1988 (已結業)

下班後食飯，選址1988，貪其地利，不是因為鄰近地鐵站，只是接近位處工廠區內的辦公室，爽快和家人開餐。小食是炸軟殼蟹，一客兩隻，新鮮炸起非常之熱辣辣，雖然比較油膩，不過加咗啲檸檬汁、沙律醬同埋泰式甜酸醬之後，滋味依然，最好一齊分享。主食要咗泰式烤牛肉，烹調時間恰到好處，肉質比較煙韌有咬口，令人咀嚼回味一番。牛扒上碟時，已被切好做bite-size，方便食用也方便分享。甜品是朱古力拿破崙，與傳統的拿破崙比較，有別於一般的做法，煥然一新的感覺。看似薄薄的一片，一擺落口就能吃到 層層口感。朱古力忌廉甜度調配得很好，不會太膩滯，清淡的為這一餐畫上完美句號。

本來隨便搵一家餐廳食個午餐就去處理d事情，行下行下友人話附近有間泰菜幾好食wo, 見咁耐無食過泰野就去一試啦！餐廳係有小小隱蔽，要搵一搵轉個灣先見到個門口喺邊到！！因為就黎2點午餐時間人潮已過，所以都唔駛等位就可入座啦，我揀左海南雞飯同泰式奶茶！雞飯揀左油飯，雞肉嫩滑，連埋飯上嘅2個汁撈埋一齊食，即刻好想念泰國嘅味道泰式奶茶好好飲，個甜味恰到好處，唔似泰國嘅超甜味道，有驚喜工廈都有好食的，下次可以黎呢到試下晚餐

工廠大廈多數都係食西餐，今次簡左間有泰國菜食既1988。十二點多去到已爆場，可見十分受歡迎。🥘黃咖喱牛腩配白飯 $78想享受咖哩既香卻怕辣， 黃咖哩就最適合不過，香而不辣， 容易入口，超級好下飯。牛腩較硬身一點，如果淋身會令整體更好食。🦐蝦餅（2件）+$28外脆內彈牙，加錢叫既，夠抵食。🌶辣椒膏炒蜆配白飯 $88炒蜆就食得多，泰式炒法第一次食。蜆大大隻，索哂d汁，辣中帶微甜，十分惹味。🍴芒果拿破崙 +$15賣相精緻，吉士微甜，食多唔怕肥。

冰有一段日子在觀塘美興工業大廈上瑜伽課。相比其他工廠大廈，這裡餐廳較少，但還是找到意外驚喜。要介紹的是泰國菜館>>>1988<<<。這幢工廈位置入口不易找，餐廳亦隱蔽，幸好沿途不缺易拉架，指示路徑。 餐廳除了提供傳統泰菜，還有創新嘗試，例如泰式生蠔杯(HKD68)。 共有兩杯，每杯內有一隻生蠔，被香辣微酸的調味汁浸著，與海鮮咸香互相輝映。配以蝦米、生蒜和開心果，讓口感、味道及色澤更加豐富。 食過創新小吃，就來一客泰國經典食品之一鮮蝦炒金邊粉(HKD88)。味道甜甜酸酸，非常開胃；鮮蝦爽滑彈牙，還已被細心地剔走蝦腸；加入椰菜絲、花生粒等，加倍可口。 最後以甜品作結。全部甜品均一價HKD38，可惜眼闊肚窄，即使全部均很吸引，也未能一一細嚐。 思考良久後，最終選擇了百利甜酒慕斯。Mousse 精巧的兩件，賣相可愛；質感軟滑綿密，滿滿的Baileys甜香與酒香；灑上細碎焦糖，添加香脆口感與甜度。旁邊配上焦糖香蕉，為健康加分。

由同事嘅介紹下，我今日去咗1988食lunch ，原來呢幢看似好舊嘅工業大廈，然之後要行一條好迂迴嘅路，先至到餐廳門口呢度餐廳細細，不過都擠滿左絡繹不絕嘅人，所以感覺呢間餐廳應該有佢嘅過人之處！我今日食咗個烤雞青木瓜沙律配白飯（$68），唔駛等好耐，我嘅午餐就到。睇見呢份午餐嘅顏色，就令我胃口大增😋！烤雞上面配有泰式辣醬，開胃又野味👍🏽👍🏽！青木瓜沙律份量都好大，感覺營養均衡又健康！另外我同事叫咗個海南雞配油飯（$78），個海南雞又軟又滑，好好味呀！所以下次黎，我會試埋其他食物！❤️

在OpenRice搜尋工廈美食，看見1988感到好奇？！之前電影有2046，食肆有1988，咁就訂位解疑團。今晚來到觀塘興業街16-18號地下看見重門深鎖，幸好鐵閘上有個簡易人手地圖，我們很順利便到達1988，推門進入已見全餐廳滿座，幸好已訂座，否則就撲空了！安座後自然是看看餐牌，點選心儀美食了！環顧餐廳四週，發覺餐廳使用了遙遙小木馬作標誌，而餐廳近中心位置也放置一張可作小朋友玩耍的小木馬，很有童年的回憶。先吃點幾款餐前小吃，熱騰騰起酥的烤薄餅自然香脆到不得了！但比較油膩少許，分享就不怕吃膩了。好看又好吃的蒜蓉法包，令我們都有點驚喜！串燒（雞、豬各各2串），雞和豬燒得不錯，不會「乾爭爭」，串燒汁又香又美味。炒泰國菜苗就不夠腍，個人比較喜歡吃得腍些，但菜苗有菜的甜味是可取。很漂亮造型的半隻海南雞，肉質很滑，份量感覺少了點，那是因為去骨關係，但吃起來挺方便，我們三人共要三個白飯，白飯爽口也很稱心。第一次嘗試英式伊頓蛋白餅，幾特別，不懂得形容了！總之，好美味嘿！儘管我曾經吃過其他店鋪的檸檬撻，但今晚嘗試到是不一樣的檸檬撻，香脆皮撻盛載軟軟的流心檸檬醬和伴邊的雪白脆餅，令視覺和口感都得到很滿足

想食性價比高既泰國菜, 無需出到九龍城咁遠, 黎呢區工廠區都有驚喜!   呢間泰國菜之前食過對佢念念不忘, 今晚條泰菜癮又起啦....店內環境無傳統泰菜館咁"黃色"主調, 亦無泰皇相掛出, 從餐具睇黎走簡單路線從餐牌食物種類選擇亦得出簡而精, 大路食物都有供應呢度要預先訂位, 唔係WALK IN有可能未必有得食, 今晚二人點左以下菜式脆脆鷄翼 ($56/6隻), 每次黎都必叫, 隻隻鷄翼都飽滿非常, 面上有芝麻增加香味入口熱辣辣, 皮脆肉嫩唔係講笑, 外層搽左蜜糖加了甜味, 咁樣煮法既鷄翼有咩理由會唔好食呀?!泰式炒芥蘭 ($88), 以蒜頭炒香芥蘭, 食落爽脆有咬口, 硬度我可以接受!主食分別點左青咖喱鷄 ($88), 咖喱汁份量相當多, 似湯多D, 用黎撈飯足以夠撈4碗( 哈..哈...)!  配料夠晒多, 包括紅蘿蔔, 豆角, 椰菜花, 泰國茄子(?)咖喱汁質感唔杰, 有少許辣度, 帶點椰奶味; 鷄肉口感普通, 有咖喱汁不禁要叫碗白飯($10)黎送另一款為蝦醬炒飯 ($88), 賣相相當靚仔, 圍邊有青芒果, 青瓜, 蛋皮, 臘腸及肉鬆混合蛋皮一齊食, 更能食到香味; 就咁食就食

記得這間餐廳1988係食泰國菜，之前黎過一次朋友過來找我午餐，我就預先book左位，午飯時間都很多人食我們就坐下來點餐看看食什麼，叫午市套餐有$6優惠 套餐配以下既飲品： ✔️就是跟餐免費泰式青檸茶 我們兩個都點了這杯飲品，味道酸酸甜甜，好有泰式嘅味道，而且清新解渴，很喜歡這個味道呢海南雞飯賣相吸引，海南雞肉質很細嫩，配上醬汁味道更佳泰式燒豬頸肉飯豬頸肉肉質烹調都掌握的很好，配上醬汁帶有酸酸辣辣很醒神開胃餐廳的整體評價，以工廈嘅質素，這家泰菜餐廳很滿意，到餐廳裝潢整潔亮麗，服務一流，會推薦給朋友

見到1988呢個數目即去，因為好有意義。上左一樓都兜左一圈先搵到，原來呢度係食泰菜，好彩book到最後一張枱，真係勁多人黎無哂位。雖然唔算好大間不過都有唔少裝飾，岩岩過完聖誕節仲有聖誕樹係度。成個窗都有好多唔同既裝飾，有好得意既熱氣球同埋1988個標誌，最得意仲有個木馬放左係度好有童真。應該之前印起左好多聖誕既杯裝所以而家仲用緊，不過真係整得幾靚，好有色彩同埋真係好精緻。泰菜一定要食炒菜，叫左《泰式炒芥蘭》($38)，菜好新鮮同幾靚，不過炒出黎仲係有少少生，最後要再兜多次先食得。泰國野點可以唔食《黃咖喱牛腩》($88)，出黎只係微暖，點上左超脆用穌皮整既《烤薄餅》($48)夠惹味，個薄餅係一定一定要叫，牛腩炆得太耐有啲爛不過好淋，薯仔似後加唔夠入味。即叫即燒《沙嗲雞肉》($56)，真係超熱辣辣啲肉仲係好嫩滑，最好味個沙嗲醬，夠香仲有花生係入面。店員真係超有禮貌，夜晚工廈鎖哂門怕我地唔識行，親自送到我地出去超細心。店名：1988地址：觀塘興業街16-18號美興工業大廈A座1樓A3室餐牌:

呢日約左成六七年冇見既舊同事岀黎食晚飯 朋友bk左1830 最後我地打電話改7點 餐廳都仲留枱俾我地泰式生蝦 ($48)新鮮 入口鮮甜 擺得好靚小食拼盤 ($76)炸物都唔錯 個酸甜醬好岩口味沙嗲串燒 2豬2雞 ($56)燒得唔錯 唔會太乾 肉質食落都仲係嫩滑既 沙嗲醬都係另上 沾幾多自己決定鮮蝦炒金邊粉 ($88)炒得岩岩好 金邊粉唔會太油又唔會乾 酸酸甜甜好好味 好開胃 啲蝦好大隻冬蔭公 ($88)酸酸甜甜咁嘅味 少咗原本應有既辣味 唔知係咪用晒啲煲 我地見其他台嘅冬陰公都係用個瓦煲仔裝住 好似特色啲菠蘿炒飯 ($88)有肉鬆同腰果伴碟 我地將佢地同d飯撈埋一碟 好好味 又唔會油 食食下發現仲有提子乾係入面 感覺好清新炒泰國椰菜苗 ($88)不過不失 但係叫價就比較貴 感覺唔值青咖喱雞 ($88)最後叫既 我無試到 因為已經食到好飽喇烤薄餅 ($48)同想像中有少少岀入 我哋以為係薄薄一塊印度烤薄餅咁嘅樣 呢隻食落係酥皮湯上面嘅酥皮 不過都幾脆最後走個下 侍應姐姐拎住我帶黎既個把遮係門口等我 然後帶我地一齊行停車場既斜路岀返去 因為其他樓梯都關左 真係好貼心啊

今晚冇人煮飯， 要出外覓食， 問同事介紹， 講咗1988， 唔知係乜? 以為亂噏， 原來是一間泰國餐廳， 又幾特別呀！門口設計簡單有花款面積唔算大， 整潔利落 ，還有盆栽裝飾生菜包好大碟，四個人都夠食，生菜新鮮大塊，肉碎混和了香料碎、 辣汁、和青檸汁，酸中帶微辣好好味濕水紙巾整合奉上，窩心服務，較其他餐廳只比一張慷慨得多，要讚 冬陰公湯買相煞食，幾隻淡水大頭蝦搶曬鏡頭， 濃濃香茅椰漿青檸味，而且不太辣，啱我口味蝦頭大隻又多膏，美味無比 泰式燒雞好少食，今次試下， 雞烤完之後仍然好 juicy 肉嫩，配上特製醬汁，非常惹味小食拼盤，有蝦餅、春捲各兩件，四件泰國雞 棗，每樣都炸得酥香， 入口脆卜卜，沾上泰式醬料，yummy yummy 無論烹調方式或價錢， 比起九龍城那些泰國餐廳都毫不遜色。

有人生日，但要就我呢個收工較遲嘅人，所以就係公司附近搵地方食飯，之前都有聽過呢間1988，但就冇去試過，食評普遍都話ok,咁就決定去試下預約咗7:30，入到去已經差不多full曬，好彩有book位，之後不斷有walk in客，但都冇位lu*坐得都舒服*店員有禮貌*食物質素ok*份量足夠*位置，根據店員指示，其實唔太難搵，去工廈搵食，就預咗*4個人，唔駛600蚊，仲要食到好飽☆一定要先book位喔～☆

一直想試呢間係觀塘既泰菜好耐, 因為之前過朋友post佢既海南雞飯係咁讚, 身為雞控既我就bookmark左要食佢!! 同樣喜愛食泰菜既朋友聽到我呢個提議即刻贊成我呢個建議, 真開心! 雖然地方比較難揾, 但原來係之前黎食另一間出名台灣餐廳既同層, 大家記住要轉入去停車場喔! 臨近聖誔, 餐廳放滿左聖誔裝飾, 玻璃窗都噴滿雲花圖案, 加上本身餐廳既雪白牆身設計, 令聖誔氣氛更是濃厚呢!! 青木瓜沙律 $68先來一碟我最愛既泰式沙律, 無論去邊食泰菜, 青木瓜沙律都係我既首選, 青木瓜絲粗幼適中, 清爽鮮脆, 每條都平均撈勻左酸辣度十足既泰式沙律醬, 份量十足!! 生蠔杯 $68泰式生蝦就食得多, 今次捨棄叫生蝦皆因見到有呢個生蠔杯, 價錢相同但呢個係兩隻, 生蝦就4隻, 不過見生蠔杯好少見, 好奇想知泰式生蠔係點~ 每隻各自以玻璃杯裝住, 原來浸住既汁係泰式酸辣汁, 但辣度無平時咁高, 味道唔會過濃而蓋過生蠔既鮮味, 生蠔滑LULU, 入口即刻滑到喉嚨去, 生蠔無腥味。 海南雞 (半隻) $98雞有得揀海南雞定燒雞, 但講左黎試佢既海南雞嘛~ 半隻黎講價錢唔洗過百算平, 份量都多, 醬

觀塘區工廈café多不勝數，今次同朋友去食左間係工廈既泰國菜，整體食物仲有驚喜，終於食唔使出到九龍城！餐廳裝修似café既感覺，舒適得黎帶d別緻嘅風格！座位方便唔算多，但勝在有沙發位同埋唔洗搭台，我同朋友兩個人都比張四人枱我哋👏🏻生菜包首先呢碟生菜包幾抵食，因為份量好足夠，而且生菜十分新鮮，肉碎炒得香口帶辣味，夠晒惹味炭燒豬頸肉豬頸肉烤得不錯，有外脆內軟既口感，仲鎖到肉汁，配埋佢哋秘製嘅醬汁，更加開胃👍🏻鮮蝦炒金邊粉金邊粉唔會炒到好乾身，粉質軟硬適中，仲比足料有好多隻爽脆嘅蝦仁🍤英式伊頓蛋白餅全晚令我最驚喜仲有呢個甜品！只係＄38嘅價錢，但係食到酒店級水平既甜品水準！賣相非常吸引，而配搭都非常特別同有心思，上層係蛋白餅，下層係鮮奶奶凍同乳酸，酸酸地嘅草莓醬配上淡口既蛋白餅同奶凍，剛好中和左！

之前有朋友介紹過呢間餐廳, 話又抵食又好食, 最鍾意周圍食野既我地, 點能夠唔去食呀, 哈哈…..於是今日同朋友黎食下先, 上到黎已經有好多人等位, 不過好彩等一陣就有位了.  黎到食泰國野緊係唔可以唔食生蝦LA, 夠哂爽口, 加埋蒜再點埋個泰式汁一齊食, 令到我地既味雷都張開了..呢款係泰式炒金邊粉, 份量十足, 足夠4個人食, 哈哈…..仲好足料TIM, 大蝦彈牙, 金邊粉炒得剛好, 唔會乾, 又唔會太過淋身, 再加埋D花生碎一齊口感更豐富.呢款係泰式小食拼盤, 有蝦餅2件, 春卷2件, 泰國雞棗4件, 雖然係2件, 感覺比較少, 但原來唔係架, 一上枱件件都好大件, 仲可以一分為二開心SHARE 食.呢款係泰式生菜包, 嘩….又係大大碟, 真係好鬼正, 大件夾抵食呀, 味道恰當好處, 不會只得辣字, 肉碎都唔會一舊舊, 呢個真係比想像中好食呀.仲有我地每人都叫左柸咸檸七, 我比較喜歡這種, 已將咸檸檬切開4件, 咁就唔使自己篤到傻啦, 哈哈.