龍逸軒

營業中

休息中

自從01/APR.來飲茶之後, 自己同太座都好欣賞呢度嘅點心, 雖然味道偏淡唔屬於大路嘅味道, 但要濃的點心亦做得到恰到好處的地方, 餡料方面亦交足功課,由於今個月都有開飯優惠-食物價錢打八折,所以擇日(09/June)再戰是日精品係:一小碟豆卜, 成五十蚊TEA & SNACK for two架, 味道當然好好味, 豆卜吸收咗唐芹的香氣, 雖說炸過但一d唔覺佢油膩, 小食都咁到家.點心分別係:翠翡玉免餃 $38- 外型比較須要加些想像力, 但也不減其可愛嘅外型, 饀料的帶子味鮮且甚突出, 翠翡的菜則不太多瑤柱絲炸兩腸粉chong fan $45- 一條四件,計起來成$22/條, 真係幾高昂, 老實講鋪面嘅瑤柱絲唔多, 炸兩由於係番炸嘅關係, 水分全被蒸發至0%, 食這種類似麵包的食物就好容易分辨得出第一次同番手炸的分別, 麻醬同甜醬係清淡版, 比起我們街口那間馳名"深水埗區"嘅腸粉舖起碼淡一半啦, 但個人唔介意呢樣嘢, 反而介意油條被番炸影響咗整個點心嘅味道, 所以下次唔會叫呢樣囉飽魚鮮竹雞扎 $58- 一攞出嚟覺得個面有點乾但內饀嘅魚肚/ 火腿/ 冬菇/ 雞肉 /飽魚 全部餡料都

朋友約去九龍酒店龍逸軒食中菜，高級中菜喎，好期待。入到龍逸軒，好失望，點解個中菜廳會咁細? 好似酒樓用木板間開一個Corner咁，放得十幾張枱，以高級中菜廳嚟講，氣派唔夠。朋友點了幾道招牌菜，首先是避風塘豬手。以蒜粒辣椒辣炒軟淋淋豬，超好食! 豬手淋而不膩，辣味入肉，一流!第二道，乳豬配芒果醬，ok喎，乳豬外皮鬆趣，配合鮮甜芒果醬，味道竟然天衣無縫。第三道蒜香脆皮雞，雞肉嫩滑，外皮趣卜卜，又係好食。其他一般般，但都味道合格。賣單每人$350，用citibank有8折，又有免費拍車，算抵食啦!總結幾句，九龍酒店的食物和服務一流，但環境則有點侷促。

踏入四月, 心情其實不太理想, 因為四月一向多假期但天氣則一般不太適合戶外活動, 今年更有其他鎖事揮之不去, 假期某日只是抱着走上來碰碰運氣的心態,滿座便到其他附近的茶樓吧, 可能時間尚早的關係, 剩下一枱在門口的可以給我們的, 既來之則座之, 由於係酒店中菜部, 所謂”門口”都唔似茶樓那麼多人出出入入, 待應出入一般亦步履輕盈不會製造噪音, 完全唔影響客人用餐, 全部點心價錢都偏高不過亦由於收足錢用料絕對是一級貨, 絕不會有將四粒的減一變成三之類取巧的做法, 所有醬汁都俾足份量, 這才對得住那些星星嘛,比較有印象的有以下幾款:蝦餃- 餃皮當然晶瑩, 個餡先至精彩, 蝦肉彈牙之餘蝦味亦濃郁再食到少少筍絲的香, 喜歡吃辣的可以沾少許辣醬剌激一下味覺, 唔點醬就咁食亦一樣咁享受,牛肉球- 好耐沒有這種有牛肉味嘅牛肉球了, 實在令人感動的beef meatball三色腸粉- 一次過試齊三種味道嘅腸粉, 三種都做得咁好, 用把口照單全收飽魚雞粒酥- 一碟三件連加一計都係$17.6一件完全可以接受, 一擺埋嚟陣陣牛油酥皮的香味飄至, 粒粒飽魚在中間比那些只放一隻乾淨淨飽魚在頂的好, 蠔油獻汁調味

繼續食中菜, 雖然無天寶閣咁高姿態, 仍想一試叫左蟹肉雪耳羹, 炸蟹鉗, 芝士焗釀響螺, 砵酒焗蠔, 玉樹麒麟斑蟹肉雪耳羹好多蟹肉, 材料豐富炸蟹鉗外脆內軟, 都係好多蟹肉芝士焗釀響螺真係食唔出螺肉砵酒焗蠔D蠔好肥美大隻, 好香酒味玉樹麒麟斑D斑片有腥, 金華火煺片太硬同樣係高級中菜廳, 我寧願去龍逸軒, 都唔去天寶閣起碼龍逸軒提供幾款套餐選擇

龍逸軒 – 8/10繼續食中菜, 雖然無天寶閣咁高姿態, 仍想一試叫左蟹肉雪耳羹, 炸蟹鉗, 芝士焗釀響螺, 砵酒焗蠔, 玉樹麒麟斑蟹肉雪耳羹好多蟹肉, 材料豐富炸蟹鉗外脆內軟, 都係好多蟹肉芝士焗釀響螺真係食唔出螺肉砵酒焗蠔D蠔好肥美大隻, 好香酒味玉樹麒麟斑D斑片有腥, 金華火煺片太硬同樣係高級中菜廳, 我寧願去龍逸軒, 都唔去天寶閣起碼龍逸軒提供幾款套餐選擇

要找個地方跟移居外地多年的戰友晚飯，我想是吃中菜會比較恰當，而酒店的中菜廳，應該最為穩妥。千挑萬選，定了三個Options，再由對方作最後定案，結果來了九龍酒店的龍逸軒。餐廳面積唔係十分大，勝在四四正正，檯與檯之間的空間甚為充足，不會太過嘈雜，所以在這裡傾計食飯，是合適的。人家從外地回來，或者太久沒食中菜，吃什麼東西也毫無頭緒，那點菜的工作就交由我來吧。主菜到之前，大家食少少前菜頂頂肚。一小碟胡椒豬肚竟是這裡的前菜，挺特別的，豬肚爽脆，有少許胡椒的微辣，估唔到又幾好，我倆都可以清碟。心想，十多年冇見，不要吃得太差吧，於是要了玻璃蝦球，按位上的。虎蝦真的超巨型，可是刀功麻麻，看不出精緻的雕花，賣相是除了Size外，跟海景軒的差距甚遠。然而，蝦肉質地是彈牙，鮮甜可口，配合咸香的金華火腿吃是天衣無縫，蠔油和蝦醬亦顯得無用武之地。想食雞，在幾款做法之中挑了胡椒雞。無疑，雞肉是嫩滑，雞皮當然好食，亦有點鮮味，是好貨色來的。可是，我點的是胡椒雞，卻吃不出胡椒的味道和蹤影，因此我不是很滿意的。詢問過對方意見，都想食少少辣，便來個避風塘豬手。侍者把豬手送上桌時，我已心感不妙，為何只得咁少的蒜粒和辣椒?

來到農曆八月十五，祝大家中秋節快樂！團團圓圓！開開心心！還未到中秋，傳統月餅，冰皮月餅，雪糕月餅，朱古力月餅都已吃過，奶皇月餅還未吃。上年錯過了訂購半島嘉麟樓及九龍酒店龍逸軒的奶皇月餅機會，今年中秋前三個月，已經托朋友預訂一盒龍逸軒奶皇月餅，可惜訂不到嘉麟樓的。打開棗紅色的盒子，一盒八小件奶奶皇酥皮月餅，外型精緻呈金黃色，印有龍字於面。相比起嘉麟樓的奶皇月餅，用的是八角型的盒子載著，感覺好像較得體較高貴。拿起一件奶皇月餅，已聞到陣陣牛油香味，酥皮非常鬆化，餡料與酥皮有點分離。不知是不是太鬆化，其中一兩件，一用手拿起來，酥皮面已經碎了。內裡的香濃奶黃餡料軟綿幼滑，濕潤帶沙，甜而不膩，鹹蛋黃的份量不會過多而蓋過奶黃味，一吃愛上。八小件奶奶皇酥皮月餅，我肯定兩天內會給我和家人吃掉，加上製作過程沒有添加任何防腐劑，所以回家後要放進雪櫃雪藏保存，並要在一星期內食用。從雪櫃內拿出來後，可放進微波爐加熱再食，番熱後酥皮依然鬆化，奶黃餡料依然保持濕潤幼滑。雖然，八小件的確有點不夠喉，但不同種類的月餅，每款吃一點，都有十多件要吃，都是少吃多滋味較好。可惜未有機會試嘉麟樓的奶皇月餅，很早預訂都已經沒有，唯

之前公司飯在這裡開過餐, 覺得不錯. 所以這天便選了這裡預祝父親節.雖然不是公親節正日, 但好不容易才找到這裡還有枱可訂.點了以下菜式: 1. 避風塘豬手 - 好味推介 2. 生菜包蝦鬆3. 西芹炒肚尖4. 炒鵪春甫5. 頭抽煎蠔 - 很大隻的蠔~! 煎得很香! 我的至愛!!6. 咖哩蟹炒飯 - 咖哩味濃, 但蟹肉太少了每道菜各有特式, 味道不錯. 不過上菜後才有點後悔. 因為(2)-(4)都是炒粒粒. 尤其(2)和緩4)都是生菜包(菜牌上沒寫明的)!不明為何點菜時侍應沒有提醒. 希望下次有這個情況下會被提醒. 可試多點不同菜式.除此之外,整體服務不錯. 用某VISA有85折. 以酒店來說並不貴呢!但回來後看OR才發現有8折COUPON呢!下次開飯前要做好準備, 看多一點呢~美中不足的是, 忘記帶相機/電話, 所以沒有為美食拍照!

continue our hotel restaurant series~ a small chinese restaurant. services were in general attentive. not really understood what happened, but we waited for a long time before the first dish came, all of us were starving. we looked around, one or two small tables like us were also waiting for food. there's a big table of japanese guests, whom the waiters were busy with, and that's the reason they told us the kitchen was tied up with that table. i can't understand the reason - either the bi

公司有人要走,係度book左一圍食飯~ 今次食個d野都好特別~乳豬配芒果醬: 平時通常都係乳豬醬,原來芒果醬係另有一番風味!焗釀響螺: 呢個好好味,同埋佢係勁香~炒星斑球: 呢個斑球都炒得勁入味呀!原個椰王燕窩杏仁茶: 呢個都好好食,真係有燕窩係入面架!呢度個環境都好ok,唔會好迫~ 同埋唔會太嘈服務一流,會幫你加茶加飲品,同埋侍應的態度都好!

上個月同honey食生日飯, 就選擇左九龍酒店既龍逸軒~ 四圍環境好寧靜, 好舒服~ 而且唔多人, 最岩傾下計~ 服務更加唔便講~今次揀左"蟹蓋魚翅套餐'' 小菜就有6款揀, 2個人揀2款~ 1. 花膠雞絲翅 一般~2. 鮑粒燕液焗蟹蓋 入面仲有蟹肉, 不過洋蔥就多左d~3. 蒜香鵝肝煎牛柳 鵝肝輕輕炸過鎖住d味, 入口好香好滑~ 正! 牛柳都好'林身' 火喉岩岩好~~4. 翡翠鴛鴦蝦球 好爽, 好彈牙~ 仲好大隻~ 正! 5. 瑤柱蛋白帶子粒炒飯 炒得幾乾身~ 食到依度已經好飽~~ 6. 楊枝甘露布甸 一般般~7. ''奶皇壽包'' 因為我唔食蓮蓉豆沙, 特別orderd奶皇壽包~ 入面d奶皇係奶皇月餅個隻~ 好好味! 環境寧靜~ 服務一流~ 食物有水準~ 值得推介!!!

記得上年中秋吃過了朋友送來嘉麟樓的奶皇月餅，早已覺相當的不俗。此時登時想起了與之一時瑜亮的九龍酒店的出品。查實去年太座已嚷着要試試，但最後卻因過了預訂期才知道，因而錯失良機。今年太太不敢怠慢，早早提醒要訂些來吃，故此早在個多月前自己已填表購買了原來預先訂購是還有折扣的真正是早買有着數呢....急不及待比拿貨時間早了幾天去攞，原來已有許多人跟小弟一樣想法，所以去到還需排隊，等十來分鐘才拿到手...包裝跟嘉麟樓的一樣典雅精美....一盒八小個。小弟嚴格上不會吃太多 (因自己一向不是月餅狂迷)，只是一個起兩個便止。其他的，就留給太座獨賞好了....樣子的的骰骰，有少許像棋子餅的樣子。隱約在餅上看到一個"龍"字...試咬一口，餅皮馬上粉身碎骨，是鬆化得可以；吃時感受到一咲濃烈的牛油皮香；餡內的奶黃比想像中沒那麼硬，吃多兩口還能吃到有少許蛋黃粒；甜度是甚足的，但卻不過膩。與嘉麟樓的相比，可說是不相伯仲....看來下年度的月餅quota又有着落了....

個同事買咗盒九龍酒店迷你酥皮奶皇月餅請全公司食！我又有口福嘞！包裝不揚，味道不錯，媲美半島！同樣美味！其實，我係第一次食九龍酒店奶皇月餅。喺屋企食過半島奶皇月餅，可以比較一吓！( 上篇食評係半島奶皇月餅)我哋已經將盒月餅放雪櫃，由於公司無微波爐，所以擺出嚟解凍最少一個鐘。唯一缺點只係無獨立包裝！我食咗一個九龍酒店奶皇月餅，感覺上九龍酒店奶皇月餅比較厚身，奶黃餡自然多啲，同樣係甜而不膩，食到有一、兩粒咸蛋黃粒，月餅皮夠鬆化有牛油香味但一樣易散。

好友再度聚頭，找個寧靜一點的地方舒舒服服嘆吓茶。跟老友食家不斷"飛紙仔"互道心水選擇，最後揀了這個我倆都沒有試過的地方.....這裡的奶皇月餅十分有名，今年的中秋小弟也湊湊熱鬧訂了兩盒用來送禮及自用。聽說除月餅之外，點心的水準也是不錯。現在人多來訪，能叫多些東西試試，那就可以一辨真偽....環境及服務都屬中上水平，這應是可以預期的。看看點心紙內的選擇，除了很傳統穩陣的如蝦餃及燒賣等之外，還有好些較新穎的如炸菜神户牛肉包等等。花款倒也不少。既然如此，那便兩類型的都叫來吃吃吧.....酥皮义燒餐包 ---- 一向是小弟之偏愛。這兒的一碟三小個，的的骰骰，細細粒不易飽肚。菠蘿皮頗香脆的，甜度適中，包身亦很軟熟，但义燒餡沒有爆漿效果，用的义燒亦偏瘦。吃完後亦未能留下深刻印象的一道小點.....蝦餃 ---- 澄皮的摺數甚多，質感亦煙韌，厚薄適中；餡是差不多全蝦的，尚見鮮味，不過小弟一直較愛有多點肥肉及筍粒的相對亷價貨色。當然不能說這兒的不好吃，只能說未合自己口味而已....三色蒸腸粉 ---- 以鮮蝦、义燒及素菜作餡。皮是夠薄了，但卻薄至未用筷子夾起已先穿掉，那就未免差勁一些了。餡料的鮮度及份

士多啤梨骨：個醬好似m記個早餐個jam 咁，同d 骨好match，很好。鮑汁豬手：豬手夠淋，入味，不錯。砵酒焗蠔：炸功極佳，蠔肥味鮮，必吃。服務：侍應服務非常周到，連你用邊隻手食都注意到，然後將餐具放返係就你手既地方，這裡是我吃過服務最好的地方。環境：坐的不錯，舒適；空間感夠。價錢：相當合理，用了openrice coupon 有20% off。結論：中菜必到之選。