麵麵 (已結業)

係雜誌睇到旺角有一間好有特色ge麵店，以魚麵作招徠，所以今日晩上，決定去試下。一入到去，場景以簡約佈置為主，都幾舒服。今晚，主要叫左個Twins魚之卷湯麵，及Fish Nachos on the Boat.Fish Nachos on the Boat,係以炸魚皮加芝士肉醬為主，上面再放上牛油果醬，有d像傳統墨西哥粟米片，但用上魚皮，所以好薄身及脆口，非常惹味，又有新意。之後就到Twins 魚之卷湯麵，小弟叫的是粗面，面質較煙韌，口感較軟，而魚湯就聽講用左紅衫魚為主ge魚類熬製已成。所以魚味好濃郁。好有魚ge鮮味。另外粗面ge掛湯效果亦一流，正！魚卷，係以腐皮包住魚肉，外層較脆，內層魚肉依然好有彈性，再點一點舖頭自製辣椒醬，非常好食！

跟朋友相約在旺角，今次試試以售賣魚麵為主的麵麵。從餐牌上可看到眾多拌麵/ 湯麵可供選擇。🍜湯底是熬製九小時的花膠豚過濃魚湯。我選了牛之戀，除了牛肉片外，還有三款牛丸，包括牛筋丸、粗牛肉丸及幼牛肉丸。魚麵有分幼魚麵及粗魚麵。幼身較爽口，粗身較彈牙，源於魚肉份量的多少。我那碗是粗麵，喜歡它的質感，是確挺彈牙。不得不提是配菜也很出色！糖番茄甜美又juicy，薯蓉香滑，加入了西蘭花，味道更佳！另外還點了一客避風瑭雞翼，炸得酥香，上面更灑上了炸蒜片，是不錯的小吃。

麵麵 (English name: Noodle Noodle) is a not your usual noodle shop. It serves noodles made from fish meat, served in a fish based broth. I  was curious. I love ordering fish noodles whenever it's available on the hotpot menu. So, when I heard this place had it, I wanted to give it at try.Located in Mong Kok in a building that houses other restaurants that oddly we've tried most of them. It's a spacious place with a nice clean decor.I waited for boyfriend to arrive for lunch but by the time he arri

首先，附送既前菜已經好岀色！有梅漬車厘茄、柚子雲耳、海菭薯蓉同一杯四季茶。車厘茄已去皮，脹卜卜咬落去爆汁好juicy，好好食！雲耳好爽脆，酸酸地好開胃！黑松露海蝦炒蛋濃魚湯麵($68)湯麵用上含70%魚肉的幼麵，比粗麵更彈牙。花膠豚骨濃魚湯以花膠豚骨熬上九小時而成，冇落味精，湯底呈奶白色，非常鮮甜，食完可當湯飲晒去！炒蛋唔算好滑，勝在黑松露味道濃郁，海蝦就比較淡味。不過個人認為魚湯麵同炒蛋唔太夾，下次打算試下魚之脆卷or雞扒🤤意式蕃茄海蝦蟹肉拌粗魚麵($88)拌麵用上含50%魚肉的粗麵，質感較實，賣相似烏東，較為飽肚。蕃茄味好濃，每條魚麵都掛上茄醬，但就蓋過了魚味。呢個比湯麵惹味得多，覺得湯麵太清淡可以叫手工拌麵阿！總括黎講，平靚正，性價比高！一定會encore ! .

餐廳主打魚肉含量50/70%既麵條，再加濃豚骨湯底。環境舒服，播住台灣流行曲。叫左西班牙煙燻黑毛豬濃魚湯麵($78)，魚之戀($65)。set dinner包3款前菜，飲品四季茶。湯底可以揀豚骨魚湯/魚香麻辣，2碗同樣叫左豚骨魚湯。湯底真係好濃，冇味精之餘，亦唔油，所以飲湯都無妨。而麵身可以揀幼/粗魚麵/米線，2款魚麵一入口，好似食緊手打魚蛋個款感覺，彈牙。幼魚麵比粗魚麵更有口感。一d都唔係平時澱粉質個款，總知非常驚喜，好鍾意尼款麵，第1次食麵有尼種口感，一定要叫魚麵，雖然餐廳有飯類食物。煙燻黑毛豬必叫，除左堆成一座山之外，每片都有厚度，而且一陣燻煙既香味。麵條出色，而餸菜亦高水準。魚之戀有6款用魚整既副製成品，包括魚皮餃，魚蛋，魚片頭，魚腐，魚肉春卷，墨魚春卷。魚蛋同樣彈牙，而春卷包得夠紥實。成碗麵都充滿魚既製成品，好享受。每個set都包埋小小既3款前菜，薯仔蓉，柚子雲耳，車厘茄。小菜既味道出奇好食，車厘茄甜甜地，薯仔蓉亦唔馬虎，食到有粒粒薯仔，口感十足，雲耳酸酸地，開胃唔錯。四季茶既味道比普通飲既茶清淡，有一種獨特既味道，侍應會不斷幫你refill，服務好好。整體，魚麵健康又係有營

無意中經過這間食魚麵嘅小店, 發現食物美味, 製作認真, 價錢合理而且裝修有心思 非常舒適稱心!點了1. 鴛鴦魚卷幼魚麵 配花膠魚湯 ($68)魚麵爽口彈牙 感覺健康輕盈 (比一般麵低澱粉含量)花膠魚湯好味 無味精魚卷似南記春卷 香口幾好食跟餐前菜好好味! 有糖醋車㢆茄, 涼拌木耳同薯仔沙津 送桂花烏龍茶(日日唔同) 十分清香潤喉2. 避風塘雞翼 ($32 4隻) 香口 唔太油調味正 惹味唔咸3. 炸魚皮 ($20)酥脆 唔會硬, 當小食share係唔錯嘅選擇整體食物都好好味, 好岩胃口. 特別欣賞佢製作非常認真, 小至前菜, 熱茶同辣醬都唔會hea. 佢個辣醬用魚去整, 似XO醬mix豆瓣醬. 惹味+香>辣大家去開旺角 唔想食太heavy太多味精, 不防一試麵麵!

早前在雜誌見到麵麵有匯豐信用咭優惠，今晚便和朋友一齊來試食推廣的二人餐。星期六晚六時半來到餐廳，只得三四枱客人，比較冷清，但心想既然來到，便抱著一試無防的心態，結果...1. Nachos on the boat: 小食拼盤二選一，我們揀了Nachos on the boat。魚皮非常香脆，焗芝士肉醬味道也不錯，不過放在魚皮上便令魚皮變腍，口感反而沒那麼好，綠色那團是牛油果醬，味道完全不夾，可說是畫蛇添足。主菜三選二，我們揀了:2. 芝士焗龍蝦伴龍蝦汁手工麵: 手工麵即魚蛋味的麵，味道不差，只是感覺上像一次過吃了很多魚蛋。醬汁很淡，完全吃不到龍蝦汁味。至於芝士焗龍蝦可說說我吃過最難食的龍蝦，龍蝦肉又乾又韌，應該是焗過了火。3. 龍蝦忌廉汁意大利麵: 意大利麵有忌廉的肥膩，味道卻淡如水。龍蝦質素同上，朋友都認為不好吃。4. 熱朱古力: 比較甜，不合我口味。5. 西式奶茶 (忘記影相): 朋友點的，普通。

母親大人喜歡吃麵，據食友情報，旺角最新開了一間以手工魚麵作主打的餐廳 - 「麵麵」。這日，出沒於旺角一帶，就帶了母親大人去朝聖。 餐廳裝潢一改傳統老派麵店的沉悶格局，換上清新時尚的C優閒afe格局，明顯搶攻年輕人市場！是日所見，客人的確以年輕人為主，且有不少一家大細在此用餐。 餐廳取名為「麵麵」，主打當然是自家打製的魚麵了，以及混入70%魚肉的爽口幼魚麵和混入50%魚肉的煙韌粗魚麵。傳統魚湯麵配料，大多數是丸類。在這兒，配料顛覆傳統框框，夠晒新穎創意且豐富，如西班牙煙燻黑毛豬、M7澳洲和牛、XO醬蟹肉、海膽等。 落單後，侍應送上一個夾著單據的水晶球夾子。 稍等片刻，我們的一粗一幼魚麵、飲品和小食旋即送上枱來。食物以套餐形式供應，用木盤盛載奉客，頗有精緻日式料理的影子，一反魚麵既定的老土形象。看，一桌不過是$255的消費，陣容何其鼎盛？﹗菜式何其吸引？﹗魚麵餐均奉送一杯四季花茶，我們再各自點了一壺自己喜歡的花茶，齊齊開心共Share﹗小妹的水果花茶$42/壺，味道不錯。然而，相對母親大人那一壺花茶而言，不免淪為次選了﹗ 母親大人的桂花啤梨肉花茶$38/壺，多了一分桂花獨有的清香之餘，梨的

放工喺旺角行咗陣見肚餓抬頭一望見到一間個名好得意又似好健康食魚麵嘅鋪頭，難得隱身小店繁忙時間都冇乜人排隊。坐低即刻叫左個魚之戀，有魚餃、魚蛋、魚片頭、魚肉春卷、墨魚春卷。好快就已經有得食，個魚面好有魚味但一啲都唔腥，啲餸全部都幾好食，值得一提，湯底非常濃味！值得encore！

經飲食雜誌見到麵館有二人套餐, 有龍蝦又有小食先一百蚊, 好似幾抵食。晚上八時到麵館, 店鋪人唔多好靜, 環境配上暗暗的鎢絲燈, 的確係一個幾好嘅食野氣氛。店員服務態度非常良好, 會主動講解各款菜式, 又會熱心詢問有咩幫到手, 唔該前多謝後, 令人覺得態度真誠有禮。我哋點咗精選二人套餐（$198）, 點咗nachos on the boat,  芝士焗龍蝦拌龍蝦汁手工麵, 芝士焗龍蝦配魚湯料理雪白魚麵同埋有兩杯野飲。首先講下nachos on the boat,  其實係一個炸魚皮配上肉醬同埋牛油果醬。佢肉醬味太濃, 完全蓋過咗魚皮同埋牛油果味, 亦都可能有太多肉醬, 令到魚皮變得唔太脆同太酸, 建議可以落少啲肉醬。兩款麵都有配半隻細龍蝦, 龍蝦肉就焗得有啲老, 搞到肉質硬, 芝士味唔太出。每個麵都有一碟配菜, 有剝咗皮甜甜地車厘茄, 酸醋木耳同埋薯蓉。龍蝦汁手工麵係幾好食, 個醬汁好厚好濃味好似忌廉汁, 麵條質地軟硬適中, 同正常麵嘅質地相似。加上爽脆嘅青椒紅椒, 口感味道整體黎講係幾好。魚湯料理雪白魚麵就比較特別, 個魚湯聞上黎就幾香, 有啲似細個呀媽煲個啲煎魚尾湯, 但佢個湯就淡

還有不足一個星期就開學了，即係話又要回復昔日忙碌的日子，趁還有幾天，一於把握時間，作最後衝刺。小鬼非常貼心，說要放半天假，陪我去行街睇戲，然後晚飯直落。在朗豪坊看完電影，打算到附近開餐。小鬼知我無飯癮，提議帶我去吃麵食。原來這個鬼靈精，一早就做足功課，搵到這間取名「麵麵」嘅魚麵專門店。餐廳位於彌敦道 726 號 1/F，店內地方頗大，闊落鬆動，裝潢甚具格調，用上淺木色牆身配白色餐檯，再以不同顏色的座椅做點綴，加上頂頭的圓拱形藍色鐵框作襯托，色調柔和舒服，完全沒一般麵店的老派形象，如果唔講，仲以為這裡是間 Café 添。打開餐牌，食物很簡單，以魚麵為主，有濃魚湯魚麵及手工拌魚麵，另外亦有小食、飲品，例如芝士奶蓋、手工梳打、花茶同鮮果乳酸沙冰、晚市套餐及精選二人餐等供應。既然一心為吃魚麵而來，就每樣各選一款，再加客小食齊齊分享。我選了西班牙煙燻黑毛豬濃魚湯麵，而小鬼就揀咗燒安格斯牛肉伴粗魚麵。店裡嘅小食，選擇都幾豐富，足足有成 9 款，揀了最多人推介嘅 Nachos On The Boat ($58)，原來這款小食是以墨西哥粟米片為藍本，不過廚師非常之有創意，將主角換成近期大熱的鮮炸魚皮，

環境：⭐️⭐️⭐️⭐️裝修很清新型格，地方算寛敞開揚，有落地大玻璃可觀賞街境，佈置亦有心思！但廁所位可以再執整一下！食物：⭐️⭐️⭐️⭐️主打魚肉麵，有粗麵（魚肉含量較少）及幼麵（魚肉含量較多）選擇，魚麵十分彈牙有囗感，湯底以花膠豚肉濃魚湯經九小時熬製而成，並附有三款精緻涼伴菜，午餐更附送餐飲，薄荷朱古力咖啡（拉埋花）👍👍都不用加錢！⭐️但份量對於一個男生來説略為不夠飽，以午市來說，價錢也略貴！服務：⭐️⭐️⭐️⭐️侍應服務態度熱誠有禮，落單上菜亦算快，但為做多幾輪生意，收餐速度亦很快！唔好打算食完可以坐係度慢慢歎咖啡呀！註：⭐️⭐️⭐️⭐️⭐️五星為最高分，⭐️一星為最低分。

四海魚蛋唧唧魚麵細細個成日聽到 不過真係未食過今次嚟到麵麵食魚麵呢度嘅原因有兩種：第一種係粗身啲嘅普通魚麵 呢款麵 魚肉比例少啲 朋友叫左呢款麵 試左少少 我覺得淋身左少少 朋友話麵質比較似四海魚麵🐠第二種叫雪白魚麵 好似魚肉同麵粉比例係7:3 比普通多魚肉成分 呢款食落真係好有驚喜 🤗 咬落去同食緊魚蛋非常相似 加上我叫左魚之戀有魚蛋 魚片頭 春卷等等魚肉製品 食落啖啖魚肉 非常之有滿足感 😋兩種麵價錢一樣 喜歡爽口彈牙口感嘅話 雪白魚麵 一定要試！👍湯底方面都有兩款 第一款亦係餐廳嘅另一賣點 就係花膠豬骨魚濃湯 聽到個名就覺得好農顏🤩 飲落我個人覺得還可以 可以再濃一少少 （所以我加左少少點魚蛋嘅辣油落d湯到 😛） 另一款係重口味d嘅麻辣湯底未有機會試 下次一定要試🤤

今天路過彌敦道，抬頭見到「魚麵餐廳」四字在一座商業大廈一樓的落地玻璃窗上。剛好又快到晚餐時間，於是便被這四個字吸引，不知不覺走進了此座商廈，按了電梯的1字樓，電梯門一打開便見到餐廳的裝修不錯，於是選了一個背靠窗的位置坐下。打開餐牌，發現除了魚麵還有其他種類的食物。我是為著魚麵而來的，於是點了晚市套餐頭項的魚麵餐，飲品選了加$15的特飲。飲品不消一會便到，賣相像一杯啤酒，但有一朵小玫瑰花在飲品內。喝了一口，味道不錯，淡淡的，也不會太甜。再等了沒多久，晚餐送來了，用木托盤盛著，賣相十分精緻。我點的是雪白魚麵，魚麵味道不過不失吧！叉燒很大片和份量不少，還附有前菜和四季茶。四季茶很好喝，茶味很香。吃飽喝飽後，見到餐廳沒有人等位，於是便坐著玩了一會兒手機。侍應十分貼心地為我添茶，還介紹今天的是什麼款式的茶，不過我只說了「唔該」，忘了是什麼茶😅。雖然感覺價錢有少許貴，但環境舒適，下次朋友聚會也會考慮再來。

食過午餐覺得魚麵口感幾特別 今晚帶朋友收工黎試下夜晚有2人餐揀，單人餐幾款都係龍蝦，就決定散叫，而且散叫都有跟杯四季茶叫左個牛之戀，有幾款牛類野食，餐牌都寫明哂有咩食，揀左煙靭個款魚麵👍🏻有埋3款前菜，個海苔薯蓉同柚子木耳好味😋，朋友就鐘意食梅漬車厘茄叫左麻辣湯底，算小辣，少少麻份量好足，一定飽，不啲牛食落普通，下次想試個魚之戀