麻辣風雲 (荃碧大廈) (已結業)

晚飯時間去到見到個menu係用心設計既成間店既裝修唔錯 但D卡位同枱櫈既配色好痛譚仔三哥既feel叫左4樣野食 一埕洛神花茶 所有野食我地叫左小辣洛神花茶真係用一個酒埕咁上 用古時飲酒既碟飲 係幾過癮既，不過斟落個碟既時候成日都會漏到成手都係手撕包菜冇咩麻同辣味 酸味偏多 食過幾間川菜第一次係酸味咁重可能正宗係咁？佢食落唔係難食 但個味同我食開既好唔同辣子雞都係辣味冇咩 偏咸 有麻既感覺但孜然味好重 雞件少肉 同好多件雞都幾”鞋”酸菜魚魚肉係好滑既 但都有偏多既細骨 湯都係麻同辣比較少 我食開酸菜魚既湯係比較濃味 呢個湯我覺得比較淡 加上女朋友最愛既薯粉居然冇 反而有幾粒豆卜係面 個幾粒豆卜加埋落去總係覺得有d怪螞蟻上樹女朋友唔夠飽 叫多左個螞蟻上樹黎食成個感覺比我係麻油炒肉碎粉絲因為我同女朋友都係第一次食 所以唔知咁重麻油味係咪正確總結 ： 味道唔係幾岩我 應該唔會再食多次同可能因為疫情關係 員工都冇咩精神咁但食物設計方面同創意係幾用心既

天氣涼涼地~同朋友放工決定食麻辣嘢取一取暖~~鐘意食麻辣嘅我，又點會放過呢間麻辣風雲去到樓下 侍應非常有禮貌😜⭐$1 干鍋 ( 椰菜花、萵筍、 蓮藕片、京蔥) +自選配料最少五款 自選配了五款選咗：雞軟骨 、 牛腱、牛柏葉、肥腸、鴨腎辣度：麻辣小辣上菜好快，干鍋熱辣辣送到~一睇就知好足料小辣其實等於bb 辣，食得辣嘅朋友可以直跳中辣或大辣😜值得推薦係雞軟骨同蓮藕片，口感爽口配麻辣干鍋底出奇地好食😆干鍋五個餸都夠2 個人食！足料豐富水煮牛肉 $138睇樣已經覺得好正，牛肉在麻辣湯下燙熟令牛肉滑嫩適口，配薯粉果真一流！條條薯粉都吸滿麻辣鮮香~愈食愈過癮😏而配菜芽菜同萵筍都值得一讚~口感爽口，味道花椒酥麻~好夾😆菊花蜜 $48食咁多辣嘢當然要飲返杯菊花蜜下火😆外形似酒壺菊花蜜唔會太甜

大閘蟹季節，當然搵地方食下。依間四川菜裝修特別，就連器皿都好特別，有古式古香feel。依到有個大閘蟹宴，叫左個4隻套餐。大閘蟹可以選擇兩種煮法。鹽焗煮法的大閘蟹，多左種咸香味，蟹膏好爆，肉質唔會削肉。另外，選擇左原味，食到蟹的原汁原味。蒜蓉炒芥蘭苗，蒜蓉味出，芥蘭苗爽口。半份金湯魚，初初以為份量好少，但一黎，原來份量都好多。魚質滑溜，沒有骨。味道愈食愈辣，但愈食愈想食。鐘意食辣的朋友仔，可以選擇水煮魚，相信會更好味。炸饅頭另外，加左饅頭，竟然會放係船上到，仲會噴煙，真係估唔到。饅頭炸得香口，好有水準。最後，一個薑茶為結尾。仲用埕黎上，真係夠特別，而且夠薑，驅寒。

珍寶海鮮一人鍋，招牌酸菜湯、萵荀片、獅子狗、雞脾菇、白菜仔、紅薯粉；海鮮包括有鮑魚、鮮蝦、扇貝，鮑魚口感彈牙，鮮蝦口感爽彈，味道鮮甜，扇貝肉質肥美，食落鮮味十足；招牌酸菜湯，味道酸辣，辣度5.5分，酸菜味道酸香；萵荀片口感爽脆，味道清甜；獅子狗口感Q彈；雞脾菇口感腍身，食落好Juicy；白菜仔口感鮮嫩；紅薯粉，食落好入味，口感煙韌。津路烏龍茶，茶味濃香、不苦澀。醬料，包括有蒜蓉、辣椒、豉油、香蔥。

依家先有時間寫返個食評，真心推介呢間麻辣餐廳👍🏻👍🏻食完好滿足🤤試左個大閘蟹套餐🦀🦀有4款揀清蒸，鹽焗，香辣和麻辣我揀左鹽焗和麻辣🦀🦀好入味，推蟹麻辣口味，唔會太辣，而且食完無好寒涼既感覺，值得一試。唔知係甘岩定餐廳特登，一公一乸🦀🦀好有心水煮魚都好正，好香魚片夠滑，薄得黎份量一啲都唔小見大家都推介饅頭，當然要試埋喇，果然好味，架船見到都開心😃加1蚊仲可以試埋個口水雞😌緊係過下口癮喇✌🏻個餐牌仲有好多野都好想試，2個人食唔落😂唯有等下次

行完山，食午餐，朋友對荃灣區很熟識，佢帶我嚟呢到。餐廳都幾大間，店員還安排了我們坐玻璃窗卡位，唔錯。呢度嘅炸饅頭（$48），擺盤好得意，一嚟到，我已經笑到呢😂...，係有位大爺坐住隻以乾冰噴煙嘅船上面送上，有六件炸到金黃色，外脆內嫩嘅饅頭，沾上煉奶，簡單好味。干鍋鮑魚($148)，以花椒、孜然、乾椒等多種香料炒成，加上爽脆嘅蓮藕片及芹菜，十分香辣惹味，鮑魚份量亦多，勝價比高😋👍。豬油渣炒䈑筍（$88）䈑筍當造，以蒜蓉炒，味道十分脆嫩爽口。

從不敢吃辣的我, 經朋友訓練後可以嘗試微辣! 朋友表示辣是越吃越辣, 越吃越上癮的, 所以要多吃多訓練自己! 現在已進化至可接受麻辣! 我很喜愛吃雞, 自己可吃一整隻, 適逢餐廳的 “口水雞” 大特價, 只售 $1, 我們是幸運的! 雞皮爽脆, 雞肉嫩滑, 咬落麻辣香而順喉, 花生香脆, 十分惹味! 酸菜魚 $268 ~ 有別於一般酸菜魚會使用桂花魚, 而是使用黑魚生魚片, 全無魚腥味, 肉質非常嫩滑! 魚片份量滿滿, 配菜亦滿滿的, 大豆芽新鮮爽脆! 豆腐卜嫩滑, 盡收所有湯汁!  干鍋肥腸 $118 ~ 肥腸雖然滿滿肥膏但不會十分油膩, 外皮香脆, 入口軟滑, 惹味非常! 洛神花茶, 以酒酲盛載, 清涼可口兼解油膩! 

假期我永遠想瞓到自然醒先食野，因每晚我都好努力做野到好夜，而仔仔多數都好乖盡量唔嘈醒我，自己起身睇電視，但到佢肚餓就會叫醒我，今次佢肚餓竟然同我講，媽咪我想食打邊爐，我話下，依家lunch 時間喎， 佢話我真係好想食，咁我唯有睇下荃灣邊到有啦！好彩比我發現麻辣風雲出左午市火鍋，仲要一人一鍋，咁唔洗諗咁多即上去食啦！見到呢到有3款主打火鍋選擇， 分別係肉老大一人鍋，珍寶海鮮一人鍋和極上和牛一人鍋。咁我和仔仔叫左抵食的肉老大（$48）和海鮮($68)試下。 湯底方面我就食招牌酸菜湯，仔仔就叫番茄元氣湯。呢個套餐價錢包左湯底，加兩款配菜和主菜，薯粉就任食，絕對唔洗驚唔夠飽。而且想叫多幾款配料都係8蚊， 而額外追加的就價錢唔同一點，我就加左廣島蠔2隻和生魚片4片。配菜我就選左響鈴，腐皮，唐生菜，羅白片，牛柏葉，鴨血，肥腸。 招牌酸菜湯我特別點生魚片去滾酸得來真係好正味道一流， 再加點薯粉蔬菜鴨血肥腸冇得頂。仔仔太為食，自己食哂d 海鮮， 鮑魚，蝦，蠔，扇貝，睇落新鮮， 仔仔話鮮甜， 我心諗緊係啦你用蕃茄湯咁會帶出海鮮鮮味。最後仔仔都叫我幫手滾薯粉， 呢到真唔錯薯粉任食，因為我地好喜歡食薯粉的。

好一段日子未有吃四川辣了，難得朋友想吃便跟她起行吧😎 她說麻辣風雲在做HKD 1 麻辣口水雞 一定要試試🤣！ 餐廳位於荃灣的海壩街，靠近港鐵荃灣站B1 出口再步行5分鍾！ 環境以中國傳統紅色來襯托，這裡可容納多人，適合跟一班朋友聚聚～靠牆位置更設有梳化座口水雞 雞肉嫩口，不會橡皮搬口感！ 皮層帶沾滿了麻辣醬 好味。 HKD 1 好抵食！ 麻辣度可接受干鍋田雞 外觀已感到十分乾透，沒有油立立。除了肉質結實的主角田雞外，還有很多爽脆蓮藕～ 送茶送酒佳品餐廳防疫操施如量體溫、每枱有隔板分隔、口罩正確的帶上做足；職員落單快而準

同朋友都好中意食辣，見呢間麻辣風雲好似好多辣嘅食物就試吓～裝修都幾古色古香。坐低第一眼話比佢個$1干鍋吸引咗，只要like 佢哋FB專頁就可以享用啦，(只限星期一同三先有呢個優惠🤤)我同朋友都未試過干鍋所以就點黎試下。▪️干鍋未食前已聞到香噴噴！嗜辣控表示幸福🤤佢原價係$68包四款配料，包括蓮藕片、椰菜花、萵荀同京葱，依家$1就有干鍋料，好抵！另外我地再加錢叫咗五樣配料:✅五花腩片好惹味！腩片厚度適中。✅雞件肉質鮮嫩，份量都幾多，都幾入味，有點似雞煲的感覺。✅鮑魚有驚喜，非常彈牙有嚼勁，食落幾新鮮。✅土豆片吸辣味強！切得薄身所以食落非常爽口！✅手打墨魚丸都幾多粒，同夠哂彈牙，必點！▪️酸菜魚我地點咗中辣，不過我同朋友都覺得未到好辣，建議食得辣嘅朋友可以叫大辣🤤見到好多辣椒已經流哂口水，魚片都幾嫩滑，份量又多，無乜骨，都唔錯！入面仲有豆卜同萵荀片，都幾吸味，又夠爽口新鮮。▪️炸饅頭呢個必點！炸饅頭擺係一隻船上面，一上枱就噴煙，勁霸氣！打卡好靚！而且炸得金黃色，外脆內軟，但唔會好油膩，點埋煉奶食好開胃，而且煉奶唔算好甜，食完都唔會覺得Guilty!-價錢都算合理，坐得舒服，食物又有風味，嗜辣控值

最近去咗麻辣風雲 食川菜😬.自選干鍋(重蒜大辣)🧄🥘上枱嘅時候會跟埋個爐熱住🔥鍋底本身已經有萵筍、蓮藕椰菜花、京蔥、葱段、芫荽🌿然後再揀咗幾款食材🤗包括雞件🐔娃娃菜🥬鮑魚、鮮蝦🦐雖然望落好辣🌶但其實食落只係小辣左右😉配料份量適中☺️娃娃菜同牛柏葉炒到好惹味😋鮮蝦大隻爽口😆鮑魚彈牙，但唔夠鮮甜🥺雞件都略嫌肉質老左啲，其他食材都唔錯🤤.鮮果百花茶🍹百花茶清香微甜😌底下有好多奇異果同芒果🥝🥭香甜得尼又同百花茶好夾👍🏻清熱滋潤

今日，應該係我今年食第一次大閘蟹。在網上，見到荃灣，有一間餐廳名叫麻辣風雲，出名食辣，現正做緊大閘蟹套餐，488元，當中包含了四隻大閘蟹。店面，很有中國風，根據店員所説，老板十分喜歡這種風格。餐廳內，空間算多，坐得尚算舒服。套餐，除了蟹，還有菜及金湯魚，另外再加碼要了一份炸饅頭。金湯魚，辣度適中，魚片數量不少，骨不多，肉質很嫩，但鮮味略欠。炸饅頭，排場勁大，用一艘會噴煙的船載著，很有意見，打卡必選，48元，一份有6件，外脆內嫩，雖然有點黐牙，但沾上煉奶，解辣一流。大閘蟹，用了兩種煮法，分別是清蒸及鹽焗，個人比較喜歡鹽焗，因為咸味有助提升蟹味。蟹質亦不錯，含羔量不少，入口很滋味，推薦。可惜，份量太少，所以晚飯後，還有空餘去品嚐宵夜。麻辣風雲 (荃灣)荃灣海壩街108-114號荃碧大廈1樓

假日約咗朋友喺荃灣食飯，我話想食啲「香口」食物，朋友就帶咗我嚟呢間餐廳，聽個名都覺得有啲香口同刺激😆叫咗$148嘅「干鍋鮑魚」，用一隻鑊上，下邊放個小火爐，熱辣辣兼香噴噴；鮑魚煮得軟熟但係又有啲咬頭，干鍋裏面仲有好多材料，包括蓮藕片、紅辣椒、青辣椒、蒜頭、煎香咗嘅薑片、京蔥、芹菜、同埋大量香料，全部食起嚟都非常惹味😋，鮑魚沾上干鍋裏濃郁嘅汁液，更加好味😋$98嘅「口水雞」，叫咗小辣。味道少少麻少少辣，雞肉軟滑，又係好香口😋$88嘅「豬油渣炒萵筍」，萵筍新鮮爽脆；豬油渣而家唔係好多地方有得食，配萵筍一齊炒，都係非常香口美味😋呢餐絕對滿足到我要「香口」嘅要求，朋友揀得好😁

麻辣風雲❤️今日黎到荃灣呢間超有特色的川菜店，依加去仲有大閘蟹套餐可以食添！坐位超舒適，一入去員工會比口罩套我地，之後食大閘蟹仲有手套，工具同濕紙巾提供，最最最重點係竟然係無加一服務費！💡爆膏大閘蟹-4隻套餐（$488)💁‍♀️爆膏大閘蟹(麻辣味+鹽焗味)👍"佢地既大閘蟹都係4兩重既 唔算好大隻""大閘蟹食落雖然唔算係好爆膏 但都幾新鮮嫁 同埋有埋薑茶同食用工具提供 超貼心喔"👈向左滑動看圖三💁‍♀️水煮魚👍"水煮魚好足料 可以選擇小中大辣 我地今次就叫左中辣""佢地用既魚係生魚都幾滑嫁 同埋有好多芽菜配搭"💁‍♀️蒜蓉炒菜心👍"套餐包埋炒菜中和番d辣味 好食因為用左幾款蒜蓉黎炒""普通的菜式都好用心整"

超想食大閘蟹，第一次出去食，因為懶唔想係屋企蒸同洗😂，見kkday有得買幾抵評價又唔錯，$488兩位去到再補埋加一，有蟹有酸茶魚，有菜又有薑茶，再送埋個甜品，都幾抵食，就黎左，但都幾失望...佢野食一次過上晒，完全唔理解，我另外叫左炸饅頭，都同時黎埋，大家食完一隻蟹，另外兩隻蟹已經凍晒，我就未試過出去食大閘蟹，唔知係出面個文化都係咁定點，連薑茶都黎埋，我食完飲已經暖晒🙄🙄1. 大閘蟹 （約4丙）後悔唔搵間食5-6丙，拆左好耐先得個少少肉，我地叫左兩隻鹽焗，兩隻清蒸，鹽焗幾特別有驚喜，其中頭兩隻係明顯細隻d，同埋仲有一隻冇咩膏😟😟😟，鹽焗個兩隻就好好多2. 蒜蓉炒油麥菜 個菜好夠鑊氣，好好食呀🤤🤤，味道好正，清晒！3. 炸饅頭新鮮熱辣辣，仲脆卜卜，超好食！打卡一流，但趕住影，影得麻麻4. 酸菜魚其實可以叫水煮魚都得，酸菜魚滑稽稽，又冇骨，不過個湯未去到可以溝飯個隻😂，同埋食完蟹，都凍晒😪5. 薑茶呢個壺勁呀，放左咁耐，食完都仲可以係暖，味道正常但有個驚喜位，有得坐麻雀房食野，有獨立廁所，位置寬躺，又有得睇下電視，兩個人有間房食野都幾正整體黎講，套餐就不了，其實會完全睇住我地幾時食完，我都