1963 木十豆寸

營業中

休息中

早前午餐時段經過，walk-in滿坐，而且有多人等位，只好放棄。之後打電話預先book位，預想的日子也滿坐，所以直接問最快邊日有位就book邊日。一兩年前來吃午餐已經經常等位，到現在人數不減當年。一行5人，點了5款不同午餐，5款不同的飲品，還點了個台灣野菜。滿漢牛肉麵：清湯牛肉麵另配上一鍋仔紅燒牛肉牛筋，好豐富好多牛肉，味道亦不錯櫻花蝦炒飯：有驚喜，炒得又香又夠乾身，很好吃脆皮雞腿飯：炸雞肉配上黃梅醬，非常配合藥膳排骨飯：最差之選，排骨十分非常之鞋，可以話又硬又柴皮，如果一個人來，點了此餐，可以會絕望到想反枱五更腸旺飯：大腸好吃，還有咸菜豬紅，這個汁醬真的好餸飯飲品方面，點了香芋拿鐵、紫薯拿鐵、美式咖啡、百香果梳打、情人果梳打，全部都是正正常常的，只是拿鐵較飽肚，選梳打應該較佳。

The restaurant is located on the 2nd floor in an old commerical building in Wanchai. When we opened the tihck wooden door, we were greeted by wooden partitions and a nice small coffee table decoarated with dried flower. I made a reservation through the eatigo app in advance so I do not have to wait in line even during Friday lunch hours.Wooden panels, furniture, windows and decoration mimics the mid-70s in Taiwan. The retro interior decoration adds a sense of sophistication, elegance and a bit o

在灣仔打算靜靜地與好友來一個下午茶～ 地方裝修具有懷舊特色， 窗邊的乾花 在陽光照射下 格外有文青氣息 😚 在任何一個角落 拍照也很有氣氛 👍🏻 以前來過了，覺得食物不錯， 但是這次是有點失望的～ 虎皮椒湯 ＝售罄 ， 很多果汁類也沒有貨所以沒有點飲品了 😆藥膳排骨～友人點的， 很普通，藥味不重， 排骨像煲過湯的 ～沒什麼特別 ，食食下佢望住飢詩話 ：食茶餐廳好過 🤣🤣🤣三杯雞～ 用了雞髀肉， 醬汁味道似照燒雞， 甜甜地， 缺少酒香， 九層塔 很少 沒有帶出三杯雞的精髓 😆配菜 醃蕃茄及蘿蔔  😐 醃得太耐～ 有餿味 不能入口， 可能有人喜歡 但絕對不是飢詩杯茶 😂餐廳的確很寧靜，適合閨蜜談心，但食物退步了不少， 很可惜啊～飢 point : 4/10

餐廳既裝潢很懷舊，很復古的台灣風情～我們二人坐四人圓枱，感覺很舒適。餐具也很特別，每一枱也用不同的碟，很有特色！台式三杯雞 $88一碟的份量很多，雞肉很嫩滑，沒有骨。每一件雞都沾上醬汁，醬汁偏鹹有少少辣。味道較濃，所以送飯會比較好！古早味滷排骨 $75炸了的排骨再浸滷水。整體沒有很特別，因為浸過你關係，外層的炸粉完全唔脆。值得一讚係豬扒既肉唔乾！雞肉飯 $30完全不值得點。與白飯沒分別，上面只有極少量的雞肉和乾蒜。

嗰日同兩個朋友第一次上去食，一上到去，就畀成個環境吸引住，成個裝修好有復古嘅氣氛好正! 無論係個窗花，定係放喺入面嘅舊式留聲機，仲有個買煙嘅自動販賣機，全部都睇得出店主好有心思。朋友點左兩個簡單嘅雞肉麵 ，我因為唔係好肚餓所以淨係叫咗個玫瑰咖啡。朋友話呢個麵非常之好食，同埋旁邊配嘅雞肉都係非常嫩滑。我飲嘅玫瑰咖啡都幾出色，好易入口同埋好香玫瑰味最後其實我哋係影相多個過食嘢，因為個環境實在太靚喇，我覺得我會再去因為，個環境好舒服同埋嘢食都唔錯呀!

今日去左食依間的lunch, 平時都有去食, 不過今日先得閒介紹下=p今日食左個古早味滷排骨飯, 個排骨好大份, 不過稍嫌今日唔夠熱..........但係個滷肉飯依然保持水準, 一樣咁好食, 好惹味, 本來今日想飲埋個黑糖珍珠奶茶, 可惜今日冇珍珠得返寒天, 所以冇特別叫野飲lu.................特別鍾意依間餐廳, 不論環境定擺盤都好有heart, 好細緻又精美=]

是咁的，假期即刻約朋友見面，過到港島，都係要食啲特別嘅。位置唔算難搵，有個招牌係大廈門口，有電梯上都ok。有種可以hea成個晏就嘅感覺，好懷舊，周圍都有唔同嘅物品睇下，都幾特別。我入黎個陣見到兩位著smart causal 嘅男士，有一下個感覺都幾英倫。午時價錢還可以，一般台式有gimmick都要呢個價位。飲品要另外加錢先有。台式食品偏重口味，我叫咗鹽水雞飯，都幾好味，初初睇樣以為麻麻地，食落ok。前菜蕃茄青瓜絲都幾酸，唔錯。我自己覺得普遍餸偏咸，食完好渴口。係我地要叫先加水，位置又轉彎位，好似好麻煩咁，我地就走lu。

總有餐廳係你明明記得味道平平無奇，但優美既環境令你留下好印象。 木十豆寸正是如此，食過幾次都覺得一般，但偶然係灣仔想食牛肉麵又會的起心肝打去book位。餐廳位於君戶鍋貼對面、大樹附近既大廈，入口只有唔起眼既一個身位，招牌夠大都唔算難搵。 沿住唐樓樓梯拾級而上，已經隱約感覺到老香港既懷舊氣色。貼滿手繪花牆紙既唐樓單位、掛滿乾花既生鏽窗花，儘管你明白1963年既台灣根本冇咁作狀，目光依然忍唔住停留係隔離台任悄悄的一線光灑落身上既翻版洋服梁朝偉。午市以飯麵分類，本來下定決心要再食既紅燒牛肉麵已經停售，見新品滿漢牛肉麵 ($90)聲稱包含清燉牛肉麵、紅燒拌麵同紅燒牛肉麵，好有衝動想叫。 但問清楚店員係咪分成三碗仔咁上，先知原來只係將麵同餸分開，麵會配清燉牛肉麵湯底，牛肉就會配紅燒牛肉湯，同其他麵款既分別在於多左幾塊牛肉。再三確認紅燒牛肉麵冇得散叫，又覺得滿漢餐唔太抵，於是揀左養生清燉牛肉麵。養生清燉牛肉麵 ($65)相信並無動用到燉盅、淋上高湯即成。 成碗都係清淡既上湯味，牛腩、牛筋同牛展同南記食到既差不多，勝在大大塊幾足料，麵質彈牙煙韌。 養生之處在於加左三粒杞子。一路食我就一路懷念以前食過

紅燒牛肉麵 lunch set ($65)午餐有飯麵選擇，大部分都係差唔多價錢，揀左每次食台灣菜必點既紅燒牛肉麵。套餐跟三款前菜，最好味係糖醋蕃茄仔，一式四款食物既擺盆都幾靚。 牛肉麵超足料，牛腩、牛筋分別都有三、四大塊，啖啖肉又入味好滿足。 麵既份量好多、夠彈牙，湯底亦好濃岩哂我咁重口味，麵條又吸哂湯既味道。 好鐘意面頭放左大量酸菜，開胃又唔會食到咁膩。成個餐廳既環境好靚好懷舊，不過唔係咁易食到，次次黎都要預先訂位，好期待下次再黎食。

"裝潢懷舊，貴...難食"環境 /位於二樓的台式餐廳, 樓梯入口不顯眼---沿樓梯直上會有些可愛的字句. 有著舊式花紋特色牆身和挺精緻的bar (應該是用來裝飾和沖飲料的位置而已)觀感很不錯. 可惜幾乎沒有空調, 昏暗的環境令人感覺很焗促.食物 /點了中間兩set, 上菜速度很快卻沒次序---菜單很簡潔, 看似清淡, 結果一道比一道菜失望. 最可怕的是丫其中一道主菜, 是炒椰菜雜菜,.酸酸的, 很油, 明明菜很新鮮, 還沒放入口裡, 酸醋味已充滿鼻腔.除了辣, 苦甜酸咸都有, 吃了一會便不斷喝水 (飲料是很正宗會喝到糖__ __的台式飲料)服務 /一般吧,  水喝光了杯子放最外面, 服務生來來回回經過就是沒看到結語/ 某台式連鎖較化算,食物也更滿意/ 別為了裝潢而浪費食物

由門口到店內裝飾都好靚好有古早風味，不過食物就⋯⋯貴夾唔飽啊午餐選擇都幾多，$60左右起跳，比起以前加價唔少，我叫咗一個燒酒雞麵線，食落個湯好有藥材嘅感覺，冬天食啱哂，不過啲麵線，真係好唔掂，好似浸咗好耐，口感唔好，而啲雞又非常老同鞋，而碗麵同湯麵完全冇雞味，而且啲雞都係唔靚嘅位置，簡單啲講，好似湯渣⋯⋯呢碗麵食完後，我唔算大食，但食完呢碗麵之後都去咗灣仔地鐵站附近買咗底雞蛋仔食而呢碗麵係價值$82蚊，我真係覺得⋯$70蚊係俾咗個環境嘅

由最初開張已經排隧來食lunch, 覺得環境特別，靜靜地傾到計，食物又不錯，以前既鹵水拼盤配鹵肉飯好大碟，好多塊牛𦟌，排骨湯夠熱又好味。我向老公推介左好耐，前幾日特登帶老公來食，叫同一個鹵水拼盤，但已經唔同晒樣。。。賣相不太好，好似求其執幾舊豬耳、鹵水蛋、海帶咁，仲要上枱既時候個侍應整到啲鹵水汁瀉晒喺個盤度😟，胃口即刻無左一半。。。究竟發生乜事？係咪我地太晏（差不多下午二時）所以得返啲餸尾？希望再來既時候會回復以前既水準啦⋯⋯

平時在灣仔上班，已經留意該餐廳今天適逢朋友有空，便去潮聖。這餐廳位于唐樓內， 沒有升降機因此需要步行， 然而當你走到餐廳外門口時，你便發覺這是值得的。 你會感覺彷彿穿越了時空，有舊香港感覺。我和朋友點了兩個套餐： 一個是魯肉飯另一個是東坡肉飯，餐廳上菜的器皿很懷舊感覺，拍照很美。我們上去是中午12時15分， 沒想到不出半小時已經全場滿座，證明這餐廳是名不虛傳先説魯肉飯，那些拌菜己經很入味，魯肉很有味道，彷如正在台南吃的一样。然後東波肉，很肥美唷*)大口大口吃很幸福最後點了一個半熟巧克力蛋糕，店員很特別為 蛋糕灑上生日快樂的字眼，讓我可以為朋友 慶生 不過這是一位店員特別做， 不一定每個人都有價錢就貴了一點，不过環境配合是值得

同朋友嚟呢度食過三次晏，等一次上嚟嘅時候心諗呢間餐廳都幾搞鬼，開係唐樓上面，食嘢之前叫你做下運動先！上到嚟就有啲去咗另一個世界嘅感覺，入面放咗好多舊嘢，收銀機，相機，佈置得好似六，七十年代。餐牌簡潔，都係地道台灣菜，食過牛肉麵，炸雞腿 等等，味道都幾唔錯，最鐘意嘅反意係炒水蓮，香港好小地方食到，而黑糖珍珠奶茶都好飲過唔小連鎖店，不過價錢唔算平，一個飯加飲品都成100,只能概歎百物騰貴。值得一提呢度啲餐具上都會印上例好不可挑食等提醒，幾有心思😆

在灣仔工作經常經過這家餐廳，但是一直沒有機會嘗試。今天突然想吃台式的東西，因為灣仔沒有太多台式餐廳，所以明便決定要去這間餐廳嘗試。午餐的選擇頗多，大約有七，八種麵和七八種飯，價錢都是7，80元，但午餐並沒有包括飲品飲品要再附加15至30元。首先選擇了台灣出名的牛肉麵， 餐廳提供了清燉牛肉麵和紅燒牛肉麵，因為我比較喜歡清淡所以最終選擇了清燉牛肉麵。我的同事看見了豆乳雞，感覺比較新奇所以決定了選擇這個豆乳雞。 我和同事一起叫了一個落神花玫瑰花茶一齊享用。牛肉麵的size比較少，一開始以為不夠吃，後來把上面撥開看見有很多的牛肉，有二至三塊牛腩，二至三塊牛筋及一片牛展，非常豐富。 麵的質感比較有趣好像一些彈牙的烏冬，湯的濃度適中非常好喝。豆乳雞原來不是豆乳煮雞，而是一些像鹽酥雞的炸雞，但是是有豆乳味道的炸雞，我和同事也沒有想到是這樣的。 雞沒有炸得很乾而且有一些豆乳的味道算是不錯，而且份量也十分足夠。忘記了說配菜，它有一些醃了的蕃茄仔，味道偏酸，如果喜歡吃酸的人應該十分喜歡。另外亦有一些醃了的條狀物品，但吃出它是什麼。飲品是洛神花玫瑰花茶，味道是淡淡的酸味再加上花香十分可口。總括來說，食物味道