1988 (已結業)

同班姐妹一共四人去觀塘搵食，openrice之下見到觀塘工區少有嘅泰國菜 ─ 1988，好彩我哋一早打咗電話book位，因為餐廳都偏細，相信如果餐廳full咗都要等幾耐先有位。我地叫咗四碟餸：1. 生蝦，得四碟，一條成十幾蚊... 偏貴... 蝦肉唔夠厚身同爽，但佢有特製嘅青辣醬，酸酸辣辣，味道ok!2. 串燒，有四串，雞肉、牛肉各兩串，佢有碗沙嗲醬，好香嘅花生味，串雞點呢個醬加咗好多分。3. 海南雞飯：雞好滑！但可惜肉唔多，多骨，可以份量多返啲就好啦4. 椰汁雞湯：面頭比較多油，但原來椰油好香好甜，一開開始飲湯仲可以暖下胃。