, 由小食, 沙律, 蔬菜, 湯類, 飯麵及主菜都有飲品LIST當然唔少得肚餓啦................由落單到上枱都唔駛等好耐, 呢客泰國脆脆鷄翼 ($56), 多多少少都係為佢而黎, 一客6隻炸至金黃色, 每隻鷄翼外型亦都非常有"福相", 面搽淋上蜜糖及灑上芝麻, 食起黎味道惹味中帶甜, 又夠香味!鷄翼炸至皮脆肉嫩, 入口熱辣辣香噴噴, 每次食都係咁好味!頭盤點左鳯爪沙律 ($58), 酸辣無骨鳯爪份量何其多, 配以芹菜, 紫洋蔥, 車厘茄及沙律菜, 賣相靚仔!鳯爪切到一指一舊, 進食方便, 爽脆又夠入味, 酸辣味道調教得適中, 食到人胃口大開!之前已經食過佢嘅蝦醬炒飯, 今次試下叫個菠蘿炒飯 ($88), 呢度嘅菠蘿炒飯係無開邊菠蘿載住嘅, 原碗倒轉而成, 以肉鬆及腰果伴食!飯粒充滿咖喱香味但唔辣, 加入雜菜粒, 甜椒,

近年沒有機會到泰國玩,只好在香港找好吃的泰國菜。 雖然不少人說香港的泰菜早已經本地化了,但是豬豬認為本地化也有本地化的好,最少更加適合我們的口味。 1988 開設於觀塘的工廠大廈內,裝修簡潔精緻,麻雀雖小,卻五臟俱全。 當天全廳滿座,座無虛設。雖然我們提早預訂了位置,但是到達後,也需要等待數分鐘才能夠入座。 看來各位食客也吃得很滿意呢。 我們點了青檸梳打和咸檸七各一杯。大大杯,夠冰涼解渴。 前菜之一,是串燒沙嗲,自由選擇了雞肉和豬肉各兩串。 串燒燒得非常香脆,肉質鮮嫩,配上惹味的沙嗲醬,讓人食指大動。 港式泰國菜中的鳳爪沙律,酸酸辣辣的是雞腳愛號者的至愛。爽脆無骨的鳳爪和清香的沙律是絕佳的夥伴,是夏日不可缺少的涼拌菜式。 炒得乾爽的酸甜鮮蝦炒金邊粉,是豬豬吃泰國菜的首選。金邊粉有沒有炒得零碎,粉有沒有漿在一起,整體是否乾爽俐落,廚師的功架就在這裏反映出來。1988的廚師當然全部過關。 青咖喱有別於我們常吃的紅咖喱和黃咖喱,味道比較清淡,配合海鮮或雞肉更為合適。 這道青咖喱雞,做法接近傳統,少不了泰式青咖喱的靈魂~泰國出產的小茄子。沒有了它,青咖喱的味道就截然不同了

同事知道我中意食泰國野,佢介紹左我去呢間’1988’食, 聽個名我覺得好得意, 於是我上OPENRICE睇下有咩食, 見到食評都OK, 所以收工就約埋老公去試下.去到見到都好FULL, 不過好彩仲有2張吉台. 餐廳裝修得好精緻燒豬頸肉份量十足, 有成隻碟咁多.而且食落去唔肥, 好香口!炸雞翼拎上到台好熱, 而且炸到好香脆, 最重要係D炸雞翼食落去真係好滑, 絕對值得一試, 好好食黃咖哩牛腩D汁用來送白飯真係一流, 椰香味好夠, 無得輸, 老公食左2碗白飯. 牛腩煮得好入味同’淋’身.肉丸粉絲湯, 我以為係一碗, 但原來係一大煲, 抵食! 入而有好多野(娃娃菜, 芹菜, 紅蘿蔔, 玉子豆腐, 肉丸同粉絲), D湯好清甜, 我地2每個人足足食左3碗, 好味道!!!我地叫左個士多啤梨拿破崙做結尾.拿破崙好脆, 士多啤梨醬唔會整得太甜. 好食.估唔到呢間餐廳的泰國菜整得咁好食, 真係值得我再幫趁!!!

今晚又約左好耐冇見既老友相聚，其中一個老友比較喜歡食泰國菜，於是book 左哩間以年份為名的1988。佢門口有一幅好清新既招牌， 同埋有d凳比人等位時坐下，好貼心。我地book左臺所以唔使等。入門口就見到一個書架上擺滿公仔，另一張臺就有隻熊啤啤，好有屋企feel.杯墊都係延續清新style, 好fresh.我地三個女仔，有人比較鍾意食菜，有人比較鍾意食肉，有人比較鍾意，乜都想試。可惜的係想試生蝦，但原來今晚生蝦暫停供應。最後商量後，點左6樣野。生菜肉碎包，上臺時見到份量咁多都有d嚇親，聞到有d酸酸wei wei既味道，好開胃， 食落鹹鹹香香， 而且有好香既芫茜味，鍾意食芫茜既就岩曬。炒泰國椰菜苗， 椰菜苗略為大條，不過炒得好爽口， 加埋d炸蒜頭，好香。冬蔭公， 用亞煲上，做法好正中， 蝦雖然不是大頭蝦， 不過好大隻， d蝦肉好彈牙， d湯不算太辣，酸酸的，比較岩香港人口味， 連平時不大喝冬蔭公的朋友都話有驚喜。海南雞，係平時鐘意食雞既朋友既首選， 拆曬骨， d皮無肥膏，雞肉好滑，兩個醬汁mix 埋酸辣少少鹹， 岩岩好。烤薄餅，我地點哩個時， 侍應建議我地配咖哩， 最後選左黃咖哩牛腩。哩

觀塘工廈餐廳真係好壞參半但今次好彩地試到間超抵食又好味的泰菜有lunch set價錢亦唔貴我們3人每人一個餐 包主食同飲品再每人加了一款小食 又加了2款甜品食到咁豐富 人均都只係$100‼️食物質素也很不錯😋主菜:青咖哩雜菜配白飯 | $68青咖哩好有椰香 微辣 餸飯真係一流連平時一向食唔到一碗飯的我都食哂😋如果青咖哩可以配雞就正啦可惜午市套餐係跟雜菜😕黃咖哩雞配白飯 | $78配雞的卻是黃咖哩食完青咖哩再試黃咖哩 相對味道較淡但雞肉就非常嫩滑 炆得好淋 仲有雞脾😍小食:泰式柚子沙津 | 加$28這個有驚喜喎🤩柚子超甜呀!配個惹味微辣的汁 又幾夾喎柚子的甜剛好中和辣味泰式鳳爪 | 加$25味道調教得唔錯 酸同辣好balance鳳爪夠爽口 份量又多 抵食沙爹串燒 | 加$28沙爹醬略嫌偏甜了點 完全沒有辣味但仍有沙爹香 配香矛味重的雞豬肉依然好食·雖然係泰菜餐廳但甜品卻是西式甜點?擺碟有法式高級餐廳的水準 非常精緻甜品:蜜糖撻配西柚啫喱 | 加$15蜜糖撻其實有少少鹹鹹地質感似apple crumble 都係酥餅碎西柚啫喱質感其實係西柚蓉 完全冇啫喱感但真係非常西柚味自問麻麻地食酸野的我覺

若然不吃辣或怕辣，通常不會吃這個辣辣的青木瓜烤雞沙律了，但驚喜的是只要配搭西柚熱茶，吃後馬上喝完它即辣味全無！！西柚茶真心烤雞也不錯，就是吃沙律怕辣耽誤了一點時間，開頭雞肉入口韌度香味都很好，後來有點硬，那時候又想沙律帶點酸辣的~米飯🍚也不錯，再熱一點點更好

這間泰菜店雖近地鐵站的工廠大廈但大廈會在7點左右跟9點左右陸續關部分門令第一次來的食客會很迷惘。不過好食價比實在太高，值來！建議大家從停車場入與出，一上停車場第一層往裡找就是。餐廳裝潢不錯，感覺舒服。椰汁雞湯-$68已足夠兩人喝有餘，椰汁味香滑，即使有辣也是濃而不會覺膩只覺味辣而開胃，力推！青芒沙律-$68份量不少，適合喜辣的人，青木瓜微酸辣但醬汁勁挺大，雖惹味但怕辣的人可能受不了。我個人很喜歡辣鮮炒金邊粉-$88鮮蝦肥美，醬汁既微酸甜又微辣超開胃～金邊粉既不乾也不會過淡所以口感很好。喜歡更香更多咬感可沾多點旁邊的花心碎。最後是甜品，檸檬撻-$38蛋白鬆軟又不會過甜，檸檬味重撻餅香脆。好吃!兩人吃個飽，每人才需付$144，太值得來！力推在觀塘想吃個好晚餐的人來！

泰式炸蝦餅(4件)$56新鮮熱辣送上，外層脆脆的，蝦餅很彈牙，蝦味也很新鮮。雖然是炸物，但咬一口不會弄到滿口都是油。雖然有附上我最愛的泰式辣醬，但蝦餅不用沾醬就已經很夠味。泰式春卷(4件)$42內餡都是菜跟紅蘿蔔。外皮像是酥皮般，但完全不油膩，以炸物來說，這十分輕盈。冬蔭公$88蝦有4隻，每隻都很大，肉也很爽，很新鮮。另外亦有大量菇在內，菇吸滿湯汁，咬下去還會湯跑出來。湯是輕盈類的，不會太酸不會太辣，很開胃。由於它的輕盈，蝦的鮮甜味亦能於湯中品嚐到。烤薄餅$48份量很多的烤薄餅，它是酥皮來的，很多層很鬆化，單吃已經很好吃，沾上冬蔭公來吃更加分。檸檬撻$38這裡的檸檬撻跟平常吃的很不一樣，外皮是脆脆的牛油皮，內餡卻是帶酸的流心檸檬醬，還帶有蛋黃的香氣，中和之下整體不會太酸。上方有一團白白的軟雪糕造形很濃奶味，入口即散，很特別。士多啤梨拿破崙$38拿破崙很薄很脆，士多啤梨醬很濃帶酸，要配上黃黃的吉士醬才能中和好吃。也是跟一般吃的鬆脆拿破崙很不一樣。店內裝潢很清新舒服，餐桌之間距離亦十分合適，很寬敞。店員服務很好，會自動幫客人加水，離開的時候還會帶客人離開，因為大堂鎖了，怕客人不知道怎麼離開

前陣子朋友一直推薦在觀塘的「1988」泰國菜，在朋友圈約了好幾回，終於在某個晚上人齊可以去「開餐」了。（最近看食評，發現好幾間餐廳都選用年份作為餐廳名字，難道這個是飲食界的潮流？）「1988」的地址不太方便，其實晚上是從美興工業大廈與永泰中心中間的車路走進去，到盡頭轉左進入停車場，然後多轉幾次彎就能找到「1988」了。雖然位置有點難找，不過用餐當晚也是座無虛席。這次聚餐人數多，我們就點了比較多的菜式品嚐。前菜點了木瓜沙律，份量十足，酸酸辣辣非常開胃。另外幾款小食也相當出彩，熱辣辣的薯條上擠滿了芝士醬，不過薯條不夠脆身，另外友人覺得相比薯條份量，芝士醬落得不夠多，不能每一條薯條都沾到芝士醬實在可惜。小食拼盤包括蝦餅、春卷和雞棗，春卷裡面包著蘿蔔絲和粉絲，個人比較喜歡春卷的味道和口感，其他跟平常吃到的分別不大。沙爹雞肉串和豬肉串燒的很嫩滑，配的醬汁非常惹味，雞肉串燒的比豬肉嫩口泰式燒豬頸肉本身不用沾醬料也非常惹味，多汁不會太乾身。炒菜苗偏爽口，有菜的鮮甜味所以個人能接受這個硬度口感。看圖片有辣椒但其實完全不辣，怕辣人士也能享用，不過這個炒菜對比其他菜式來說價格偏貴。整體食物水準不錯，唯獨這

7點前上去就好方面可以係大堂直接搭電梯但我朋友遲到7點後就要行返去停車場個邊斜路上來第一次黎就真係難找少少今到去已經坐滿9成好彩有book枱朋友一早話要試冬陰公我當然ok la冬陰公不太辣是超微辣入面有4大隻蝦及大量菇之後我問店員是否港式冬陰公她說是為免第一次來的人口會覺得太辣第二次才因應辣度向店員加辣了黃咖喱牛腩也上枱了我也很奇怪自己為何不選青咖哩是因為看食評牛腩太吸引？一定是吧牛腩太淋了黃咖哩有椰汁香味配烤薄餅最恰當不要以為烤薄餅是一片片的1988的是一件件的像酥皮一樣鬆化將烤餅分層點黃咖哩一流呀！我很想吃海南雞（半隻）因為想配油飯但被朋友喝停話我會眼不濶肚窄海南雞好嫩冇骨啖啖肉雞皮好黃好有油香白切雞D皮我就唔食啦但依半隻海南雞D皮就被清哂配合兩款醬什個人比較喜歡辣汁最後追如蜜糖餅我問點員點解冇泰式甜品原來師傅係整西餅出身所以蜜糖餅冇令我失望而且西柚啫喱仲比我好大驚喜鮮西柚啫喱感覺像沙冰但神奇地又唔會溶點解嘅？