龍逸軒

營業中

休息中

有人請飲茶.....叫到成檯點心....樣樣都好味....除左硬到似乒乓波的山竹牛肉......我平時好鐘意食牛肉...但係真係未食過咁難食的.....硬屈屈到死.....臨尾整左碟海鮮炒飯....料多又好味...十分!當日食食下有隻烏蠅係檯面盤旋.....要扣分呢樹坐得舒服...點心又好味....可以再黎.....

今年率先試了九龍酒店的奶皇月餅, 是八個裝迷你版的, 跟半島的形神皆似~ 一問之下, 才知道他倆是同系而出的~ 回想當年九龍酒店還是屬於半島的集團, 而奶皇月餅就是那個時候創製的, 多年後, 他倆就猶如孖生小孩分開在兩個家庭成長, 雖然形神相似, 但總有不盡相同的~相似的就是兩間酒店同樣堅持全人手製作, 而且形狀大小差不多, 不相同的是九龍酒店的奶皇月餅外皮色澤較金黃亮麗, 吃起來較香脆, 半島的則較鬆化, 帶點油香, 但稍為用力拿起都會弄破月餅的~ 而奶皇餡方面, 兩款出品味道質感不一, 但也夠香滑, 個人偏好九龍酒店的香甜, 也不會太過死實~上年不知道九龍酒店有同類的奶皇月餅, 還一口氣的在半島訂了不少~ 所以今年到目前為止, 還在想想訂那一間, 始終用半島出品來送禮夠體面~ 唉~ 訂月餅真是麻煩事~

上星期寫過一篇但係唔見post出嚟, 惟有再寫過啦............對上一次是裝修期間來, 結果喺cafe食點心, 都幾搞笑見重新開張, 12/7又來飲茶想book1:00, 小姐話full, 惟有改1:30結果1:20到, 1:00批人都未入座, 而我地就要1:40先安排到兩個人食咗蝦餃 - 普通, 皮淋, 蝦肉好似唔新鮮灌湯餃 - 最好係呢樣鳳爪 - 正常, 但預先起咗掌骨, 夠細心牛肉球 - 死死實實, 墊底係honey最憎嘅小棠菜鮮蝦腐皮卷 - 呢個好味, 蝦肉亦彈牙xo醬炒腸粉 - 竟然係甜嘅, 而且腸粉好實, 十足係交來一樣, 酒店中菜廳唔係咁呀?蟹粉小籠包 - honey嗰粒無蟹粉, 投訴後改番普通小籠包, 但我食兩粒都正常喎, 呢樣ok啦枱同枱隔得幾開, 空間感足夠可惜係服務同食物都麻麻人手足夠, 對熟客好熱情, 我地呢類寒客就較冷淡but最失禮係當住客人面前頂咀埋單又出事, 無端端多咗樣xo醬蘿蔔糕, 好在我有對單誰知仲有下文...........到傍晚我地齊齊肚痛, 如無意外都係同呢餐有關

自從佢既前身「海逸軒」冇左之後，我地成家去搵好點心食真係難上加難。但係，於某日，在公司上上下網，得知佢以另一名稱開返，嘩。即刻又黎個群眾煽動，父親節犧牲一次返Church時間食左佢。開頭既服務說實話麻麻地，明明Menu有「玫瑰白牡丹」竟然話冇，而Waiter主動性又不足(兼且少人@@")，但後來多返少少人飲茶，叫左D野，就冇理咁多。首先登場既係我必食Item蝦餃同老豆介紹既鳳眼餃@@"蝦餃依然爽口但係個皮就冇以前咁入味，反而鳳眼餃就有驚喜。燕窩面好爽口之餘襯返海鮮餡好有口感=]到XO醬炒腸粉啦。一食。當年既感覺返晒黎辣就唔算好辣但香口惹味而且唔算好多油，結果到左中場怕卡路里的媽子欣然接受千六卡路里既「XO醬乾炒牛河」=]到左春卷啦，雞絲同菜絲夾到，清清地，唔算膩口。最後到甜品啦。一高一低。低既係楊枝甘露布甸。布甸果味唔足，而楊枝甘露亦冇奶味，比龍景軒差太遠啦。高既係芋蓉糍粑。軟Q但唔太黐牙，芋蓉無論係質感同份量都對辦。講點心，呢度依然個人心目中數一數二。不過事前服務再好D（雖則我漏左把遮即刻有人Call返，呢下都唔錯)就更Perfect了。