黑木亭居酒屋 (金馬倫道)

黑木亭五周年紀念，轉做A5宮崎和牛拖羅放題，原價$555一位，九點後入坐$361位😋同朋友訂左枱食返餐勁嘅。九點來到全場爆滿十分熱鬧，店內間左個自助區出來，冷盤熱盤都有唔少，當然仲有飲品櫃、甜品櫃、雪糕櫃啦。掃碼落單，食物選擇好多😋大根鮑魚、花膠海參、清酒煮蜆等最快上桌。串燒炸物等陸陸續續都來了，上菜速度快，食物仲熱㗎，個海膽和牛牛角包正喎。刺身！刺身！刺身！黎食日式放題就係為左呢樣🤤呢間款式勁多，好多冷門野都有得叫，全部新鮮勁正，必食拖羅🤤壽司都多元化，正常款、火炙款、軍艦類同創意類😋飯軟綿綿有醋香，唯一不滿就係太大件啦，保持居酒屋size😅仲有西式（？）海鮮桶，仲蒜同橄欖油煮熟的，又香又鮮。食到咁上下去食下水果先，自助區有西瓜、蜜瓜、火龍果等，再落單叫埋榴蓮！榴蓮都任食㗎😍甜品都好多得揀，楊枝甘露、馬卡龍、蛋糕仔、豆腐花等，當然少得雪糕雪條🤤另外飲品都係超誇張，罐裝汽水、紙包茶、咖啡、啤酒、白酒、紅酒、清酒等全部任飲，朋友飲咗幾碗椰子雞湯，佢話好正喎🤤食到last order真係捧住個肚走，太滿足啦😋…查看更多

之前已經bookmark左呢間居酒屋好耐🤤見人介紹先知原來出左A5宮崎和牛拖羅放題，平時叫個刺身都唔平，出左放題姐係可以一次過試到好多款居酒屋食物🤩睇下係咪keep到居酒屋質素先😏#刺身 已經有成13款咁多😚全部都新鮮😍當中日本直送拖羅🐟好impress到fafafoodie 😋雪花般既脂肪分佈，入口即溶又甘香～叫第二轉都keep到質素😎見隔離枱既一樣咁靚，一次過叫好多排得好靚#壽司 /卷物🍣有試左佢主打既A5宮崎和牛火焰壽司☺️和牛軟嫩，壽司飯好夠醋味令fafafoodie眼前一亮🤩新派薄脆Taco🌮好特別，有4款，但我地只係試左2款鵝肝牛肉同鰻魚配飯包係脆Taco入面幾特別～A5宮崎和牛海膽牛角包🥐牛角包放左一陣先食都仲脆🙂仲有牛油香添😍另外推介磯煮鮑魚、厚切鵝肝多士、脆炸日式九肚魚、椰子雞湯😙諗起都想食#串燒 有6款，牛舌芯、蜜糖雞翼、雞軟骨、免治雞肉棒、黑豚荔枝卷、燒菠蘿🍍全部都好好食🤤大推牛舌芯同免治雞肉棒😙fafafoodie 自己食左3串牛舌🤪甜品呢～鐘意 #榴槤 既朋友有口福喇～有馬來西亞D24榴槤同脆炸貓山王，2款都有濃郁榴槤味😌唔食榴槤都唔驚😛另外仲有haagen-dazs🍦Dreyers🍨雪條、雪糕糯米糍、日式/意大利甜品同水果除左QRcode落單🍤🍢🍡自助區內有前菜、沙律🥗煙三文魚、Pizza🍕蒸炒、熱食🥘熱湯、各式罐裝飲品、清酒🍶梅酒、紅白酒🍷啤酒🍺即磨咖啡☕️都有😲推介梅酒😚整體上菜速度好快，食物夠熱，略嫌2人枱有啲細🙈好快放滿晒🤣不過好彩職員收碟速度都快👍🏻如果想食#放題 ，黑木亭不錯喔😌希望keep到水準💪🏼中午任食4小時12-4pm，$333起晚市限時2小時，$361起加一服務費#黑木亭#fafafoodie_尖沙咀…查看更多

呢間餐廳最近開始做日式放題，喺網上同電視都有介紹，睇完覺得幾吸引，就試吓佢哋嘅午市放題。首先佢啲座位都幾迫，張枱都幾細，所以叫食物嘅時候都要就住就住，叫多幾款張枱就唔夠位放食物。佢嘅放題主打A5宮崎和牛同拖羅，不過唔知係咪因為我食午市嘅原因，呢兩款食材嘅質素真係麻麻，和牛冇乜油脂味，拖羅亦冇乜鮮味。另外其他魚生水準都好一般，連榴槤亦冇乜香味。比較好嘅有串燒牛舌芯，另外佢嘅薄脆TACO同和牛海膽牛角包都幾特別，味道都唔錯。整體而言食物質素都真係好一般，同預期相差都幾遠，有啲失望，之後選擇要再小心啲先得喇。…查看更多

1. 完全冇秩序，冇安排預約9:00 去到已經排晒，但係店員完全冇安排冇反應冇分類，邊啲係Walk in邊啲係預約完全冇分。有啲人係直接衝入去。跟住問返佢，佢話先登記先入。啲人就戇居居喺度排俾人打尖。亂到不堪。最尾9:20先入到去，但係留意佢係照收11點，因為佢遲令你食少咗時間佢係唔會補返時間俾你完全不知所謂。2. 空間狹窄，人手不足由排隊樓梯，到現場環境行人通道完全逼到阿媽都唔認得，跟住交枱嘅時候根本亂到七彩，行出去嗰啲自助盤完全冇人fill 空既。3. 食物質素普通刺身等左半個鐘先到。跟住食到嘅炸物係微暖嘅，食幾轉先食到啲熱嘅。吞拿魚同埋海膽嘅質素都唔係特別出色係有一啲串燒叫做特別啲。勸大家都係去返大牌子，唔好浪費時間喺呢間嘢度…查看更多

見到網上有人介紹講到好正好正，兼且呢度評分咁高就即管試吓！點知… 中伏到一個點😮‍💨😮‍💨魚生刺身尚算新鮮燒雞翼、雞軟骨、鮑魚蟹粥味道ok鵝肝多士冇多士同埋太油磯煮鮑魚冇乜味，似罐頭開出嚟蟹甲羅太咸黑豚荔枝卷冇味自家制嘅茶完全冇茶味其他食物一係冇味，一係太咸未試過食放題食咁少嘢😅相信呢間餐廳marketing做得唔錯，有好多人walk in嚟都冇位，我哋同隔離2枱食客都一樣感到中伏，其中一枱食客唔夠30分鐘就走咗😆😆 …查看更多