黑龍

營業中

休息中

午餐時間到訪，見前方排隊只有約8人，等了大概10分鐘已能入座。排隊時店員已經提供點菜紙簡選拉麵口味，省卻在店內點餐時間店內座位很少，大概只有20個座位吧等了不消5分鐘，麵已送到看起來比一般拉麵小碗一點，嘗了一口湯，是偏濃郁的(店內很貼心，有稀湯放在桌上供覺得湯底過濃的食客自行加入拉麵稀釋湯底)對我而言則覺得湯底有點過咸點了正常辣度，辣醬拌進湯底中惹味的很附送的叉燒有兩片，但也不是十分大片的，味道平平吧

牛筋Black拉麵🍜.第二次幫襯黑龍😍上次試最經典一款，今次就試埋另外既牛筋Black拉麵🍜！拉麵硬度可以簡，亦可以選擇落唔落蔥同洋蔥，我就兩樣都落既，咁令到湯底更加香嘛👍🏻牛骨湯底明顯較豬骨既濃，相對而言鹹度會高dd，不過勝在有幾件炆得好淋好入味既牛筋😍叉燒都挺大塊，好林肥瘦適中，同埋呢款送埋一隻溏心蛋🥚❣️經典一款要再加錢先有架！麵條選左硬，軟有口感，超級索汁，好愛呢款又幼又滑既拉麵🤤

那天我剛好拉麵癮發作，便相約同事們一起到公司附近的一家拉麵店。因為個人偏好粗身的麵條，我挑了牛筋黑沾麵。麵條果然很粗身，質感不會過腍，吃起來頗有嚼勁的，正合我的胃口。而且，麵條的掛湯能力亦不錯，幾乎每條都能沾上濃濃的湯汁。只可惜湯汁的味道過咸，讓人有點吃不消，加上湯汁很快便冷掉，有點破壞了麵的味道。至於牛筋則入口即化，非常美味，只可惜份量較少，只有數條。.吃罷我才發現原來可以請店員加熱湯汁及往湯汁裡加水，以稀釋湯汁的濃度。如店員能在客人用膳前先行作出善意提點，那麼這次的用餐體驗定必更盡善盡美。

又到每星期學德文嘅日子，今日行遠少少食拉麵，星期日將近兩點都接近滿座，果然受歡迎！#白雞塭味拉麵 $88如果你同豬太郎一樣鐘意似魚湯、燉湯！你就一定要試佢地嘅雞白湯底！因為真係好似啖啖骨膠原咁飲落肚，湯頭質地好膠好杰，飲落有超濃嘅雞湯味，但又唔會好似平時食雞咁有陣油膩感🤤❤️雞叉燒有肉味，咬落結實，另外再加咗普通叉燒，好軟淋但唔會一夾就爛👍🏻.另外仲嗌咗一份餃子$38，無雞湯吸引，但味道都唔差🙈🙈

突然想食拉麵 決定去試試想食好耐但未食過既黑龍6:0x pm 去到 已經半滿 果然好受歡迎叫左一碗豚骨拉麵 正常辣 加蛋湯底好濃好香 濃而不膩幼麵正常硬度 好掛湯生洋蔥同湯底好夾 好驚喜紫菜碎亦都好方便同麵/其他配料一齊食一啖食落去已經好多層次男朋友叫左牛筋拉麵湯底有啲唔同 但係都好濃郁不過唔知點解牛筋拉麵冇得要辣醬最後叫左鍋貼皮好薄 幾好食係略嫌個底煎得唔夠脆Overall 黎講係好高質既拉麵鋪 好食過一蘭/豚王/一風堂呢啲連鎖店好多 會再幫襯

           月前，龍虎相爭，我乘風從虎去。前陣子，與摯友因公事，重臨龍虎之地。摯友本想從虎而去。一番堅持後，摯友終同意隨龍而往。其實，一虎與黑龍本就一街之隔而已。走了數分鐘，便再見那吸睛的大燈籠(別心邪！)黑龍裝潢較具東瀛味道，但光線則較弱，平添一分浪漫和神秘。位置多圍繞煮麵處，能近處欣賞廚師功架，然而卻未能如「一虎」般，先嗅到豚湯香氣，胃口未開。我倆坐在店子深處，然後我便點了「黑龍豚骨拉麵」(無辣、基本硬度拉麵、添蔥、走洋蔥)，再追點了玉子和餃子。           數分鐘後，拉麵便奉抵。霎時，豚香撲鼻而來，完全不亞於「一虎」的先香奪人，胃口因此頓時大開。呷湯，「黑龍」湯底豚香驚人，而且油潤滑喉，調味既不會搶去豚的香、甜、鮮，且能高度配合，實在一流。即使好吃如「豚王」仍未能與之比肩(可參閱小弟對「豚王」的食評)，暫時只有日本的「二男坊」能稍勝一籌，(遲點再分享「二男坊」如何驚人！)。淺嘗更有漿口之感，但又不會過於油膩，這已證明「黑龍」拉麵實是用心、水準之作。          拉麵方面，麥與蛋的比例恰到好處，既有麥的幽香又有蛋的爽滑。而且，掛湯度十足，味道又不會相互搶奪，

今次是我第二次幫襯黑龍，上一次食完牛根拉麵都係覺得一般。 今晚同老婆又係灣仔上堂，一於再嚟試多次。我叫咗白雞鹽拉麵， 湯底相對較淡，三片雞 切到叉燒咁，感覺怪怪的。但以隻蛋就做得相當唔錯，切開時仲係流心的。老婆就叫咗黑龍豚骨拉麵。 叫咗辣， 但係辣就真係完全冇辣味。 落單時叫咗麵質要硬啲， 果然夠硬。 另外面嘅份量真係少咗啲，我食完一碗都唔夠飽。相比其他拉麵舖，呢度啲拉麵個湯底唔係太易令人留下印象，其他配料又不是太出色， 要突圍殊不容易。

香港地的日本いぢばん拉麵 😍🙆‍♀️全店師傅、待應都是日本人🇯🇵❤️ 個湯底非常濃郁，仲有特色，比一般拉麵湯底濃稠👍🏻 超香⭐️ 紫菜唔係一片片，而係曬乾一執一執嘅，非常香同脆😎牛筋好彈牙又入味 超有咬口🎉 正👍🏻😋 多料，份量足一試難忘的拉麵，一行入店內，已經好有日本feel 😆因為店內的師傅都係日本人😆 嘗試用唔咸唔淡嘅簡單廣東話同我地溝通👍🏻 我地坐2人枱，仲好細心留意我地杯水是否剩返好少水，一差唔多冇就自動攞住個水壺現身👍🏻 個一執執嘅紫菜好特別，仲好香，放落碗湯度撈黎食，正👍🏻 個牛筋彈牙又入味，未食完，已經諗緊幾時有機會再嚟食❤️

兩年前的沾麵市場競爭還不算激烈，黑龍還是先鋒之一。還記得當時剛開業，第一次嘗到沾麵的濃厚湯底，久久未忘，使我漸漸成為沾麵小FANS。今次專程到黑龍重溫舊夢(？），裝潢完全沒變，餐牌的選擇卻多了不少。但仍然心繫坊間少見的牛筋沾麵，另點了辣木耳佐麵。濃厚的魚介味，配上黑蒜油及煮至黏口的牛筋塊，很是絕配。這裡的沾麵能滿足「重口味」者的味蕾，配上辛口的木耳，十分刺激。溏心蛋合格，蛋白帶點醬油的香氣，不錯吃。友人另點了餃子分著吃，剛煎好的餃子十分燙嘴，椰菜及豬肉作餡，很順口。總括來說，黑龍的水準仍依然，但市場沾麵的後起之秀者眾，還要更努力喔!

平日放工同同事黎，都係7點30度黎到，淨翻我地2個位，再遲啲都要等了😂😂😂哩度嘅座位唔多，小店一間，不過好有氣氛哩度嘅定價不高，而且份量合理，係幾抵食的。夏天仲有限定嘅冷麵同事叫左雞湯拉麵，湯底濃，值得試，而且雞肉嫩口，不錯哩個麵底係用幼嘅拉麵，非常彈牙我叫左豬肉沾麵，非常怕辣嘅人就唔suggest嗌，不過我就中2食辣嘅，好值得一試湯底濃到似汁，麵底係粗麵，好煙韌！加上佢哩度嘅燒肉係特別攞醬汁燒過，好軟熟得黎又有一種特別嘅味道濃厚嘅湯底再有溏心蛋一隻係真係絕配溏心蛋係真心流心，用心製作

黑龍 灣仔利東街一帶​近年有唔少拉麵店開張，而灣仔亦因利東街帶旺了呢區人流。係港島區返工嘅我都經常嚟呢度覓食，哈哈。 原本今日嚟灣仔係為咗去新開嘅『一幻』，但因為雜誌報導早咗一日，所以樸空。係尋找一幻嘅時候，無意發現一間屹立灣仔多時嘅沖繩拉麵店。 店面掛住大紅燈籠，非常有日本街頭車仔拉麵屋嘅感覺。 係門口睇餐牌時候，有個操日文店員拎咗兩張MENU 比我哋慢慢睇. 食物種類幾多,而且係我同男朋友都中意嘅直身拉麵,所以諗咗兩秒決定入去試新嘢. 店內有分吧檯同4-5個二日枱, 由於吧檯滿座安排坐二人枱,估吾到完來唔少常客嚟幫襯/有咁多熟客實無死. 睇一睇餐牌,有拉麵,沾麵,叉燒飯, 呢度招牌睇嚟係牛筋,但男朋友唔食牛.所以揀咗黑龍豚骨拉麵., 有人話過想知一間拉麵店好冇食,就要試最基本嘅豬骨拉麵. 哈哈! 另外,仲叫咗辣三枚肉沾麵. 其實,之前係日本旅行同系銅鑼灣都食過出名嘅沾麵店,但係都覺得唔太好食. ​ 可能因為本身唔太中意魚介湯底. 但呢度嘅沾麵係令我一試愛上.哈哈 除咗拉麵呢度仲有我最愛嘅煎餃子,當然要點返客啦. 如果中意飲啤酒嘅朋友,而家做緊優惠$60 有 餃子+啤酒.

灣仔依家開左幾間拉麵店 口碑都好似幾好黑龍出名湯底濃郁 所以就更加要一試今次試左呢間嘅黑龍豚骨拉麵🍜坐係吧枱望住日本師傅係度整拉麵一上枱就比佢個湯底吸引住 真係好杰身湯底好濃郁好杰 但唔會好咸好溜 叉燒好嫩又唔肥麵條軟硬適中 掛湯能力一流 蛋亦做到流心效果 幾好食幾正煎餃子唔會好油 幾香脆 都幾好食店內仲有其他種類嘅拉麵揀 下次要再去試下其他口味服務方面就普通 座位比較少同埋只收現金係香港真係好小可食到咁濃郁嘅湯底鍾意重口味嘅朋友應該會覺得好正

值得强推的一家店，从老板到服务员基本都是霓虹国的，拉面的口味非常好，店员的服务态度，热情也是不错的。相比香港有名的一兰拉面，豚王，一风堂等，真心更喜欢这家。店的面积很小，吧台加上二人座位总共也就能坐不到二十人吧，菜单做的不错，一目了然。他们家的拉面汤汁很浓，也不会过于咸，味道太棒了。拉面的分量比一兰多多了，基本能够吃饱。煎饺的味道比较清淡，符合个人口味。买单的时候只收现金。重要的是他家竟然不收服务费。。但服务比香港大多数店好太多。

在香港，隨便就能夠找到一間日本拉麵鋪，但要找到一間乎合個人口味的卻不容易。每個人對拉麵的要求都不同，個人來說，一碗出色的拉麵應該有一個濃濃的湯底，叉燒肥瘦適中，不可太厚，亦不可太薄，雞蛋要做到流心狀態，麵條軟硬度掌握要恰當，這才是一碗好拉麵。黑龍正正乎合了以上的條件，成為我心目中香港其中一間出色的拉麵鋪。黑龍拉麵加蛋－湯底是拉麵的靈魂，黑龍做得非常出色，味道非常濃郁，口口豬骨味，拉麵連湯一起食，都沒有口渴的感覺。煎餃－外皮煎得香脆，餡料鮮嫩，是個不錯的小食。

今日到了灣仔想食拉麵，便去了黑龍拉麵適逢午飯時間，加上店內位置不多，因此同友人都等左十五至二十分鐘。店內拉麵款式不算多，今次第一次食，所以叫了黑龍豚骨拉麵。湯底十分濃郁，但唔會太咸，豚肉分量還好，就是食完了一碗仍唔夠喉拉麵可選擇加葱，十分惹味！下次想試試牛筋拉麵，相信會十分入味