麺屋武蔵 (已結業)

睇咗CHing嘅食評諗住去試吓，等咗10分鐘左右就入得，入座時已聞到勁大陣煙味，唔知喺邊到吹嚟，個抽風系統應該做得好啲，咪搞到人胃口都冇晒　平時見到靚靚裝潢都會影番幾張相，環境雖靚，但臭味倒胃，完全唔想拎部機出嚟。講番拉麵，唔係話唔好食，但又唔係好食到想下次再嚟食過；湯底好多油浮面，飲完恐怕肥幾磅；啲拉麵的質感怪怪的，拉到好似公仔麵咁，當然可能係武藏自己本身啲風格，不過我哋真係接受唔到囉；唯一係個蝦天婦羅值得一讚，起碼食得出係新鮮蝦，而且粉漿夠薄。