鼎泰豐

營業中

休息中

三點鐘左右到這裏不用等位， 侍應送來 一壺茶需然咩唔知茶葉但係幾好飲，食物點了一碗炸醬麵 一碗紅燒牛肉麵 一籠小籠包，台式炸醬麵不辣有啲肉碎有啲雞蛋碎， 牛肉麵啲湯好味但係啲牛肉唔係好冧，小籠包一籠有六隻 我覺得非常之普通 外面好多間都做得出這樣水準有啲還可能好食過佢， 總括嚟講這間食店品質可以但價錢略貴 炸醬麵五十幾蚊牛肉麵八十幾蚊小籠包六隻六十蚊為十蚊一隻， 兩個人飲嘅下午茶加埋一要二百幾蚊 如果下午茶用這個價錢 有好多選擇。

Sunday tea time but after 2 pm already so we miss the special Siu Lon soup dumpling again, we ordered the normal one.The dumpling was good, not broken and full of soup, taste of pork was good. The outer bread was thin enough.Pork chop noodlesPork chop was deep fired, still juicy.

對上一次去鼎泰豐已是數年前在台北了今日1120分來到已有約十人在排隊同場既其他餐廳又未見吸引所以便跟大隊來食小籠包小籠包($60/6個):上台時看到個買相就知米芝蓮係抵佢拿。皮呈黃金色,皮薄包著閃閃發光般既湯汁。味道是小小淡及較小,不過買相真係無得輸。准山什菇燉湯拉麵($68):麵十分彈牙 可惜無剪開,湯較淡食得出無味精。煎黃花魚($60):大大條既黃花魚夠鮮甜再加上吸滿甜甜的豉油十分惹味。用來配飯都十分開胃。所有食物上菜都十分快。基本上點餐後10分鐘左右所有食物都上曬台。味道是不夠台灣的好。不過以尖沙咀區人均一百元左右來說已算合格。

今日同妹妹行街，佢話帶我去食台灣野，仲話每次去台灣都必定會去鼎泰豐食，於是就黎試下香港分店質素如何酒糟鴨舌酒味不太濃，無乜特別，個人覺得老天祿仲好食過佢…但妹妹話好食…可能係佢自己鐘意食鴨舌姐春卷用肥豬肉同菜做餡料，非常普通，同普通酒樓果D無乜分別…同埋炸得唔算太脆蝦仁燒賣一黎到被佢既外表吸引左，好似好好味咁…但食落一般般，仲有D咸添！蟹粉小籠包唯一比較好食既就係招牌菜，皮十分之薄，超級多湯汁，但蟹粉比較少。整體黎講，價錢有點偏貴，但又唔見得好食… 不會有下次！

已家尖沙咀好小小既餐廳都要排隊見鼎泰豐人少少即刻去入去拎左位先同朋友等左吾洗10分鐘就有位因為菜單沒有特別吸引地方所以最後諗左好耐決定叫呢幾樣野食。呢個炒飯比想象中好味，飯底炒得幾有鍋氣，而且排骨都好鬆軟都市人都係得閒要食返d有菜既餃子健康下最後叫左小籠包，枱上有個餐牌會教你如何落醬油。不過今次既小籠包無以前甘好味，皮頂有點兒過厚，裡面既湯吾夠熱騰騰但整體上食物還好，所以都有不少遊客來食。而且店員都好勤力甘幫我地加茶。唯一吾好處就是環境太嘈及限時食個半小時。同埋如果下次侍應姐姐吾好甘趕時間就好，話晒我地一粒鐘就食完，係食得快，甘都吾洗即刻收晒我地所有野，趕我地走甘😢

我們一家人都很喜歡吃台灣的鼎泰豐，他們的麵食，包類和甜點都百吃不厭。今天家庭日，我們又選了鼎泰豐吃晚餐。因為每次到鼎泰豐都會人山人海，所以我們逛了街後很早就到了新港的鼎泰豐。時間尚早所以很快安排入坐。因為很熟悉餐牌所以很快就點了餐。經常點的有醉雞，小籠包，排骨蛋炒飯醉雞份量十足。排骨蛋炒飯是他們的名菜。雖然樣子不豪華，但吃過就知道跟我們香港傳統的炒飯不一樣。他們的飯粒炒得濕潤但不黏，粒粒分明，用的是珍珠米而且很有蛋香。排骨皮酥肉嫩，肥瘦剛好，不乾身。另外有我喜歡的素菜包。我對素菜包有情意結。我很喜歡他包皮有咬口，軟熟。裡面的素菜餡有上海菜飯的感覺。這次試了一個煎餃外形像日式餃子。餃子包著的蝦經過煎香後還有肉汁在裡邊，底下脆皮幫他增加了口感，還很不錯，比其他的餃子更有特色。甜品我們點了每次都會吃的赤豆鬆糕。這款甜品在其他的餐廳吃不到。其實他的白色糯米糕身沒有什麼味道，口感鬆軟，很細密的質感，一點點甜甜，中間夾了豆沙和紅豆。

自己係上海既忠實粉絲，但平時都比較少食鼎泰豐，因為每次經過都人山人海......頓時想食既意欲無曬。今晚竟然唔使等好耐就有位啦！lucky！感恩！😌🙏🏻今次叫左兩個冷盤：📌醉雞：雞肉食落都好濃酒味，好入味，美中不足既係肉質唔夠滑。📌水晶肴肉：挺喜歡佢既做法，裡面既肉係切得非常細既肉絲，而且好足料，肉絲同水晶既比例感覺有9:1，令人唔會太粉感，arm曬食肉獸（👉🏻我🙈），肉絲易咬好多！👍🏻👍🏻 熱蕈類則有有四款：📌小籠包：最愛❤️❤️，因為真係個皮整得好薄，但唔會一夾就爛，流曬d汁出黎...皮薄餡靚最好形容！😋😋係必點之選 。個人食法：先咬一個小洞，嚐一嚐湯汁，再一口放進嘴裏（只限👄大既朋友仔😝）。📌紅油抄手：個汁有濃郁既麻油香味，微微既辣味更惹味！📌牛𦟌湯麵：牛𦟌非常稔，可以話唔使太用力就已經咬開，湯清甜。📌蒜蓉炒菠菜：夠嫩，無渣，有蒜香，唔會油小提示‼️：有限時90分鐘進餐，要把握時間，如果想同朋友詳談就可能要轉場🙈🙈

今日天氣皓熱個人都無咩食慾又5想系條熱辣辣既街行，行完harbour直通商場過新港，男友話要去鼎泰豐，5想排隊所以早d去！去到6點到吾洗等位直入。 2個人叫左4樣咸食1樣甜品。先尼個開胃菜，涼拌雲耳，好清新好fresh連我男友都食到岩哂夏天。之後上小籠包，選了原味豬肉，感覺鼎泰豐的小籠包系無甘肥膩。擔擔麵要走辣，好濃郁的花生醬味😝麵條又滑又彈牙，岩岩好！紅燒牛肉麵我男友食的，佢話似滿漢大餐既完美版，好正最後系我最中意既赤豆糕，尼個甜點系糯米糕口感再加豆沙溶，甜而不膩，每次必點！有機會一定再去

雖然鼎泰豐在香港開業多年，但我一次也沒去過，因為美味又比它便宜的上海菜比比皆是，而到台灣遊行時又不會想造訪香港有分店的餐廳。這次就是朋友很愛吃鼎泰豐又想吃，所以陪她來8點左右到達，正值晚飯時間，店內滿座，需等位，但等約10分鐘便可入內。經朋友推介下點了小籠包等幾道招牌菜式紹興醉雞($76)：雞肉不算是嫩滑，但勝在脂肪少，而酒味很香又不苦小籠包($68)：雖然是上海菜餐廳必備的菜式，但這裡的小籠包讓我大開眼界，它真的做到「皮薄餡靚」外皮薄得來有靭性，夾的時候不易弄穿，湯汁美味，餡料不膩雞湯($70) ：朋友說她每次必點，我嚐了一口，雞和藥材味濃郁，但我沒有很愛什錦豆乾絲($49)：涼拌汁酸酸辣辣，豆乾絲、海帶絲、芽菜帶來不同的口感擔擔麵($50)：湯汁比平吃的濃稠一點，花生香味得濃郁，好味初嚐鼎泰豐，感覺服務和食物質數都很好，難怪這麼有名呀！

是甘的，前排好想食小籠包，就同朋友去左尖沙咀個間食。一入去見到8成都係遊客（都明既 間野係做遊客生意）啲位都幾舒服唔會好逼，環境乾淨，光猛。佢好多樓面，所以上菜加水要咩都好快有人理你。重點，叫左一籠普通小籠，一籠黑松露小籠，牛肉面，菜肉包（事關價錢唔平無叫好多，純試味打算好味再叫）一開波上左黑松露小籠，熱辣辣，皮薄，加彊絲一一咬開啜啲汁，都ok既，好重黑松露味。跟住上左原味小籠，不過不失，係肉汁較少，無咩好評論。再上牛肉面，都係好普通，成個份量唔係好多。最後重頭戲，個菜肉包簡直不知所謂，個涵唔知食緊咩食左一半就無再食Total呢堆野食左4xx給論：唔會再黎食，都係留返比遊客喇！

These restaurants are crazy good. All the food is gorgeous and the spicy dishes are really tasty as the dim sum (obviously) and all the rest! Go for it even if you have to queue (it is super fast anyway)!

本身都喜歡食上海菜，因為佢比較清淡，無論係老人家同小朋友都食得。適逢家人食生日飯，因為有病人要戒口嘅關係，上海菜絕對係一個好選擇，於是就選擇左鼎泰豐。想當年鼎泰豐只有在台灣先可以食到，而我只會外賣小蘢包响附近食完，免去排隊堂食嘅時間，印象只停留响小蘢包。時至今日，已經可以不用去到台灣就可以品嘗佢地嘅風味，今次係我第二次去食，因為平時見到實在太多人而卻步，但為左食生日飯就等啦，好彩嘅係雖然係食飯時間，但只係等左大約35分鐘左右就入到去，因為多人等候嘅關係，用餐時間限1.5小時，但其實時間係有多。入坐後雖然看到全場滿座，但係當你需要時侍應都會樂意幫助，見到我地有啲袋放左响櫈上都會自動比布我地遮住，非常細心。到餐牌方面，不得不讚真係好貼心，對於要戒口嘅人黎講其實好多野都未必食得，而貼心係張餐牌竟然係有圖標籤住一啲主要成份(如：蝦、豬肉、牛肉、菜）可以比我地比我地知道邊啲係岩食。☺️👍🏻講返菜式方面，因為當人有人係第一次食，所以我地都會揀返一啲推介菜式：四喜烤夫呢個係開胃菜，我睇相時仲諗唔知係咪醉呢，所以好奇下叫左黎試。首先謎底解開，呢碟係咸嘅，有啲微熱啦。而烤夫食落去嘅質感有啲似豆腐水泡，但係

想食light d, 而且女友想食小籠包，本身喺尖沙咀所以黎呢度，都有五六年冇黎。小籠包係最差，肉係一粒粒，未食過小籠包係咁，皮有啲厚，所以夾嘅時候冇穿到，湯冇漏，但唔夠熱！係咪已放一段時間？真係大把地方嘅小籠包好過佢！烤夫就一般，有啲乾，冬菇薄到紙咁！燉雞湯係三樣之中最好，只要有雞味，有雞肉食下都不過不失，但就冇幾他料喇。。。鼎泰豐真係啱遊客黎，估唔到水準差左咁多，作為地道人就唔駛食佢啦，失望。   

同朋友食生日飯佢指明想食鼎泰豐係香港係第二次食3點幾鐘去食唔洗等位 好野!蒜蓉油麥菜 小籠包 辣味黃瓜 紹興醉雞 蘿白絲拌海哲皮 菜肉餛飩湯麵首先油麥菜本身都好有獨特味道 蒜蓉味適中唔會蓋過油麥菜本身陣味 又唔會太油 菜好嫩 好爽小籠包唔會黎到就已經穿左 雖然聽落好荒謬 但我試過其他鋪頭食真係發生過 太離譜入面啲湯熱辣辣 層皮亦唔會太厚黃瓜好爽口 不過略嫌唔夠辣醉雞夠晒酒味 雞唔鞋蘿白絲同海哲皮超夾 味道正常至於湯麵 菜肉餛飩係可以既 皮薄餡多 菜味濃但麵條就差啲 我地都係食晒啲餃就算整體黎講成餐飯都滿意 係差個麵 如果唔洗等位都會繼續食

一行七個人去鼎泰豐食飯，作為一個本地人帶其他幾個外藉人仕來呢度食嘢。發覺七個人叫餸好有問題。因為呢度好多野都係六件裝的。由於佢哋好少食亞洲菜，所以由我發辦。小食叫左辣味青瓜同蒜香粉皮肉。佢哋唔係太食到青瓜，因為係麻辣既。小籠包叫咗兩籠，要教佢地點樣用薑絲同醋食小籠包。但係竟然冇浙醋剩係得白醋。叫咗香菇素包同菜肉包比佢哋試。仲有蝦肉雲吞湯同菜肉雲吞湯。外國人都係鍾意食肉所以叫咗薑蔥安格斯牛肉，但呢個賣188 就覺得有d 貴。雖然d 肉都好林。個乾伴蝦肉雲吞同雞絲蝦仁春卷都好好味。香蔥伴面、紅燒牛肉湯麵、同菜肉雲吞湯麵都好啱佢哋胃口。再加蒜蓉炒菠菜同蒜蓉炒通菜。本來仲想叫甜品既。但係無最傳統果d 豆沙鍋餅、桂花湯丸，咁我就無叫喇。最好既係佢地有凍水供應，好啱唔習慣香港潮濕天氣既外藉朋友。但無得預約訂位就有d 唔方便囉。埋單每位$200