101手工涮涮鍋 (已結業)

天氣仲係持續地凍凍凍~同男朋友係尖沙咀行完街之後唔知食咩好?經過厚福街見到呢間101手工涮涮鍋，9點入座有優惠~可以一試！一半自助一半係set包既，價錢唔貴，唔知食物質素如何呢~飲品好多都係任飲，仲好有特色我地2個人坐左張大台，連醬料盤都放係隔離任fill，方便加蒜蓉加辣椒打邊爐就係快靚正啊！一下子成個set就上曬黎！哇D響鈴真係巨型！魚片都有好多塊，全部新鮮脆口！響鈴足足有個鍋咁長！我一人食一條都已經好飽！一共4條，男朋友密密地幫我食我地叫左金蟬脫殼既湯底，雖然唔知係咩但一上真係好驚喜！湯底有冬瓜豆卜仲有好多雞件！好入味而且件件都係肉，全部食得~另外有一盤好特別既材料，黑色既係墨魚膠豆泡，我都係第一次食，口感特別，最驚喜係黑松露餃子！食食下點解有黑松露味，好正！其他丸都好特別，質素非常高！唔似一般打邊爐既貨色。黎到左我既最愛啦！！！！手切安格斯牛頸肩肥牛片~好大好大的一盤！兩個人分量黎架真係好足料啊！一塊塊既肥牛片好多雪花十一十！好快食得！好嫩一D都唔硬，而且無乜蘇味，d牛肉多到好似食極都有咁男朋友繼續幫我密密食密密食...叫左水果冰茶系列：巨峰提子味同芒果味，又係好大杯，味道偏甜，

今日同個friend約左尖沙咀行街，陪佢睇名牌袋！睇完袋都諗住早少少食晚飯，可以早d返屋企！之前表姐介紹過一間台式打邊爐，定佢地叫涮涮鍋？咁我地就諗住出到黎尖沙咀隨便食埋！係open rice搵完再Google map好方便，好易搵！去到唔洗等位，可能我地早，6點幾就食！入到去都覺得地方唔錯，係唔似一般'打邊爐'咁，有返少少靚裝修地方闊落乾淨既！我地湯底就揀左三杯雞，肉類就叫左牛頸脊！三杯雞湯底好濃～甜甜地，入面既豆卜煮哂d湯，好好食，雞件好爽口好滑！真係未過爽口既雞，個煲已經好正

本來想去尖沙咀的小蟻人食甜品西餐，誰知來到已不見蹤影，查查看才知道已經沒再經營，很可惜原來位置見到一間沒有見過的台式手工火鍋，索性不如試一試，反正看著好像很不錯雖然價錢比一般火鍋店高，但食物主打手工與台式，每位會必送一set手工食材，每款都各具特色點了一個台灣沙茶雞涮涮鍋，味道比我想像中有出入，原來不是平常吃開那種沙茶醬的味道，不過吃著吃著都幾好味本來想點三重芝士雞，但怕太膩，太易濟以下兩款我覺得最具創意墨魚汁鳥結糖，外形整得好像一般的鳥結糖，食下去頗濃墨魚味，而且有一粒粒墨魚粒，非常有咬口太極冬菇係兩色既墨魚滑各半，面上有少許蟹籽，墨魚滑好厚實，而且食落去幾香，唯獨覺得墨魚滑味道不夠，被冬菇搶走了還有手工即炸響鈴與炸魚皮，嚐過這裡的響鈴才知道與其他一般的響鈴不同啊。這裡的手工響鈴浸軟之後，非常香濃的豆香，真真正正的大豆味，很美味至於炸魚片，略覺炸魚皮的炸粉有點多，不過依舊炸得爽脆每兩位送一碟的精品肉類，我們點了手切安格斯牛頸脊，脂肪不多，花紋都算靚，而且不韌，頗有牛味，可惜只有一碟，份量都唔算少既還有很多款火鍋配料無限添加，有很多款食材都很特別，完全食得出是比出面餐廳較靚菜都洗得乾淨

同朋友一齊打邊爐，大家拾下拾下同交換情報好開心呢到個台灣紅燒牛肉湯好好吃，個湯好入味，另外如果吃到咁上下要加湯嘅話，枱面已經準備左一壺湯（唔係熱水）可以自己加，唔使好似其他打邊爐咁成日要找服務員來加湯，有時都好怕找勁耐都無服務員或D服務員唔記得左D野食都幾特別，個黑松露魚皮鮫個黑松露味好重好好吃，另外個墨魚汁鳥結糖(有位服務員稱呢墨魚汁鳥結糖為黑色一條野笑死！）都好彈牙，個樣同個名好夾不過無得再追加，就算加＄都無，可惜！牛頸脊肥牛片同黑毛豬都好新鮮個大型炸響玲完全滿足我們喜歡吃響玲嘅要求加多每位$30就有海鮮吃，不過份量有D少其實佢成個餐都可以吃到6－7成飽，追加多少少就足夠，但追加嘅食物比較普通，所以我們叫左烏冬，加上紅燒牛肉湯就成為紅燒牛肉湯烏冬做總結

天氣凍都想食火鍋，食來食去都係去果幾間，走入厚福街，見到一間火鍋店餐牌有別於其他火鍋店，見到好多餸菜都係手工製作，覺得幾特別！一睇餐牌就見到極上吃到飽套餐，有曬step比我去揀，由前菜、湯底到海鮮、火鍋料、甜品飲品！湯底辣既可以選擇有台灣香辣三杯雞、紅燒牛肉，惹味既可以選擇沙茶雞、重口味既有三重芝士雞，我就揀左清清地既金蟬脫殼，睇個名都吸引，有冬瓜底！前菜先有手工麻辣麻醬手撕雞、秘製麻辣木耳，微辣爽口，絕對開胃，仲可以無限追加！打邊爐必點的手工即炸響鈴卷，浸一浸脆軟度剛好，加上脆卜卜的魚皮！時令海鮮拼有大海蝦、花甲王、馬刀貝、桶蠔，唔夠仲可以再+$30追加！肉類又可以揀一款牛頸脊肥牛片、黑毛豬肉片、豬頸肉，一碟份量都好多，肉質嫩！最特別就係特選手工火鍋拼盤，最喜歡太極冬菇，咬多多汁有口感！仲有黑松露蟹子海鮮軍艦、蟹肉餃、芝士豚肉餃，三重芝士鮮製蝦丸、墨魚丸，樣樣都口感彈牙！無限追加火鍋配料三十多款，食下娃娃菜、油麥菜，新鮮唔皺身！仲有足八吋鱈場蟹捧，咬落一絲絲，正！飯後甜品有木槺布甸混合珍珠奶茶味道，唔會甜，奶茶味道，響火鍋店黎講都係有特色！

是日行尖沙咀，知厚福街好多餐廳，自然來到呢條街覓食。見到手工涮涮鍋，唔知開左幾耐，但突然好想食火鍋，不自覺上了樓。餐廳在二樓，內部空間幾足夠，檯面夠闊，可以坐得舒服啲，很滿意二人套餐+無限追加，非常吸引！特飲，造型以已得我心，味道都幾好。可樂樽有用膠套固定，細節做的好（以前食過一間韓燒，個樽冇固定，係咁sin落來😑）上菜，份量真係超足隻蠔有我成隻手咁大（瞬間覺得好抵食呀！）其他海鮮都好新鮮，手打丸夠彈牙「安格斯牛」肉質細嫩，切片厚薄啱啱好，易入口，唔怪之店家推介「太極蟹子冬菇」個名好得意，仲諗緊咩太極，我估係墨魚汁，痴的好實，煮唔甩個響鈴真係巨型，長過我隻手，炸得脆脆地，齋食都好香。見到咁特別的響鈴真係好興奮三重芝士丸，流心芝士好邪惡甜品係「朱古力布甸」，雖然沒有甜品專門店那麼專業，但火鍋店中也算唔錯，口感滑膩，唔會太甜，仲有埋曲奇粒，造型都幾靓。配好嘅套餐品種豐富，有曬餐廳新派特色菜品，樣樣都可以食，省了食客時間，值得推崇。唔夠就自己追加，又有自由度，會再來幫襯。

來到厚福街, 已經變左一條食街了, 大把好嘢食, 但係花多眼亂, 見到一間門口唔太當眼的, 原來食台式火鍋, 同幾個朋友一於試一試前菜任食, 麻醬雞絲同麻辣木耳都係開胃前菜, 十分醒胃牛肉都幾靚仔, 肉色鮮紅, 雪花均勻, 有咬口, 唔算係入口溶嗰隻相比之下, 黑毛豬更見驚喜, 肉味更濃, 薄薄的, 很快可以燙熟即炸魚皮同響鈴, 一試難忘, 但試完又快飽, 好矛盾呀墨魚汁鳥結糖, 估不到的彈牙, 口感以為會硬後變軟, 原來係咁得意雲吞同水餃的肉餡都係松露, 松露控會失控最後先介紹呢個滄海遺珠, 叫金蟬脫殼, 原來係清湯底, 但驚喜在超級足料, 你睇下片冬瓜, 無得輸呀

早兩日天氣鬼咁凍班朋友就相約打邊爐不過食太多港式日式又話悶悶地 又話膩好在有朋友搵到呢間台式火鍋,反正未試過 就仆槌去呢間啦去到雖然訂左枱,不過都要等佢一陣因為執枱需時,好在都有兩排凳比我地坐,問題不大唔知係咪我地人多,所以比左間房我地~ 間房隔音都都幾好 成晚都淨係聽到我地成班人D聲出面真係一粒聲都冇呢度係供應手供菜式 張餐紙個賣相好得意 希望相片唔係只供參考啦事不宜遲,我地睇睇個湯底佢先有紅燒牛肉/三杯雞/芝士雞/沙茶雞/金蟬脫殼(!?)問問先知...個金蟬脫殼原來係清湯底喎..清清地都好 朋友另外吃左個沙茶雞...問清楚係分開兩個鍋~ 唔係一陣滾滾吓兩面都變沙茶雞開頭我以為係真係清湯啦~ 點知入面一D都唔清又有冬瓜/虫草花/雞脾肉/雞脾菇/紅蘿蔔/豆卜/黃芽白/洋蔥 味道一啲都唔史雲生係真好似係煲到湯咁清甜 一流沙茶雞其實同沙爹湯底唔知係咪差唔多, 個樣有啲似,不過味道幾濃郁吓..啱晒我過左冇耐啲肉同其他野入黎待應話佢地啲牛係安格斯牛頸脊,D豬係西班牙黑毛豬D豬仲分左豬頸肉同肉片 我地樣樣叫左D跟住到一大盤手工餃同丸仲有就係餐紙D手工野跟手入到黎仲有誇張得過份的響鈴同炸魚皮然後到

今日約左朋友打邊，話呢間放題唔錯，但心想做得放題既一般都係食普通野，所以就本住同朋友聚聚既心態去因爲朋友一早訂左位，所以獲安排入房用餐，方便我地傾計～仲有個大電視架～一入到去已經有小食供應(無限添食既）係大家揀緊湯底、肉類既同時，我已經食緊XD個麻辣黑木耳好好食！唔係一味得個辣字，好香～個飲品menu仲好多得意既選擇！因為任飲既關係對選擇困難既朋友絕對冇難度！人多既好處就係多選擇～今次可以試兩個湯底(沙茶雞同金蟬脫殼)其實大家都好好奇金蟬脫殼究竟有咩內容，經過店員細心解釋下就決定試下，本來店員話入面有冬瓜既意思係有幾片冬瓜啦(任食期待唔高嘛)點知原來係成個環！等佢慢慢吸收晒個湯既精華後好正！令個湯底好有層次！(事後掛住食冇影到)係等緊水滾既時候我已迅速食晒自己份既木耳(太好食喇)，同店員追加後佢一次過俾3碟！超好服務XD呢個係西班牙伊比利亞玫瑰黑毛豬頸肉(每兩位送一碟)堅正！可以成朵放入去慢慢散開～手切安格斯！一d都唔馬虎！又係西班牙伊比利亞黑毛豬！食過後一改平時對打邊食豬肉片又硬又冇味既睇法我杯野飲～盆栽特濃朱古力珍珠☺淨係狂飲佢都抵返晒！(但第二杯對有選擇困難既我黎講梗係試埋其他啦

今次已經係第二次食啦。有咩咁吸引？就係佢哋各式各樣嘅自製食材，完全有新意得來又好食！大家睇吓.....呢個響鈴有小妹手掌咁長！你又見過未呢？聽講呢個炸魚皮同響鈴都係自家製，一啲都唔油！但炸魚皮就厚身左少少，不過可能係預你浸落啲湯底度耐啲就冇咁快「林」😜另外仲有一樣係佢哋自家製又出名嘅就係墨魚汁鳥結糖。初初以為係台灣嗰隻糯米糕，但友人一試就立即叫我一定要try!有驚喜咁話喎！小妹食咗一啖之後就停唔到口！不過唔知點形容，一定要親自來試就知我講咩嫁啦👍🏻👍🏻👍🏻👍🏻登登登登⋯⋯肉肉肉！因為今次人多可以試晒D肉類，分別豬肉片，牛頸脊同埋豬頸肉。個侍應話豬頸肉係最好味不過份量就少啲！但都好夠食，因為每卷都有2-3片！果然豬頸肉係入口即溶.正正正！！!推介💕另外我覺得最正嘅就係啲飲料！因為唔係一般放題嘅普通汽水，紙包飲品而係一啲台式飲料，例如盆栽珍珠奶茶，果汁沙冰，etc。（仲要係任飲呢～)講真... 呢間做半放題style 嘅餐廳真係有heart 架！D食物水準同服務態度真是good! 值得番兜～

天氣凍，最好食火鍋，但而家天氣凍唔凍都影響唔到我同朋友食火鍋嘅意欲，今次我哋嚟咗呢間「101手工涮涮鍋」，估唔到200幾蚊可以食到好嘢👍🏻👍🏻🤗🤗🤗一坐低有前菜食，不得不推介呢個麻辣黑木耳，不太麻，好惹味！湯底我哋揀咗金蟬脫殼，入面有冬瓜丶雞件丶蟲草花，清清地好適合女仔😋😋每兩位可選一款肉類，以下是豬頸肉同埋黑毛豬，豬頸肉好爽口黑毛豬好有肉味，所以如果要我揀都唔知揀邊樣好😂😂😂，今次揀晒兩樣✌🏻✌🏻及每人會有一客手工配料手工魚皮及響鈴，兩樣都炸得唔錯，本人喜歡響鈴多啲，因為呢種魚皮加左調味😉之後追加左D配料，影低咗呢個致肥系列😂😂😂呢度D飲品不錯👍🏻食到好飽之後有朋友建議叫烏冬及米粉，估唔到呢度啲烏冬係用日本稻庭烏冬，連米粉都用新竹米粉，真係好好味，我都試左少少！追加食品一啲都唔hea，用心的店舖！

Cold and windy weather means hot pot o’clock! My friend and I arrived at 101 hotpot restaurant at six-ish and ordered two all-you-can-eat hotpot sets at around $600 in total. A warm and satisfying night. All the ingredients were of wide varieties and high quality- broth, meat, vegetables, dipping sauces, everything you name it. I would describe the hotpot set as a rich one since appetizer, drinks, and desserts were also included.Too clumsy to comment each by each. Overall, I would rate it highly

又試新野，一年四季打邊邊都唔厭，因為好like大班人一齊烚吓烚吓傾吓計！因為有朋友試過話唔錯，所以今次就決定食依間！一睇到一個價食到飽就最岩我地依d乜野都想食既人，自己鐘意叫乜就叫乜，唔駛下下就住就住，咁先爽其實我地叫左兩個煲，有台灣沙茶雞涮涮鍋同金蟬脫殼！不過我淨係影左金蟬脫殻，因為名字非常特別，而且內有乾坤，睇唔到？其實𥚃面有個大冬瓜非常清甜美味！依個秘製麻辣木耳前菜，我食到停唔到口，而且本人非常愛吃麻辣，簡直係我嘅開胃菜!平時打邊爐多數人都愛吃牛肉，但我特別喜歡依到既豬肉，係西班牙伊比亞玫瑰黑毛豬頸肉同豬肉片(名字有點長，但必食）豬肉片口感有層次肥瘦均勻手工火鍋拼盤，一聽個名就知全部用人手整出黎，可能因為我個人不太食cheese, 所以我有芝士都skip左，但我一次過食個4粒安格斯霜降牛丸，超好食！嘩！依個寫名明足八寸長鱈場蟹棒，我有朋友用手量度下真係好長！如果大家鐘意食蟹棒，一定要試下依到既飲品非常有特色，好少有奶茶系列任飲，而且好有台灣特色，最衰我一個人唔可以試好多杯野飲，如果唔係我仲想試砂冰同水果冰茶系列！決定下次再約朋友黎大食一餐

第一次去呢間火鍋店，老實講，周圍既火鍋店都係差唔多，肉味都係咁上下，但係我最鍾意呢間餐廳就係佢既Waiter。講還講，唔開名。事源就係咁，我一班朋友慶祝生日，就去到呢間火鍋店，揀黎揀去都唔知叫乜野飲好，個Waiter就同我地講：「你地最好就唔好叫個盆栽奶茶住，因為好Heavy架，最好就留到最後先叫啦。」咁我地又好聽話地真係最後先嗌；而果個Waiter送魚上黎既時候又講：「魚，全部都係魚。」我地成枱真係笑左出黎，因為佢俾我既感覺就係佢個人好鍾意呢份工，我明白到做飲食業係有幾辛苦，所以唔介意侍應係有Ｄ脾氣，但我估唔到返呢Ｄ辛苦工都仲會咁有熱誠，所以我呢個讚係俾呢個Waiter同埋杯盆栽奶茶既！

收工已是晚上九點，雖然「夜媽媽」香港依然好多飯店，但選擇不多了，難得見101手工涮涮鍋有夜市任飲任食，天氣冷人自然想拾下拾下，一於一試。環境年輕化，燈光紅紅綠綠的，不說還以為是韓燒店。安排入座後會有一張大餐紙，內容是套餐包些什麼之類，和一張添加紙（這一張內的是免費任添的配料）另外還有一個飲品餐牌，除了有酒精類別外，都是免費任飲，不過餐牌上列了價錢的，所以作為第一次光顧的食客，難免覺得有點混亂（而侍應都沒有解釋，放下東西立即離開了....） 這類不是選湯底的，是選主菜！因為同行朋友不吃辣，即使我很想吃紅燒牛肉都得放棄（哭）我們要了沙茶醬雞煲，上桌要煮滾十分鐘以上啊。內裡幾足料，不少娃娃菜，紅洋蔥等等，湯頭還不錯的！ 雞大概半隻左右，不知道是否兩人份量呢？煮得很入味，個人覺得選沙茶醬是個不錯的決定（笑） 前菜的麻醬手撕雞和麻辣雲耳，很惹味，這個是無限任添的，忍不住添了幾回～ 個人覺得啊，可以任添的配料不算很多選擇，而且質量都很普通。不過隨餐附送「一次性」的火鍋料就非常美味。 這是安格斯牛肩脊，看看色澤和肥瘦分佈已經覺得非同凡響～一涮就可以吃啊，涮太久反而會變韌，牛味十足，能媲美