黑龍

營業中

休息中

今天要過灣仔處理一些事情，做完已經是午飯時間，經過呢間紅彤彤的拉麵店，久仰其大名，入內試下它有名的沾麵！餐牌上選擇不多，沾麵有2款，拉麵有3款，還有一款飯及餃子。點了牛筋Black 沾麵拉麵麵身似粗的烏冬，爽滑彈牙，掛湯力強湯汁濃稠，食落有漿口的感覺，充滿骨膠原，有辣度，牛筋軟滑甘香，糖心蛋入味，吃完大滿足！

叫左碗小size既牛筋black味沾面，有得揀凍或者热面，同埋要唔要葱/洋葱。d面多到剩系食左3份1就已經食唔落啦(我嘅胃口對女黎講都唔算細，但系我隔離個男人就食得曬喎)。都幾濟吓，因為個湯好濃好"geet"。胡椒味都幾劲。d面好粗，好似烏冬咁。d牛筋系ok既。但系98蚊就有d貴。環境唔錯，平日lunch都唔系好多人，唔係太逼。d staff識講日文，廣東話同英文。舖頭剩系會收cash。位置唔錯，都幾近地鐵。

The dipping ramen is too spicy and there's no option for no spicy on the menu. Had stomach problems afterwards and will not go back. The price is ok but can get much better ramen somewhere else. Service not excellent and had to ask to refill water and stuff.

又單拖周圍去食lunch今次去汕頭街呢間拉麵舖, 坐位唔多, 不過就有正宗日式拉麵舖既感覺,特別係坐係Bar檯睇住師傳煮麵呢間拉麵舖除左有拉麵仲有沾麵同飯今次試左個招牌黑龍豚骨拉麵,湯底夠味,麵都好彈牙,反而肉就一般,唔係好夠味(可能係我重口味啦)見到都幾多人叫沾麵,我下次會試吓間舖頭仲有十送一,記住比錢既時候拎返張儲分卡啦

難得早收工，即刻過嚟同朋友食下近排好hit geh黑龍 7點令鐘所以唔洗等位咁。入面都幾細，坐到10令個人左右。我地叫左一碗黑龍拉麵同spicy porks沾麵，大概10分鐘就有得食。拉麵有2碗叉燒，冇蛋，湯好濃，唔會好咸嘅，麵就揀左medium，煮得剛剛好！佢個辣醬好勁，食到後面好鬼辣 另外沾麵叫左加大，真係好大碗，佢個湯有啲咸，但食落辣辣地，好惹味！肉有3塊唔會好肥，亦唔痴牙 佢有凍水offer geh, 食到後面幾乎飲唒佢成樽水咁濟

這天lunch毒自去灣仔黑龍食拉麵，但感覺很自由自在，沒有旁人的束縛，而且一個人很快有位，餐廳店員大部分都是日本人，一聽便知不是香港人lur脷講日文的那種👍🏼坐下後，我便自動自覺拿張點菜紙，填好再交給店員。這次一如既往，點了牛筋black拉麵，Agu豬湯底膠質豐富，有濃郁炭燒香，亦有陣陣黑椒味，質感濃稠黏口，由於太濃太黏的關係，大家一定要小心熱，我餓鬼上身太心急一啖放入口之後，雙眼立即通紅流淚，感覺好像把1000度的熔岩湯麵放入口中自虐，條脷即刻rip🌚抖一抖之後繼續食😇牛筋炆得極軟腍且非常入味，有炭燒香，重膠質，入口即融，很有驚喜！幼太麵掛湯力強，充滿嚼勁，配合洋蔥及蔥花一起吃，重口味人士會大愛，淡口味朋友請放心，如果覺得太濃味，呢度係可以走蔥，亦提供熱湯讓客人自己調整湯的濃度。溏心蛋則味道較淡，但流心效果不錯！總結，以$98一碗黎講，拉麵份量略少(但都多過一蘭好多)，可能我呢日特別肚餓？另外，拉麵的整體味道是非常高質，湯底濃郁厚稠，喜愛口味較濃的朋友一定要來試試，絕對值得一戰。------------------------------黑龍 (灣仔)灣仔汕頭街29號地舖

星期五晚上路過一試，店舖安靜而舒適。前菜味道不錯，職員的服務也很好。點了辣肉醬叉燒豬骨湯拉麵。辣肉醬的味道蓋過了豬骨湯的香，有點可惜。叉燒肥瘦度適中，好吃！麵分量偏少。整體上一般，拉麵不算出眾。

🍴辣三枚肉沾麵（加底）$110🍴係拉麵沾麵兩選一，我一定係選沾麵，依間黑龍係日本人主理，將粗身拉麵夾入濃味既湯到，個味好重豬骨味☺️我食開清淡，個湯味對我都唔會太重配食沾麵就岩岩好！仲有佢隻流心蛋都好正🤤.地址：黑龍 （灣仔）灣仔汕頭街29號地舖幸福指數：7/10

One of the best tasting Japanese ramen in Hong Kong. Ramen and dumplings are yummy! Love the cozy ambience of the restaurant. The crew are very polite and nice. WiFi internet is fast and very easy to access. Definitely coming back whenever I'm in the area.

上網話呢到嘅沾麵開鋪兩個鐘就賣曬，試過後果然有驚喜😻😻😻櫻海老沾麵($98)個湯比較稠身，質地濃厚，鰹魚味好香好出😭💕💕💕加埋辣醬更為惹味🔥叉燒切得薄身，每一塊都大大塊而且脂肪分佈平均👍🏻櫻花蝦嘅份量亦好慷慨，基本上每一啖都食到，脆脆地豐富左成個麵嘅口感😋😋😋/呢到嘅沾麵用荒武者小麥粉製成，掛麵度高不在話👍🏻，佢地較一般沾麵粗身，接近烏冬嘅厚度，超合乎阿草心意😻😻😻除此之外，沾麵仲好彈牙同埋爽口，夾落D湯到食完全係perfect match無得輸😭😭😭💕💕💕/真心超級推介呢間拉麵店🤘🏻，湯底濃郁得黎，麵嘅質素亦都好高，係阿雲同阿草近期最愛嘅高質拉麵店❤️❤️❤️

这家店中午还挺好的，不用排队，人刚刚好都能坐满。这次我点错餐了，原本想吃面，结果点错了饭。看到旁边男生点的面真的不错！面和汤是分开的，蘸着吃。我又偷偷看了一眼，他点的是菜单上第二种面，下次尝试吧我点的是饭，主要是看到图片上有banboo shoot 味道还不错，但是肉太多，菜太少！最重要的是boiled egg真的不错！一定要点！问清楚原本有没有。第一款面里没有蛋！我的这个饭是有的！

男朋友都算半個拉麵控，灣仔黑龍呢排都有唔少人介紹，見佢講咗成兩個星期，話想食，所以襯週六放假過去。地點正正喺修頓球場對面，門面都幾顯眼，有個日式燈籠。店內面積不大，吧頭位都有六七個，二人枱幾張。一點鐘左右到，客人頗多，而且川流不息。黑龍係沖繩過江龍，主打沾麵、拉面，款式唔多，沾麵兩款，拉麵三款。小食有餃子，另外仲有飯，價位中挺。鐘意食沾麵可能要早啲到，可能因為週末，我地食食下已經聽到店員話沾麵已經售罄（開鋪唔夠兩個鐘） 黑龍豚骨拉麵 $88+$12玉子 (2倍辣醬)可自選辣度，分無、基本、二倍、激辛。麵質、蔥、洋蔥亦可按個人喜好自選。我點左2倍辣，麵質係我較喜歡嘅幼麵，選基本，軟硬適中，爽口。湯頭夠熱，而且係超濃稠，係我食過最濃湯嘅拉麵，近乎沾麵水平。另設熱湯，客人可以自行調淡湯嘅濃度。油脂唔多，飲落豬骨味唔係十分之突出，唔會太鹹，冇味精感。唯一係唔夠辣，雖然點左2倍，如果知道係咁弱，我會點激辛。叉燒只有兩片，食落未至於柴，稱唔上好食，味道溫和。玉子係另加，原隻上，呈半生熟狀，流心度出色，唔錯牛筋Black拉麵 $98 (不設辣醬；已附玉子）基本上同豚骨拉麵嘅分別在於呢碗湯底加入黑蒜蓉

今日收工，好難得咁可以同呀哥食飯，一於就係灣仔搵呀哥最鍾意食既拉麵食下先！黑龍開左咁耐都冇機會試，一試去試試！餐廳可以選擇的款式唔多，有三款拉麵丶兩款沾麵同一款飯黑龍豚骨拉麵+叉燒超級無敵勁濃的湯底，湯底濃度非常高，有種「張」口的感覺，膠質感好重。叉燒大約係2成肥8成肉的比例，唔會太肥，但係食落口叉燒都幾軟滑，唔會鞋口，口感唔錯。筍咬落無渣，爽脆。紫菜味非常濃，好香，配埋個湯味道更濃，香味帶來另一種感覺。麵我就點左硬身麵，麵食落口幾爽身，硬身麵煮得剛剛好，唔會腍身，整體感覺唔錯！牛筋Black拉麵+叉燒感覺上同黑龍豚骨拉麵的感覺有7分相似，但是分別在於有玉子丶牛筋同牛汁牛筋Black拉麵牛筋煮得非常軟滑，一咬就可以輕輕咬斷，好腍身好有膠質，而且好香。豚骨湯底加入了牛汁的味道，令味道冇咁膠質感重，但係加添了牛的肉香氣味。味道更上一層！餃子呢，就煎得個底部幾脆身，餡料好爽脆同埋新鮮，口味幾清爽，唔會太油，味道幾好！

今日放工後, 我相約了三位朋友出外吃晚飯, 順便聚舊, 由於我突然很想吃日式拉麵, 於是我們在openrice搜尋到這家位於灣仔專吃沾麵和拉麵的小店, 便決定行過去試一試。 小店的面積不大, 所以早去才不用排隊。我們大概六時半去到。 看到餐牌時，我被牛筋沾面深深吸引著, 因為我本人是十分喜愛吃牛筋和沾麵, 點這個沾面便可以一次過滿足到我兩個願望。 大概等了五分鐘, 沾麵便呈上來, 把麵條放入沾麵湯底裏, 然後即刻放入口, 那種感覺非常爽。沾麵質感爽口彈牙, 沾麵的湯底很濃郁, 麵條亦很快吸收到湯底的味道。另外, 那些牛筋炆得很淋滑, 很好吃。

黑龍豚骨拉麵 ($88)-拉麵既豬骨湯底超濃稠！飲落唔油膩，拉麵係幼麵，但因為個湯底好濃既關係，掛湯力都十足😱，配料有叉燒、筍、紫菜、蔥、洋蔥同辣醬，叉燒偏瘦，咬落有肉香但有啲嚡口，筍做得好出色，直情想叫多一份黎食😍。但略嫌加$12加既玉子冇乜味😂，如果可以滷得入味啲會更好，早知加個白飯配湯整返個雜炊😎。朋友仔食既沾麵都相當唔錯，而且份量相當足而又濃味，食完麵加湯落沾麵汁，連啲精華都飲埋就最正。