鼎王麻辣鍋 (金巴利道) (已結業)

又有過江龍餐廳出現係尖沙咀，鼎王係台灣火鍋界出名就眾所皆知，而家係香港開左店鋪，今日就去一試究竟。湯底有三款，淨麻辣鍋，酸菜白肉鍋及鴛鴦鍋。湯底是按人頭計算，鴛鴦鍋每位HK$68，其他就每位HK$58。麻辣湯底，很濃的麻香味，吃下去不會說太辣，不太能吃辣的朋友也適合不過。湯底配料勁多，有不少鴨血及豆腐，兩者經麻辣火鍋滾過後，更入味。湯底的鴨血及豆腐是任吃的，店員見你鍋肉湯底所淨無幾，就會幫你添加，很暖心。酸菜白肉湯底，也是任吃的，酸菜白肉一定要配餐廳特調的醬料，醬料是麻醬加腐乳味，配酸菜白肉十分match 。Order 了特選牛肉，招牌川丸子，滷豬肚，蔬菜拼盤等。 牛肉大大片，配埋麻辣湯底，咬落啖啖是肉。滷豬肚很入味，本來已經熟了，再下湯數分鐘便可進食。豬肚很軟熟，容易入口。其他配菜也非常新鮮。

之前係網上面見到鼎王麻辣鍋黎左香港就一定要試下！所以今日同朋友中午就去左食個麻辣鍋。一上到去，成個感覺係幾簡潔 裝修偏向中國風，很有味道。我地坐左4人卡位 服務員向我地講解點單程序。服務員很有禮貌，亦非常耐心講解。首先店員比左一壺水蜜桃果茶，味道清淡，配合火鍋一流！🤤我地今次點左豬腩肉，滷大腸頭，日本黑豚肉手打丸，一品蟹滑膏及老油條。湯底我地點左鴛鴦鍋，係鴨血豆腐麻辣鍋同酸菜白肉鍋。首先講下個麻辣鍋，我地本身都唔係好食得辣，店員比左個小辣我地，食第一口鴨血既時候驚喜就黎喇！係完全接受到既辣度😍，鴨血配麻辣湯底好好食。另外酸菜湯底比較清淡，味道新鮮！滷大腸頭無論擺係麻辣湯底定酸菜湯底都好入味，一定要點這個，十分推薦！😍黑豚肉手打丸好有口感，豚肉味好突出，好滿意。蟹滑膏係自己一粒粒刮落湯底，大小隨你喜歡，呢個都好鮮甜，口感偏向軟身，十分好吃。老油條要放落湯底浸一浸就可以食了，好入味。豬腩肉切成薄片，易入口，好鬆軟，配麻辣湯底更好吃！😍整體十分滿意！下次一定會再帶朋友黎食！😍

第一次試台式麻辣火鍋, 真係有驚喜~星期六, 一行三人, 一早訂位, 原本想晚上享用,可惜已FULL BOOK,店員指你可以WALK-IN,但需要預留約45分鐘等候時間, 那麼, 不想等, 只好轉食下午火鍋.當天來到, 目測都坐滿客, 店員好細心講解醬料及紙巾的位置,I-PAD落單用法及每碟食材份量(有問必答), 然後再續一把鍋奉上, 麻辣鴨血糕與豆腐是無限增添, 一上檯已經可以嘗一嘗, 嘗後, 真的不太辣,麻味都不太覺,還有少許香料味. 試了鴛鴦鍋, 另一邊是酸菜白肉(豬肉片)及少許薯粉, 也是無限添加, 十分合適吃不到辣的朋友. 店員好用心留意每一檯鍋裡餘下鴨血糕與豆腐數量, 會自行為客人添加, 真的要讚賞他們的服務,是先急客人所需為前題, 不會要客人久候沒人理采,更不會給客人面色一張不想活樣子, 客人才會覺賓至如歸.如圖, 落了, 牛小排 X2, 肉丸, 蛋餃及牛筋.白飯是任添的, 牛小排都幾好食, 肉丸為何手打都覺得一般, 可以瘦肉較多, 蛋餃都好味, 最後牛筋十分好味, 是必選的.十分享受台灣人服務, 雖然貴, 每人$4XX, 但會心都覺下次可以再試下. 

員工服務不錯，入座到離開員工都非常友善，門口有熊寶寶供客人使用，此服務需要一讚很窩心，但食物選擇不多，大扣分。麻辣湯底鴨血同豆腐都任食，但鴨血不夠滑，豆腐只是普通煎煮豆腐。湯底亦不夠麻同辣酸菜湯亦不過不失 唯一可取之處只有「任食」炸魚皮不錯 夠脆夠薄和牛份量少 口感一般烏冬一般 性價比偏低丸類只有干貝可取 綜合種種 以本人個人立場 食物水準性價比偏低可一不可再

台灣好出名既鼎王麻辣火鍋黎到香港啦～同同事拿拿聲ʟᴜɴᴄʜ ᴛɪᴍᴇ 去食要左鴛鴦鍋底 係麻辣+酸菜白肉店員全部都非常有禮貌 亦會主動加鴨血 豆腐等等既湯料可以瘋狂咁食🤤仲要白飯任裝添呀❤️桃茶🍑好香 我好中意飲呢個～.五花去骨鮮牛 肉質平均 下湯10秒即食😏👍🏻質素黎講算係不錯 重牛味.粟米同菇類可以預先下湯 粟米🌽鮮甜 都係我好喜歡既嘢食如果有埋南瓜就更正了‼️🥰.滷豬肚本身已經係熟既 呢個我sᴜɢɢᴇsᴛ落去麻辣湯會更入味 豬肚都幾爽口 同鴨血一齊食😋正.呢度每張枱都有ᴜsʙ充電插頭🔌就算唔夠暖 都有羊毛披肩可以借💜不錯呢～

之前已經有留意到台灣鼎王來港開分店，加上朋友話試過個酸菜湯好正，今日經過就試試了。.一入去已經感受到好親切的台灣式熱情服務。😳裝修和制服好中國風，充滿古典味，環境雅緻，座位舒適。加上桃茶，用在火鍋解膩別有一番風味。.點菜用iPad，好方便。我們點了出名的麻辣及酸菜白肉鍋，可以任加湯、飯、豆腐和鴨血。鴨血和豆腐是配麻辣湯底，湯底很濃郁，有中藥成份，不會太油膩。鴨血是超級好味✨，唔似一般鴨血，有口感而且唔易散開，由於本新已經調好味，好入味！不會說岩岩加就無味；豆腐如是，不過個人最愛鴨血，香港一般其他地方真係食唔到。至於酸菜湯底，有蕃茄🍅調味，唔會好酸，酸中帶甜，我們直頭當湯咁飲，好好味。✨其實一開始聽到湯底要每人收費$68都覺得貴，但可享受到兩個湯底，又可無限加咁高質的配料和湯，都覺得價錢好合理。.鼎王的醬料選擇不多，不過秘製的麻辣沾醬很香，應該有加醋，加上蔥和本新麻辣湯底已經很夠味。.配料方面點了特級牛肉、豬腩肉。紋理都幾靚，肉味香濃。黃金魚蛋外貌普通，但食落口意想不到好足料，而且大大粒好彈牙。至於一品蟹滑膏，又是十分足料，而且非常鮮味，推薦一試！.同埋服務真的超班，每個員工都會鞠躬講解

之前有朋友食過話好有係台灣食火鍋架感覺！直時叫男朋友去啦！條友要我請先去囉。。。為左再感受到台灣鴨血！我唯有請佢啦！！！去到服務員好！好熱情！但又唔會令你覺得好煩！點到即止！ 環境唔會好迫 空間感好大 正！有熱茶飲！水密桃茶黎！！唔錯！！一坐底叫左個2個鍋底！ 一位68蚊！！！酸菜湯底少少酸帶住d清甜！仲有d豬肉 ！麻辣鍋！！我最愛！！！可以加辣架！！！中辣就叉唔多！！！鴨血 丫 可以不停加丫！！口感軟綿！唔會好似香港果d咁！一夾就断開！仲有d粘口！濃濃架血丫！！！條友知道唔洗佢比錢！叫左和牛丫！！ 不過質數好好！滿滿架油脂！肉脂完美架混合！（半生熟覺得最好）為過冬做好準備！！老油條！要滾到佢軟中帶硬就正啦！！一次食晒2個口感！鹵水拼盤！有腸頭 金錢肚 豬肚 腸冇異味！滾佢耐d！吸多d麻辣！夠淋！爽！粉就冇咩特別！！！又係一個肚滿腸肥架晚上！！（銀包暴度瘦中）

女朋友話發現左一間真係好有係台灣食果時架感覺！！為左要我陪佢！佢話請我食！咁我就當然去啦！！！ 一去到服務人員超親切！！環境超靚！仲有d真花係到（因為食食下真係有朵花掉左落黎）咁講下野食！叫左 鴛鴦鍋！！一位68蚊！！有酸菜同麻辣！酸菜！有大量的娃娃菜 同d豬肉（可以狂加） 好清甜中帶點酸！麻辣湯就有大量鴨血同硬豆腐！怕辣架話可以叫少辣！可以要求加辣度！鴨血同香港食開果唔同！ 唔係一爽就散！有粘合架感覺！！豆腐就係要滾到最中後先好食！吸多d味！服務員推薦a4和牛 話佢地包左果個農場！少少生咁食會正d！入口真係好有油脂！不過我個人覺得酸菜同和牛夾d！點埋佢個腐乳汁好夾！！老油條就同麻辣夾d！滾到佢半淋果時食就最正！因為仲有d地放係脆但又吸晒d汁！拼盤就要一開波就車晒佢地落去！等佢地滾耐d吸晒d味先正！！腸頭清洗得夠清潔！冇異味！又夠淋！吸埋d麻辣味！冇得輸！！個粉就冇咩特別！酸菜果面都有少少可以唔洗叫！！！出面仲有白飯任食！貼心位有usb頭比你可以叉電e下好好！！真係有我以前去台灣食火鍋架味覺！！！！好在唔洗我比錢！

12月進入我最愛的打邊爐的季節，天氣轉冷又想食啦。近年有好多過江龍來到香港，台灣的「鼎王麻辣鍋」我確信有一定吸引力，全因正常的晚餐時間可以滿座。朋友好不容易終於訂座成功，恰巧又是寒冷的冬天已到的一天。入內全走木系設計的格局，每位的侍應的製服都古色古香，殷勤款待每一位的客人。店內全走電子器材落單，節省不少人手的功夫。另外桌身會有差電的位置，可供客人享用相當貼心。鴛鴦鍋 $136湯底方面只有兩款的選擇，有別於其他火鍋店此店以人頭每位計$58-$68 不等，有麻辣窩及酸菜白肉鍋；前者單點了中辣，溫和的辣度並不搶喉而且可以無限添食鴨血及豆腐相當滋味。後者的酸菜白肉鍋以天然醃製酸菜，酸度微酸容易入味配上白肉及粉條，相當美味。五花去骨鮮牛 $188香港人打邊爐又點少得牛呢？厚切的五花去骨鮮牛，去骨鮮牛紋理平均脂肪不高，沾上麻辣湯的醬汁，令人回味無窮。梅花豬肉 $108豬肉亦是以厚身為主，豬肉的口成帶有煙韌，喜歡肉食口感的朋友必定喜歡。蛋餃 $78台灣最出名之一蛋餃，來自店直送相當有風味，皮薄落餡靚又不穿，滿滿蛋香值得一試。招牌川丸子 $68丸子成為招牌之物，的確不容忽視。細小的丸子，粒粒彈牙而有嚼

每次去台灣，吃麻辣火鍋幾乎是指定的動作，必去的火鍋店，當然是鼎王。想不到，鼎王竟然在尖沙咀開鋪，無辣不歡的我當然要去潮聖。由於怕多人，今次吃的是午市時段，以為人不多，但平日的入座率都有七、八成，真係看得出香港有幾鍾意食麻辣火鍋。餐廳下單電子化，用枱上的Ipad點菜即可，十分方便。湯底方面，要左一個鴛鴦鍋，味道點了中辣中酸，配菜則點了上選牛小排、綜合丸、蔬菜盤和老油條。如果問我湯底的味道與台灣有什麼分別，我會答: 一樣。麻辣依然是辣勁十足，香料味層次豐富，而醉菜都是酸酸醒胃。食麻辣火鍋，牛肉當然不可缺少，這裡的牛小排質素高，肥瘦平均，肉味濃，綜合丸也不錯，當中的蝦丸有原隻蝦仔，用料十足。除了湯底和食材，不得不提是餐廳的服務，侍應的服務相當貼心、有禮，幾乎拋一拋眼神，侍應都知道食客的需要。所以，雖然香港店的價錢比台灣貴，但食物和服務都是頂級，十分值得推薦。

今回選了過江龍 - 鼎王，之前在台灣吃過它們馳名的酸菜湯底，記憶特別深。本身不愛吃甚麼酸辣酸菜呷醋等等，因為每次吃到的味道都是死酸，好像吃了檸檬一樣咪眼嘟嘴。那次到台灣卻因朋友強烈要求必吃，唯有跟著去。一試不得了，鼎王的酸菜湯底打破了我對酸菜的抗拒，酸度容易入口又好醒胃，更加去了油膩帶來的飽滯感(變相再食多D....哈哈哈)。今次點了鴛鴦湯底(酸菜-少酸/麻辣-中辣)，少酸程度非常容易入口，喜歡吃酸的可以選中酸或以上，嗜辣的人可以叫大辣，因為辣度頗輕微點菜時，服務員已端上了一壺熱茶。就在等候期間，百無聊賴呷一呷茶……嘩！好香的水蜜桃味！好味呀！一來就把味蕾打開了！！二來當然開始打邊爐啦！麻辣鴨血+豆腐 - 吸收了湯底的豆腐當然入味，而鴨血夠味有質量不削，配麻辣湯的確一流！記不起追加了多少回，食鴨血都食飽。酸菜+白肉 - 2樣一起吃，好和諧；分開吃又得。特級牛肉 - 有質感，灼幾秒剛好。日本黑豚肩肉 - 肥瘦適中，放麻辣湯更惹味。手工花枝丸 - 混了丁方花枝丸粒增加了嚼勁。豆皮 - 既不是響鈴也不是炸枝竹，豆皮的質地和泡浸時間都介乎於前面倆者之間，它可以吸收湯底比響鈴多，質地不會一咬即碎

以前在台中吃過鼎王記得環境十分舒適吃得很舒服食材新鮮湯底香而不膩第一次在香港打邊爐吃得這樣優雅氣氛很好侍應態度良好 有禮貌不停為你添加鴨血和酸菜鴨血煮得非常入味有口感任食這回事真的覺得划算今次點了鴛鴦鍋麻辣不嗆鼻又吃到香辣的味道啊酸菜酸度剛剛好有蕃茄 豬腩肉做配菜想不到在香港也能有種高質的感覺再點了一碟牛肉 老油條 豬肚 蛋餃 蟹滑浸油條在麻辣鍋真好吃吸收了湯底的精華啊！我想我會再邀請朋友過來試一試呢！！！！！

由於新開張⋯預約晚餐都要一個月前⋯一行6人都滿心期待呢一餐⋯揀咗鴛鴦鍋底..酸菜&麻辣..食物嘅種類都好少⋯肉類得10款左右⋯菜類只有幾款左右⋯湯底味道方面非常非常普通⋯酸菜唔酸⋯麻辣唔香又唔辛辣⋯安排店員加辣加酸⋯味道依然非常普通⋯大家都好失望⋯佢有限時90分鐘⋯係訂位時間計起⋯所以要留意番準時攞枱⋯至於價錢⋯也不便宜大概300至400⋯清單上寫湯底是每位$70蚊⋯按人頭計算⋯實在唔建議大家來嘗鮮

講起台式火鍋 鼎王絕對係台灣其中一間出名而家唔洗去台灣啦 原來香港都有鼎王食 即刻約朋友黎試試！我地晏就黎食 冇乜人 好好彩唔洗等位！呢到座位都好寬敞 服務亦係超好 服務員會鞠躬好有禮貌 係顧客至上既表現另外座位有usb插頭可供叉電  櫃桶都有濕紙巾牙簽等 落單就用ipad既 仲有壺桃茶可以任飲 好清香整體感覺都好方便好舒適首先揀左個麻辣＋酸菜湯底 鴛鴦鍋$68/位重點係有得無限添加鴨血,豆腐,酸菜而且仲有白飯任加 個湯底送飯都一流白飯係醬料區隔離 都係自助任添加酸菜湯底都好好飲 一直加湯 一邊食一邊飲鴨血豆腐有得任添既 都十分高質 兩樣都好入味鴨血我要極力推介 係好有口感彈牙又好食本身我唔會食豬紅鴨血 今次都唔小心愛上咗特級牛肉牛肉都好鮮嫩 配上麻辣湯一齊食吸哂湯底既味道 辣辣地又不失牛味一品蟹滑膏好香甜既蟹滑 有少少蟹籽係裡面又滑又彈牙 又咬到有蟹肉 好食其實食任加既鴨血豆腐 配埋白飯都好夠飽當然都想試埋其他食材 果然都好高質食物服務都好好 都會想食多次

裝修得好細緻好有中國嘅特色 而且仲放咗幾款好靚嘅蘭花令人賞心悅目座位都坐得舒服 唔會好迫 鴛鴦鍋湯底可以無限添加酸菜白肉鍋入面有娃娃菜 蘿蔔 豬腩肉等等麻辣鍋湯底入面有好多鴨血同埋豆腐 精選滷拼盤已經滷好咗建議滷水嘅配料放入麻辣鍋到煮5至7秒等佢吸咗辣湯嘅精華然後肉類方面我哋選擇左上選牛小排油花分布都好平均 食落去牛肉味好濃丸類方面我哋就點左日本和牛手打丸同手工花枝丸呢兩隻丸都係水準之上 十分出色另外我哋重點左金針菇 粉條 豆皮等配料豆皮有驚喜 有香濃嘅豆味以後想食麻辣鍋唔使去台灣呀留返係香港就得😗😗😗😗😗😗😗