101手工涮涮鍋 (已結業)

天氣仲係持續地凍凍凍~同男朋友係尖沙咀行完街之後唔知食咩好?經過厚福街見到呢間101手工涮涮鍋，9點入座有優惠~可以一試！一半自助一半係set包既，價錢唔貴，唔知食物質素如何呢~飲品好多都係任飲，仲好有特色我地2個人坐左張大台，連醬料盤都放係隔離任fill，方便加蒜蓉加辣椒打邊爐就係快靚正啊！一下子成個set就上曬黎！哇D響鈴真係巨型！魚片都有好多塊，全部新鮮脆口！響鈴足足有個鍋咁長！我一人食一條都已經好飽！一共4條，男朋友密密地幫我食我地叫左金蟬脫殼既湯底，雖然唔知係咩但一上真係好驚喜！湯底有冬瓜豆卜仲有好多雞件！好入味而且件件都係肉，全部食得~另外有一盤好特別既材料，黑色既係墨魚膠豆泡，我都係第一次食，口感特別，最驚喜係黑松露餃子！食食下點解有黑松露味，好正！其他丸都好特別，質素非常高！唔似一般打邊爐既貨色。黎到左我既最愛啦！！！！手切安格斯牛頸肩肥牛片~好大好大的一盤！兩個人分量黎架真係好足料啊！一塊塊既肥牛片好多雪花十一十！好快食得！好嫩一D都唔硬，而且無乜蘇味，d牛肉多到好似食極都有咁男朋友繼續幫我密密食密密食...叫左水果冰茶系列：巨峰提子味同芒果味，又係好大杯，味道偏甜，