1963 木十豆寸

營業中

休息中

今日是但喺openrice搵到呢間嘢食晚飯，起初見d室內裝修幾特別，有啲期待，點知真係無諗過會咁難食，真係好難食，難食到食唔落肚，地獄級，仲要次次叫嘢埋單等等都要自己行出去叫waiter過黎，奉勸大家唔好去，唔寫咁多，大家自己睇相，嗰個鳳梨蝦球係幾粒炸蝦毛，然後放喺塊薄切菠蘿上面，再加pat唔知咩汁，小學生級數嘅制作，唔好講話價錢先，首先想問下好唔好意思叫人食，真係應該俾番錢人先好叫人食，仲有個298蚊set dinner，I cannot imagine。

餐廳裝修很有風味的, 有很多懷舊物件擺設, 連碟子都很精緻. 餐具上都別有風格, 筷子匙羹上刻有不同的句子晚餐可以叫set, 也可以散叫, 價錢比一般香港的台灣美食稍為貴些少.滷肉飯,三杯雞,味道還不錯 排骨醬汁有點鹹,不過味道都ok ge. 嘢飲叫咗芭樂紅茶,不會太甜 味道不錯. 但熱水茶味道超假, 好似康鈣思的味道. 最後還點了一件特濃巧克力千層蛋糕, 特濃就唔係好覺嘅, 不過都好好味用餐時間都好充足, 冇過限你要一個半小時交枱值得再去👍🏻

睇得又食得😍 環境好靚裝修好復古📺📽🕰⏳午餐好抵食，食環境都抵👍🏿又係一個可以慢慢坐同傾計既地方👫👭-古早味滷排骨飯 $70滷肉飯肥瘦均勻😋 好夠撈飯淨食碗飯都好滋味仲有滷排骨，好入味好軟林🐷-台式豆乳雞飯 $70豆乳雞 🐥個樣好似平時既鹽酥雞外皮脆脆唔油好juicy🤔 但唔覺豆乳味-前菜係車厘茄同木耳唔會太酸好開胃-‼️餐廳係二樓，要行樓梯上去行完樓梯可以食多d野💪🏻

先唔講d野食先，我同朋友入到去就已經有人招呼我哋，首先帶咗我哋入去然後好快就已經俾咗水我哋。我先後有3個朋友黎左。嗰陣叫咗個牛肉麵，滷味拼盤，醉雞，滷肉飯。一上菜嗰陣個短頭髮待應妹妹就問使唔使要碗仔，我覺得出面嘅餐廳都未必會好似佢咁主動問客人要唔要碗仔，服務態度一流，而且我同朋友都覺得d嘢食不過不失，環境好好，好適合同朋友一齊黎聚會，平時唔俾貼士嘅我都搞到我最後都俾左貼士，一定有下次呀！！希望會再見到個妹妹

跟女友開開心心慶祝拍拖27個月，她居然不明白木十豆寸的意思，我說，已很明顯啊！飯比想像中煙韌和黏，前菜車厘茄木耳開胃，拼盤鋪陳具心思，鹽水雞香嫩入味。可惜吃不出胡椒香。值得一試。午市食環境都抵！

這天走到灣仔，朋友想找一家坐得舒適可以好好聊天的好地方，我就想到了「1963木十豆寸」！餐廳位於唐樓二樓，餐廳有獨立門口出入。單是地下正門的綠色鐵閘已經充滿懷舊味道。由於餐廳位於二樓，要行兩層樓梯，沿路餐廳張貼了不少打氣字句，鼓勵食客多走動，胃口會更好。真貼心！打開二樓木門走入餐廳，有條小走廊，沿路的舊式吊燈、木窗框、乾花、舊式收音機等陳設，令人意識到我們正一步步走進了60年代環境氣氛...餐廳内放滿古舊陳設，例如水吧的瓷磚，舊式電視櫃📺等.......還有洗手門外的髮廊💈及印刷的字粒櫃子，真是正！餐牌菜式選擇不算多，但分類清楚有條理。最後兩人點了4道菜，包括有飯、麵、家常菜、限量山菜😋「滷肉飯」肉是半肥瘦，滷水汁甜甜地，每粒肉碎都醃得相當入味，滷蛋亦不錯，可惜飯有少許硬。份量只一小碗，但對女生來說，份量剛好，不怕眼濶口窄浪費食材👍🏻「烏龍茶香燻雞」，茶味沒有太濃，所以都被煙燻味蓋過了，鷄不夠嫩滑，但整體不錯。「樹子水蓮」水蓮是台灣菜，菜很爽脆，有點像通菜的口感，略嫌炒碟菜的油份太多。「炒新竹米粉」相當驚喜！米粉炒得乾身，配菜和蝦仁亦算多，豐富滿足！

今日揀咗為於灣仔道口一楝舊樓樓上既特色餐廳同舊同事慶祝生日，餐廳裡面裝修擺設得好懷舊又靚，雖然已經訂咗位，而一步入門口已經有人排隊，因此我地訂咗檯亦都等咗差不多十分鐘先入座，唔緊要地方咁靚朋友們已禁排住隊影相打發時間。由於我地一早已睇定食乜，所以一坐低就點餐，午餐都有幾多選擇，我地六個人各點咗櫻花蝦炒飯、清燉牛肉麵、古早味滷排骨飯同脆皮雞腿飯，每個餐都跟小碟前菜，價錢大約$65-$80不等，飲品另計而台式特飲加$15餐到，一黎先食個前菜，個蕃茄仔甜甜地有蜜糖味，好好食呀，兩秒已經比我食晒，再黎試我個雞腿飯，雞皮好脆，雞肉唔乾幾好，係有少少濃味咗D 因為我連埋飯面有D魯肉碎一齊食，如果配白飯可能好D。另外我叫咗杯烏梅汁，濃濃烏梅味加咗冰甜度OK。如果個餐可以包埋飲品就更好。

星期六晚上 原本想食兩位媽媽台菜點知無開門😢😢睇返FB先知 有時星期六會因各種因素唔開好啦 由中環行去灣仔 想食素食點知無book位無位 一張枱都唔留俾walk in 😓😓😓黑仔地 終於搵到呢間台灣野 食評唔差 就試下上到去已經9點 有2/3空位見到set唔太吸引 於是散叫餐具好靚 已經不停影相呢個係炸玉子豆腐 加埋甜不辣醬 好好味但如果個豆腐再熱啲就好 （要熱到燙口果種）唔就得係咩 但係好食既烏龍茶薰雞 - 好有碳味 但朋友話食埋茶葉都無茶味清牛肉麵 - 有兩舊肉加兩舊筋麵係粗麵 好彈牙 好鍾意個質感呢杯係鳳梨 -好清新總括黎講 食物味道唔錯 不過略嫌份量太少 偏貴 但環境氣氛搭救 偶爾想舒服有情調咁食台灣野 係可以黎下既

一入餐廳其實都比佢裝修吸引 但服務態度 食物質素 同價錢份量就真係唔會再有下次 menu上有個菜叫月見小貓 我問個位紅髮waitress 係咩菜 佢話呢個係菜名 我再問咁係咩菜 佢答點解菜心叫菜心啊？👏🏽之後佢直接話已經賣晒 就無回應過啦 於是我地繼續叫菜 但要乜無乜 最終我地叫左麻醬面 魯肉飯 豆乳雞 藥膳排骨湯 同水蓮 上菜既時候 樣樣都唔夠熱 特別係個湯 係完全唔熱又無味 料又少 杞子都無一粒 ！相反碟菜水蓮係超咸 食完係勁口渴 豆乳雞係over cooked 同勁dry 無味 滷肉飯就唔太特別 因為完全唔入味。全部餸菜溫度不足好彩無叫dinner set，叫左真係會仲sad！

今天與好友約會晚餐，來到一間非常有特色的台灣餐廳，只看餐廳名字已經覺得特別，加上年份令人聯想到會是一間比較像回到過去的餐廳。餐廳位置有點難找，在灣仔花了半小時迂迴曲折終於到達。讓好友久等了，所以一到達便有湯品品嚐，青蘿蔔湯，非常鱧甜，很有住家湯品的感覺，讚！接著叫了好幾道菜式，包括炒新竹米粉，滷肉飯，鳳梨蝦球，小魚花生炒山蘇，台式醉雞。兩人的食量絕對可以，因為每樣菜式都比較精緻，份量不太多。食品味道也不錯，滷肉飯比較失色，其他都可以。最後點了檸檬愛玉作甜品點綴，環境食物都令人感覺舒服

好多人食飯揀地方都希望嗰個地方可以影相好靚,順便呃下like呢度環境的確唔錯,裝飾好有心思,好似返咗舊時咁樣 ,但係嘢食同服務亦都好似舊有水準一樣,冇咩進步首先我哋坐嗰張枱側邊有部仿古留聲機,食飯途中不斷重複同一句說話,而且仲要唔知佢講乜嘢。。。好似error message一樣我哋想叫服務員幫我哋關咗,佢因為好滋擾,但係叫極都叫唔到有人過嚟呀!成餐飯就好似聽住鬼食泥咁,都幾煩落單同樣花咗好多時間,叫極都冇服務員過來,最終要我行出去叫佢哋可能成間餐廳就係一個休閒狀態,好似我坐喺度慢慢飲茶咁休閒餐牌上麵食物選擇唔算多, 開頭畀個價錢嚇嚇!原來呢個價錢都包括有好多嘢食嘅,係一個套餐咁都好啲鹵水拼盤上面嘅選擇都幾多 ,有蛋,海帶,豬耳,豆腐等等。 其實味道真係唔出眾,每樣食材都唔同,但係用鹵水醃咗之後食唔出原本嗰個鮮味, 好似每樣嘢味道都差唔多反而自家製配菜ok,涼拌車厘茄唔係得酸,都有討好嘅甜味 好開胃!東坡肉食咗兩嚿就頂唔順, 第一 碟餸係溫嘅,一啲都唔熱 令到豬腥味好重 !第2一啲都唔似東坡肉,完全冇東坡肉應有嘅油香 !價錢都唔平,所以我索性打包返屋企再落醬汁調製好過見到熱盤水準麻麻

餐廳的設計相當懷舊，以藍色為主調，配以各種乾花配襯，營造到一種好似返左去六七時年代的感覺。朋友生日飯係度食，唔單止可以瘋狂同餐廳環境影相，仲可以睇到舖頭收藏的懷舊留聲機。講番食物，大部分份量好似都偏向細，好彩味道還OK的；至於種類好似都唔算好多元化，晚市有多個Set Dinner供應，不過價錢偏向貴。

看似亳無關聯的店名，原來拼合起來代表著樓前的一棵樹 🌳在1963年已開始見證時代轉變的樓房，復古的裝潢，懷舊的擺設，一進入餐廳就好像將時間靜止了。店員和主廚聽說都是從台灣來的，服務態度都很有寶島的溫柔爽朗。食物來了!首先吸引眼睛的是木製餐具上的刻字::吃香喝辣，大快朵頤，明天再減肥!!吃飯皇帝大，能吃就是福，再來一碗!!立刻令人心情大好的字句，很有心思😂點的是茶薰雞套餐，前菜是木耳和車厘茄，車厘茄醃至帶點酸梅的味道，仍保留著本身的甜味🍅而茶薰雞一送上的時候，那香味將附近的環境都變清新了😂完全不能猜想製作的過程，只知道皮脆肉嫩~連一小塊茶葉一起放進口，清新!!茶漬飯更是令整個套餐加添滿足❤最重要是，週末人比較少，可以扮作去了台灣享受生活😛

灣仔道 的中匯大樓外型及顏色都比較特別,  二樓設有一間台式餐廳, 「1963 木十豆寸」 名字頗吸引, 我和朋友約了去打卡.   餐廳有兩個入口, 我們第一次去, 選了行樓梯,  好像走回 60年代的建築物, 行得有點吃力.    .   餐廳佈置是懷舊式,  門框油色脫落, 有古老收音機, 影相機, 殘舊乾花.餐廳貼滿花牆,  古老木傢具,  只是燈飾及時鐘配不上 .鋼窗配了懷舊窗花, 掛滿乾枝, 帶點飄零感.牆上有古老電話及電掣, 電線外露.  不覺吸引.古老喇叭音樂機.唱片機,收銀機擺設, 有如入了古董店.連餐牌也很舊. 木筷及木匙 , 刻有唔同字句, 頗有心思.餐牌食物主打台式, 價錢一般. 我們點了小食:   一客 4件.鳳梨蝦球 $55蝦球中形, 炸得鬆脆, 墊有菠蘿片, 配酸甜汁, 頗美味.烏龍茶香薰雞 $75烏龍茶味不濃, 煙薰味也不足, 雞的調味可以, 肉質算滑.  但雞皮算厚且肥.小魚花生炒山蘇 $80-   (限量山菜)山蘇是台南客家傳統野菜.  入口無特別驚喜.小鱼干及花生也不算好吃.  可能我愛香港口味多一些.櫻花蝦炒飯 - $88有櫻花蝦, 蔥粒, 紅蘿蔔

睇到1963 木十豆寸個招牌，真係唔知佢食咩架，我未search之前，以為係間文青cafe，但聽同事講好多人排隊。今日有朋友幫我早d去拎位，就去試下。上到去，前面仲有7個人排緊。lunch時間都預要等起碼20分鐘先入得，所以有d趕！建議下次都係book位好d！入面裝潢行VINTAGE風，黃調花紋牆紙、鐵窗花上掛住束束乾花！店內仲有好多舊東西：相機、打字機、舊木櫃、信箱，加埋昏黃既燈光，如我所料，文青CAFE的模樣，打卡一流。估唔到係食台灣野的~ 但太趕了，沒影相！我叫左一個排骨湯~胡椒味好重，少少辣！不錯，入面舊排骨都幾腍，唔會好乾好柴咁！另外叫左個香酥炸雞腿配台式滷肉飯！一上，D碗碟好靚啊！好襯成個餐廳既FEEL！原來會送一碟小吃: 醃蕃茄同木耳！ 酸酸的很開胃~炸雞腿很出色！好厚肉！外面好脆，入面JUICY! 但我麻麻地個PAT 汁！再來一定會再食呢個炸雞腿！碗飯睇落好細，食落幾飽，不過滷肉汁唔夠多！ 整體黎講，價錢不便宜，地點OK就腳，食物普通，不過炸雞腿出色，不是LUNCH時間來會好D，可以慢慢享受個環境同氛圍~