黑龍

營業中

休息中

上回的牛筋拉麵讓人一食難忘，食過番尋味。今回的主角：豚骨湯拉麵，同樣出色！豚骨湯拉麵湯汁濃郁，想必是經多小時熬製而成。叉燒薄身，油脂比例均勻，近乎入口即化，極級享受。拉麵硬身，煙韌口感讓人欲罷不能。吃過拉麵再配上Asahi生啤，不亦樂乎！拉麵職人，了不起！

上次在黑龍吃過牛筋black拉麵一直念念不忘，今次來到就叫了另一款，黑龍豚骨拉麵 $88這裹的湯底一向都以濃稠作為賣點，我在香港沒有見過其他的拉麵店有咁濃郁的湯。拉麵幼身，每條麵都可以沾上很多湯，所以味道偏鹹。店內有清湯提供比你自行調教濃度，好貼心！豚肉就相對比較淡味，但肉質唔會過硬。另外加左叉燒(+$12)，比起豚肉明顯叉燒更鬆較，沾上湯汁很好吃！但味道方面我都係比較中意牛筋個款，湯有好重既牛味，仲有幾舊燜得好淋既牛筋，同一隻半熟蛋！推介!!

咁啱經過灣仔黑龍附近 雖然未肚餓但係都係有啲心思思想食因為見到無人排隊😬可能因為時間仲早七點鐘已經到所以鋪頭裏面都唔多人 大家想食又唔想等既都可以試吓呢個鐘數黎碰下運氣㗎〰️辣三枚肉沾麵〰️個湯係超級濃郁 而且豬骨味亦都好突出 不過覺得唔係好夠辣 所以就自己加多左啲七味粉整體感覺都係好夠味嘅 面底到頂左凍嘅因為我覺得咁樣會係比較爽身d 而且食得慢都應該唔會林 入面除咗爽口之外仲彈牙架 就算我點左個湯都冇影響口感囉五花腩雖然係好肥 不過食食下軟林林既脂肪又突然感覺到實的的既肉 個層次好豐富 好彩得幾快咋如果唔係實肥死我啦😂糖心蛋一咬就流晒啲蛋漿出黎 嘩 正呀 而家諗起都想再食多隻呀〰️黑龍豬骨拉麵〰️湯底味道亦好濃不過有少少偏咸 义燒算係瘦义 啱晒怕食肥膏既人啦 呢個麵都值得一試

平時我係灣仔返工，lunch 時段經過黑龍拉麵總會見到排長龍，前排夜晚同朋友難得係灣仔食飯，就隨意去試呢間拉麵店，因為難得唔使排隊入去後鋪面細細，應該只有十幾個座位，我同朋友都點了同一款黑龍䐁骨拉麵，賣相不錯，原來個湯底係好厚身，好濃味，配料都係平時拉麵嘅款式，我覺得麵質幾好，但朋友就認為湯底太濃，最後加左一些店鋪提供嘅清湯去中和師傅會同客人傾下計，不過其實言語不通，佢地應該係日本人，但會問下我地好唔好食，而由於座位有點迫，我地食完就好快走

事隔半年再次來到黑龍，水準依舊：高質！跟友人分別點了牛筋沾麵以及牛筋拉麵。沾麵湯汁濃厚至極，而且不膩，粗麵軟硬度適中，水準之一品。牛筋拉麵湯汁也非常濃郁，由於選了較硬的麵條，所以較煙韌，牛筋保持彈牙口感，不會太軟腍，骨膠原感豐富。餃子味道也是高水準之作，外皮金黃香脆，餡料豐富，肉汁滿盈，口感一流。每一款食物均為佳作，簡直吃過番尋味！

約左朋友係灣仔睇音樂會，但冇咩時間慢慢食，所以要搵一間可以快食既餐廳佢之前食過呢間日本拉麵唔錯，夠快，加上我地食麵又唔使食好耐，所以帶左我去食 交通都好方便， 好近灣仔地鐵站，就係利東街後一條街就係啦 時間大約7點3左右，唔使等位，呢度落單係同一般拉麵店一樣，自己圈要D咩，我同朋友好快已經揀好食咩啦，落左單大約5-8分鐘就有得食LU~ 我地各自叫左一個牛筋black沾麵，再加左一個餃子share。D麵質係我好鍾意食果種啊，粗身，食落有DD彈牙，超好味！牛筋亦係我見到拉麵/沾麵少有既配搭，食落好夠林，的確唔錯。不過食食下覺得個湯咸左少少，但無損我對呢個沾麵既喜歡程度餃子不過不失，同朋友share過下口癮。呢度應該全部都係日本人serve既，感覺自己好似去左日本咁，好開心！下次再同朋友黎食下個拉麵先～

以前食拉麵。通常會睇下面麵嘅質素同埋佢嘅配料有幾多，但好少會，留意湯底嘅味道。今次來到這一間拉麵店。完全可以滿足，喜歡湯底的我。店裡嘅環境採用多數香港拉麵店的形式，面向廚房嘅吧台座位及旁邊一張張的小檯。今次選擇坐在吧台，可以親眼看見自己的拉麵怎樣煮成。第一次嚟這裡，選擇咗佢地嘅招牌濃豚骨拉麵。主菜來到了，有如店名一樣，有"濃"既讀音，就是湯底嘅濃。湯底的濃郁程度，好似醬汁一樣。充滿醬油,豬骨味。麵條選擇了中等的硬度，食起嚟很有質感。叉燒採用白切嘅方式，較瘦但不會肉質不會硬。如果覺得湯底太濃，旁邊還有一樽湯，調淡湯汁。總括嚟講，想吃，一種濃湯風格嘅拉麵，下次會再選擇來這裡。

灣仔不嬲係拉麵小店藴釀既地方，幾年落黎拉麵鋪一雞死一雞鳴左十間八間，始終黑龍都係最好食，沒有之一。黑龍主打既係濃厚豬骨湯底拉麵，源自沖繩那霸，以當地AGU 豬熬成既湯底。喺黑龍食拉麵，重點唔係個麵底，唔係塊叉燒，唔係堆配料，雖然都合乎水準，不過呢d其他拉麵鋪有更好既出品。重點是湯底，湯底，還是湯底 (很重要要說三次) 湯底濃到有膠質，未到沾麵汁既濃度，不過香濃既豬味真係啖啖都食得出。 我通常一上菜就雪雪聲食左個麵，留番半碗湯汁，配上紫菜，洋蔥，筍片，加隻蛋，再叫碗日本米白飯，同湯底撈勻成為雜炊，呢個雜炊先係最好味咁樣食法都係120到，冬天食就更一流，暖心暖胃，大滿足

以前都唔係太鍾意食拉麵，但自從晌沖繩食過一碗勁爆好味既拉麵之後就開始晌香港搵拉麵食喇，不過一直都搵唔到間好野。除左因為香港真係無乜好既拉麵店之外，最主要原因係因為拉麵呢樣野好睇個人口味。上網睇好多人話邊間邊間好，去到試完都係失望而回。所以要晌香港食好味道拉麵，真係要花多少少心機去逐間試。今日就到試呢間傳聞E神陳都幫襯既黑龍，叫左兩個麵，一個牛筋Black拉麵，另一個係豚骨拉麵。湯底：兩個麵既湯底都好濃味，甚至乎濃到有少少杰。正如我所講拉麵真係好睇個人口味，我呢D食到濃味既就覺得好味，但對家食就覺得太咸，所以如果唔食得太濃味既可以提早揚聲叫舖家唔好整咁濃。(都最味幾啖我自己都覺得Over左少少)。但要講既係，佢雖然濃，但唔係淨係得個咸字，仍然食到湯底其他味道，所以個湯底算唔錯，有8分。麵：再正如我所講，拉麵真係好睇個人口味。我自己唔鍾意食太淋太硬，佢呢度既普通麵質 (即係張紙上面既基本) 我已經覺得唔錯。唔會好似某D拉麵店，話普通麵質原來係偏淋/ 偏硬，而且個麵既粗幼度適中 (有D拉麵店既麵會偏粗少少，感覺似食麵條，而唔係似食拉麵) ，亦唔會話有鹼水味，所以個麵有9分。餸：豚肉同牛筋都係

咁岩撞正紅日，但等待的時間不算太久，排左差不多半個鐘，順便排緊果時就俾定張紙我地圈野食。服務員有個係日本人，很有禮貌。魚介湯底香濃及夠熱，而且加入了黑麻油，所以比較深色。牛筋亦炆得非常軟身，仲有兩片叉燒肉片。麵條掛湯能力夠，質感煙韌彈牙。雖然係叫左細碗，但麵的份量絶對夠飽對女仔黎講。冷麵配搭青蔥，紫菜，雞絲，筍乾，青瓜絲配以麻醬攪拌來食。如果麻醬多啲會更好吃。同個湯係一set。煎餃皮薄香脆，內餡柔軟多汁今次係同四個朋友一齊來，店鋪的確太細，又唔坐得耐，傾計都冇咁方便，不過野食係好好味，值得再來encore

記得有次去睇中醫路經發現左呢間隱世沾麵 食過一次包你上癮！一想食拉麵就會諗起黑龍 唔順路都要黎食 仲可以拍得住日本既拉麵 真係無誇張 因為上星期先係東京反黎 去左食池袋好多人排隊果間 已經變得好平平無奇 黑龍好食十倍阿熊就點左個牛筋沾麵 個麵睇落似烏冬 但非也 係幾彈牙 同好滑既 點埋個湯食一流 個湯食到後期會比較咸 但呢度有熱湯提供 可以自行調節咸淡我嗌個拉麵個湯會稀少少 無沾麵果個咁濃 不過一樣好好味 每食一啖牛筋就好似補充左好多骨膠原咁溏心蛋都係出色之作

本身係沾麵迷，因為啲麵唔會比熱湯浸淋，而且湯汁亦比拉麵濃郁。所以經過一見到有沾麵就入左去。我地坐喺吧枱，店員同廚師都不時講日文，感覺好有日本電影嘅感覺。沾麵有得選擇辣同唔辣。唔辣嘅係配牛筋，第一次見依個配搭，所以叫左牛筋black沾麵。麵係凍上，保持彈牙有咬口。個湯汁好香濃，又唔會太咸。牛筋亦有驚喜，好淋好入味，如果可以多啲就好啦作為一個比較大食嘅女仔，食哂成碗細份，份量啱啱好，又唔驚食多左會肥哈哈！

火炎焱燚，其實並不是我對是日要點評的拉麵的評價，只是我來到了這一家名叫《黑龍》的拉麵店，就想起某台灣電視劇的一個反派角色，終極系列電視劇裡，那維勳演的 "黑龍"，而該角色的絕技就是 "火炎焱燚"，原因就是這樣。的確，當我來到灣仔《黑龍》，我腦港中出現的並不是食，而是終極一班、終極一家、終極三國裡的情節。在門口幻想完了，任務就是食，來吃的，就是日式拉麵。是來自沖繩的拉麵。 去日式拉麵店，好多時都係坐吧檯，所以當地一個人，感覺好毒，好獨，好孤的時候，一條友食拉麵，是最好最浪漫的選擇，一個人，一個男人的浪漫，可以話食碗拉麵最浪漫。 我不想辣，不想火炎焱燚，所以沒有點辣的，然而第一次來，當然食招牌的黑龍豚骨拉麵啦。有慢煮的叉燒，有香口的筍。爽口的幼身拉麵，亦很掛汁，濃濃香香的豚骨湯，味道很重，入口也非常香口。 好味的湯，飲得落，慢慢一羹一羹地飲，一羹一羹地享受著豚骨湯的香味。一羹一羹地，也是對拉麵師傅的尊敬，我把整個麵湯喝清光了。 濃味豚骨濃，延續到日式拉麵的既有水準。這一所《黑龍拉麵》，的確好味道，值得來。

比起拉麵 其實我鍾意食沾麵多啲👅-辣三枚肉沾麵 ($110/大)呢個沾麵 喺我心目中幾乎完美～何解呢 因為首先你睇下個豚肉 唔好以為佢喺薄身就無咩料到😂食落肉質鮮嫩 但不失彈牙～果然喺運動過嘅豬啊😂👍🏼而且呢個豚肉香氣同油脂方面都喺非常濃郁😍沾湯方面 喺走重口味路線 絕對符合我食沾麵就喺要食重口味嘅心態✌🏼沾湯濃厚杰身 但唔太油膩 用粗麵條浸落去 掛湯能力高👍🏼而且先有陣陣豬骨濃湯味 再滲出陣陣辣味個人覺得辣味唔喺嗆口嘅辣 反而喺為你畫上刺激一筆嘅香辣味🌶呢個沾麵確喺高水準之作👅

那天下午，我們用了五分鐘的時間等候。店員友善地問我們兩個人？就讓我們進去。我們二人都點了黑龍豚骨拉麵,選了基本辣。我本身是一個不怎麼吃辣的,但始終在這大熱天氣下,有助刺激食慾。先從麵麵,我選了硬。硬的不太夠硬,不過不失。對於另一半來說,麵好像多了點,但對我來說,份量可說是正常的不太夠。再從湯湯底來說有點鹹,但又沒有沾麵那樣濃郁,是可接受範圍。如果嫌太濃,可以加身邊的熱湯窿壺。夏日的下午看來要來點清淡的。說點辣沒有太多驚喜,但比一蘭的來得辣一點。對於我不怎麼吃辣的人,這叫做剛剛可接受的範圍。到叉燒是肉較脂肪多的類型,也沒有經火炙,是正常的。但不會因為叉燒而回來再吃。最後蛋蛋是流心,而又不太鹹,蛋味算是一半,沒有強的蛋味,或許是湯底太強,搶了太多鏡。最後最後,對我來說,湯底應該是這間的主打。