鼎泰豐

營業中

休息中

是晚去左鼎泰豐，七點去到，等左十分鐘度就有位，不過係門口位，但係都ok好坐。唔係太餓，所以兩個只點了蟹粉小龍包，醉雞，擔擔面同菜雲吞。蟹粉小龍包： 有蟹味，然而裡邊0既湯就一般，無乜特別。可能上海正宗小龍包會啱我口味D醉雞：隻雞應該未醉，無酒味。雞肉本身新鮮富雞味，不過就唔似食緊醉雞，做白切雞會無咁浪費。擔擔面：都係屬一般，無咩可言。素菜雲吞都係一般，個形唔似廣東雲吞，似大隻左0既魚皮餃，但皮夠薄。最好0既係壼茶，好香。上菜速度好快，收碟速度亦快，半個鐘食完，又可以做多單生意。