1988 (已結業)

朋友想食泰菜。上openrice見到呢間咁多好評話要試下。於是我上去openrice。識睇一定睇差評啦睇完已心知不妙一向對觀塘一帶既樓上鋪都無好感。試十次十次伏。裝修一定係特別。但食物一定係普通+貴。貴唔緊要。但唔好食麻。。。。。。講返呢間鋪。又係一貫既新式裝潢。感覺簡潔舒服。至於食物呢。。。。。。青咖哩雞-除左雜菜。完全係搵唔到啲雞！！唯一可取就係青咖哩味道可以。蔬菜新鮮。但係如果咁樣。使咩叫青咖哩雞。叫咖哩雜菜都得啦！仲平啲！墨魚餅+蝦餅-又係勁難食。雪藏味十分十分重。而且好鯹。又唔彈牙。死死實實。串燒雞肉+豬肉-點解串燒都可以凍冰冰而且乾爭爭。應該係炸左好耐放係度！泰式青木瓜軟殼蟹沙律-因為怕辣。問可唔可以少辣。回覆唔得。話係調較好。食完終於明白。應該不是自製。係交貨黎。酸味勁重。好似食緊醋蘿蔔。又唔夠爽脆。另外個軟殼蟹。粉醬厚過塊地毯。而且感覺炸定好耐。外皮已經軟淋。凍冰冰。一定一定唔會再去試。希望多啲人睇到唔好再中伏！不過啲打手應該好快行動。淹沒呢個post

黎呢度真係要早D Book定位，去到已經Full晒，好彩早幾日Book定位，所以有留位俾我地。想Walk in 既朋友就最好打電話去問有無位先。沙嗲雞肉串，雞肉烤至金黃色，食落肉汁鮮嫩，沙嗲醬汁吾辣，有D甜甜地，入面加左花生，所以特別香口。泰式燒豬頸肉，勁抵食，份量十足。豬頸肉燒至金黃色，肉汁鮮嫩爽口。泰色醬汁酸酸甜甜好開胃，加左薄荷葉，食落特別fresh。黃咖哩牛腩，牛腩好入味，好霖，份量好多，兩個人食都得！黃咖哩係吾辣既，怕辣既朋友仔就可以試下啦。油飯，估吾到咁好食，係泰國既味道，有D似糯米飯，同黃咖哩牛腩好夾。烤薄餅，吾係印度既烤薄餅，呢度整得好有心思，用左酥皮去整，所以特別香口。泰式奶茶，特別重茶香但又吾苦澀，平時飲開港式奶茶既你就不防一試啦！

又到午飯時間，很久沒有吃1988，今天跟友人再來品嚐海南雞飯。上一次來是新店， 人不多。但今次來到是人頭湧湧的，下次要來吃飯記得卜位。海南雞飯$78 (Kim 子推介指數7/10)沒想過海南雞飯這麼大份 (雞的份量跟飯是各佔一半的, 今時今日香港應該很難找到這麼足料的海南雞飯。) 雞肉滑味較清淡，點上甜而不膩的黑豉油，進一步提升雞的鮮味，入口爽而沒有油膩感。油飯富嚼勁，點一點黑豉油更好味。可惜就是沒有雞湯。 無骨鹵水豬手飯$88 (Kim 子推介指數9/10)豬軟骨飯的分量十足，賣相討好，香味濃郁。一望便知豬軟骨炆得既香又軟，吃下去有入口即化的效果，內汁豐富，肉質之間還帶有大量骨膠原，非常好吃。其他地方吃到的豬手皮較肥厚，通常只能浪費掉。而1998的豬皮是薄薄的，減去油膩的感覺，豬皮吸收肉汁後非常入味。差不多吃到半飽時，將豬手點上泰式酸辣汁又是另一番感覺，即時開胃了不少，於是把餘下的半碗飯吃完。◦

依間餐廳嘅主食係唔錯，除左下面介紹個款，我仲有食過幾款都不錯，但飲品方面我都係建議飲最普通會好D😅.1. 香葉肉碎飯（$78/優惠劵午市-$6）🌶🍚肉碎完全沾滿泰式香料，超級香口又惹味，仲好有肉汁，送飯一流🤤🤤🤤彤樂評分：9/102. 西柚茶（套餐免費/單點$26）☕不過飲品方面我就一般啦🙈🙈🙈可能係採用左泰式茶底，加上個西柚味又有D古怪，總之飲落去好似一款好熟悉嘅藥水味，真心接受唔到😣彤樂評分：2/103. 泰式奶茶（套餐免費/單點$26）🥛☕奶茶有香但入口茶味唔夠，甜味有點兒喧賓奪主，有點失望🤦🏻‍♀彤樂評分：5/10

今日拍拖揀了食泰菜，本以為係工業區搵嘢食會少人些，沒想到入到店內是那麼熱鬧，我也不是第一次於工業區搵餐廳食飯，但就第一次於平日晚上見到有餐廳居然有7~8成的入坐率，證明唔係得我倆口子覺得佢好味道呢！店內環境好整潔乾淨，簡約風，仲有少好特色佈置，例如有個搖搖小木馬，還有小朋友在玩，坐位很舒適，整體感覺我很鐘意。"泰式炸蝦餅" 熱滕滕剛剛炸出來，炸物親熱食最能食出真味道，蝦肉好鮮甜彈牙，口感也不錯。"泰式烤魚(原條)" 本來有D擔心會像炸魚般熱氣，估唔到一點也沒有烤燶，而且魚肉出奇地滑，加少許鹽帶出鮮味，仲要一點也不會醒，加上青檸汁好開胃，真係好滋味。"炒泰式椰菜苗" 好新鮮又嫩口，最重要炒得唔油膩。"西柚梳打" 天氣熱，有汽凍飲透心涼，淡淡的西柚清香，少少酸飲落好爽。

Lunch叫左個 泰式燒豬頸肉飯, 黃咖哩牛腩配白飯, 香葉肉碎飯, (掛住傾計唔記得影) 賣相真係唔錯之餘, 最緊要係好味又抵食! Set Lunch唔洗加錢嘅飲品都唔錯而且夠大杯, 又可以加錢配小食同埋甜品。今次三個人, 一點半去到唔洗排隊就有位(圓枱, 搭枱)。Lunch hour好full, 坐得都幾逼, 但好在夠冷氣, 都算坐得舒服, 但大家嘅傾計聲比較嘈吵, 就算坐隔離都要大聲講野先至聽到 一定會再黎試其他Set Lunch, 小食同埋甜品!

見到平平地，迎期又食到窮窮地，就帶我女朋友去工業區食泰國野先。幾小清新感覺，幾岩我女朋友。ｍｅｎｕ唔算好多野食,但都幾特別。鳳爪沙津 $58頭盤勁多鳳爪，加上泰式酸汁，生菜，洋蔥，已經好開胃。冬陰公湯 $88好足料既湯，有四隻大蝦，又有大量菇，酸味較重，唔夠辣，都幾開胃，但飲完有d口渴。辣椒膏炒藍青口$88推介賣相好美，中間是辣椒膏，藍青口勁多，雖然係炒，但一d都唔油膩鮮蝦炒金邊粉$ 88金邊粉有d乾，有4-5隻蝦球，唔算好食蜜糖撻西柚啫喱 $38必食甜品，因為$38，所以叫黎試下，見到都幾多人食。蜜糖撻好特别，不會太甜，加上西柚啫喱好新奇，可以中和返蜜糖的甜度。百利甜酒慕絲 $38估唔到泰國菜都有甘精緻的甜品。百利甜酒味幾出，但又不會太重，慕絲感覺有d似雪糕，可以再慕絲D!泰式奶茶 $26幾滑的口感，茶味幾重,＄２６算係咁上下。洛神花茶$26， 茶包冇咩特別啦。女朋友表示滿意，叫多左個送，e家好飽，繼續做肥仔先。

觀塘工廈區愈開愈多美食，今次係同朋友慕名而來。其實已經係第2次黎，第1次黎既時候唔知要book位，食左個閉門羹。所以今次黎之前一個星期已經book定左。食飯既時候都見好多人無book位就黎左，但員工都係答full booking，位都無得你等，所以大家記得一定要book枱！一入到餐廳，個環境同外面係兩個世界，裝修簡約，有擺放植物，由一個陳舊工廈進入左小清新地帶，令人感覺舒服。同埋雖然滿座，但每張枱之間都有空間，唔會令你好有壓迫感，可以好舒服咁傾計食飯。不過奇怪啲碟差唔多隻隻都有崩左，唔知係咪特色黎，哈！咖哩味道偏椰香味，咸淡適中，但啲汁較水，濃結啲會比較好。牛腩同薯仔唔算太入味，有點可惜。因爲咖啡牛腩無配飯，我地特意叫左薄餅去配咖哩汁。薄餅切開一舊舊方便食，好酥脆，一流蝦餅外層是一層薄薄的炸粉，咬落脆卜卜，內涵都啖啖蝦肉。正甜品有別於泰國餐廳，係西式甜品。檸檬撻酸酸甜甜，岩岩好清除左剛才既油膩。係一個完美既句號。整體來說都值得推薦，服務都很好，下次會再黎試下其他食物。

呢餐係情人節餐由於好值得一讚所以隔咁耐都要寫返優雅cafe形式既裝修，唔似一般泰國餐廳會放好多神佛 (no offense)枱與枱之間有一定嘅空間即使情人節呢啲搵錢節日都冇擺多幾張枱出嚟●軟殼蟹沙律混合左青瓜同胡蘿蔔絲，好爽●小食拼盤兩件蝦餅春卷，同泰國雞棗款款炸物都係水準之上●鮮蝦炒金邊粉炒得乾爽，係呢啲主菜會見到廚師實力好足料好多粒鮮蝦●半隻燒雞冇諗過碟碟都咁豐富上燒雞時已經好飽燒得好香脆●泰國菜興食椰菜苗，但我唔鍾意口感太硬既菜，叫左簡單既●炒芥蘭●期間限定甜品杏仁雪糕、外脆內軟嘅多士、配自家製士多啤梨醬走嘅時候店員竟然主動帶我地落去驚係工廈我哋唔識路走返出去太貼心了！

去完泰國都要再食泰國菜，今次去觀塘工廈食餐好既，呢間泰國小店真係次次去都迫滿人，食完就再諗下下次去旅行。經過重重既木門入去就見到好光亮既餐廳，一入門口已經有好多小擺設，有一啲熊仔好可愛。入面都有十幾台可以坐，仲有個小木馬放係度好可愛，窗上面畫左熱氣球同1988，個感覺好親切。去得食泰國菜緊係要食《冬蔭公》($88)，紅噹噹既冬蔭公見到都開胃，飲落辣味唔重酸味反而好出，入面有三隻蝦都唔會梅同有好多菇，一陣間飲哂成碗。咖哩更加係唔少得，《青咖哩烤雜菜》($78)，青咖喱都幾香帶少少辣味，雜菜幾多有蘿蔔有豆有西蘭花，如果送飯就一流。麵類方面就叫左《鮮蝦炒金邊粉》($88)，黎到都真係幾大碟，仲炒得夠香加上少少青檸汁就更清新，有幾隻小鮮蝦都幾鮮味。甜品方面係《蜜糖撻配新鮮西柚啫喱》($38)，蜜糖撻食落好似甜甜地既月餅，配上旁邊彈彈下又酸味味既西柚啫喱，一啖甜一啖酸幾特別。另一份甜品《英式伊頓蛋白餅》($38)，賣相好靚蛋白餅幾大塊同好脆，旁邊有覆盆子奶凍食落酸酸地唔會好滯。泰國菜必飲既《椰青》($48)同《泰式咖啡》($26)，椰青上面既肉都仲係度食埋先飲，因為泰國熱所以野飲都多冰同甜，不過

第二次光顧這間泰菜了。第一次光顧，工廠的樓梯入口關了，客用大堂也關了，幾經轉折穿過停車場進去，還要多轉幾個彎才找到，途經的場景就像Bio Hazard一樣...不過，餐廳內裝修企理，燈光足夠，而最重要的是食物質素非常之高，就算要多玩一次Bio Hazard，也絕對值得！午餐選擇雖少，但質素跟晚市一樣，都保持著很高的水準。海南雞配油飯一行三人都是點了海南雞配油飯，雞已去骨，啖啖肉。雞浸至剛好熟，肉質嫩滑，亦保留了雞油香。油飯伴得均勻，每顆飯粒也能吃到雞油香味，正！兩款醬汁亦都做得非常出色，惹味非常；醬汁奉客的份量也很多，絕對唔會出現唔夠點嘅情況！餐飲 泰式奶茶、青檸梳打、柚子梳打泰式奶茶又甜又滑；青檸梳打和柚子梳打是用新鮮水果做的，夠酸夠醒胃！午市埋單時，店員會自動幫你計算優惠，每個Lunch Set平6蚊食物質素取決一切！一定會再來光顧的！午市時候人山人海，不想等位的話可以先訂座。

廢話唔多講餐廳係隱蔽工廠大廈，但就算平日去....都會滿座！😱原因只得一個，就係，真 係 正！！！🤤推薦原因: 1️⃣泰菜款式多，味道好相當適合港人口味！2️⃣性價比高，份量絕不少，價錢相當公道！3️⃣除了傳統泰國菜，還有不少改良的創新出品！4️⃣甜品無芒果糯米飯，但竟然有西餐先見到的甜品！好高汁呀🤤———青木瓜沙律 $68份量好大，青木瓜新鮮爽脆，混合胡蘿蔔🥕絲倍添口感，味道酸辣開胃又惹味，加上烤花生更添香氣和口感，唔錯呀！🤤.沙嗲串燒 $56/4串大大串啖啖肉，🐔雞肉嫩滑🐷豬肉爽嫩，沾上沙嗲醬，醬汁濃香富豐花生🥜麻醬香，好惹味好正呀喂🤤👍🏻.黃咖哩牛腩 $118牛腩份量好多，大大條啖啖肉，肉質嫩稔也入味，咖哩汁濃郁帶點椰香沒有很辣，配上大量洋蔥和少量薯仔，唔錯呀！不過略厭醬汁太稀，如果稠番少少會更完美呢！.薄餅 $48重點來啦！本身有點怕伏，但這個薄餅係全晚最驚喜的！外型有別於一般的薄餅，這個是分割成小口份量，非常方便食用👍🏻薄餅以酥皮做，烘得每層分明，香脆富牛油香氣，沾咖哩簡直係完美😍而且，佢放左好耐都仍然係keep到好脆嫁！正🤤.鮮蝦炒金邊粉 $88金邊粉份量大，炒得乾身不會碎散，味道酸甜平衡

今天，我們一行四人到官塘工廈慶祝生日。講真真的有少少難找，但朋友再三推介我們一試。大堂光猛，個名1988有懷舊的感覺，食泰菜幾得意。估不到平日八點工廈都full。中間擺放緑色值物，好fresh感覺。前菜：木瓜沙律（$68），酸酸甜甜好開胃，有少少辣，味道不錯。朋友之愛黃咖喱牛腩（$88），非常大碟，牛腩好淋，仲有啲酸忌廉。我們見甘多咖喱汁一於叫焗蒜蓉法包（$48），真的好大件及完全夠分，蒜蓉好香脆，美味。菠蘿炒飯（$88），好似餸仲多過飯，而且用新鮮菠蘿炒一定好食，仲有好多腰果肉鬆，好美味。沙嗲串（4件）（$56），這個又抵食，街邊都要這個價。仲要整到好入味。小食拼盤（$76），太好無左我最不食魚餅。蝦餅、春卷及泰國雞棗。非常合我意。鮮蝦炒金邊粉（$88），好多蝦，個粉炒到剛好，不油。本來好飽但見到desert menu 好吸引，非叫不可。松露朱古力（$38）自家製好香濃。檸檬撻（$38），上面cream 好幼滑，又不甜好正。買單仲有驚！每人食左大約$150。非常抵食。

早前已於LUNCH時段食過這間餐廳，它的價錢抵食，食物質素亦不錯 ; 而今次就試試它的晚市，性價比確同樣地高喔 ! 絕對值得一試 ~觀塘工廈比較多，所以很多餐廳都設於工廈之內，這間都不例外，但由它的正門開始，給你的感覺就完全沒有工廈般那麼陰暗簡陋，反而卻有著一種舒適及CAFE似的感覺被安排入座後，環看一下四周，感覺真的不太像身處於工廈內，環境舒適，重點是冷氣夠 ! 餐牌簡單易看，可見價錢亦屬正常水平左: 凍泰式奶茶 - 味道很有泰國地道風味感覺，還可以要求少甜 !右: 凍檸檬蜜 - 味道正常，價錢一樣泰式烤豬頸肉，味道非常香口，豬頸肉外層烤得有點黏，配合內層肉質爽口，這個做得很不錯將豬頸肉再沾上連同的泰式辣醬汁，味道更佳更吸引 !香葉肉碎飯，肉碎加入了泰式香料爆炒，味道非常香口，將平平無奇的肉碎炒得令你自動會伴以白飯一起食，絕對是一個很不錯的飯類選擇炒椰菜苗，如果相當馬拉盞炒菜而言，這個就比較清淡一點，不過它卻是非常有咬口，因為椰菜苗的口感比較硬，而炒椰菜苗卻會繼續保持它的質感，所以如果不喜歡蔬菜過硬的，這個就不是一個太好的選擇了最後有這一條泰式烤魚(原條)，其賣相及感覺有點像潮州菜中

泰國菜一直都係我自己幾中意既菜色因為味道較惹味, 1988有Fushion既感覺有西餐。又有食泰國菜既感覺座位算舒適加上全場都幾full,唔訂位可食唔到我地仲要平日去都甘多人我等朋友中。。。地理位置可能唔太近地鐵。要搵搵先得我被甜品深深吸引。個價錢平。如果唔係俾朋友阻止我可能會叫晒每一樣都想食沙嗲串燒, 雞+豬 ($56) 應該即叫即整。好新鮮。個沙嗲好香。偏甜少少黃咖哩牛腩 ($88) 烤薄餅  ($48)咖哩配薄餅正唔辣。好香，係我想要既味道薄餅幾特別，同一般既不一樣。酥餅雖然邪惡。但好食脆脆雞翼 ($56)配得上脆脆兩個字不過味道上我地覺得咸左少少生菜包 ($88)分量好夠鮮蝦炒金邊粉($88)我必點既菜個味道調配得幾好。唔會太酸。又唔太甜朱古力拿破崙 ($38)Chocolate Mille-Feuille 甜品時間。叫左兩款朱古力味好濃郁好滑。外觀好精美Lemon Tart ($38)少有我中意既檸檬撻因為平時食到既一係太甜。一係太酸balance 唔到酸甜依個我覺得做到我地食左好多款食物。平均每人百鬆。幾抵食