麺屋武蔵 (已結業)

話說10個人有大有細行APM搵野食~行頭果個見呢間新開又畀埋8折咪入去~點知一掀個menu就嚇親...頭3版一樣ge!睇真D,原來料&麵一樣係湯底唔同...不過掀哂成本menu都冇乜野食又唔平~已經狂鬧帶頭人~不過算啦~小朋友都飲左人地杯水~我地唯有頂硬叫啦~order左8碗麵~每隻湯底都有每隻料都有~份量一般啦~女仔都算夠飽啦~大食少少都唔多夠~湯底都OK~不過唔算出色~麵質都算彈牙~感覺好味千少少~我自己食佢D薄切豬肉料~冇乜味~同食cheapcheap打邊鑪D豬肉差唔多~份量都夠送哂碗麵~朋友點角切~話味道一般~唔算好食~帶頭人老公點叉燒(最貴ge料,但得一片)~食完佢就話"瀨"野~應該都唔多好~基本上以佢呢個價錢~其實可以食得更好更飽~不過服務態度算好(因為小朋友想食飯~經理都去太興外賣碗飯過黎)但如果佢冇咩新變化~都唔會再去幫襯~

過去數月品嚐了豚王，達磨，魂，一風堂等拉面店，各具特色及驚喜。最近麵屋武藏人氣強勁，好評如潮，在餐廳排行榜榜首已盤踞一時。過去兩星期一直心癢癢，終於今天下午一到麵屋武藏。等了十多分鐘，和友人坐下後便點了白武骨豚角煮和黑武骨豚角煮。第一碗拉麵送到，心裡立刻沉了一沉，只見湯上鋪了一層半形涸的油，海苔浸透於油中。心裡同時亦出現了一個疑惑，這是白武骨還是黑武骨？因為半形涸油的原故，湯不是黑也不是白，是灰色的。店員可能看見我頭上的問號，表示這是黑武骨。白武骨隨即送到，海苔也是同一命運。小弟吃的是黑武骨，平常吃拉面第一件事是先嚐一口湯，今天卻是把海苔先黏回碗邊，再用湯匙一探油的深度。湯匙一直向碗底下移，移了1cm，只有油，繼續向下移，大約到了1.5cm，終於見到灰色的湯游進匙內。湯：鼓起勇氣，喝一口湯，除了油膩就只有鹹味，沒有黑武骨聲稱的黑蒜醬油香味，湯底亦強差人意，沒有層次感，真的是豚骨湯嗎？白武骨的湯底亦同樣另人失望。麵吃完，還剩下一大碗湯和油，這情況應該不會出現於豚王，達磨等拉麵店。麵：麵身較粗，軟硬適中，口感不俗，可惜麵身不掛湯蛋：整碗拉麵最好的就是糖心蛋，水準合格，但跟魂的糖心蛋差得遠豚

已經有半年冇食新宿的麵屋武藏，又見有人推介，所以懷著興奮的心情去呢間日本以外的第一分店，我哋叫咗黑武骨同白武骨各一碗，碗麵來到時，急不及待同佢影咗張相，然後先品嘗一口湯，點知...失望開始了，湯唔夠日本的濃味，黑武骨稍為好一點，豚角比較瘦同硬不及日本的肉味，麵質完全唔同，玉子就ok，如果可以大隻啲就好

傳媒報紙廣泛報導之下,實在無辦法唔試呢間拉麵店啦!.尤其係當知道佢喺日本好有名氣,更加想知道呢間新開拉麵店有幾巴閉!今晚同男友由佐敦山長水遠嚟到位於觀塘嘅麵屋武藏,因為收到風係喺APM商場開咗間喺日本好有名氣嘅拉麵店,喺公仔箱入面,「麵屋武藏」拉麵店係長期榮登冠軍嘅常客.「麵屋武藏」嘅拉麵只得三款,黑武骨豚肉拉麵,白武骨豚肉拉麵及赤武骨(辣味)拉麵.成日都覺得拉麵同辣味唔多點夾,所以我地淨係要咗前兩者.黑武骨豚肉拉麵啲麵有啲韌度,嗰半隻蛋就一定無亮亭d醬油蛋咁濃郁好味.至於豚肉質感就唔夠無敵家咁肥瘦適中同埋稔嫩.但講到肉嘅味道,就吸收咗黑蒜湯底嘅精華,湯底味道真係正到無倫!由於黑蒜湯底太正,反而顯得白武骨豚肉拉麵無乜特別,但有一點想強調的,是其湯底唔油膩呢點就直得一讚及表揚,暫時食過最油嘅拉麵真係非亮亭莫屬囉!當然淨係食碗拉麵又點會食得飽我同Darling呢吓!所以看看餐牌再黎多個炸比目魚同埋自家製日式餃子添.食得出啲魚係經過用甜醬汁醃製過,炸起來外表好脆內裏又好嫩滑,只可惜係餃子就真係普通咗啲囉!

兩年前到過東京、北海渡試過當地拉麵,好想再次回味!入座後,叫了一個白武骨叉燒拉麵,但結果出事1)叉燒又乾又冇肉味(2)麺身太粗(3)湯底很淡(4)只有蛋皇有水準加一後價錢不便宜,但水準比APM Food court差一皮,廿個笑係唔係真

終於都去左食apm新開日本拉麵店 - 麵屋武藏，其實之前一直都好想試，不過次次黎親都有好多人等位，今次終於都比我等到啦!!我地一行4人入去，之前睇雜誌話有個日本新興食法 – 沾汁麵，係香港好少有得食，所以我地全部都食沾汁麵，我地點左2個黑武骨同2個赤武骨麵，仲叫多2個小食，武藏炸雞同日式炸蝦卷。武藏炸雞配芥末汁，味道好特別同食完好開胃，值得再食，日式炸蝦卷，外而好脆好薄，入面隻蝦又唔會比佢炸到乾身，好好味主菜 - 沾汁麵，塊叉燒超大塊，入口溶化，再配隻流心既糖心蛋，睇個賣相已經超正，再沾黑武骨湯入口，味道超正!!!!!!

放工落樓下排隊, 一攞飛.... 嘩!要等成100張.好彩好多人攞完飛就走左唔等. 所以等左一個鐘就入座聽同事講話黑武骨好食D, 同男友兩個人就一齊點左黑武骨, 叉燒黑武骨($72), 另加底($15 半個麵)豚角煮黑武骨($72)~ 另外叫左個梅素麵蝦天婦羅: 感覺同平時既天婦羅差唔多, 好脆口, 可能少食多滋味, 覺得幾好食.黑武骨一黎到, 嘩!好香呀..... 即刻試下個湯先, 噢........點解無乜蒜味, 得個香味既試下再加埋D湯同D麵一齊食, 但感覺上湯底唔夠濃, 拉麵唔太夠味 豚角煮既肉好似扣肉咁, 但咬落就好鞋 >.< 叉燒就好肥好好味整體來說, 無乜大驚喜, 相比其他拉麵店, 個人覺得豚王既拉麵湯底好食D

睇咗CHing嘅食評諗住去試吓，等咗10分鐘左右就入得，入座時已聞到勁大陣煙味，唔知喺邊到吹嚟，個抽風系統應該做得好啲，咪搞到人胃口都冇晒　平時見到靚靚裝潢都會影番幾張相，環境雖靚，但臭味倒胃，完全唔想拎部機出嚟。講番拉麵，唔係話唔好食，但又唔係好食到想下次再嚟食過；湯底好多油浮面，飲完恐怕肥幾磅；啲拉麵的質感怪怪的，拉到好似公仔麵咁，當然可能係武藏自己本身啲風格，不過我哋真係接受唔到囉；唯一係個蝦天婦羅值得一讚，起碼食得出係新鮮蝦，而且粉漿夠薄。

每每對新開的食店有一種想先試為快的衝動，所以就特意選擇一個平日的時間去光顧，不過也許沒有想到原來是正式開張的那數天，所以我是跟大部份香港人一樣地在等了又等，幸好的是我去的時間還是比較早，只是有18張“飛”在我的跟前，更明顯是香港人的習慣因為要等候太久大部份的“飛”也是已經離開不遠等候的，所以其實只是等候了25分鐘便可以入座。看過一些文章介紹此拉麵店在日本的名氣非常不凡，而且看餐牌的第一頁更介紹了他們使用了一位聞名的武士叫做官本武狀為主題。看餐牌其實非常簡單，湯底只有以下五類：-1.以黑蒜醬油洋蔥為主的黑武骨湯底2.原味的叫做白武骨3.唐辛子辣椒油的是赤武骨湯底4.沾汁是像我們的撈面一樣的食法，湯和麵條分開上，吃的時候用麵條來沾上湯汁來吃。5,咖喱湯麵底餸只是三種，分別是豚角煮（其實是想扣肉一樣的豬肉）；叉燒和豚肉（像肥牛的樣子的豬肉）。所以基本上您只需要選擇湯底和餸就完成。此外，小吃更不是太多，所以不知道他們是否會定期改變餐牌的食物還是永遠售賣同一種拉麵的呢？未來要跟進才可。自己覺得以黑武骨湯底和白武骨湯底最喜歡，香濃而不會太過油膩，唯一感覺是為何拉麵的份量那樣小？我們更試吃了青椒明太

新年長假期的最後一天，本來想去東港城吃「銀咖哩」，但一落街又唔知挑起邊條筋，突然想吃拉麵，遂登上巴士走出觀塘，試試人氣新店「麵屋武藏」。麵屋武藏位於 apm 2 樓，其實即是 KFC 的位置，而 KFC 則沒有結業，只是舖面比以前少了一半，讓路予新食店之餘，同時為自己減輕租金負擔。來到時約十二點半，麵店內已經坐滿了人，幸好只等了兩個號碼就能入座，若果再遲一點的話，恐怕會遇上人潮，需在門外慢慢等慢慢等．．．坦白說，我不太清楚這品牌在日本有多紅，據知香港的分店是由味千集團引進，裝修明顯花過心思的，黑白色調固然型格，餐廳周遭的一些小環節亦滲透著日本江戶時代的特色。麵屋武藏的另一優點，是座位比其他拉麵店多，而且設於大型商場之內，即使需要輪候，食客亦不用受日曬雨淋之苦。主打的拉麵有三款，包括白武骨 (豚骨)、黑武骨 (黑蒜油) 及赤武骨 (辣油)，配豚肉 ($69)、叉燒 ($72) 或豚角煮 ($72)，除了放湯外，也可以選擇馳名的沾汁麵，其中後者的食法相當簡單，先將麵條沾上濃郁的醬汁吃，吃罷再把上湯倒進醬汁之中，就可以吃得一滴不剩。配料方面，這裡沒有豚王／魂的豐富，木耳和筍條欠奉，面頭只得一

一個小時的空檔吃一個quick lunch， 找著這間新開張（？）的拉麵店。因為未到午飯時間，很快便入坐。每人分別叫了一個黑武骨豚肉拉麵及白武骨豚肉拉麵。基本的湯底除了黑與白，還有赤武骨，不過是辣湯底... No thanks.其實黑白湯底分別不太大，黑湯底味道比較濃，而且個人感覺有點過咸。不過白湯底則剛剛好，適合「淺口味」的我。餐牌上的拉麵好像大部分以豬肉為主，有其他小菜如餃子和煎魚等，不過沒有機會一試。約$70一碗，價錢方面算合理，而且服務態度給我的第一印象不錯。我經常強調服務態度比食物質素重要，只不過這理想構思從來沒人和議。再好食的東西擺在眼前，望著一個「西面」的侍應也不會有任何胃口，付錢更付得不順氣。

"瘦田無人耕 耕開有人爭:就最好正用麵屋武藏了。 原來開張初期的人客流量不高，但因為得到報紙,雜誌,OPENRICE等大獲好評下,我在一個上班日下午約2時多也有等半個鐘才可以入座。我不是對拉麵有太大喜好, 但突然想到在冬天下一邊捧著一大碗熱湯的拉麵來渴,一邊夾著爽口的麵條和溫暖的溫泉蛋來食又真是寒冬下的一大享受。相對於日本平均一碗拉麵要賣近1000YEN (約港幣100元),我點了一碗坊間少有的豚片白武骨拉麵也不用70元就覺得十分超值。白武骨拉麵就是用上豬骨湯作湯底，我覺得豬味重，口感適中，做到濃而不膩。麵質本身充滿彈性,吃落有口感,刻意較粗身的麵身可以沾上更多豬骨湯,食起上來更覺香滑。 豚片是其三種主菜之一, 也是最平的選擇。口感OKAY但味道本身好像不夠味道,下次還是試這裡較有名的叉燒。另外,每一款麵都有溫泉蛋配送，對於喜愛食半生蛋的我來說真是ichiban呀!!!這兒的服務十分不錯,其中一位應該是這店日籍店長很落力為每張枱作清潔和擺設餐具,另一位美少女服務員也用心和甜詌語調為客人下單。絕對令人覺得身在日本一樣, 值得一讚!!!!!!!!!!

留意到Openrice這星期一直位居榜首的新晉拉麵店如此厲害, 於是同好友襯聖誕假期到麵屋武藏食拉麵大餐。 店員貼心詢問我們要凍水或熱茶, 值得一讚, 之後還推介白武骨豚角拉麵是店內的招牌拉麵。 我們點了白武骨豚角拉麵, 黑武骨沾汁麵配叉燒及梅素麵蝦天婦羅小食一客。由於很少店舖有沾汁麵, 姑且抱着好奇的心態一試, 結果喜出望外, 黑武骨湯底蒜味香濃, 質地比較杰, 而麵條亦較粗身, 可掛多些湯, 口感煙韌有咬口, 是我喜歡的麵質! 而叉燒帶點肥肉, 很好吃呢!!至於白武骨豚角拉麵, 湯底豬骨味極濃厚, 不太油膩, 豚角肥肉分佈比瘦肉多, 厚度適中, 口感惹味! 值得一讚是碗中的溏心蛋, 超好味的說呢! 蛋黃仍處於半生熟的狀態, 又吃到鹵水的味道, 真不捨得一口把它吃掉! 而小食梅素麵蝦天婦羅, 用麵條捲着蝦身再炸, 口感卜卜脆, 款式亦相對特別! 是次晚餐不失所望, 一定會再惠顧。

爬文後知呢間原來係日本著名神級拉面, 當然要即刻吸引我來試下有幾利害店舖以日本武士 宮本武藏 為主題打造而成，宮本武藏係日本第一劍客, 生平未嘗一敗, 用得呢個名就要面對食客極高的期望環境以黑色為主調，完全配合武士的冷酷, 周圍都有浮世繪 , 很有特色的裝修 選擇基本上係白武骨、赤武骨、黑武骨 + 配料: 豚肉片, 豚角煮, 叉燒今次我簡赤武骨豚角煮, 即係地獄拉面配一舊厚切腩肉湯底: 我覺得係咸左d, 可以減20% salt , 而本身的 豬骨湯底味道層次豐富而且濃, 飲落又唔係太漿口 , 亦唔會有種味精湯的口渴 , 地獄湯底,雖然只是微辣, 但都有好香的辣椒味 如果辣度有得選擇就好了, 整體可以用鮮字形容配菜: 少少菠菜, 無咩味, 一大塊紫菜: 都係o甘 長蔥: 提升整體香味, 糖心蛋其他好多好一點的拉面都做得不錯, 呢間亦不例外, 很不錯, 吃落幾有蛋香面: 麵是粗身且曲,十分爽口彈牙,但蛋味只差一些

裝潢服務都係其次,口味最緊要。價位比博多差吾多但味道好好多。尤其膿度及油份岩岩好，肉既分量又適中，面條更加口感真一流。Side dish 皎孑更直得一試，ㄧd都吾肥"lei"