黑木亭居酒屋 (金馬倫道)

係網上見到餐廳2週年，身份証有2字就可以全單8折！！！餐廳係百樂酒店斜對面，好易搵一上到去，安排左我地坐卡位，因為我地有帶埋小朋友同行，4人坐6人枱，好鬆動。我地叫左一口和牛三文治，慢煮鮑魚豚角，啤酒拉麵，海產細味6杯，芒果烏龍茶，士多啤梨牛奶乳酸冇幾耐就上左2杯超靚，好打卡able既飲品，芒果烏龍茶入面舊3冰係熊仔頭冰，小朋友見到超開心，杯茶低糖，好易入口，好好飲。海產細味6杯有海膽飯，生蠔同吞拿魚他他，個生蠔好出色，好新鮮，而海膽都唔苦，鮮味十足一口和牛三文治，超好食脆脆的多士包著熱辣辣的牛肉，和牛油滲入多士，外脆內軟，好香好濃既牛肉味啤酒拉麵又係超級吸引眼球，面頭的泡泡原來係忌廉來，拉麵微凍，配上忌廉，好滑好香，影相好得意好滿意今餐，下次要再黎！

新冠已經3年，太耐冇返鄉下真係非常非常之掛念，朋友介紹我地去尖沙咀呢間黑木亭，佢話好出名，我地今日趁時間尚早入面唔係好多人就入左去7點零鐘入到去其實好多客人都飲左好幾杯金呢間係居酒屋，我地7點零鐘入去都見到好多人飲左好幾杯飲到塊面紅卜卜，不過我地唔飲酒，就嗌左特飲蜜桃烏龍熊茶 $58用左好得意既熊仔杯做襯托，熊仔係會慢慢溶，仲有淡淡玫瑰花清花，甜而不膩，食油膩野幾啱飲北海道芒果牛乳乳酸$48酸酸甜甜好開胃，仲有彩虹條同埋啲糖膠之類既野係裡面，好飲之餘仲有口感，好味呀海產細味六杯子$239一shot一口，適合女孩子品嘗，賣相好精美天婦羅茄子$68燒得香脆但唔油，茄子好大條，好味芝士脆玉瓜$22 豚肉年糕$48燒得啱啱好，味道一流，如果唔食主食，淨係食燒物真係停唔到口巨無霸蟹蓋飯$369真真真係巨無霸！冇諗過係咁大碟飯，本身諗住食下小食先食飯，點知一上碟真係呆左！超級飽大家都係呢間居酒居邊食邊傾，氣氛一流，黎開尖沙咀想食呢間可以早少少黎

喺尖沙咀行到好攰隨便入咗間餐廳😂最緊要冷氣夠涼！沿着樓梯行上去環境都好靚好似日本居酒屋，職員都幾有禮貌會推介食物俾我哋。海產細味六杯 $239總共六杯3款唔同既海產，有生蠔、拖羅蓉配魚籽、海膽迷你丼，細細杯但係份量好充足，特別係生蠔好甜😛全部都新鮮好味，最得意係佢個架會不斷轉色，用嚟打卡就一流！日本啤酒拉麵＄98呢個真係超級推介✨✨✨做到好似啤酒一樣，其實上面嗰啲係忌廉芝士，味道有少少甜，配埋下面嘅湯汁，感覺唔會膩。兩個人share啱啱好，仲有紫菜、蘿蔔蓉、漏心蛋配一齊食。一口和牛三文治 $239和牛入口即溶，火候剛剛好裏面仲係粉紅色🤓🤓外層吉列，所以入口好香脆。加上三文治烘得啱啱好，兩樣都係脆脆地，好好食！濃煮鮑魚豚角 $128私心推介呢個好抵食，成舊腩肉大大件超厚身，住得好林好入味，連配料嘅蘿蔔糕超好食！隔離仲有一隻鮑魚，煮得好林好入味好快食晒✨蜜桃烏龍熊茶 $58上面有隻熊啤啤冰，勁得意。呢杯飲落唔會太甜，啱晒夏天！北海道士多啤梨牛乳乳酸 $48呢杯會比較甜，乳酸味道好出，酸酸甜甜感覺唔錯

成日行過金馬倫道都見到叫間居酒屋，今晚終於同朋友入去一試，原來寧靜嘅樓下係樓上爆場嘅假像，閒日都要等位食飯，咁受歡迎應該唔錯。牆上嘅畫好熱鬧有氣氛。時不時都借有promo, 當晚原來8折。《 一口和牛三文魚 $239 （原價 $341）》和牛炸過，香脆又有肉汁，肉味香濃，加埋多士很有口感。《 濃煮鮑魚豚 $128 》汁甜，而豚肉大件又入味，肉夾有厚脂肪入口軟腍，底下有白蘿蔔吸晒啲汁味甜。另外仲有鮑魚，腍身彈牙，同樣味甜。《 日本啤酒拉麵 $98 》好特別嘅賣相，大啤酒杯中放入冷拉麵，蕎麥麵汁及放上忌廉，都幾好味。有開半烚蛋，如果係溏心蛋可能更吸引。《 海產細味六杯 $239 原價 $341 》- 蠔配魚籽 （兩杯）- 幾鮮甜；- 吞拿魚茸及三文魚子 配壽司飯，一支的是壽司豉油 （兩杯）- 海膽 鮮味，底下配甜蛋 （兩杯）飲品叫咗兩杯：《 蜜桃烏龍紅茶 $58 》《 洛神檸水 $58 》

經過尖沙咀搵食，比店面的裝修吸引，成個感覺好日式，於是Walk-in ，好彩早到，剛好有最後兩枱位置。星期三Lady’s Night ，送一杯無酒精棉花糖茶飲品，甜甜的花茶味。點了波士頓龍蝦刺身，原隻龍蝦拆肉，連龍蝦頭擺盤，非常鮮甜，即叫即切！龍蝦刺身食完後，淨下的龍蝦頭用來弄石滑泡飯，龍蝦的鮮甜味完全比泡飯吸收，加上豆腐、節瓜、什菌等配料，清甜美味。睇Menu 見到日本啤酒拉麵個賣相幾特別，於是一試，原來係日式冷麵，無酒精的，在冷麵上加上忌廉，看上去很像啤酒，食落感覺上十分解暑，夏天必吃！天婦羅茄子燒，愛吃茄子的人必點，脆脆地甜甜地茄子燒到非常軟腍！兩杯飲品也非常好喝，不太甜很特別的蜜桃烏龍紅茶同北海道士多啤梨牛乳乳酸。

見到最近餐廳食龍蝦有6折，仲可以兩食，一於試一試首先叫左兩杯飲品，北海道士多啤梨乳酸，同蜜桃烏龍熊茶士多啤梨乳酸比較甜，但蜜桃烏龍熊茶就清淡啲，啱晒我！黎到仲見到真係有隻「熊」造型嘅冰塊，都幾可愛。之後就試下龍蝦兩食！先黎龍蝦刺身，龍蝦肉好清爽同清甜，成個擺盤都好靚。雖然肉量唔係太多，但兩個人食都滿足。另一食係石鍋龍蝦湯泡飯。之前嘅龍蝦鉗、龍蝦頭同殼身煮成龍蝦湯 ，仲有滿滿嘅龍蝦膏！成個泡飯好濃味，飯粒吸滿龍蝦汁，真係全餐亮點。飯入面仲有啲配菜如菇、翠玉瓜、蟹柳等等。最欣賞佢嘅豆腐，由於本身好鍾意食豆腐，一食就食得出係日本豆腐，豆味特別濃，質地都特別滑，絕對落足料。另外仲食左天婦羅茄子，外脆內滑。係嫌啲汁唔夠，如果多啲汁就更好。最後見佢呢排有推廣，試試佢個啤酒拉麵。一黎到個造型已好驚喜，大大杯，打卡一流。入面原來係冷麵，加上忌廉扮啤酒泡，非常得意。至於冷麵都唔錯，好爽好彈牙。

濃煮鮑魚豚角 ($128)豚肉煮得好腍好入面，旁邊d 蘿蔔都好味到秒速清哂🤣🤣隻鮑魚大大隻，仲有刀叉方便切開黎食添😉😉日本啤酒拉麵 ($98)好特別既啤酒拉麵，大大杯啤酒裝住既拉麵，其實係冇酒既，表面用忌廉汁黎扮泡泡，新奇得黎又幾好食🍻🍻海產細味六杯子 ($239)六杯有3款唔同既海產，每款兩杯我地兩個share 岩岩好☺️有生蠔，拖羅蓉配魚子，海膽迷你丼，全部都新鮮好味，加埋個靚靚既變色架岩哂打卡😚😚虎蝦麵包蟹粥 ($348)🦀🦀超級足料既粥，有已經去左殼既蝦同埋好多膏既麵包蟹，煮完成窩粥都勁鮮甜，連怕煩唔鐘意剝殼既朋友都食蟹食得好開心😚😚蜜桃烏龍熊茶 ($58)北海道士多啤梨牛乳乳酸 ($48)黎居酒屋唔飲酒都有好多選擇熊仔茶同乳酸都係甜甜地幾好飲🍹🍹📍 黑木亭居酒屋 (金馬倫道) (尖沙咀)尖沙咀金馬倫道58-60號國鈀大廈地下-1樓#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #fo

平日晚一早係OpenRice卜左位，一去到就入得。成間餐廳勁有feel，裝修好靚，好有心思。我地叫左小小串燒，同埋見佢個巨無霸蟹蓋飯同海產細味六杯做緊promotion 7折！所以就叫埋❤️黑豚荔枝卷-$38(4/5)佢酸酸甜甜咁，又唔會過甜，幾得意，同另一間串燒店既士多啤梨豚肉串有啲似，平時好小見，推薦大家可以一試。豚肉年糕-$48(3.5/5)相比另外兩串就無咁驚喜，但都好食既，年糕好煙韌，豚肉用燒汁燒過好入味！鴛鴦翠玉瓜-$22(4.5/5)佢一片上面係芝士，一片係燒過既明太子。本身bbq烤翠肉瓜已經好好食，仲要加埋芝士同明太子！個明太子真係勁好食！海產細味六杯-$239(折後價)(4/5)佢一共有三款，每款兩杯。一上姨碟就馬上放低左本身食緊既野，打卡先😂日本生蠔有三分二隻杯咁大隻，勁鮮甜，下面仲有少少沙律菜。第二杯係拖羅沙律，個拖羅配埋大粒魚子🤤🤤正🤤🤤插喺上面嗰支係豉油，自己可以判斷落幾多。最後嗰杯係海膽玉子，海膽有兩至三大舊！下面仲有好多粒小玉子❤️巨無霸蟹蓋飯-$369(折後價)(4/5)本身諗住佢係一人份，一上到枱，我怕我食唔晒😂隻麵包蟹勁大隻！大過我隻手掌✋🏻！佢對得住佢

今次試嘅居酒屋位置近尖東但係尖沙咀The One 行過去都可以門面全黑色 大大個招牌 唔難搵入到去 要上2-3層樓梯先到用餐位置樓梯牆上壁畫同裝飾都貫徹日本風格望左陣餐牌 經理主動行過黎話有今日推介服務唔錯 不過想試天婦羅同巨型蟹殼炒飯都無 因為負責嘅廚師放假 所以媽媽有啲失望北海道士多啤梨牛乳乳酸賣相好粉紅 面頭鋪左七彩朱古力脆脆 更加吸引飲啖唔係死甜 最底都有士多啤梨醬 酸酸甜甜幾開胃蜜桃烏龍熊茶熊仔是重點 依隻熊好勁 到埋單嘅時候都仲未溶晒成杯茶味道幾好 清得黎又有少少甜味左口魚裙邊 三文魚腩 正常發揮 不過左口魚裙邊應該要揀火炙 失敗左 大拖羅超出我預期 入口即溶 比起日本連鎖壽司店厚度更加出色右口魚裙邊依款就係經理推介嘅其中一款 左口魚裙邊真係成日食 但右口魚裙邊就真係好少係壽司店食 右比左會更加重油份 加上用火槍燒過更加油 一咬落去 不得了 又係食過返唔到轉頭 滿滿嘅魚油味填滿成口腔豚肉荔枝卷豚肉嘅鹹味包裹住荔枝肉嘅甜味 又甜又鹹 幾好食幾特別豚肉露荀卷龍蝦泡飯+刺身(2食)依個係本月推介 刺身係用左泡飯嘅龍蝦尾製成龍蝦刺身肉質彈牙鮮味 份量都算多而泡飯方面 會見到成隻龍蝦

經常食日本野， 今次試左黑木亭新野， 龍蝦2食； 龍蝦超新鮮，上菜嗰陣時條蘇仲識欲， 食完刺身，食泡飯超正。 啤酒拉麵； 估唔到這個拉麵配忌廉， 這麼滑及香口。一分錢一分貨，菜式有心思。個樣都好好打卡，但食物味道最重要。讚！

黑木亭居酒屋尖沙咀有好多食日本野嘅餐廳，行開依邊就去左其中一間居酒屋試試😆牛肉三色椒一嚟兩串串燒做前菜🍡🍢我本身唔係幾鍾意食三色椒，不過塊牛肉好稔，醬汁咸咸甜甜，包住啲椒嚟食，又唔係好覺三色椒嘅青味😯反而惹味中有啲蔬菜甜，幾開胃✨燒汁牛肉金菇卷正正常常嘅牛肉卷金菇，醬汁味道同頭先個串差唔多，好味😋牛油芝士鐵板帶子帶子正常，不過個底墊住啲菇同洋蔥超好味🤤芝士醬同配菜調味好好，好快就清晒🥰喜之次魚王木桶飯配鯛魚湯今餐嘅主角，淨係打卡都抵😆條魚有輕微調味過，煎到好香，魚皮咸咸地脆卜卜，好味😋木桶飯上面有少少吞拿魚蓉同魚子，配鯛魚湯撈埋食，好飽肚好滿足🥰其實鯛魚湯就咁飲都幾好味，清清地又暖胃，飲完好舒服🙈蜜桃烏龍熊茶/北海道士多啤梨牛乳乳酸蜜桃茶淡淡地，普通烏龍茶，不過隻熊仔冰好得意😍至於杯乳酸就好好飲！！好多地方嘅乳酸飲品，一係得乳酸味冇士多啤梨味，一係就士多啤梨糖水味超假。依杯就真係士多啤梨味、牛乳味、乳酸味齊晒，仲有啲士多啤梨凍乾碎，真係酸may may咁好好味！依個我超鍾意🥰餐廳裝修好用心，一行入去有日本漁市場用餐區嘅feel。仲有好多櫻花嘅裝飾元素，搞到我好想去日本🥺💕💕

好豐盛!!道道菜都好有特色、甚至出人意表，獨特又多樣嘅烹調方法、搭配甚至擺盤，餐牌上面有好多道菜齋睇相都好特別，唔係普通嘅日本料理，令我樣樣都想試！🤣🐃🍣和牛後腿肉壽司 $78一件和牛包裹住米飯，足三倍長，牛肉入口即化，油脂分布均勻綿密，配搭米飯份量正好一點都不會膩，加上魚子，令口感更加豐富清新，不錯的第一道🤤🔥🍆天婦羅茄子田樂燒 $68♥️‼️上枱就吸引左我哋，份量十足，脆炸金黃表皮、外脆內軟的口感，令茄子生色不少；醬汁甜咸得宜，配合度很高，已經淋在表面，卻不會影響表面香脆，食到最後都維持到脆香，好意外😳！這道評價最高，誠意推薦！🐟🦪海產細味六杯子 $239係餐廳本月推介，簡直打卡必備📸，隨着燈光嘅轉換，為美食增加咗一道趣味性，令整枱美食攝影加曬分，好似致身酒吧一樣；拖羅加醋好 refreshing；生蠔加醬加檸檬汁剛好，又是讓我放下對生蠔成見的一天🤣；仲有海膽杯！喜歡嘗鮮/酷愛打卡嘅必點！最後到熱食嘅🦪🐖濃煮鮑魚豚角 $128勁大隻鮑魚同豚角 (角煮就是取自其正方形外表)，豚角煮不論賣相和味道都同東坡肉相似，但味道較為醇和，減少稠膩感，一般材料有日本酒、醬油、糖、味醂、蔥、薑等，豚角肉

食物與原圖不符，員工反應太慢，可能因為人手不夠關係，但門口登記帶位的那位哥哥態度十分差，我們比訂座時間遲了十分鐘不夠才到，但帶位哥哥又話預我地唔嚟，未必俾到位我地，預約明明寫預留15分鐘。食物價格偏貴。

好耐以前食過天后分店覺得唔錯，行經見尖沙咀都有分店，一於再ENCORE😄今次叫左牛肉三色椒($38)、燒汁牛肉金菇卷($58)、牛油芝士鐵板帶子($68)、喜之次魚王木桶飯配鯛魚湯($448)、蜜桃烏龍熊茶($58)、北海道士多啤梨牛乳乳酸(48)環境佈置都幾有心思，好似置身於日本居酒屋😁牛肉三色椒：簡單嘅一道菜式，不過配上佢自家製嘅武士辣醬，少少辣辣地，食落幾惹味😋燒汁牛肉金菇卷：將牛肉卷住金菇黎燒，令金菇吸收牛汁嘅濃味，而且唔會燒到太乾身，唔錯😉牛油芝士鐵板帶子：帶子同菇類被大量嘅芝士同牛油調味，喺鐵板上燒香，熱辣辣先夠惹味🤤然後芝士仲有拉絲效果，非常邪惡😎喜之次魚王木桶飯配鯛魚湯：見每月推介MENU做緊特價優惠，見咁抵當然叫黎食下😉作為魚王嘅喜之次表層燒得好香脆，將佢內裡嘅魚油香逼出黎，肉嫩油香令人回味🤩另外個木桶飯都份量十足，配料有吞拿魚蓉、三文魚子、青瓜粒、蛋粒、飯素等，將鯛魚湯加落去變為茶漬飯都幾好味，食完都幾滿足同飽😋北海道士多啤梨牛乳乳酸：士多啤梨味香甜，配合牛乳乳酸幾好飲😄蜜桃烏龍熊茶：蜜桃烏龍呢個配搭一直都係我至愛之一，冰涼解渴嘅飲品，仲有可愛嘅啤啤熊仔冰喺上面，S

平時都好鍾意嚟哩一間日本餐廳，佢嘅出品幾高質❤今次見到佢出咗新產品，當然要試下！海產細味六杯子，🍣有肥美拖羅油醋沙律，嫩滑🦪新鮮日本生蠔，🍘香甜海膽玉子飯。小杯可愛精緻，而且多樣化好特別。濃煮鮑魚豚角都好唔錯~第一次見到咁精緻嘅豚肉日式料理！🐷方塊形狀嘅角切豚肉，係蘿蔔濃湯之中，同鮑魚一齊熬煮。肉汁加上鮑魚嘅鮮味，🥰湯底都特別香甜。佢嘅北海道士多啤梨牛奶乳酸，都好得意，而且酸酸哋好好飲。