鼎王麻辣鍋 (金巴利道) (已結業)

當你一走進店內，這家店的服務員會用普通話同你打招呼，好似去咗台灣咁呀！然後佢地會細心指導顧客落單，服務質素相當優質。近年少見！環境優美舒服，一坐底就有蜜桃茶，淡淡蜜桃味，解下油膩真係唔錯。湯底選擇方面有麻辣鴨血鍋、酸菜白肉鍋，當然揀個鴛鴦鍋試均晒兩款啦！酸度同埋辣度可以按個人喜好自行決定。無限refill鴨血及豆腐,啲鴨血吸收晒所有湯底嘅精華特別入味，係味蕾嘅享受啊！豆腐吸收左濃湯非常惹味。醬料方面：呢一間店舖好貼心咁樣已經幫你調配好晒，客人只係需要自行加上蔥花及芫荽等配料就可以啦！仲要幫你分清楚兩個湯底分別要點嘅醬料係咩。完全唔需要你煩惱。跟住就係要講下香港獨有嘅A4和牛，口感上：肉質非常新鮮嫩滑，牛肉味重。視覺上：脂肪比例均勻有致。蜂巢豆腐就爆汁入味。

這段期間大家都十分注重清潔，而鼎王門口就備有酒精搓手液，入座後店員亦會提供白紙保存口罩，更在下單前為點餐的平版消毒，令客人食得安心。鴛鴦鍋底（$68/位）鼎王最出有名的，當然是無限添加的鍋底。麻辣鍋除了香濃惹味，超嫩滑的鴨血和非常入味的滷豆腐讓人吃個不停。不時呷一口酸菜湯，又可紓緩麻辣鍋濃烈的味道，清新解膩。御選小羔羊（$158)愛吃羊的朋友必點！燙大約十秒，肉質呈粉紅色時，鬆軟又美味～蛋餃（$78）蛋皮十分嫩滑，而且不失蛋香。餡料偏油，但份量不多，所以不算太膩。招牌川丸子（$68)小小一顆川丸子，帶濃濃豬肉香，亦非常彈牙，如果混入多點香料就更完味美了～最後鼎王提供的是蜜桃茶，一開始不太習慣熱茶有蜜桃味，但會喝到上癮，愈喝愈多。

台灣人氣火鍋店終於登陸香港 之前剛開張嘅時候一直都book唔到位 今日竟然誤打誤撞 午市時間walk in有得食由於而家武漢肺炎嘅關係 餐廳對衛生方面都好高要求同埋好有意識 門外設有消毒酒精搓手液 每位入座嘅客人都會派發一個膠袋放置口罩 以及職員都有戴上口罩 能讓食客食得安心又放心湯底方面揀咗鴛鴦鍋 鍾意食辣嘅我 揀咗麻辣湯底(大辣) 湯底已經有鴨血及豆腐 而且還是無限追加的 鴨血煙煙靭靭 好厚身 口感超好的 完全入曬味 非常好吃另一邊是酸菜白肉鍋 同樣酸度是可以選擇的 酸菜同樣是可以無限追加 酸酸味味非常開胃 白豚肉質素非常上乘 肥瘦均稱 又厚又好咬口職員服務殷勤 經常為我們調教火爐的大細 並且常常為我們加湯 本人非常喜歡的一點是 即使加湯 也是加厚湯 不會欺式湯底的味道 而且 鴨血，豆腐及酸菜 無限追加 絕不吝嗇 非常大方豆皮配這個麻辣鍋完全是冇得彈的 口感比響鈴還要豐富 更加有飽肚感 質地煙煙靭靭 完全可以吸收湯底嘅汁 食落去有爆汁嘅效果日本廣島蠔 又大又肥美 裙邊爽脆 蠔身鮮甜又多汁 而且份量好多 好抵食滷牛筋 已經滷得好入味而且好淋 非常喜歡骨膠原的食物 黏住個嘴嘅感覺非常好

呢排大家都好少時間約出來見面，難得今日大家都有時間可以出來聚一聚。鼎王麻辣鍋系台灣好出名，我今日終於可以系香港一試系咪真是咁正先。湯底是每位收費的，我地選左鴛鴦鍋是麻辣鍋和酸菜白肉鍋，兩個湯底配菜都是任食，鴨血和豆腐真是超好食我地幾個人食左好多，酸菜白肉又是好好味。日本A4和牛，和牛油脂均勻又大大片，肉質嫩滑牛味香濃超美味五花去骨鮮牛，牛肉新鮮又唔韌又香濃。牛骨濃汁牛丸牛丸咬落有肉汁，牛丸爽囗彈牙珊瑚蚌好新鮮滾完又爽口彈牙老油條侵落麻辣鍋好吸收湯的精華超好味😋

早排好開心約到一班寶寶打個邊爐。揀左早前由台灣人氣過江龍的「鼎王」，食物種類貴精不貴多；而且湯底亦有自選辣度，非常貼心。🌟鼎王鴛鴦鍋($68/位)👉🏻湯底有兩款，想試晒揀鴛鴦就岩晒。我地揀左少辣、去油。Mandy推介呢個麻辣鍋，唔會食得辛苦又有小小麻辣味仲可以任食鴨血/豆腐，鴨血又大又滑。一試愛上了🙈💕Mandy推介配料💕🔸老油條($58): 就咁食脆卜卜，浸湯食又可以索晒d湯，夠惹味🔸綜合丸($118): 有4款，每款2粒！貢丸我最愛🔸日本豚肉手打丸($88): 夠新鮮，手打肉質爽口彈牙🔸甘草酸梅湯🍹($98): 酸酸甜甜好解膩，好飲另外海鮮類、茶類、肉類每種食材都新鮮好食。由於太愛鴨血，已經食到好飽🤣🤣🤣一班人打邊爐真係幾時都咁開心😊😊📍 鼎王麻辣鍋 (尖沙咀)尖沙咀金巴利道26號地下5號舖

由台灣登錄香港既鼎王麻辣鍋 終於可以試到啦!🤩一坐低店員就會送上蜜桃茶 而且好有禮貌👍🏻醬料區會有麻辣同酸菜湯底既醬料 仲有基本既蔥同香菜 而且仲有白飯任裝🍚湯底方面係按人頭計既 我地就揀左鴛鴦鍋($68/位)🍲一邊係麻辣湯🌶 叫左小辣小酸 入面既鴨血同豆腐都係無限refill🥰 豆腐嫩滑得黎又有咬口 鴨血就帶點Q彈配埋麻辣既湯底 完全停唔到口🤩另一邊係酸菜白肉鍋 入面有酸菜絲, 粉條, 蕃茄同豚肉 而酸菜都係可以無限refill😋 湯底酸得黎帶點鮮甜 我本身好怕酸既都覺得好好食🥰配菜方面叫左特級牛肉($178)涮到岩岩帶少少粉紅色係最好食 有點厚 嫩嫩的 好有牛味😋 試過涮到變晒色熟晒 口感真係差好遠 多得店員有提醒我地 😂 不過其實呢度仲有香港獨有既A4和牛 中意食牛一定唔可以錯過👍🏻一品蟹滑膏($108)🦀 之前都係見過蝦滑干貝滑 蟹滑就真係第一次 有鮮味之餘仲好彈牙😋老油條($58) 又係台式火鍋唔少得既配料之一🥰 老油條本身就炸到好脆 浸一浸就索晒湯既精華 變左外脆內軟 🤩蛋餃 ($78)🥟 蛋皮好薄 仲好香 入面仲好有咬口 不能錯過❤️另外叫左粉條($48)同蔬菜盤($98)

A couple years ago my friend and I planned a trip to Taipei just because we wanted Ding Wang, that’s how much I love this place.When I heard that they are opening in HK I jumped out of my chair! And here I am (finally).The 2 hostesses at the door greet all customers with a bow, just like in Taiwan. That simultaneously made me feel super welcomed and super awkward. All their servers do this bow before they leave your table too! Again, I feel super respected, and super awkward. I felt like I shoul

朋友間最近都一直提及鼎王,因為大家都係愛好邊爐之人,同埋朋友係台灣鼎王品嘗過念念不忘(我本人就未食過),今日終於約齊人去試一試龍與鳳我地叫個鴛鴦鍋,始終唔係個個都食到辣,仲有豆腐和鴨血可以追加,成班朋友係咁食唔講咁多,去圖先精選滷拼盤五花去骨鮮牛特級牛肉日本黑豚肩肉珊瑚蚌鮮魷黃金魚蛋黑椒濃汁牛丸蛋餃蝦滑凍豆腐最後整張全家幅先本身個湯底已經好好味,鴨血同豆腐吸哂D精華,無得頂太多食物唔逐一介紹了,野食普遍都唔錯,不過最印象深刻係蛋餃同蝦滑我細個時經常食到婆婆整既蛋餃,所以一見到有得食都好興奮,出到黎雖然同我細個食既蛋餃好唔同,但食落去都好有感情,中間夾住豬肉,吸埋D湯,細細件好好食蝦滑雖然份量唔多,但睇得出真材實料,見到一隻隻蝦係到,食落爽口彈牙,好結實唔會好粉6個人連酒水埋單2300蚊到,雖然係貴D,但有時係貴精不貴多,絕對推介

好開心同班sweeties👯‍♀️👯‍♀️夾到時間出來，揀左食呢間火鍋🍲。一邊烚烚下，一邊傾吓偈，好開心🥳📍鼎王鴛鴦鍋（$68/位），可以揀兩個湯底，可以揀少辣，去油👍🏻👍🏻麻辣鍋：可以無限追加鴨血和豆腐 酸菜鍋：配料有豬肉片，寛粉，酸菜任加📍老油條🥢（$58），脆卜卜，好吸湯📍海鮮：🦑鮮魷魚（$88），香氣撲鼻，爽滑嫩口📍肉類：御選小羔羊🐏（$158），特級牛肉🥩（$178），綜合丸🧆（$118），日本黑豚手打院丸（$88）📍蔬菜：綜合菇🍄（$68），波菜苗（$68），鮮甜蔬菜盤🥗（$98）📍甘草酸梅湯🍹（$98）：好飲，酸酸定要好似初戀📍稻庭烏冬🍜（$48）：爽滑彈牙..今次第一次食鴨血，原來都唔錯，冇想像中的腥臭味！不過始終有個血字，感覺好血腥！🤣🤣🤣店舖：鼎王麻辣鍋 (尖沙咀)地址：尖沙咀金巴利道26號地下5號舖

鼎王來到香港一段時間，終於得今次一行四人食到啦！餐廳佈置簡潔舒適，以木系擺設為主，而且有圓拱門分隔不同空間，有點日式的，都幾特別～叫了個鴛鴦鍋，一邊麻辣一邊中酸辣。小辣是麻辣湯，辣度對我而言已很足夠，配上粉條或蔬菜會更香辣！最開心的是會豆腐、鴨血和酸菜都是無限添，朋友很喜歡吃，不斷的添。中酸辣湯裡有大量的酸菜，非常開胃，喜歡吃辣的朋友可以再點大辣～湯底價錢是以人頭計 $68 一位，好抵食！五花去骨鮮牛肉和特級牛肉。兩種牛肉色澤都好美，很有牛香。而五花去骨的牛肉脂肪雖然多一點，但香而不油膩蛋餃比一般餃子口感更彈牙，因為蛋皮不會太淋，食落還有蛋香，值得一試呀～蝦滑上菜時已看到有很多蝦肉，十分足料！所以整個蝦滑很彈牙，而且亦很有鮮味。粉條質感很煙韌和彈口，建議放入麻辣湯吃。枸杞菊花露材料很足非常好飲，不會太甜又可以解辣，絕對要點一枝！

一向聽唔少人大讚鼎王，但又未喺台灣食到，而家喺香港終於食到啦！1. 鴛鴦湯底（麻辣:小辣+酸菜）($68/每位)嚟鼎王打邊爐，大家都落力推薦麻辣鍋同酸菜鍋，除左麻辣夠香辣之餘🌶，豆腐同鴨血係無限添加，酸菜鍋嘅酸菜同樣可以無限添加，呢度仲有白飯任裝🍚，以上嘅配料用嚟送飯就一流啦！彤樂評分：9/10·2. 五花去骨鮮牛（＄188）呢走牛味較濃，份量又大，一啲都唔韌彤樂評分：7.5/10·3. 特級牛肉（＄178)呢款真係好睇時間，淥得啱啱好先好食，肥膏，食牛鮮味為主彤樂評分：7/10·4. 豬腩肉（$68)呢款豬肉CP值好高，相比牛，我更鍾意食豬，肥瘦啱啱好，又出豬味😋彤樂評分：8.5/10·5. 蛋餃（＄78）呢個又係鼎王必點，入面加左有油香嘅豬肉餡，連蛋皮一齊食好夾彤樂評分：9/10·6. 蝦滑（＄98）雖然幾貴吓，但真心要叫一次，唔只爽滑彈牙，仲好濃鮮蝦味彤樂評分：9/10·7. 滷蜂巢牛肚（＄98）可以就咁食，但我覺得放麻辣鍋淥一陣，更多一層味道👍🏻彤樂評分：8/10·8. 枸杞菊花露（＄98）🌼🍹真係好清甜，配火鍋食，鮮辣熱氣一流呀彤樂評分：8.5/10

呢間人頭湧湧嘅鼎王，終於有機會食到。因為時間較早，未多人。可以感受吓舒適嘅環境。用平板落單，非常方便。揀咗鴛鴦鍋，分別係叫咗小辣嘅麻辣鍋同小酸嘅酸菜白肉鍋。大家第一次食建議都係咁樣揀，因為之後有需要係可以加辣同加酸。醬料區好簡單，分別有配麻辣湯底同酸菜湯底嘅醬料。真係好啱味架推介的大腸頭，侍應話淥五分鐘就好了。真係剛剛好 仲有老油條，唔係度度有。吸哂啲湯嘅精華都仲係脆架叫咗份唐生菜，都幾大份綜合丸有四款，蝦丸，芝士丸，貢丸同花枝丸。貢丸非常彈牙 特級牛肉，超大塊成半個鍋咁大除咗啲嘢好食，服務都一流有各樣工具放枱面枱邊仲有叉電美味又舒適的一餐

朋友自從喺台灣食完鴨血念念不忘，見到尖沙咀開咗，即刻約我上嚟食，就喺美麗華附近，好易搵，嚟到每一個店員都好有禮貌，負責我哋張枱嘅服務員好詳細咁解釋，仲成日90度咁鞠躬，今日嘅茶係荔枝茶，幾特別鴛鴦湯底一邊係酸菜白肉，一邊係酸辣湯底我哋叫咗老油條、百葉豆腐、蝦丸老油條浸落去索一索啲湯底，脆卜卜好正湯底入邊嘅豆腐同鴨血吸晒啲湯，超惹味，勁想撈飯，淨係食呢個都食到飽呢度嘅牛肉真係超正，不單止肉汁鮮嫩，牛味又濃！仲勁大碟我覺得最正都係滷水拼盤，店員介紹話叫我地返落去個湯底度耐少少，但我想講就咁食都超好味！環境服務食物質素都好有水準一定有下次！

鼎王位於尖沙咀金馬倫道，The One 商場對面，距離地鐵站只幾分鐘距離，非常方便。作為台北麻辣火鍋過江龍的代表，鼎王店內保留著台灣裝飾風格，座位非常寬敞，卡位設計更有USB 充電插頭。餐廳湯底以麻辣湯底及白肉酸菜湯底馳名，麻辣湯底內鴨血及豆腐與台灣一樣，無限添加，而且辣度方面服務員亦可以上鍋底後幫忙調較辣度，服務一流。白肉酸菜湯酸度亦可以調較，酸菜亦無限添加，值得一讚。台灣麻辣火鍋一般都會配以炸油條及大腸頭，鼎王炸油條非常脆口，加上獨有的麻辣湯底，正。而大腸頭亦處理得非常好，服務員更貼心的建議煮4-5分鐘就可即食，必試推介。餐廳內有多款肥牛供選擇，特別一提的是有香港獨有的A4和牛，這次就選擇了特級肥牛，一塊肥牛差不多佔了半個鍋的大小，好味。綜合丸油麥菜鼎王餐具烏龍茶餐廳店員於進食期間，不停來回詢問食物意見，湯底，豆腐，鴨血，火力等等是否足夠，服務一流。

位於尖沙咀近The One 附近有間台灣甚為出名的鼎王麻辣火鍋當然要試下丫店內佈置古式古香,環境舒適店員服務質素佳鴛鴦火鍋湯底朋友喜歡酸菜白肉湯底而我就喜歡食麻辣,所以就點了鴛鴦湯底,滿足晒我地,湯底用料足,麻辣鴨血滑嘟嘟又彈好似食茍蒻咁正,酸菜爽口美味,重要無限refill,太滿足丫手工蝦丸手打蝦丸新鮮彈牙就緊丫,最驚喜就係蝦丸內藏有一粒完整小蝦肉,食落更爽口更有層次綜合餃蛋餃嘅蛋皮夠厚度食到蛋香味包住豬肉餡咬落肉汁豐富,好味五花去骨鮮牛食火鍋不能不吃牛肉,呢個肥牛雖然不及A4牛咁高質但其脂肪分佈均勻,食落軟滑香口,牛味十足豆皮大大塊炸到脆卜卜,浸泡入麻辣湯食夠刺激夠入味,怕辣可浸酸湯夠清新食到豆皮嘅香味