1988 (已結業)

Tried walked in to this little thai cafe but was full-house during lunch hour, this time I reserved and no wait is required, rmb to book your table at lunch! Ordered the 1988 fried rice and it's legit, havent been having quality food during lunch hour but this restaurant defo put their heart into to food. The snacks are good as well, there's a chicken pop thingy which taste like fishball. The hainan chicken rice was good as well, but better come with a soup!! The portion is quite big with this p

雖然下個月就去泰國，但今天已經忍不住要去吃泰菜，見這間1988風評不錯，就來試一試。食物動類選擇頗多，價錢亦非常合理。雞肉沙嗲雞肉鮮嫩軟滑，醃料入味香濃，沾上特製沙嗲醬，濃郁微甜，花生味重，惹味非常。椰汁雞湯湯又醇厚又香濃，酸酸辣辣的風味，輕輕的刺激著舌頭，足以喚醒泰國的味蕾。泰式烤魚（原條）原條烤魚事先已細心起骨，輕輕將魚身翻開，香料的香氣隨即撲鼻而來，魚肉烤得恰到好處，鮮嫩多汁，加上岩鹽、青檸提味，再沾上泰式辣汁，粗糙細膩並存，一流之作。鮮蝦炒金邊粉鮮蝦份量慷慨，金邊粉鑊氣十足，伴入花生碎及青檸汁，酸甜美味，令人一口接一口。

觀塘區真係多咗好多餐廳平時很少行到咁入, 今晚因為有事在附近辦, 完事後當然要醫埋肚先走人啦突然又很想食辣野, 即刻上openrice search下睇睇有咩推介1988...睇個名以為西餐, 原來係食泰國菜喎, 仲要咁多笑臉, 一於試試起工廠區內, 都算乾淨入到餐廳, 環境簡直有點驚喜, 簡約裝修, 一d都唔太似泰式餐廳七時入座幸好尚算有位, 大約7:30pm就開始人多了, 最後仲滿座添先來個前菜鳳爪沙律估唔到都幾大份喎, 平時多在九龍城食泰菜, 同埋呢度嘅無骨鳳爪比例都幾多，唔會菜多過肉酸酸辣辣好開胃，辣度唔會勁辣，適中小食選擇都唔算少，所以點多個泰式烤豬頸肉嘩，多之餘仲要大片，肉質淋，唔會乾爭爭，點埋附上嘅辣汁，好惹味肉神男友起度，要食多啲肉，所以另加脆脆雞翼上檯熱辣辣，出煙架，外皮酥脆，唔係死硬，入面啲肉仲要係嫩口架，雞翼又夠大隻，係鬼佬size 食咗咗多肉，都需要啲菜黎中和下嘅，泰式炒芥蘭雖然有條辣椒，但唔辣嘅，菜都無渣最後仲來多個泰式炒飯（好似好大食添）我自己好鐘意食炒飯，呢個好夠味，個碟邊仲有畫花架！炒飯入面有菜粒，洋蔥絲，肉粒等等是少辣程度，，側邊啲畫花係辣汁黎架總括來

這天是放假的日子，我約了家人在觀塘吃晚飯的時間，家人喜歡吃泰國菜，透過朋友介紹，我們便來到這間泰國菜餐廳吃晚餐，看到店內的顧客是坐滿的，門外還有顧客輪候，由此可見食物的質素有一定的保證，看到餐牌上的選擇很多，而店內環境清潔衛生芝士醬薯條($48)薯條的份量非常非常多，薯條有著非常重的薯仔味，十分新鮮，十分脆口，加上十分多而濃郁的芝士醬，芝士味十分突出，非常抵食木瓜沙律($68)味道辣中帶點酸，又能保持木瓜的鮮甜，非常特別，非常考功夫，爽口的花生，整體份量十分多，價錢相對十分合理泰式炒金邊粉($88)軟彈煙韌的金邊粉，加上泰式檸檬的點綴，味道酸酸甜甜，令人十分開胃，黏口的花生碎，蝦的份量十分多，十分鮮甜冬蔭公($88)冬蔭公有很重椰汁的香甜味又帶點酸，令人十分開胃，大頭蝦非常清鮮甜美，軟彈煙韌的菇，大量細碎爽口的蔥粒，整體份量非常多，用瓦煲盛載，好處是能夠令冬陰公湯長時間保持温暖的温度，價錢相對非常合理小食拼盤($76)用春卷皮包著黏口的粉絲和爽口的蘿蔔絲，材料十分多，用蝦肉打成的蝦餅軟彈煙韌非常清鮮甜美，泰式雞棗香稔軟嫩，配上甜酸醬，令人十分開胃，小食都是即叫即炸，能夠保持食物的質素整

今日我FD 又帶我去食好野~~~未介紹之前...我想講, 呢間野堅得!!如果有睇開我寫觀塘區食LUNCH既介紹時, 應該會覺得我有D MEAN 同成日嫌貴~ 好多時呢D野係相對既, 你畀到好野食我, 我就會覺得抵食~你D野唔好食, 又賣貴一貴既時候, 我梗係同你計啦係咪先?!好喇..入返正題先~今日個FD 帶我去佢公司附近, 又食過幾次既餐廳~1988, 睇到呢個即時諗... 喂係咪食韓野? 請回答1988?  定D店主係1988 年出生?~ 哈哈~唔知呀冇問呀!上到黎先知原來食泰菜既..LUNCH 價錢由$68-$88, 可加配小食~符合我既PRICE RANGE 既~飲品寫明跟餐加幾多, 好過下下問店員, OK 清楚~呢個係咪杯墊黎? 幾靚又咁快EASTER~ 但佢係薄紙,放個杯上去係會爛既XDDDD因為我FD 食過, 佢介紹左幾樣, 又搞到我好爭扎, 係我地爭扎完後, 就嗌左.菠蘿炒飯 $88~ 呢個係我想食既~~~~我跟青檸梳打. OK 多蝦家,. 重要係大大粒~~~呢個上黎先, 所以食左先, 雖然佢唔係用菠蘿上菜, 不過佢好夠料, 份量十足~我覺得好好味家~ 有菠蘿個感覺冇咁

這間穩藏在觀塘區的清新泰菜，菜式份量不小，平常多數與同事來吃午飯，已覺好味，獲得同事一致好評！今晚放工後由於要留在觀塘區，一於試試它的晚餐😌兩人點了青芒軟殼蟹沙律、小食拼盤(炸蝦餅+春卷+雞棗(即雞肉丸))、海南雞半隻、椰子雞湯，每道菜式味道都恰到好處，每碟份量亦大份，最後兩人叫了四碟菜也嫌多了😉雖然正餐已吃飽飽，但怎也應吃點飯後甜品，才算是完整的一餐😁，畢竟女士有第二個胃吃甜點，平時午市套餐也可加甜品，雖然份量不多，但這裡的甜品擺盤精美，有酒店級的水準，味道也不錯，今次選了平時無試過的baileys mousse，慕斯充滿酒香，配上脆脆的焦糖，味道清新，馬上中和了晩飯的飽滯。泰菜小店竟然有如此精彩的甜品，喜出望外🤗！份量雖然不大，但為這豐富又飽肚的一餐劃上滿足的句號。 總括而言，這算是一間CP值高的小店。

自第一次幫襯後，不時都會帶朋友來，今日又帶朋友來嘞～餐廳藏身於工廠大廈的一個轉角再轉角位，進入電梯大堂搭左邊單數電梯上一樓，出𨋢後向右，第一個走廊位就會見到易拉架，沿路行入去就到了～Lunch set包餐飲，免加一，仲有得減$6仲可以加配小食及甜品，不過今日兩個女仔就唔加，唔好做大嘥鬼～八款Set Lunch，已足夠讓我掙扎，想試下啲未叫過，但之前食過個款又想再食⋯⋯真係好彩有朋友，就可以一次過滿足兩個願望勒～！今日兩個願望係：黃咖哩牛腩配白飯 $78食過一次會想再食，咖喱入口唔辣，有很香的椰味，牛腩煮得腍，份量也不少，配料有咖哩既好朋友－薯仔和洋蔥。咖哩配白飯本身已經無得輸，這裡的咖哩真係汁，唔係醬，所以食晒都唔覺太滯，最後忍唔住清晒……菠蘿炒飯 $88初次見面～ 有肉鬆、腰果、蛋、新鮮菠蘿，仲有好多隻大蝦仁，味道唔錯，每啖飯都有陣菠蘿味，但如果再炒得乾身少少會更完美。餐飲都幾大杯，我揀左西柚茶，朋友㨂左凍青檸梳打，都係免費跟餐～西柚茶：跟檸檬茶有異曲同工之妙，檸檬換成西柚，感覺新鮮，沒有苦澀味，不用加糖，更加健康。作為打工仔，用$70-80食個lunch係有點兒貴，但最緊要係值得，

今日朋友介紹工廠大廈食有水準既泰國菜，大廈位置好易搵。大堂又好企理，約朋友去食絕對唔會寒酸！一上到去坐滿曬人，但地方都算闊落。仲有少少田圍既氣色，主要以木枱為標準格調！坐低欣賞完一輪，就即刻拎返個menu ，準備開動！同好多餐廳一樣，menu 有兩個有正常menu亦有lunch set!睇到個menu上面既圖都知道，餐廳雖然係食泰菜，但行既係精緻既路線！食物賣相款款都好靚，但唔知味道又如何呢！首先我叫左個咖哩牛腩飯$72一想到枱埋身果然好靚，未開始食就已經聞到好香嘅椰香味。咖哩係篇杰身，食落唔太辣保留到牛肉嘅鮮味。個咖哩既味道我覺得係調得岩岩好，配上靚牛腩，唔太林身，咬落仲好有口感，肥瘦適中。最怕食到好煮到碎曬既咖哩牛腩。同埋個牛腩最好食既地方係，佢入味得黎仲保留到牛腩本身既肉汁係入面。雖然午餐黎講價錢唔平，但值得一試。第二味我地叫左無骨豬手飯$82上到枱賣相仍然好靚，仲有好多舊豬手，夠曬份量。豬手煮得夠軟，入口融化，唔會痴牙。味道亦都好夠，鹵水味完全入曬味，又唔會太咸。依個豬手撈飯食都真係一流！見佢menu 有得優惠價加小食，所以就叫左個串燒雞串 $28串燒特登用鐵碟，想形造返泰國當

話說今日去觀塘個邊工作，放午飯既時候好多人，正當煩緊想食咩個時就記得上次係觀塘道個邊食過間泰國野，而且記得係好食既，所以唔埋3721去睇下有冇，好好彩個時仲有walk in ，等左5分鐘就有位。睇下餐牌，見到有lunch set 緊係試下呢到有名既海南雞飯啦，之小小錢仲有炸蝦餅食，正啊，先講海雞，雞同飯既比例都好好，而且雞肉好滑，油飯都好香，蝦餅就覺得有少少 over cook，不過整體都唔錯，飲料點左青檸梳打，正常味道。而且離開既時候店員都好清楚指教我地路線。好好啊

朋友突然話想食泰國菜，因為佢話有好介紹。冇問題，食咩菜都得，最緊要好食。估唔到這間工廠大廈都有食店，而且仲咁多人添。這間食店地方唔大，不過幾實用，設計簡約，環境衛生。侍應態度一流，有效率。食物方面：小食拼盤，蝦餅味濃彈牙，春卷炸得好香脆，配泰式辣醬食酸酸甜甜好開胃。鮮蝦炒金邊粉，好大碟，份量十足，鮮蝦爽滑彈牙，味道唔會太酸，反而甜味較多，越食越開胃。泰式烤魚，都幾大條，而且淡淡肉，肉質仲非常滑，食落仲有好香濃的香茅味，食前加少少青檸汁，鮮味更重，掂！整體來說，用料新鮮，味道一流，一次再試！

今日在觀塘工業區收工，所以一早book定枱食泰國菜！第一次食呢間嘅晚餐，夜晚唔book枱真係無位😹😹餐廳行工業風坐在餐廳內感覺好舒服😌前菜嗌咗生菜包，生菜好新鮮，豬肉炒得好香，又吾會太辣！份量都幾多，愛食生菜包必食😋跟住叫左小食拼盤，有蝦餅，春卷等！全部都係剛炸起，重有配菜，食落吾會好漏😂😂因為我地都吾大食，主菜只叫左泰式金邊粉😛呢個金邊粉炒到酸酸地，好開胃，加上隻隻蝦都好大隻👍🏻嘢飲我地都叫左青檸梳打，都不錯，好大杯😼

時日放假就想食個好味同靚環境既餐廳，於是就周圍問下朋友邊到有好西食，結果就推介我之前食個晚餐既泰國餐廳位於歡塘區既。所以我己經好快咁同弟弟坐地鐵去個間餐廳，大概12點去到，人流唔算多，環境好輕鬆，愉快。坐下來就睇餐點，有好款不同種類既lunch set ，我自己就喜歡食咖哩，所以就點左個黃咖哩牛腩配白飯，咖喱唔太辣，牛腩炆得好琳，而且足料有薯仔洋蔥，之後加錢點左杯泰式凍奶茶，同埋兩件炸蝦餅。食完之後服務員都好細心幫我地收拾東西同埋指導我哋點樣離開餐廳。真係好抵讚

地點唔容易搵，寫A座，（問咗看更阿姐先知道）其實要搭B座的lift過對面, 再轉幾個彎先到。雖然單張上有地圖，但唔夠清晰。入去要先推門，因為雖然都兩點倡都7成滿。上菜都快手。泰式柚子茶味好酸好濃（凍咗仲酸）宜淡返少少。海南雞飯d雞ok幾鮮嫩好食嘅，係d黃油飯咸咗少少。環境幾好幾靚，坐得舒服。有d背景音樂，都ok嘅有d氣氛咁。埋單侍應姐見我無點飲過柚子茶，問我係咪gip得滯，好細心啊！雖然有$6 coupon都要$72埋單，但都ok會繼續支持

呢晚plan左要去觀塘附近outlet 血拼，上網見到呢間餐廳個名幾特別! 1988..就book呢間！本身間餐廳幾隱閉下，外面指示牌都算清晰！我最感興趣係⋯唔通老闆係出生於1988年嘅！入到餐廳就發現留座嘅位置寫住左我名字，超warm超窩心！而且佢地已經爲情人節作準備。餐廳周圍環境以綠白色簡約為主色調！餐廳大概有十張枱左右，呢晚去到座無虛席！剛好被安排坐近廚房的位置，睇到擺盤好壯觀甘, 急不及待點好菜等食。點完菜無聊周圍影下相先發現甘樣又幾有feel!預早感受情人節嘅氣氛泰式炒飯 $88有炒蛋、車厘茄、蝦、雞肉，簡單調味！旁邊用是拉差辣椒醬畫花點綴！飯炒得都幾乾身，撈辣椒醬食有種點味泰國街邊食野嘅感覺！泰國脆脆雞翼（6pcs)$58雞翼炸得脆口juicy,size偏大隻，有d蜜糖味！青咖哩雞 $88味道唔算太辣，雞肉都幾嫰滑。除常見西蘭花、豆角外，仲有比較少食到嘅新鮮無花果，口感似翠肉瓜 估唔到同咖哩又幾夾啵！薄餅 $48為咗沾青咖哩汁食，特登叫個薄餅！店家巧妙用左酥皮黎做薄餅！食落有層次感得黎又吸汁！不錯最後又點少得黎個完美嘅句號呢？成個dessert menu 都係$38咋英式伊

觀塘工廈進駐咗唔少新餐廳，呢日難得同朋友食飯，於是就去試吓啲新餐廳，餐廳位置雖然要轉彎再轉彎，好在餐廳沿途都好多指示，跟住行就好易去到，裝修係小清新路線。我同朋友分別都叫咗 lunch set 再加配小食。每個套餐都包1杯飲品。串燒 (雞肉/豬肉) - 串燒可以叫2款，點埋個甜甜哋微辣嘅沙嗲汁，幾惹味。泰式柚子沙律 - 柚子好清甜多汁，加埋香口嘅小蝦乾，調味剛剛好，好味! 黃咖哩牛腩配白飯 - 份量唔少，咖哩無平時食到嘅咁heavy，椰汁味好香，甜甜哋但唔辣，牛腩用上牛肋部位，唔肥，但燘得好淋，薯條仔有幾嚿，都係好淋好入味，攞啲汁撈飯就已經可以食晒成碗飯。烤雞青木瓜沙律配白飯 - 青木瓜沙律好爽口，配埋啲醬汁好惹味開胃，雞扒配上雞醬，好送飯，正! 檸檬梳打 - 出面通常都係飲到青檸梳打，見有檸檬梳打就試吓，估唔到出奇地夾，少咗青檸陣草青味，好飲! 泰式奶茶 - 地道嘅泰式奶茶味道，加上好濃厚嘅奶泡，yummy! 食物質素好好，而且份量都好多，性價比都算高，加上靚靚環境，下次都會再嚟食飯!