311
23
6
港鐵觀塘站 B2 出口, 步行約6分鐘 繼續閱讀
電話號碼
36893113
營業時間
今日營業
12:00 - 15:00
18:00 - 22:00
星期一至六
12:00 - 15:00
18:00 - 22:00
星期日
全日休息
公眾假期
全日休息
付款方式
現金
其他資料
電話訂座
食評 (364)
等級4 2019-06-28
10994 瀏覽
天氣太悶熱, 冇乜胃口, 想食泰國菜,放左工,約同事一齊去 1988,以為晚上會少人,去到竟然要等位,幸好只等了一陣便可以入坐🙏🙏工廠區餐廳地方唔算大, 但都在角落位置加了少許擺設, 視覺上冇咁單調餐牌,杯墊,都好有特色先叫了杯咸檸七, 柑橘蜜解渴有好多咸檸檬,混合7喜汽水,中和了汽水甜度, 非常解渴柑橘蜜冰涼滋潤,同事 favorite 😉😉炒椰菜苗菜苗新鮮, 炒得唔會太林,有咬口感串燒雞和豬肉各兩串,配上特制沙爹汁,好好味泰式烤魚魚肚內塞滿了香茅、 檸檬葉等…香料,陣陣香氣飄散,人都精神D, 骨唔多,魚肉新鮮,加了青檸檬汁更覺清甜,如果可以烤得乾身一點,效果會更好海南雞半隻全部起了骨啖啖肉, 整體處理得很好,就算雞胸肉都唔會覺得嚡口價錢合理又好味,有機會再去食 繼續閱讀
(以上食評乃用戶個人意見 , 並不代表OpenRice之觀點。)
等級6 2019-09-07
1402 瀏覽
今時今日,觀塘工廈內遍佈樓上小商店(尤其是凍肉店)及餐廳已經不是什麼秘密;不過,一直懷疑到底這些餐廳是否可以招呼外來客人?又或者說,這些商店及餐廳有否違反了工廈條例?橫看豎看,完全與工廠或工廠寫字樓完全沒有任何關係?! 既然工廈餐廳已經不是秘密,本來也不應該再存在隱蔽這件事情了;不過,「1988」都可以說是個別例外。搭電梯上到樓上,如果沒有指定牌,實在很難找到 ⋯⋯ 這樣說很難明白,親自去幫襯一次就會了解。推門入內,面積比預期之中細小。之前,幫襯過幾間工廈樓上泰國菜及西餐廳,全部均比「1988」大。裝修、陳設及餐枱餐椅均非常簡陋,唔好講完全沒有任何泰國風情,甚至乎可以用完全沒有任何裝修來形容,只是四幅白色牆、兩三幅掛畫及一大盤植物作為簡單點綴。餐牌同樣令人失望,只有四欄;款式少、亦欠缺令人眼前一亮的特色菜式。價錢方面,以工廈餐廳標準來說算合理,但其中有部份菜式,已經同外邊商場一間普普通通嘅泰國菜餐廳差不多了。脆脆雞翼($68)表面有一層脆粉漿,但偏硬、做唔到香脆效果。醃料味道唔夠香濃、亦沒有伴隨什麼特色泰國風味醬汁;只在雞翼表面淋上少許蜜糖帶酸的醬汁,但味道又完全唔明顯,完全欠缺任何泰式風味。黃咖喱牛腩($88)勝在大大碟,薯仔多、牛腩更多;不過就賣相欠奉。濃濃咖喱汁份量非常多,絕對能夠滿足喜歡用咖喱汁撈飯或者蘸泰式薄餅的食客。咖喱汁表面加上椰奶,卻沒有明顯椰子香味;至於咖喱汁的味道,也比預期之中差,近似港式風味,欠缺泰式咖喱的重手香料。大大件牛腩唔夠鬆軟,部份甚至連帶着一些非常韌的筋膜,質素一般。每次食泰國菜,一定會叫烤薄餅蘸咖喱汁。見到這裡的烤薄餅($48)心中打了一個突,並非常見的兩款薄餅(細細塊又扁又薄,或者大大塊很鬆軟、有點拉韌質感),而是有點似酥皮、但又焗至脹卜卜。食落口果然介乎酥皮與薄餅之間,雖然有特色,但始終不是預期中的烤薄餅;而且用來蘸咖哩汁就欠缺了充實口感,唔似係主食,食酥皮唔夠痛快。生菜肉碎包($98)很大碟,生菜多、肉碎更多。生菜外表唔夠新鮮翠綠,不過食落口仍然多汁爽脆。肉碎顏色太淺,好似普通廣東菜或者屋企的家常小炒,唔似泰式風味。掏起一大匙肉碎,水份太多、炒得唔夠乾身;味道亦非常普通,只有非常輕微的魚露香味,完全欠缺了泰式肉碎生菜包應該有的香、辣、惹味。雖然另外仲有一小碟醬汁,同樣非常普通,唔似自家秘製。無論餐廳環境及食物味道,皆未能令人稱心如意,應該唔會再有下次。但係唔知點解,雖然是當晚第一枱客人(有提前兩日訂位),坐下來10分鐘之後,餐廳竟然滿座! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-11
0 瀏覽
今晚book咗6:30,8pm交枱,依個時段坐滿,叫咗黃咖哩牛腩、炒椰菜苗、冬陰公及薄餅。黃咖哩牛腩唔錯,有甜甜嘅味道,牛腩炆得夠淋,加埋個薄餅係唔錯。冬陰公就勁唔掂,個湯比平時飲嗰啲白,有兩隻大蝦,飲落一啲味都無,無酸同辣味,無香料味,真係同飲熱水無乜分別。炒椰菜苗,都一樣無味,應該無調味,啲菜可能唔合時所以好苦,我見隔離枱都食淨咗一半。應該依間得咖哩係ok,見個個都主要叫咖哩同炒金邊粉。環境可能太細,人又太迫,好嘈。應該唔會再試! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-10-10
0 瀏覽
朋友介紹話呢間泰菜好食唔貴,咁啱係公司附近,所以約同事試下,上到去地方唔大,lunch 時間坐滿人,樓面有4、5個人,所以坐滿人都好快有人幫手落單,野食都上得快,午餐有8個餐選擇,份量好多,價錢合理,我食左紅咖哩燒鴨飯,我覺得唔辣,燒鴨唔怕騷,咖哩都好香,好味,飲品選左青檸茶,唔知係唔係揸檸檬汁重手左,所以好酸,好開胃而同事食青木瓜沙律併雞扒,個沙律一上枱嚇親人,成坐山咁高,可惜掛住食唔記得影相,雞扒大大塊,好入味,我會介紹俾其他同事 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-10
0 瀏覽
生日lunch,今個月我地揀左泰國野...打開個menu,好開心呀...見到樣樣都想食,好彩今次多人,可以叫不同餐share 試。最開心既係仲有埋甜品可以追加,搞到我地又食又拎,加多個芒果糯米飯外賣呀!講返食物先,每款賣相都好好,而且份量亦都唔少...味道好好,尤其係個沙律,少少酸少少辣好開胃。仲有我好鍾意既青檸茶,不過我就嫌酸左d,如果可以既話,個青檸唔好榨得咁勁就會好d 😝最抵既係lunch 可以每個餐減$6 繼續閱讀
(以上食評乃用戶個人意見 , 並不代表OpenRice之觀點。)