鼎泰豐

營業中

休息中

红油抄手真的 完全还原台湾的味道咯，带着点甜味的辣 台式担担面因为加了很多花生酱，单吃偏腻，但扣点醋进去口感层次都levelupup干煸四季豆不油腻 唯一遗憾是酸辣汤的味道和以前不一样了，妈咪说大概是换了醋的牌子整体好评

今日中午我們去咗尖沙咀新港中心嘅「鼎泰豐」食中午飯！我們叫咗冰鎮涼瓜第一啖咬落去就覺得味道好清甜，但慢慢之後涼瓜嘅甘甜味就會滲透出嚟，感覺好清新！涼拌黑木耳嘅黑木耳相當爽口嫩滑，配埋鎮江醋一齊食，真係好醒胃！小籠包嘅皮好薄身，但唔會一夾起就裂開溜晒啲湯汁出嚟，湯汁嘅味道好鮮味，肉質都幾軟滑！蝦肉煎餃煎得相當香口脆身，入面嘅蝦肉都幾大隻！台式酸辣湯嘅材料好豐富，味道酸酸辣辣，都幾開胃！紅燒牛肉湯麵嘅湯底好鮮甜濃郁，牛肉嘅肉質超鬆軟嫩滑！蔥花蛋炒飯炒得好乾身，而且粒粒分明，鷄蛋嘅味道好香濃！油炸排骨湯麵嘅排骨嘅肉質好鬆化，而且係分開另上，唔會放喺湯入面浸到腍晒！赤豆鬆糕食落嘅感覺係蒸熟咗嘅雲片糕咁，味道唔會太甜，感覺都幾特別！

好友總是好鐘意食鼎泰豐 但我覺得每次都好普通。蘿蔔絲海蜇*幾爽口 口應不錯 醬汁清新開胃 微微酸。排骨蛋炒飯*排骨略咸 肉質還可以。蛋炒飯唔夠乾身 冇一粒粒的feel酸辣湯*幾足料 亦不會太咸 但唔夠熱 唔夠酸又唔夠辣。都是個句 唔會特登排長龍去食。

窩夫跟媽媽在文化中心看完《牡丹亭驚夢》，打算到廣東道新港中心的鼎泰豐吃晚飯。到達鼎泰豐時，見門外有不少等位的人，幸好不用等很久便有位了。窩夫差不多每次光顧鼎泰豐都會點蘿蔔絲拌海蜇皮($58)，蘿蔔絲的比例好像又高了。很久沒有吃過原味水晶肉($58)，實物比圖片還要美。媽媽點的油豆腐粉絲湯($52)，喜歡它比較清淡，油豆腐吸收了湯的味道，粉絲夠爽口。最後是鼎泰豐的招牌小籠包($60)，總算沒有退步。

鼎泰豐剛剛嚟香港嘅時候，無論食物質素同服務都十分好。。依家雖然係同一間，但無論服務同食物都每況愈下。。。主打菜小籠包越整越細粒。。個菜肉雲吞直頭比小店更加差。。

星期六等fd收工，一齊去鼎泰豐食晏。兩點半可能已經過咗食飯高峰期，今次好快入得食野。好肚餓喇喇聲揀咗前菜香干馬蘭頭、主食炸醬拌麵、餸蝦肉紅油抄手，同埋甜品荔芋小籠包。荔芋小籠包放久面皮硬，影響口感，建議後上。香干馬蘭頭好快到，為精緻的造型眼前一亮，忍唔住相機食先舀一勺放入口中，豆乾碎的咸香首當其衝，刺激著味蕾；馬蘭頭緩緩而至，包裹著豆乾，咸度變得恰到好處。對偏愛咸味的我來說，這道前菜喚醒了我的舌頭，食慾大開地期待著接下來的菜餚。炸醬拌麵肥肉連皮，在台灣菜中不算稀奇，而這正考驗了廚師對食物的處理態度。要知道，即使只有一根粗粗短短的豬毛仍未被拔下，都極有可能影響食慾。細看眼前的炸醬，肥豬肉被切成極小的方塊，乾淨無毛。拌勻醬和麵，肥豬肉丁、瘦肉末、麵條搭配和諧，香味充斥脣齒間。喜歡蝦肉紅油抄手的辣油，麻辣中伴隨著恰到好處的辣香。可惜不擅吃辣，兩個抄手下肚，便需飲用大量茶水解辣。若和我一樣喜歡麻中帶香的辣味，不妨一試說到茶水，亦值得褒獎似是鐵觀音？哈，請原諒我對茶葉的了解有限。濃度適中，醇香回甘，全然沒有新泡的苦澀味。每桌一壺，可不限次加水。正菜食畢前，記得請侍應準備甜品。早對荔芋小籠包有耳聞

有機會可以嘗試一下！大名鼎鼎的鼎泰豐，據說經常要排隊，這次因為我們去的早，很幸運的不需要排隊，直接就進去了，店內的招牌是小籠包，必須要點了嚐一下，確實是皮薄餡多，湯汁鮮甜，非常好吃，還有蝦肉紅油抄手，味道是帶點甜味的辣，裡面有大顆大顆的蝦仁，味道很贊，另外還點了幾個，沒啥印象了。

今晚同媽媽行街街，好耐無食過小籠包，所以選擇咗鼎泰豐。我們二人點了四道菜，第一道冷盤～四季豆。唔知點解d豆淋得嚟個心係脆嘅，肉碎有蝦米一齊炒，好好味！第二道梗係小籠包啦，皮薄，夾起冇穿，不過d肉就「鞋」咗d，唔夠滑～但係味道係好嘅！第三，四道分別係擔擔撈麵同排骨蛋炒飯。我好鍾意擔擔麵，因為d醬好濃，有少少醋味，好香！另外排骨比以前好似硬咗d，咸咗d，不過個蛋炒飯好食，乾身同蛋香！

霖落近排好似都食咗幾次麵食，而且日料都食咗幾餐喇，都覺得有小小膩嘴喇，都系回歸翻最令我有歸屬感嘅廣東菜口味喇。紅油抄手，聽講話哩度嘅紅油抄手好正宗，紅油睇落就好有食欲喇，不過唔會特比辣，岩曬我咁嘅人、小籠包，都話系廣東菜喇，小籠包無可以少，蟹肉唔算多，一啖一個，食不能停吖，蟹肉嘅粉嫩咁都可以透過小籠包嘅皮可以稍見一二、花生醬嘅食法我最中意，好香濃、我好大胃口嘅，雖然都霖過減肥，不過見到隔離台嘅酸辣湯都系忍唔住喇，區別於醋嘅酸味，同時帶有辣味，兩種味道混為一體之後令人欲罷不能吖，醉雞都好味，酒味唔濃。

當年第一次响台北食過, 店內 o既氛圍 同 甜妹 (佢當年一句: 我 要 拍 囉 ~~~ 完全溶化咗我... XD) 深深打動咗...香港開左店後...食過數唔到咁多次...次次都滿意的~今次分享, 係因為我終於叫咗老友一直話非食不可 o既芋蓉小籠包~(我呀 我呀 我叫咗喇 CathyJer~~~~~~)呢個係每次必食~菜 o既份量好足, 密集菜菜 口感好好~絕無平時食頹餃個份空虚感~ Yes!多菜得黎, keep 得住鬆軟, 吾會死實實架!!!唔係特別愛食肉肉 o既我, 都覺得唔錯唔錯~可以 encore~每次都會食 o既小籠包啦, 水準一直 ok, 相信大家都感受過~就係佢喇... 老友力推 o既芋蓉小籠包~Um... overall 黎講 ok o既...甜甜地, 足料芋蓉, 得意甜品~不過, 又唔係必叫 o既... 哈哈...

早班機啱落機，實在太肚餓啦。朋友推介鼎泰豐，即刻就入去啦。點咗雞湯、小籠包、燒賣、台式擔擔麵、炸豬扒同杏仁豆腐。先上嘅系雞湯，一上嚟就聞到好香嘅雞湯香味，試咗一啖，味道果然鮮美！！然後系小籠包，之前食過上海嘅小籠包，對比起身都係覺得上海嘅要好食啲...雖然呢度嘅皮都薄，湯汁都多，不過餡嘅口感比較粗糙。杏仁豆腐，整得幾嫩滑，不過唔啱我口味。油炸豬扒。炸得太老，肉都唔嫩啦~~

今日晚飯得自己就係出面食算了，而且琴日聽同事食鼎泰豐嘅小籠包，個心就一直想去食，自己都幾鐘意嗰間嘅小籠包，但近幾年都好多人排隊就好少去幫襯，而家有時間就排隊都無所謂喇。一開始我以為佢呢度只係小籠包好食，但聽佢同事話雞湯都唔錯，就整個雞湯比自己補補，女人唔補好易老，燉雞湯啱曬我地女仔，雞湯果然無介紹錯，燉得夠火候，雞湯好濃郁，好甜。小籠包水準仲系保持得咁好，怪唔得越嚟越旺，不過價格有D貴，$60先得6個，不過真系皮薄餡靚，湯汁好清甜，好多汁，肉醬好好味，如果唔系價錢問題，真系想點多份，幾個唔夠食，太好味喇。杏仁豆腐唔知系咪之前都系食咸嘅嘢定點，其實豆腐整得幾滑，但味道好似有少少唔啱FEEL。

其實之前係銅鑼灣都試左好多菜式, 因為試過帶一大班外國朋友去食~成班人都點左好多小籠包,麪同抄飯食….今次係行行下個Friend 話想試個個小籠湯包先黎佢既食法係要同個蛋湯一齊食, 而且個小籠湯包 size 係mini 小籠包, 所以都幾特別好似有D食小籠包 Re-mix 雲吞feel個菜肉包同個拌麪反而冇咩調味所以麻麻地….

幾年前台灣開到黎香港佢既野係幾好食既，小龍包好多湯汁熱辣辣，小菜有水準，連蔥花蛋炒飯都好yummy...但係唔知係咪因為愈來愈愈多分店，愈來愈多遊客幫襯，d野食每況愈下話說上2個星期約朋友仔再去食，唔洗點等位已經覺得有d奇怪，果時我估係因為我地早食飯jei....是日我地order左小龍包，水晶淆肉，粉皮，黃花魚，酸辣湯仲有蔥花蛋炒飯小龍包-好令人失望...湯汁唔多唔夠熱，講真好多上海餐廳都做得好過小食就不過不失冇咩味，唔知係咪我地太重口味，所有野都好似唔夠調味咁....唯獨個醉雞好少少，雞肉係滑既都幾香酒味最後就係個炒飯，仲記得第一次食覺得佢炒得好好食，香濃既蛋汁包住每一粒飯，再加埋蔥花吊味啱啱好，但係今次食最大問題都係佢唔夠熱同埋冇味同埋有d油.....咁既蛋炒飯收我$7x....我覺得有d overprice lor....冇下次如果要食小龍包，今時今日香港已經有好多choice我完全搵唔到要黎呢度食既理由

幾年前已經食過嘅鼎泰豐，近排返去再食，發現食物水準依然不錯。今次叫左小籠包、醉雞、麻醬麵同荔芋小包。小籠包嘅湯汁依然豐富，咬下去濃湯便會擠出，肉質鮮美，認真係皮薄餡靚。醉雞就剛好係雞髀，酒味濃郁，𣎴錯。麻醬麵，芝麻醬略苦，麵條彈牙，愛苦的人值得一試。不得不讚的是甜品荔芋小包，包皮夠薄，餡料甜味適中，熱辣辣的送進口，確實一番好滋味。