黑木亭居酒屋 (金馬倫道)

喺尖沙咀行到好攰隨便入咗間餐廳😂最緊要冷氣夠涼！沿着樓梯行上去環境都好靚好似日本居酒屋，職員都幾有禮貌會推介食物俾我哋。海產細味六杯 $239總共六杯3款唔同既海產，有生蠔、拖羅蓉配魚籽、海膽迷你丼，細細杯但係份量好充足，特別係生蠔好甜😛全部都新鮮好味，最得意係佢個架會不斷轉色，用嚟打卡就一流！日本啤酒拉麵＄98呢個真係超級推介✨✨✨做到好似啤酒一樣，其實上面嗰啲係忌廉芝士，味道有少少甜，配埋下面嘅湯汁，感覺唔會膩。兩個人share啱啱好，仲有紫菜、蘿蔔蓉、漏心蛋配一齊食。一口和牛三文治 $239和牛入口即溶，火候剛剛好裏面仲係粉紅色🤓🤓外層吉列，所以入口好香脆。加上三文治烘得啱啱好，兩樣都係脆脆地，好好食！濃煮鮑魚豚角 $128私心推介呢個好抵食，成舊腩肉大大件超厚身，住得好林好入味，連配料嘅蘿蔔糕超好食！隔離仲有一隻鮑魚，煮得好林好入味好快食晒✨蜜桃烏龍熊茶 $58上面有隻熊啤啤冰，勁得意。呢杯飲落唔會太甜，啱晒夏天！北海道士多啤梨牛乳乳酸 $48呢杯會比較甜，乳酸味道好出，酸酸甜甜感覺唔錯